| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੩. ਦੁਟ੍ਠੁਲ੍ਲવਾਚਾਸਿਕ੍ਖਾਪਦવਣ੍ਣਨਾ
3. Duṭṭhullavācāsikkhāpadavaṇṇanā
੨੮੫. ਤਤਿਯੇ ਅਸਦ੍ਧਮ੍ਮਪਟਿਸਞ੍ਞੁਤ੍ਤਨ੍ਤਿ ਮੇਥੁਨਧਮ੍ਮਪਟਿਸਂਯੁਤ੍ਤਂ। ਬਾਲਾਤਿ ਸੁਭਾਸਿਤਦੁਬ੍ਭਾਸਿਤਂ ਅਜਾਨਨ੍ਤੀ , ਸੁਰਾਮਦਮਤ੍ਤਤਾਯ ਉਮ੍ਮਤ੍ਤਕਾਦਿਭਾવੇਨ ਚ ਅਜਾਨਨ੍ਤੀਪਿ ਏਤ੍ਥੇવ ਸਙ੍ਗਯ੍ਹਤਿ। ਨ ਤਾવ ਸੀਸਂ ਏਤੀਤਿ ਸਙ੍ਘਾਦਿਸੇਸਪਚ੍ਚਯਤ੍ਤਸਙ੍ਖਾਤਂ ਮਤ੍ਥਕਂ ਪਾਰਿਪੂਰਿ ਨ ਹੋਤਿ, ਮਗ੍ਗਮੇਥੁਨੇਹਿ ਅਘਟਿਤਤ੍ਤਾ ਦੁਕ੍ਕਟਂ ਪਨ ਹੋਤਿ ਏવ।
285. Tatiye asaddhammapaṭisaññuttanti methunadhammapaṭisaṃyuttaṃ. Bālāti subhāsitadubbhāsitaṃ ajānantī , surāmadamattatāya ummattakādibhāvena ca ajānantīpi ettheva saṅgayhati. Na tāva sīsaṃ etīti saṅghādisesapaccayattasaṅkhātaṃ matthakaṃ pāripūri na hoti, maggamethunehi aghaṭitattā dukkaṭaṃ pana hoti eva.
ਅਪਸਾਦੇਤੀਤਿ ਅਪਸਾਦਕਰવਚਨਂ ਕਰੋਤਿ। ਦੋਸਂ ਦੇਤੀਤਿ ਦੋਸਂ ਪਤਿਟ੍ਠਾਪੇਤਿ। ਤੀਹੀਤਿ ਅਨਿਮਿਤ੍ਤਾਸੀਤਿਆਦੀਨਂ ਪਦਾਨਂ ਅਦੁਟ੍ਠੁਲ੍ਲਭਾવੇਨਾਪਿ ਅਤ੍ਥਯੋਜਨਾਰਹਤ੍ਤਾ ਪਸ੍ਸਾવਮਗ੍ਗਾਦਿਪਟਿਸਞ੍ਞੁਤ੍ਤਤਾਨਿਯਮੋ ਨਤ੍ਥੀਤਿ વੁਤ੍ਤਂ, ਤੇਹਿ ਪਨ ਅਟ੍ਠਹਿ ਪਦੇਹਿ ਪਰਿਬ੍ਬਾਜਿਕਾવਤ੍ਥੁਸ੍ਮਿਂ (ਪਾਰਾ॰ ੨੮੯) વਿਯ ਥੁਲ੍ਲਚ੍ਚਯਨ੍ਤਿ વੇਦਿਤਬ੍ਬਂ।
Apasādetīti apasādakaravacanaṃ karoti. Dosaṃ detīti dosaṃ patiṭṭhāpeti. Tīhīti animittāsītiādīnaṃ padānaṃ aduṭṭhullabhāvenāpi atthayojanārahattā passāvamaggādipaṭisaññuttatāniyamo natthīti vuttaṃ, tehi pana aṭṭhahi padehi paribbājikāvatthusmiṃ (pārā. 289) viya thullaccayanti veditabbaṃ.
ਕੁਞ੍ਚਿਕਪਨਾਲ਼ਿਮਤ੍ਤਨ੍ਤਿ ਕੁਞ੍ਚਿਕਾਛਿਦ੍ਦਮਤ੍ਤਂ। ਸੁਕ੍ਖਸੋਤਾਤਿ ਦਕਸੋਤਸ੍ਸ ਸੁਕ੍ਖਤਾਯ ਲੋਹਿਤવਣ੍ਣવਿਗਮੋ ਹੋਤੀਤਿ વੁਤ੍ਤਂ।
Kuñcikapanāḷimattanti kuñcikāchiddamattaṃ. Sukkhasotāti dakasotassa sukkhatāya lohitavaṇṇavigamo hotīti vuttaṃ.
ਸੁਦ੍ਧਾਨੀਤਿ ਮੇਥੁਨਾਦਿਪਦੇਹਿ ਅਯੋਜਿਤਾਨਿਪਿ। ਮੇਥੁਨਧਮ੍ਮੇਨ ਘਟਿਤਾਨੇવਾਤਿ ਇਦਂ ਉਪਲਕ੍ਖਣਮਤ੍ਤਂ, વਚ੍ਚਮਗ੍ਗਪਸ੍ਸਾવਮਗ੍ਗੇਹਿਪਿ ਅਨਿਮਿਤ੍ਤੇ ‘‘ਤવ વਚ੍ਚਮਗ੍ਗੋ, ਪਸ੍ਸਾવਮਗ੍ਗੋ વਾ ਈਦਿਸੋ’’ਤਿਆਦਿਨਾ ਘਟਿਤੇਪਿ ਆਪਤ੍ਤਿਕਰਾਨੇવ।
Suddhānīti methunādipadehi ayojitānipi. Methunadhammena ghaṭitānevāti idaṃ upalakkhaṇamattaṃ, vaccamaggapassāvamaggehipi animitte ‘‘tava vaccamaggo, passāvamaggo vā īdiso’’tiādinā ghaṭitepi āpattikarāneva.
੨੮੬. ਗਰੁਕਾਪਤ੍ਤਿਨ੍ਤਿ ਭਿਕ੍ਖੁਨਿਯਾ ਉਬ੍ਭਜਾਣੁਮਣ੍ਡਲਿਕਾਯ ਪਾਰਾਜਿਕਾਪਤ੍ਤਿਂ ਸਨ੍ਧਾਯ વਦਤਿ।
286.Garukāpattinti bhikkhuniyā ubbhajāṇumaṇḍalikāya pārājikāpattiṃ sandhāya vadati.
੨੮੭. ਹਸਨ੍ਤੋ ਹਸਨ੍ਤੋਤਿ ਉਪਲਕ੍ਖਣਮਤ੍ਤਂ, ਅਹਸਨ੍ਤੋਪਿ ਯੇਨ ਕੇਨਚਿ ਆਕਾਰੇਨ ਅਤ੍ਤਨੋ વਿਪਰਿਣਤਚਿਤ੍ਤਤਂ ਇਤ੍ਥਿਯਾ ਪਕਾਸੇਨ੍ਤੋ વਦਤਿ, ਆਪਤ੍ਤਿਯੇવ।
287.Hasanto hasantoti upalakkhaṇamattaṃ, ahasantopi yena kenaci ākārena attano vipariṇatacittataṃ itthiyā pakāsento vadati, āpattiyeva.
ਕਾਯਚਿਤ੍ਤਤੋਤਿ ਹਤ੍ਥਮੁਦ੍ਦਾਯ ਓਭਾਸੇਨ੍ਤਸ੍ਸ ਕਾਯਚਿਤ੍ਤਤੋ ਸਮੁਟ੍ਠਾਤਿ।
Kāyacittatoti hatthamuddāya obhāsentassa kāyacittato samuṭṭhāti.
੨੮੮. ਤਸ੍ਮਾ ਦੁਕ੍ਕਟਨ੍ਤਿ ਅਪ੍ਪਟਿવਿਜਾਨਨਤੋ ਦੁਕ੍ਕਟਂ, ਪਟਿવਿਜਾਨਨੇ ਪਨ ਸਤਿ ਥੁਲ੍ਲਚ੍ਚਯਮੇવ ਪਰਿਬ੍ਬਾਜਿਕਾવਤ੍ਥੁਸ੍ਮਿਂ (ਪਾਰਾ॰ ੨੮੯) વਿਯ ਅਖੇਤ੍ਤਪਦਤ੍ਤਾ। ਖੇਤ੍ਤਪਦੇ ਹਿ ਪਟਿવਿਜਾਨਨ੍ਤਿਯਾ ਸਙ੍ਘਾਦਿਸੇਸੋવ ਸਿਯਾ ਮੇਥੁਨਧਮ੍ਮਯਾਚਨવਤ੍ਥੁਦ੍વਯੇ (ਪਾਰਾ॰ ੨੮੯) વਿਯ, ਤਂ ਪਨ વਤ੍ਥੁਦ੍વਯਂ ਮੇਥੁਨਯਾਚਨਤੋ ਚਤੁਤ੍ਥਸਙ੍ਘਾਦਿਸੇਸੇ વਤ੍ਤਬ੍ਬਮ੍ਪਿ ਦੁਟ੍ਠੁਲ੍ਲવਾਚਸ੍ਸਾਦਮਤ੍ਤੇਨ ਪવਤ੍ਤਤ੍ਤਾ ਇਧ વੁਤ੍ਤਨ੍ਤਿ વੇਦਿਤਬ੍ਬਂ। ਏવਂ ਖੇਤ੍ਤਪਦੇਨ વਦਨ੍ਤਸ੍ਸ ਇਤ੍ਥਿਯਾ ਅਪ੍ਪਟਿવਿਜਾਨਨ੍ਤਿਯਾ ਕਿਂ ਹੋਤੀਤਿ? ਕਿਞ੍ਚਾਪਿ ਅਯਂ ਨਾਮ ਆਪਤ੍ਤੀਤਿ ਪਾਲ਼ਿਅਟ੍ਠਕਥਾਸੁ ਨ વੁਤ੍ਤਂ, ਅਥ ਖੋ ਥੁਲ੍ਲਚ੍ਚਯੇਨੇવੇਤ੍ਥ ਭવਿਤਬ੍ਬਂ । ਤਥਾ ਹਿ ਅਖੇਤ੍ਤਪਦੇ ਅਪ੍ਪਟਿવਿਜਾਨਨ੍ਤਿਯਾ ਦੁਕ੍ਕਟਂ, ਪਟਿવਿਜਾਨਨ੍ਤਿਯਾ ਥੁਲ੍ਲਚ੍ਚਯਂ વੁਤ੍ਤਂ। ਖੇਤ੍ਤਪਦੇ ਪਨ ਪਟਿવਿਜਾਨਨੇ ਸਙ੍ਘਾਦਿਸੇਸੋવ વੁਤ੍ਤੋ, ਅਪ੍ਪਟਿવਿਜਾਨਨੇ ਥੁਲ੍ਲਚ੍ਚਯਮੇવ ਭવਿਤੁਂ ਯੁਤ੍ਤਂ, ਨ ਦੁਕ੍ਕਟਂ, ਅਖੇਤ੍ਤਪਦਤੋ વਿਸੇਸਾਭਾવਪ੍ਪਸਙ੍ਗੋਤਿ ਗਹੇਤਬ੍ਬਂ। ਯਥਾ ਚੇਤ੍ਥ, ਏવਂ ਚਤੁਤ੍ਥਸਿਕ੍ਖਾਪਦੇਪਿ ਅਖੇਤ੍ਤਪਦੇ ਪਟਿવਿਜਾਨਨ੍ਤਿਯਾ ਥੁਲ੍ਲਚ੍ਚਯਂ, ਅਪ੍ਪਟਿવਿਜਾਨਨ੍ਤਿਯਾ ਦੁਕ੍ਕਟਂ, ਖੇਤ੍ਤਪਦੇ ਪਨ ਅਪ੍ਪਟਿવਿਜਾਨਨ੍ਤਿਯਾ ਥੁਲ੍ਲਚ੍ਚਯਨ੍ਤਿ વੇਦਿਤਬ੍ਬਂ। ਪਾਲ਼ਿਯਂ ਨવਾવੁਤਨ੍ਤਿ ਨવવੀਤਂ।
288.Tasmā dukkaṭanti appaṭivijānanato dukkaṭaṃ, paṭivijānane pana sati thullaccayameva paribbājikāvatthusmiṃ (pārā. 289) viya akhettapadattā. Khettapade hi paṭivijānantiyā saṅghādisesova siyā methunadhammayācanavatthudvaye (pārā. 289) viya, taṃ pana vatthudvayaṃ methunayācanato catutthasaṅghādisese vattabbampi duṭṭhullavācassādamattena pavattattā idha vuttanti veditabbaṃ. Evaṃ khettapadena vadantassa itthiyā appaṭivijānantiyā kiṃ hotīti? Kiñcāpi ayaṃ nāma āpattīti pāḷiaṭṭhakathāsu na vuttaṃ, atha kho thullaccayenevettha bhavitabbaṃ . Tathā hi akhettapade appaṭivijānantiyā dukkaṭaṃ, paṭivijānantiyā thullaccayaṃ vuttaṃ. Khettapade pana paṭivijānane saṅghādisesova vutto, appaṭivijānane thullaccayameva bhavituṃ yuttaṃ, na dukkaṭaṃ, akhettapadato visesābhāvappasaṅgoti gahetabbaṃ. Yathā cettha, evaṃ catutthasikkhāpadepi akhettapade paṭivijānantiyā thullaccayaṃ, appaṭivijānantiyā dukkaṭaṃ, khettapade pana appaṭivijānantiyā thullaccayanti veditabbaṃ. Pāḷiyaṃ navāvutanti navavītaṃ.
੨੮੮. ਅਸਦ੍ਧਮ੍ਮਂ ਸਨ੍ਧਾਯਾਤਿ ਮੇਥੁਨਂ ਸਨ੍ਧਾਯ વੁਤ੍ਤਂ। ਤਞ੍ਹਿ ਪੁਤ੍ਤਸਮੁਪ੍ਪਤ੍ਤਿਯਾ ਬੀਜਨਿਕ੍ਖੇਪਤੋ વਪ੍ਪਪਰਿਯਾਯਂ ਲਭਤੀਤਿ।
288.Asaddhammaṃ sandhāyāti methunaṃ sandhāya vuttaṃ. Tañhi puttasamuppattiyā bījanikkhepato vappapariyāyaṃ labhatīti.
ਸਂਸੀਦਤੀਤਿ વਹਤਿ, ਸਂਸਰੀਯਤੀਤਿ વਾ ਅਤ੍ਥੋ। ਮਨੁਸ੍ਸਿਤ੍ਥੀ, ਤਥਾਸਞ੍ਞਿਤਾ, ਦੁਟ੍ਠੁਲ੍ਲવਾਚਸ੍ਸਾਦਰਾਗੋ, ਤੇਨ ਓਭਾਸਨਂ, ਤਙ੍ਖਣવਿਜਾਨਨਨ੍ਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ।
Saṃsīdatīti vahati, saṃsarīyatīti vā attho. Manussitthī, tathāsaññitā, duṭṭhullavācassādarāgo, tena obhāsanaṃ, taṅkhaṇavijānananti imānettha pañca aṅgāni.
ਦੁਟ੍ਠੁਲ੍ਲવਾਚਾਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Duṭṭhullavācāsikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੩. ਦੁਟ੍ਠੁਲ੍ਲવਾਚਾਸਿਕ੍ਖਾਪਦਂ • 3. Duṭṭhullavācāsikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੩. ਦੁਟ੍ਠੁਲ੍ਲવਾਚਾਸਿਕ੍ਖਾਪਦવਣ੍ਣਨਾ • 3. Duṭṭhullavācāsikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਦੁਟ੍ਠੁਲ੍ਲવਾਚਾਸਿਕ੍ਖਾਪਦવਣ੍ਣਨਾ • 3. Duṭṭhullavācāsikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਦਭਾਜਨੀਯવਣ੍ਣਨਾ • Padabhājanīyavaṇṇanā
