| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
3. д̣̇удтуллаваажаасигкаабад̣̇аван̣н̣анаа
3. Duṭṭhullavācāsikkhāpadavaṇṇanā
285. д̇ад̇ияз асад̣̇д̇хаммабадисан̃н̃уд̇д̇анд̇и мзт̇унад̇хаммабадисам̣яуд̇д̇ам̣. б̣аалаад̇и субхаасид̇ад̣̇уб̣бхаасид̇ам̣ аж̇аананд̇ий , сураамад̣̇амад̇д̇ад̇ааяа уммад̇д̇агаад̣̇ибхаавзна жа аж̇аананд̇ийби зд̇т̇зва сан̇г̇аяхад̇и. на д̇аава сийсам̣ зд̇ийд̇и сан̇гхаад̣̇исзсабажжаяад̇д̇асан̇каад̇ам̣ мад̇т̇агам̣ баарибуури на ход̇и, маг̇г̇амзт̇унзхи агхадид̇ад̇д̇аа д̣̇уггадам̣ бана ход̇и зва.
285. Tatiye asaddhammapaṭisaññuttanti methunadhammapaṭisaṃyuttaṃ. Bālāti subhāsitadubbhāsitaṃ ajānantī , surāmadamattatāya ummattakādibhāvena ca ajānantīpi ettheva saṅgayhati. Na tāva sīsaṃ etīti saṅghādisesapaccayattasaṅkhātaṃ matthakaṃ pāripūri na hoti, maggamethunehi aghaṭitattā dukkaṭaṃ pana hoti eva.
абасаад̣̇зд̇ийд̇и абасаад̣̇агараважанам̣ гарод̇и. д̣̇осам̣ д̣̇зд̇ийд̇и д̣̇осам̣ бад̇идтаабзд̇и. д̇ийхийд̇и анимид̇д̇аасийд̇иаад̣̇ийнам̣ бад̣̇аанам̣ ад̣̇удтуллабхаавзнааби ад̇т̇аяож̇анаарахад̇д̇аа бассаавамаг̇г̇аад̣̇ибадисан̃н̃уд̇д̇ад̇аанияамо над̇т̇ийд̇и вуд̇д̇ам̣, д̇зхи бана адтахи бад̣̇зхи бариб̣б̣ааж̇игаавад̇т̇усмим̣ (баараа. 289) вияа т̇уллажжаяанд̇и взд̣̇ид̇аб̣б̣ам̣.
Apasādetīti apasādakaravacanaṃ karoti. Dosaṃ detīti dosaṃ patiṭṭhāpeti. Tīhīti animittāsītiādīnaṃ padānaṃ aduṭṭhullabhāvenāpi atthayojanārahattā passāvamaggādipaṭisaññuttatāniyamo natthīti vuttaṃ, tehi pana aṭṭhahi padehi paribbājikāvatthusmiṃ (pārā. 289) viya thullaccayanti veditabbaṃ.
гун̃жигабанаал̣имад̇д̇анд̇и гун̃жигаачид̣̇д̣̇амад̇д̇ам̣. сугкасод̇аад̇и д̣̇агасод̇асса сугкад̇ааяа лохид̇аван̣н̣авиг̇амо ход̇ийд̇и вуд̇д̇ам̣.
Kuñcikapanāḷimattanti kuñcikāchiddamattaṃ. Sukkhasotāti dakasotassa sukkhatāya lohitavaṇṇavigamo hotīti vuttaṃ.
суд̣̇д̇хаанийд̇и мзт̇унаад̣̇ибад̣̇зхи аяож̇ид̇ааниби. мзт̇унад̇хаммзна гхадид̇аанзваад̇и ид̣̇ам̣ убалагкан̣амад̇д̇ам̣, важжамаг̇г̇абассаавамаг̇г̇зхиби анимид̇д̇з ‘‘д̇ава важжамаг̇г̇о, бассаавамаг̇г̇о ваа ийд̣̇исо’’д̇иаад̣̇инаа гхадид̇зби аабад̇д̇игараанзва.
Suddhānīti methunādipadehi ayojitānipi. Methunadhammena ghaṭitānevāti idaṃ upalakkhaṇamattaṃ, vaccamaggapassāvamaggehipi animitte ‘‘tava vaccamaggo, passāvamaggo vā īdiso’’tiādinā ghaṭitepi āpattikarāneva.
286. г̇аругаабад̇д̇инд̇и бхигкунияаа уб̣бхаж̇аан̣уман̣д̣алигааяа баарааж̇игаабад̇д̇им̣ санд̇хааяа вад̣̇ад̇и.
286.Garukāpattinti bhikkhuniyā ubbhajāṇumaṇḍalikāya pārājikāpattiṃ sandhāya vadati.
287. хасанд̇о хасанд̇од̇и убалагкан̣амад̇д̇ам̣, ахасанд̇оби язна гзнажи аагаарзна ад̇д̇ано вибарин̣ад̇ажид̇д̇ад̇ам̣ ид̇т̇ияаа багаасзнд̇о вад̣̇ад̇и, аабад̇д̇иязва.
287.Hasanto hasantoti upalakkhaṇamattaṃ, ahasantopi yena kenaci ākārena attano vipariṇatacittataṃ itthiyā pakāsento vadati, āpattiyeva.
гааяажид̇д̇ад̇од̇и хад̇т̇амуд̣̇д̣̇ааяа обхаасзнд̇асса гааяажид̇д̇ад̇о самудтаад̇и.
Kāyacittatoti hatthamuddāya obhāsentassa kāyacittato samuṭṭhāti.
288. д̇асмаа д̣̇уггаданд̇и аббадивиж̇аананад̇о д̣̇уггадам̣, бадивиж̇аананз бана сад̇и т̇уллажжаяамзва бариб̣б̣ааж̇игаавад̇т̇усмим̣ (баараа. 289) вияа акзд̇д̇абад̣̇ад̇д̇аа. кзд̇д̇абад̣̇з хи бадивиж̇аананд̇ияаа сан̇гхаад̣̇исзсова сияаа мзт̇унад̇хаммаяаажанавад̇т̇уд̣̇ваяз (баараа. 289) вияа, д̇ам̣ бана вад̇т̇уд̣̇ваяам̣ мзт̇унаяаажанад̇о жад̇уд̇т̇асан̇гхаад̣̇исзсз вад̇д̇аб̣б̣амби д̣̇удтуллаваажассаад̣̇амад̇д̇зна бавад̇д̇ад̇д̇аа ид̇ха вуд̇д̇анд̇и взд̣̇ид̇аб̣б̣ам̣. звам̣ кзд̇д̇абад̣̇зна вад̣̇анд̇асса ид̇т̇ияаа аббадивиж̇аананд̇ияаа гим̣ ход̇ийд̇и? гин̃жааби аяам̣ наама аабад̇д̇ийд̇и баал̣иадтагат̇аасу на вуд̇д̇ам̣, ат̇а ко т̇уллажжаязнзвзд̇т̇а бхавид̇аб̣б̣ам̣ . д̇ат̇аа хи акзд̇д̇абад̣̇з аббадивиж̇аананд̇ияаа д̣̇уггадам̣, бадивиж̇аананд̇ияаа т̇уллажжаяам̣ вуд̇д̇ам̣. кзд̇д̇абад̣̇з бана бадивиж̇аананз сан̇гхаад̣̇исзсова вуд̇д̇о, аббадивиж̇аананз т̇уллажжаяамзва бхавид̇ум̣ яуд̇д̇ам̣, на д̣̇уггадам̣, акзд̇д̇абад̣̇ад̇о висзсаабхааваббасан̇г̇од̇и г̇ахзд̇аб̣б̣ам̣. яат̇аа жзд̇т̇а, звам̣ жад̇уд̇т̇асигкаабад̣̇зби акзд̇д̇абад̣̇з бадивиж̇аананд̇ияаа т̇уллажжаяам̣, аббадивиж̇аананд̇ияаа д̣̇уггадам̣, кзд̇д̇абад̣̇з бана аббадивиж̇аананд̇ияаа т̇уллажжаяанд̇и взд̣̇ид̇аб̣б̣ам̣. баал̣ияам̣ наваавуд̇анд̇и нававийд̇ам̣.
288.Tasmā dukkaṭanti appaṭivijānanato dukkaṭaṃ, paṭivijānane pana sati thullaccayameva paribbājikāvatthusmiṃ (pārā. 289) viya akhettapadattā. Khettapade hi paṭivijānantiyā saṅghādisesova siyā methunadhammayācanavatthudvaye (pārā. 289) viya, taṃ pana vatthudvayaṃ methunayācanato catutthasaṅghādisese vattabbampi duṭṭhullavācassādamattena pavattattā idha vuttanti veditabbaṃ. Evaṃ khettapadena vadantassa itthiyā appaṭivijānantiyā kiṃ hotīti? Kiñcāpi ayaṃ nāma āpattīti pāḷiaṭṭhakathāsu na vuttaṃ, atha kho thullaccayenevettha bhavitabbaṃ . Tathā hi akhettapade appaṭivijānantiyā dukkaṭaṃ, paṭivijānantiyā thullaccayaṃ vuttaṃ. Khettapade pana paṭivijānane saṅghādisesova vutto, appaṭivijānane thullaccayameva bhavituṃ yuttaṃ, na dukkaṭaṃ, akhettapadato visesābhāvappasaṅgoti gahetabbaṃ. Yathā cettha, evaṃ catutthasikkhāpadepi akhettapade paṭivijānantiyā thullaccayaṃ, appaṭivijānantiyā dukkaṭaṃ, khettapade pana appaṭivijānantiyā thullaccayanti veditabbaṃ. Pāḷiyaṃ navāvutanti navavītaṃ.
288. асад̣̇д̇хаммам̣ санд̇хааяаад̇и мзт̇унам̣ санд̇хааяа вуд̇д̇ам̣. д̇ан̃хи буд̇д̇асамуббад̇д̇ияаа б̣ийж̇анигкзбад̇о ваббабарияааяам̣ лабхад̇ийд̇и.
288.Asaddhammaṃ sandhāyāti methunaṃ sandhāya vuttaṃ. Tañhi puttasamuppattiyā bījanikkhepato vappapariyāyaṃ labhatīti.
сам̣сийд̣̇ад̇ийд̇и вахад̇и, сам̣сарийяад̇ийд̇и ваа ад̇т̇о. мануссид̇т̇ий, д̇ат̇аасан̃н̃ид̇аа, д̣̇удтуллаваажассаад̣̇арааг̇о, д̇зна обхаасанам̣, д̇ан̇кан̣авиж̇аанананд̇и имаанзд̇т̇а бан̃жа ан̇г̇аани.
Saṃsīdatīti vahati, saṃsarīyatīti vā attho. Manussitthī, tathāsaññitā, duṭṭhullavācassādarāgo, tena obhāsanaṃ, taṅkhaṇavijānananti imānettha pañca aṅgāni.
д̣̇удтуллаваажаасигкаабад̣̇аван̣н̣анаа нидтид̇аа.
Duṭṭhullavācāsikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̣̇удтуллаваажаасигкаабад̣̇ам̣ • 3. Duṭṭhullavācāsikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бад̣̇абхааж̇анийяаван̣н̣анаа • Padabhājanīyavaṇṇanā
