| Library / Tipiṭaka / তিপিটক • Tipiṭaka / ধম্মসঙ্গণীপাল়ি • Dhammasaṅgaṇīpāḷi |
দ্ৰাদস অকুসলানি
Dvādasa akusalāni
৩৬৫. কতমে ধম্মা অকুসলা? যস্মিং সমযে অকুসলং চিত্তং উপ্পন্নং হোতি সোমনস্সসহগতং দিট্ঠিগতসম্পযুত্তং রূপারম্মণং ৰা সদ্দারম্মণং ৰা গন্ধারম্মণং ৰা রসারম্মণং ৰা ফোট্ঠব্বারম্মণং ৰা ধম্মারম্মণং ৰা যং যং ৰা পনারব্ভ, তস্মিং সমযে ফস্সো হোতি, ৰেদনা হোতি, সঞ্ঞা হোতি, চেতনা হোতি, চিত্তং হোতি, ৰিতক্কো হোতি, ৰিচারো হোতি, পীতি হোতি, সুখং হোতি, চিত্তস্সেকগ্গতা হোতি, ৰীরিযিন্দ্রিযং হোতি, সমাধিন্দ্রিযং হোতি, মনিন্দ্রিযং হোতি, সোমনস্সিন্দ্রিযং হোতি, জীৰিতিন্দ্রিযং হোতি, মিচ্ছাদিট্ঠি হোতি, মিচ্ছাসঙ্কপ্পো হোতি, মিচ্ছাৰাযামো হোতি, মিচ্ছাসমাধি হোতি, ৰীরিযবলং হোতি, সমাধিবলং হোতি, অহিরিকবলং হোতি, অনোত্তপ্পবলং হোতি, লোভো হোতি, মোহো হোতি, অভিজ্ঝা হোতি, মিচ্ছাদিট্ঠি হোতি, অহিরিকং হোতি , অনোত্তপ্পং হোতি, সমথো হোতি, পগ্গাহো হোতি, অৰিক্খেপো হোতি ; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা।
365. Katame dhammā akusalā? Yasmiṃ samaye akusalaṃ cittaṃ uppannaṃ hoti somanassasahagataṃ diṭṭhigatasampayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha, tasmiṃ samaye phasso hoti, vedanā hoti, saññā hoti, cetanā hoti, cittaṃ hoti, vitakko hoti, vicāro hoti, pīti hoti, sukhaṃ hoti, cittassekaggatā hoti, vīriyindriyaṃ hoti, samādhindriyaṃ hoti, manindriyaṃ hoti, somanassindriyaṃ hoti, jīvitindriyaṃ hoti, micchādiṭṭhi hoti, micchāsaṅkappo hoti, micchāvāyāmo hoti, micchāsamādhi hoti, vīriyabalaṃ hoti, samādhibalaṃ hoti, ahirikabalaṃ hoti, anottappabalaṃ hoti, lobho hoti, moho hoti, abhijjhā hoti, micchādiṭṭhi hoti, ahirikaṃ hoti , anottappaṃ hoti, samatho hoti, paggāho hoti, avikkhepo hoti ; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā.
৩৬৬. কতমো তস্মিং সমযে ফস্সো হোতি? যো তস্মিং সমযে ফস্সো ফুসনা সংফুসনা সংফুসিতত্তং – অযং তস্মিং সমযে ফস্সো হোতি।
366. Katamo tasmiṃ samaye phasso hoti? Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phasso hoti.
৩৬৭. কতমা তস্মিং সমযে ৰেদনা হোতি? যং তস্মিং সমযে তজ্জামনোৰিঞ্ঞাণধাতুসম্ফস্সজং চেতসিকং সাতং চেতসিকং সুখং চেতোসম্ফস্সজং সাতং সুখং ৰেদযিতং চেতোসম্ফস্সজা সাতা সুখা ৰেদনা – অযং তস্মিং সমযে ৰেদনা হোতি।
367. Katamā tasmiṃ samaye vedanā hoti? Yaṃ tasmiṃ samaye tajjāmanoviññāṇadhātusamphassajaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ tasmiṃ samaye vedanā hoti.
৩৬৮. কতমা তস্মিং সমযে সঞ্ঞা হোতি? যা তস্মিং সমযে তজ্জামনোৰিঞ্ঞাণধাতুসম্ফস্সজা সঞ্ঞা সঞ্জাননা সঞ্জানিতত্তং – অযং তস্মিং সমযে সঞ্ঞা হোতি।
368. Katamā tasmiṃ samaye saññā hoti? Yā tasmiṃ samaye tajjāmanoviññāṇadhātusamphassajā saññā sañjānanā sañjānitattaṃ – ayaṃ tasmiṃ samaye saññā hoti.
৩৬৯. কতমা তস্মিং সমযে চেতনা হোতি? যা তস্মিং সমযে তজ্জামনোৰিঞ্ঞাণধাতুসম্ফস্সজা চেতনা সঞ্চেতনা চেতযিতত্তং – অযং তস্মিং সমযে চেতনা হোতি।
369. Katamā tasmiṃ samaye cetanā hoti? Yā tasmiṃ samaye tajjāmanoviññāṇadhātusamphassajā cetanā sañcetanā cetayitattaṃ – ayaṃ tasmiṃ samaye cetanā hoti.
৩৭০. কতমং তস্মিং সমযে চিত্তং হোতি? যং তস্মিং সমযে চিত্তং মনো মানসং হদযং পণ্ডরং মনো মনাযতনং মনিন্দ্রিযং ৰিঞ্ঞাণং ৰিঞ্ঞাণক্খন্ধো তজ্জামনোৰিঞ্ঞাণধাতু – ইদং তস্মিং সমযে চিত্তং হোতি।
370. Katamaṃ tasmiṃ samaye cittaṃ hoti? Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – idaṃ tasmiṃ samaye cittaṃ hoti.
৩৭১. কতমো তস্মিং সমযে ৰিতক্কো হোতি? যো তস্মিং সমযে তক্কো ৰিতক্কো সঙ্কপ্পো অপ্পনা ব্যপ্পনা চেতসো অভিনিরোপনা মিচ্ছাসঙ্কপ্পো – অযং তস্মিং সমযে ৰিতক্কো হোতি।
371. Katamo tasmiṃ samaye vitakko hoti? Yo tasmiṃ samaye takko vitakko saṅkappo appanā byappanā cetaso abhiniropanā micchāsaṅkappo – ayaṃ tasmiṃ samaye vitakko hoti.
৩৭২. কতমো তস্মিং সমযে ৰিচারো হোতি? যো তস্মিং সমযে চারো ৰিচারো অনুৰিচারো উপৰিচারো চিত্তস্স অনুসন্ধানতা অনুপেক্খনতা – অযং তস্মিং সমযে ৰিচারো হোতি।
372. Katamo tasmiṃ samaye vicāro hoti? Yo tasmiṃ samaye cāro vicāro anuvicāro upavicāro cittassa anusandhānatā anupekkhanatā – ayaṃ tasmiṃ samaye vicāro hoti.
৩৭৩. কতমা তস্মিং সমযে পীতি হোতি? যা তস্মিং সমযে পীতি পামোজ্জং আমোদনা পমোদনা হাসো পহাসো ৰিত্তি ওদগ্যং অত্তমনতা চিত্তস্স – অযং তস্মিং সমযে পীতি হোতি।
373. Katamā tasmiṃ samaye pīti hoti? Yā tasmiṃ samaye pīti pāmojjaṃ āmodanā pamodanā hāso pahāso vitti odagyaṃ attamanatā cittassa – ayaṃ tasmiṃ samaye pīti hoti.
৩৭৪. কতমং তস্মিং সমযে সুখং হোতি? যং তস্মিং সমযে চেতসিকং সাতং চেতসিকং সুখং চেতোসম্ফস্সজং সাতং সুখং ৰেদযিতং চেতোসম্ফস্সজা সাতা সুখা ৰেদনা – ইদং তস্মিং সমযে সুখং হোতি।
374. Katamaṃ tasmiṃ samaye sukhaṃ hoti? Yaṃ tasmiṃ samaye cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – idaṃ tasmiṃ samaye sukhaṃ hoti.
৩৭৫. কতমা তস্মিং সমযে চিত্তস্সেকগ্গতা হোতি? যা তস্মিং সমযে চিত্তস্স ঠিতি সণ্ঠিতি অৰট্ঠিতি অৰিসাহারো অৰিক্খেপো অৰিসাহটমানসতা সমথো সমাধিন্দ্রিযং সমাধিবলং মিচ্ছাসমাধি – অযং তস্মিং সমযে চিত্তস্সেকগ্গতা হোতি।
375. Katamā tasmiṃ samaye cittassekaggatā hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ micchāsamādhi – ayaṃ tasmiṃ samaye cittassekaggatā hoti.
৩৭৬. কতমং তস্মিং সমযে ৰীরিযিন্দ্রিযং হোতি? যো তস্মিং সমযে চেতসিকো ৰীরিযারম্ভো নিক্কমো পরক্কমো উয্যামো ৰাযামো উস্সাহো উস্সোল়্হী থামো ধিতি অসিথিলপরক্কমতা অনিক্খিত্তছন্দতা অনিক্খিত্তধুরতা ধুরসম্পগ্গাহো ৰীরিযং ৰীরিযিন্দ্রিযং ৰীরিযবলং মিচ্ছাৰাযামো – ইদং তস্মিং সমযে ৰীরিযিন্দ্রিযং হোতি।
376. Katamaṃ tasmiṃ samaye vīriyindriyaṃ hoti? Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ micchāvāyāmo – idaṃ tasmiṃ samaye vīriyindriyaṃ hoti.
৩৭৭. কতমং তস্মিং সমযে সমাধিন্দ্রিযং হোতি? যা তস্মিং সমযে চিত্তস্স ঠিতি সণ্ঠিতি অৰট্ঠিতি অৰিসাহারো অৰিক্খেপো অৰিসাহটমানসতা সমথো সমাধিন্দ্রিযং সমাধিবলং মিচ্ছাসমাধি – ইদং তস্মিং সমযে সমাধিন্দ্রিযং হোতি?
377. Katamaṃ tasmiṃ samaye samādhindriyaṃ hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ micchāsamādhi – idaṃ tasmiṃ samaye samādhindriyaṃ hoti?
৩৭৮. কতমং তস্মিং সমযে মনিন্দ্রিযং হোতি? যং তস্মিং সমযে চিত্তং মনো মানসং হদযং পণ্ডরং মনো মনাযতনং মনিন্দ্রিযং ৰিঞ্ঞাণং ৰিঞ্ঞাণক্খন্ধো তজ্জামনোৰিঞ্ঞাণধাতু – ইদং তস্মিং সমযে মনিন্দ্রিযং হোতি।
378. Katamaṃ tasmiṃ samaye manindriyaṃ hoti? Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – idaṃ tasmiṃ samaye manindriyaṃ hoti.
৩৭৯. কতমং তস্মিং সমযে সোমনস্সিন্দ্রিযং হোতি? যং তস্মিং সমযে চেতসিকং সাতং চেতসিকং সুখং চেতোসম্ফস্সজং সাতং সুখং ৰেদযিতং চেতোসম্ফস্সজা সাতা সুখা ৰেদনা – ইদং তস্মিং সমযে সোমনস্সিন্দ্রিযং হোতি।
379. Katamaṃ tasmiṃ samaye somanassindriyaṃ hoti? Yaṃ tasmiṃ samaye cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – idaṃ tasmiṃ samaye somanassindriyaṃ hoti.
৩৮০. কতমং তস্মিং সমযে জীৰিতিন্দ্রিযং হোতি? যো তেসং অরূপীনং ধম্মানং আযু ঠিতি যপনা যাপনা ইরিযনা ৰত্তনা পালনা জীৰিতং জীৰিতিন্দ্রিযং – ইদং তস্মিং সমযে জীৰিতিন্দ্রিযং হোতি।
380. Katamaṃ tasmiṃ samaye jīvitindriyaṃ hoti? Yo tesaṃ arūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ tasmiṃ samaye jīvitindriyaṃ hoti.
৩৮১. কতমা তস্মিং সমযে মিচ্ছাদিট্ঠি হোতি? যা তস্মিং সমযে দিট্ঠি দিট্ঠিগতং দিট্ঠিগহনং দিট্ঠিকন্তারো দিট্ঠিৰিসূকাযিকং দিট্ঠিৰিপ্ফন্দিতং দিট্ঠিসংযোজনং গাহো পতিট্ঠাহো 1 অভিনিৰেসো পরামাসো কুম্মগ্গো মিচ্ছাপথো মিচ্ছত্তং তিত্থাযতনং ৰিপরিযাসগ্গাহো 2 – অযং তস্মিং সমযে মিচ্ছাদিট্ঠি হোতি।
381. Katamā tasmiṃ samaye micchādiṭṭhi hoti? Yā tasmiṃ samaye diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho patiṭṭhāho 3 abhiniveso parāmāso kummaggo micchāpatho micchattaṃ titthāyatanaṃ vipariyāsaggāho 4 – ayaṃ tasmiṃ samaye micchādiṭṭhi hoti.
৩৮২. কতমো তস্মিং সমযে মিচ্ছাসঙ্কপ্পো হোতি? যো তস্মিং সমযে তক্কো ৰিতক্কো সঙ্কপ্পো অপ্পনা ব্যপ্পনা চেতসো অভিনিরোপনা মিচ্ছাসঙ্কপ্পো – অযং তস্মিং সমযে মিচ্ছাসঙ্কপ্পো হোতি।
382. Katamo tasmiṃ samaye micchāsaṅkappo hoti? Yo tasmiṃ samaye takko vitakko saṅkappo appanā byappanā cetaso abhiniropanā micchāsaṅkappo – ayaṃ tasmiṃ samaye micchāsaṅkappo hoti.
৩৮৩. কতমো তস্মিং সমযে মিচ্ছাৰাযামো হোতি? যো তস্মিং সমযে চেতসিকো ৰীরিযারম্ভো নিক্কমো পরক্কমো উয্যামো ৰাযামো উস্সাহো উস্সোল়্হী থামো ধিতি অসিথিলপরক্কমতা অনিক্খিত্তছন্দতা অনিক্খিত্তধুরতা ধুরসম্পগ্গাহো ৰীরিযং ৰীরিযিন্দ্রিযং ৰীরিযবলং মিচ্ছাৰাযামো – অযং তস্মিং সমযে মিচ্ছাৰাযামো হোতি।
383. Katamo tasmiṃ samaye micchāvāyāmo hoti? Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ micchāvāyāmo – ayaṃ tasmiṃ samaye micchāvāyāmo hoti.
৩৮৪. কতমো তস্মিং সমযে মিচ্ছাসমাধি হোতি? যা তস্মিং সমযে চিত্তস্স ঠিতি সণ্ঠিতি অৰট্ঠিতি অৰিসাহারো অৰিক্খেপো অৰিসাহটমানসতা সমথো সমাধিন্দ্রিযং সমাধিবলং মিচ্ছাসমাধি – অযং তস্মিং সমযে মিচ্ছাসমাধি হোতি।
384. Katamo tasmiṃ samaye micchāsamādhi hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ micchāsamādhi – ayaṃ tasmiṃ samaye micchāsamādhi hoti.
৩৮৫. কতমং তস্মিং সমযে ৰীরিযবলং হোতি? যো তস্মিং সমযে চেতসিকো ৰীরিযারম্ভো নিক্কমো পরক্কমো উয্যামো ৰাযামো উস্সাহো উস্সোল়্হী থামো ধিতি অসিথিলপরক্কমতা অনিক্খিত্তছন্দতা অনিক্খিত্তধুরতা ধুরসম্পগ্গাহো ৰীরিযং ৰীরিযিন্দ্রিযং ৰীরিযবলং মিচ্ছাৰাযামো – ইদং তস্মিং সমযে ৰীরিযবলং হোতি।
385. Katamaṃ tasmiṃ samaye vīriyabalaṃ hoti? Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ micchāvāyāmo – idaṃ tasmiṃ samaye vīriyabalaṃ hoti.
৩৮৬. কতমং তস্মিং সমযে সমাধিবলং হোতি? যা তস্মিং সমযে চিত্তস্স ঠিতি সণ্ঠিতি অৰট্ঠিতি অৰিসাহারো অৰিক্খেপো অৰিসাহটমানসতা সমথো সমাধিন্দ্রিযং সমাধিবলং মিচ্ছাসমাধি – ইদং তস্মিং সমযে সমাধিবলং হোতি।
386. Katamaṃ tasmiṃ samaye samādhibalaṃ hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ micchāsamādhi – idaṃ tasmiṃ samaye samādhibalaṃ hoti.
৩৮৭. কতমং তস্মিং সমযে অহিরিকবলং হোতি? যং তস্মিং সমযে ন হিরীযতি হিরিযিতব্বেন ন হিরীযতি পাপকানং অকুসলানং ধম্মানং সমাপত্তিযা – ইদং তস্মিং সমযে অহিরিকবলং হোতি।
387. Katamaṃ tasmiṃ samaye ahirikabalaṃ hoti? Yaṃ tasmiṃ samaye na hirīyati hiriyitabbena na hirīyati pāpakānaṃ akusalānaṃ dhammānaṃ samāpattiyā – idaṃ tasmiṃ samaye ahirikabalaṃ hoti.
৩৮৮. কতমং তস্মিং সমযে অনোত্তপ্পবলং হোতি? যং তস্মিং সমযে ন ওত্তপ্পতি ওত্তপ্পিতব্বেন ন ওত্তপ্পতি পাপকানং অকুসলানং ধম্মানং সমাপত্তিযা – ইদং তস্মিং সমযে অনোত্তপ্পবলং হোতি।
388. Katamaṃ tasmiṃ samaye anottappabalaṃ hoti? Yaṃ tasmiṃ samaye na ottappati ottappitabbena na ottappati pāpakānaṃ akusalānaṃ dhammānaṃ samāpattiyā – idaṃ tasmiṃ samaye anottappabalaṃ hoti.
৩৮৯. কতমো তস্মিং সমযে লোভো হোতি? যো তস্মিং সমযে লোভো লুব্ভনা লুব্ভিতত্তং সারাগো সারজ্জনা সারজ্জিতত্তং অভিজ্ঝা লোভো অকুসলমূলং – অযং তস্মিং সমযে লোভো হোতি।
389. Katamo tasmiṃ samaye lobho hoti? Yo tasmiṃ samaye lobho lubbhanā lubbhitattaṃ sārāgo sārajjanā sārajjitattaṃ abhijjhā lobho akusalamūlaṃ – ayaṃ tasmiṃ samaye lobho hoti.
৩৯০. কতমো তস্মিং সমযে মোহো হোতি? যং তস্মিং সমযে অঞ্ঞাণং অদস্সনং অনভিসমযো অননুবোধো অসম্বোধো অপ্পটিৰেধো অসংগাহনা অপরিযোগাহনা অসমপেক্খনা অপচ্চৰেক্খনা অপচ্চক্খকম্মং দুম্মেজ্ঝং বাল্যং অসম্পজঞ্ঞং মোহো পমোহো সম্মোহো অৰিজ্জা অৰিজ্জোঘো অৰিজ্জাযোগো অৰিজ্জানুসযো অৰিজ্জাপরিযুট্ঠানং অৰিজ্জালঙ্গী মোহো অকুসলমূলং – অযং তস্মিং সমযে মোহো হোতি।
390. Katamo tasmiṃ samaye moho hoti? Yaṃ tasmiṃ samaye aññāṇaṃ adassanaṃ anabhisamayo ananubodho asambodho appaṭivedho asaṃgāhanā apariyogāhanā asamapekkhanā apaccavekkhanā apaccakkhakammaṃ dummejjhaṃ bālyaṃ asampajaññaṃ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṃ avijjālaṅgī moho akusalamūlaṃ – ayaṃ tasmiṃ samaye moho hoti.
৩৯১. কতমা তস্মিং সমযে অভিজ্ঝা হোতি? যো তস্মিং সমযে লোভো লুব্ভনা লুব্ভিতত্তং সারাগো সারজ্জনা সারজ্জিতত্তং অভিজ্ঝা লোভো অকুসলমূলং – অযং তস্মিং সমযে অভিজ্ঝা হোতি।
391. Katamā tasmiṃ samaye abhijjhā hoti? Yo tasmiṃ samaye lobho lubbhanā lubbhitattaṃ sārāgo sārajjanā sārajjitattaṃ abhijjhā lobho akusalamūlaṃ – ayaṃ tasmiṃ samaye abhijjhā hoti.
৩৯২. কতমা তস্মিং সমযে মিচ্ছাদিট্ঠি হোতি? যা তস্মিং সমযে দিট্ঠি দিট্ঠিগতং দিট্ঠিগহনং দিট্ঠিকন্তারো দিট্ঠিৰিসূকাযিকং দিট্ঠিৰিপ্ফন্দিতং দিট্ঠিসংযোজনং গাহো পতিট্ঠাহো অভিনিৰেসো পরামাসো কুম্মগ্গো মিচ্ছাপথো মিচ্ছত্তং তিত্থাযতনং ৰিপরিযাসগ্গাহো – অযং তস্মিং সমযে মিচ্ছাদিট্ঠি হোতি।
392. Katamā tasmiṃ samaye micchādiṭṭhi hoti? Yā tasmiṃ samaye diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho patiṭṭhāho abhiniveso parāmāso kummaggo micchāpatho micchattaṃ titthāyatanaṃ vipariyāsaggāho – ayaṃ tasmiṃ samaye micchādiṭṭhi hoti.
৩৯৩. কতমং তস্মিং সমযে অহিরিকং হোতি? যং তস্মিং সমযে ন হিরীযতি হিরিযিতব্বেন ন হিরীযতি পাপকানং অকুসলানং ধম্মানং সমাপত্তিযা – ইদং তস্মিং সমযে অহিরিকং হোতি।
393. Katamaṃ tasmiṃ samaye ahirikaṃ hoti? Yaṃ tasmiṃ samaye na hirīyati hiriyitabbena na hirīyati pāpakānaṃ akusalānaṃ dhammānaṃ samāpattiyā – idaṃ tasmiṃ samaye ahirikaṃ hoti.
৩৯৪. কতমং তস্মিং সমযে অনোত্তপ্পং হোতি? যং তস্মিং সমযে ন ওত্তপ্পতি ওত্তপ্পিতব্বেন ন ওত্তপ্পতি পাপকানং অকুসলানং ধম্মানং সমাপত্তিযা – ইদং তস্মিং সমযে অনোত্তপ্পং হোতি।
394. Katamaṃ tasmiṃ samaye anottappaṃ hoti? Yaṃ tasmiṃ samaye na ottappati ottappitabbena na ottappati pāpakānaṃ akusalānaṃ dhammānaṃ samāpattiyā – idaṃ tasmiṃ samaye anottappaṃ hoti.
৩৯৫. কতমো তস্মিং সমযে সমথো হোতি? যা তস্মিং সমযে চিত্তস্স ঠিতি সণ্ঠিতি অৰট্ঠিতি অৰিসাহারো অৰিক্খেপো অৰিসাহটমানসতা সমথো সমাধিন্দ্রিযং সমাধিবলং মিচ্ছাসমাধি – অযং তস্মিং সমযে সমথো হোতি।
395. Katamo tasmiṃ samaye samatho hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ micchāsamādhi – ayaṃ tasmiṃ samaye samatho hoti.
৩৯৬. কতমো তস্মিং সমযে পগ্গাহো হোতি? যো তস্মিং সমযে চেতসিকো ৰীরিযারম্ভো নিক্কমো পরক্কমো উয্যামো ৰাযামো উস্সাহো উস্সোল়্হী থামো ধিতি অসিথিলপরক্কমতা অনিক্খিত্তছন্দতা অনিক্খিত্তধুরতা ধুরসম্পগ্গাহো ৰীরিযং ৰীরিযিন্দ্রিযং ৰীরিযবলং মিচ্ছাৰাযামো – অযং তস্মিং সমযে পগ্গাহো হোতি।
396. Katamo tasmiṃ samaye paggāho hoti? Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ micchāvāyāmo – ayaṃ tasmiṃ samaye paggāho hoti.
৩৯৭. কতমো তস্মিং সমযে অৰিক্খেপো হোতি? যা তস্মিং সমযে চিত্তস্স ঠিতি সণ্ঠিতি অৰট্ঠিতি অৰিসাহারো অৰিক্খেপো অৰিসাহটমানসতা সমথো সমাধিন্দ্রিযং সমাধিবলং মিচ্ছাসমাধি – অযং তস্মিং সমযে অৰিক্খেপো হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা।
397. Katamo tasmiṃ samaye avikkhepo hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ micchāsamādhi – ayaṃ tasmiṃ samaye avikkhepo hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā.
তস্মিং খো পন সমযে চত্তারো খন্ধা হোন্তি, দ্ৰাযতনানি হোন্তি, দ্ৰে ধাতুযো হোন্তি, তযো আহারা হোন্তি, পঞ্চিন্দ্রিযানি হোন্তি, পঞ্চঙ্গিকং ঝানং হোতি, চতুরঙ্গিকো মগ্গো হোতি, চত্তারি বলানি হোন্তি, দ্ৰে হেতূ হোন্তি, একো ফস্সো হোতি…পে॰… একং ধম্মাযতনং হোতি, একা ধম্মধাতু হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা…পে॰…।
Tasmiṃ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, pañcindriyāni honti, pañcaṅgikaṃ jhānaṃ hoti, caturaṅgiko maggo hoti, cattāri balāni honti, dve hetū honti, eko phasso hoti…pe… ekaṃ dhammāyatanaṃ hoti, ekā dhammadhātu hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā…pe….
৩৯৮. কতমো তস্মিং সমযে সঙ্খারক্খন্ধো হোতি? ফস্সো চেতনা ৰিতক্কো ৰিচারো পীতি চিত্তস্সেকগ্গতা ৰীরিযিন্দ্রিযং সমাধিন্দ্রিযং জীৰিতিন্দ্রিযং মিচ্ছাদিট্ঠি মিচ্ছাসঙ্কপ্পো মিচ্ছাৰাযামো মিচ্ছাসমাধি ৰীরিযবলং সমাধিবলং অহিরিকবলং অনোত্তপ্পবলং লোভো মোহো অভিজ্ঝা মিচ্ছাদিট্ঠি অহিরিকং অনোত্তপ্পং সমথো পগ্গাহো অৰিক্খেপো; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা ঠপেত্ৰা ৰেদনাক্খন্ধং ঠপেত্ৰা সঞ্ঞাক্খন্ধং ঠপেত্ৰা ৰিঞ্ঞাণক্খন্ধং – অযং তস্মিং সমযে সঙ্খারক্খন্ধো হোতি…পে॰… ইমে ধম্মা অকুসলা।
398. Katamo tasmiṃ samaye saṅkhārakkhandho hoti? Phasso cetanā vitakko vicāro pīti cittassekaggatā vīriyindriyaṃ samādhindriyaṃ jīvitindriyaṃ micchādiṭṭhi micchāsaṅkappo micchāvāyāmo micchāsamādhi vīriyabalaṃ samādhibalaṃ ahirikabalaṃ anottappabalaṃ lobho moho abhijjhā micchādiṭṭhi ahirikaṃ anottappaṃ samatho paggāho avikkhepo; ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti…pe… ime dhammā akusalā.
৩৯৯. কতমে ধম্মা অকুসলা? যস্মিং সমযে অকুসলং চিত্তং উপ্পন্নং হোতি সোমনস্সসহগতং দিট্ঠিগতসম্পযুত্তং সসঙ্খারেন রূপারম্মণং ৰা…পে॰… ধম্মারম্মণং ৰা যং যং ৰা পনারব্ভ, তস্মিং সমযে ফস্সো হোতি…পে॰… অৰিক্খেপো হোতি…পে॰… ইমে ধম্মা অকুসলা।
399. Katame dhammā akusalā? Yasmiṃ samaye akusalaṃ cittaṃ uppannaṃ hoti somanassasahagataṃ diṭṭhigatasampayuttaṃ sasaṅkhārena rūpārammaṇaṃ vā…pe… dhammārammaṇaṃ vā yaṃ yaṃ vā panārabbha, tasmiṃ samaye phasso hoti…pe… avikkhepo hoti…pe… ime dhammā akusalā.
৪০০. কতমে ধম্মা অকুসলা? যস্মিং সমযে অকুসলং চিত্তং উপ্পন্নং হোতি সোমনস্সসহগতং দিট্ঠিগতৰিপ্পযুত্তং রূপারম্মণং ৰা সদ্দারম্মণং ৰা গন্ধারম্মণং ৰা রসারম্মণং ৰা ফোট্ঠব্বারম্মণং ৰা ধম্মারম্মণং ৰা যং যং ৰা পনারব্ভ, তস্মিং সমযে ফস্সো হোতি, ৰেদনা হোতি, সঞ্ঞা হোতি, চেতনা হোতি, চিত্তং হোতি, ৰিতক্কো হোতি, ৰিচারো হোতি, পীতি হোতি, সুখং হোতি, চিত্তস্সেকগ্গতা হোতি, ৰীরিযিন্দ্রিযং হোতি, সমাধিন্দ্রিযং হোতি, মনিন্দ্রিযং হোতি, সোমনস্সিন্দ্রিযং হোতি, জীৰিতিন্দ্রিযং হোতি, মিচ্ছাসঙ্কপ্পো হোতি, মিচ্ছাৰাযামো হোতি, মিচ্ছাসমাধি হোতি, ৰীরিযবলং হোতি, সমাধিবলং হোতি, অহিরিকবলং হোতি, অনোত্তপ্পবলং হোতি, লোভো হোতি, মোহো হোতি, অভিজ্ঝা হোতি, অহিরিকং হোতি, অনোত্তপ্পং হোতি, সমথো হোতি, পগ্গাহো হোতি, অৰিক্খেপো হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা…পে॰…।
400. Katame dhammā akusalā? Yasmiṃ samaye akusalaṃ cittaṃ uppannaṃ hoti somanassasahagataṃ diṭṭhigatavippayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha, tasmiṃ samaye phasso hoti, vedanā hoti, saññā hoti, cetanā hoti, cittaṃ hoti, vitakko hoti, vicāro hoti, pīti hoti, sukhaṃ hoti, cittassekaggatā hoti, vīriyindriyaṃ hoti, samādhindriyaṃ hoti, manindriyaṃ hoti, somanassindriyaṃ hoti, jīvitindriyaṃ hoti, micchāsaṅkappo hoti, micchāvāyāmo hoti, micchāsamādhi hoti, vīriyabalaṃ hoti, samādhibalaṃ hoti, ahirikabalaṃ hoti, anottappabalaṃ hoti, lobho hoti, moho hoti, abhijjhā hoti, ahirikaṃ hoti, anottappaṃ hoti, samatho hoti, paggāho hoti, avikkhepo hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā…pe….
তস্মিং খো পন সমযে চত্তারো খন্ধা হোন্তি, দ্ৰাযতনানি হোন্তি , দ্ৰে ধাতুযো হোন্তি, তযো আহারা হোন্তি, পঞ্চিন্দ্রিযানি হোন্তি, পঞ্চঙ্গিকং ঝানং হোতি, তিৰঙ্গিকো মগ্গো হোতি, চত্তারি বলানি হোন্তি, দ্ৰে হেতূ হোন্তি, একো ফস্সো হোতি…পে॰… একং ধম্মাযতনং হোতি, একা ধম্মধাতু হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা…পে॰…।
Tasmiṃ kho pana samaye cattāro khandhā honti, dvāyatanāni honti , dve dhātuyo honti, tayo āhārā honti, pañcindriyāni honti, pañcaṅgikaṃ jhānaṃ hoti, tivaṅgiko maggo hoti, cattāri balāni honti, dve hetū honti, eko phasso hoti…pe… ekaṃ dhammāyatanaṃ hoti, ekā dhammadhātu hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā…pe….
৪০১. কতমো তস্মিং সমযে সঙ্খারক্খন্ধো হোতি? ফস্সো চেতনা ৰিতক্কো ৰিচারো পীতি চিত্তস্সেকগ্গতা ৰীরিযিন্দ্রিযং সমাধিন্দ্রিযং জীৰিতিন্দ্রিযং মিচ্ছাসঙ্কপ্পো মিচ্ছাৰাযামো মিচ্ছাসমাধি ৰীরিযবলং সমাধিবলং অহিরিকবলং অনোত্তপ্পবলং লোভো মোহো অভিজ্ঝা অহিরিকং অনোত্তপ্পং সমথো পগ্গাহো অৰিক্খেপো; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা ঠপেত্ৰা ৰেদনাক্খন্ধং ঠপেত্ৰা সঞ্ঞাক্খন্ধং ঠপেত্ৰা ৰিঞ্ঞাণক্খন্ধং – অযং তস্মিং সমযে সঙ্খারক্খন্ধো হোতি…পে॰… ইমে ধম্মা অকুসলা।
401. Katamo tasmiṃ samaye saṅkhārakkhandho hoti? Phasso cetanā vitakko vicāro pīti cittassekaggatā vīriyindriyaṃ samādhindriyaṃ jīvitindriyaṃ micchāsaṅkappo micchāvāyāmo micchāsamādhi vīriyabalaṃ samādhibalaṃ ahirikabalaṃ anottappabalaṃ lobho moho abhijjhā ahirikaṃ anottappaṃ samatho paggāho avikkhepo; ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti…pe… ime dhammā akusalā.
৪০২. কতমে ধম্মা অকুসলা? যস্মিং সমযে অকুসলং চিত্তং উপ্পন্নং হোতি সোমনস্সসহগতং দিট্ঠিগতৰিপ্পযুত্তং সসঙ্খারেন রূপারম্মণং ৰা…পে॰… ধম্মারম্মণং ৰা যং যং ৰা পনারব্ভ, তস্মিং সমযে ফস্সো হোতি…পে॰… অৰিক্খেপো হোতি…পে॰… ইমে ধম্মা অকুসলা।
402. Katame dhammā akusalā? Yasmiṃ samaye akusalaṃ cittaṃ uppannaṃ hoti somanassasahagataṃ diṭṭhigatavippayuttaṃ sasaṅkhārena rūpārammaṇaṃ vā…pe… dhammārammaṇaṃ vā yaṃ yaṃ vā panārabbha, tasmiṃ samaye phasso hoti…pe… avikkhepo hoti…pe… ime dhammā akusalā.
৪০৩. কতমে ধম্মা অকুসলা? যস্মিং সমযে অকুসলং চিত্তং উপ্পন্নং হোতি উপেক্খাসহগতং দিট্ঠিগতসম্পযুত্তং রূপারম্মণং ৰা সদ্দারম্মণং ৰা গন্ধারম্মণং ৰা রসারম্মণং ৰা ফোট্ঠব্বারম্মণং ৰা ধম্মারম্মণং ৰা যং যং ৰা পনারব্ভ, তস্মিং সমযে ফস্সো হোতি, ৰেদনা হোতি, সঞ্ঞা হোতি, চেতনা হোতি, চিত্তং হোতি, ৰিতক্কো হোতি, ৰিচারো হোতি, উপেক্খা হোতি, চিত্তস্সেকগ্গতা হোতি, ৰীরিযিন্দ্রিযং হোতি, সমাধিন্দ্রিযং হোতি, মনিন্দ্রিযং হোতি, উপেক্খিন্দ্রিযং হোতি, জীৰিতিন্দ্রিযং হোতি, মিচ্ছাদিট্ঠি হোতি, মিচ্ছাসঙ্কপ্পো হোতি, মিচ্ছাৰাযামো হোতি, মিচ্ছাসমাধি হোতি, ৰীরিযবলং হোতি, সমাধিবলং হোতি, অহিরিকবলং হোতি, অনোত্তপ্পবলং হোতি, লোভো হোতি, মোহো হোতি, অভিজ্ঝা হোতি, মিচ্ছাদিট্ঠি হোতি, অহিরিকং হোতি, অনোত্তপ্পং হোতি, সমথো হোতি, পগ্গাহো হোতি, অৰিক্খেপো হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা।
403. Katame dhammā akusalā? Yasmiṃ samaye akusalaṃ cittaṃ uppannaṃ hoti upekkhāsahagataṃ diṭṭhigatasampayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha, tasmiṃ samaye phasso hoti, vedanā hoti, saññā hoti, cetanā hoti, cittaṃ hoti, vitakko hoti, vicāro hoti, upekkhā hoti, cittassekaggatā hoti, vīriyindriyaṃ hoti, samādhindriyaṃ hoti, manindriyaṃ hoti, upekkhindriyaṃ hoti, jīvitindriyaṃ hoti, micchādiṭṭhi hoti, micchāsaṅkappo hoti, micchāvāyāmo hoti, micchāsamādhi hoti, vīriyabalaṃ hoti, samādhibalaṃ hoti, ahirikabalaṃ hoti, anottappabalaṃ hoti, lobho hoti, moho hoti, abhijjhā hoti, micchādiṭṭhi hoti, ahirikaṃ hoti, anottappaṃ hoti, samatho hoti, paggāho hoti, avikkhepo hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā.
৪০৪. কতমো তস্মিং সমযে ফস্সো হোতি? যো তস্মিং সমযে ফস্সো ফুসনা সংফুসনা সংফুসিতত্তং – অযং তস্মিং সমযে ফস্সো হোতি।
404. Katamo tasmiṃ samaye phasso hoti? Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phasso hoti.
৪০৫. কতমা তস্মিং সমযে ৰেদনা হোতি? যং তস্মিং সমযে তজ্জামনোৰিঞ্ঞাণধাতুসম্ফস্সজং চেতসিকং নেৰ সাতং নাসাতং চেতোসম্ফস্সজং অদুক্খমসুখং ৰেদযিতং চেতোসম্ফস্সজা অদুক্খমসুখা ৰেদনা – অযং তস্মিং সমযে ৰেদনা হোতি…পে॰…।
405. Katamā tasmiṃ samaye vedanā hoti? Yaṃ tasmiṃ samaye tajjāmanoviññāṇadhātusamphassajaṃ cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – ayaṃ tasmiṃ samaye vedanā hoti…pe….
৪০৬. কতমা তস্মিং সমযে উপেক্খা হোতি? যং তস্মিং সমযে চেতসিকং নেৰ সাতং নাসাতং চেতোসম্ফস্সজং অদুক্খমসুখং ৰেদযিতং চেতোসম্ফস্সজা অদুক্খমসুখা ৰেদনা – অযং তস্মিং সমযে উপেক্খা হোতি…পে॰…।
406. Katamā tasmiṃ samaye upekkhā hoti? Yaṃ tasmiṃ samaye cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – ayaṃ tasmiṃ samaye upekkhā hoti…pe….
৪০৭. কতমং তস্মিং সমযে উপেক্খিন্দ্রিযং হোতি? যং তস্মিং সমযে চেতসিকং নেৰ সাতং নাসাতং চেতোসম্ফস্সজং অদুক্খমসুখং ৰেদযিতং চেতোসম্ফস্সজা অদুক্খমসুখা ৰেদনা – ইদং তস্মিং সমযে উপেক্খিন্দ্রিযং হোতি…পে॰… যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা।
407. Katamaṃ tasmiṃ samaye upekkhindriyaṃ hoti? Yaṃ tasmiṃ samaye cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – idaṃ tasmiṃ samaye upekkhindriyaṃ hoti…pe… ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā.
তস্মিং খো পন সমযে চত্তারো খন্ধা হোন্তি, দ্ৰাযতনানি হোন্তি, দ্ৰে ধাতুযো হোন্তি, তযো আহারা হোন্তি, পঞ্চিন্দ্রিযানি হোন্তি, চতুরঙ্গিকং ঝানং হোতি, চতুরঙ্গিকো মগ্গো হোতি, চত্তারি বলানি হোন্তি, দ্ৰে হেতূ হোন্তি, একো ফস্সো হোতি…পে॰… একং ধম্মাযতনং হোতি, একা ধম্মধাতু হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা…পে॰…।
Tasmiṃ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, pañcindriyāni honti, caturaṅgikaṃ jhānaṃ hoti, caturaṅgiko maggo hoti, cattāri balāni honti, dve hetū honti, eko phasso hoti…pe… ekaṃ dhammāyatanaṃ hoti, ekā dhammadhātu hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā…pe….
৪০৮. কতমো তস্মিং সমযে সঙ্খারক্খন্ধো হোতি? ফস্সো চেতনা ৰিতক্কো ৰিচারো চিত্তস্সেকগ্গতা ৰীরিযিন্দ্রিযং সমাধিন্দ্রিযং জীৰিতিন্দ্রিযং মিচ্ছাদিট্ঠি মিচ্ছাসঙ্কপ্পো মিচ্ছাৰাযামো মিচ্ছাসমাধি ৰীরিযবলং সমাধিবলং অহিরিকবলং অনোত্তপ্পবলং লোভো মোহো অভিজ্ঝা মিচ্ছাদিট্ঠি অহিরিকং অনোত্তপ্পং সমথো পগ্গাহো অৰিক্খেপো; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা ঠপেত্ৰা ৰেদনাক্খন্ধং ঠপেত্ৰা সঞ্ঞাক্খন্ধং ঠপেত্ৰা ৰিঞ্ঞাণক্খন্ধং – অযং তস্মিং সমযে সঙ্খারক্খন্ধো হোতি…পে॰… ইমে ধম্মা অকুসলা।
408. Katamo tasmiṃ samaye saṅkhārakkhandho hoti? Phasso cetanā vitakko vicāro cittassekaggatā vīriyindriyaṃ samādhindriyaṃ jīvitindriyaṃ micchādiṭṭhi micchāsaṅkappo micchāvāyāmo micchāsamādhi vīriyabalaṃ samādhibalaṃ ahirikabalaṃ anottappabalaṃ lobho moho abhijjhā micchādiṭṭhi ahirikaṃ anottappaṃ samatho paggāho avikkhepo; ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti…pe… ime dhammā akusalā.
৪০৯. কতমে ধম্মা অকুসলা? যস্মিং সমযে অকুসলং চিত্তং উপ্পন্নং হোতি উপেক্খাসহগতং দিট্ঠিগতসম্পযুত্তং সসঙ্খারেন রূপারম্মণং ৰা…পে॰… ধম্মারম্মণং ৰা যং যং ৰা পনারব্ভ, তস্মিং সমযে ফস্সো হোতি…পে॰… অৰিক্খেপো হোতি…পে॰… ইমে ধম্মা অকুসলা।
409. Katame dhammā akusalā? Yasmiṃ samaye akusalaṃ cittaṃ uppannaṃ hoti upekkhāsahagataṃ diṭṭhigatasampayuttaṃ sasaṅkhārena rūpārammaṇaṃ vā…pe… dhammārammaṇaṃ vā yaṃ yaṃ vā panārabbha, tasmiṃ samaye phasso hoti…pe… avikkhepo hoti…pe… ime dhammā akusalā.
৪১০. কতমে ধম্মা অকুসলা? যস্মিং সমযে অকুসলং চিত্তং উপ্পন্নং হোতি উপেক্খাসহগতং দিট্ঠিগতৰিপ্পযুত্তং রূপারম্মণং ৰা সদ্দারম্মণং ৰা গন্ধারম্মণং ৰা রসারম্মণং ৰা ফোট্ঠব্বারম্মণং ৰা ধম্মারম্মণং ৰা যং যং ৰা পনারব্ভ, তস্মিং সমযে ফস্সো হোতি, ৰেদনা হোতি, সঞ্ঞা হোতি, চেতনা হোতি, চিত্তং হোতি, ৰিতক্কো হোতি, ৰিচারো হোতি, উপেক্খা হোতি, চিত্তস্সেকগ্গতা হোতি, ৰীরিযিন্দ্রিযং হোতি, সমাধিন্দ্রিযং হোতি, মনিন্দ্রিযং হোতি, উপেক্খিন্দ্রিযং হোতি , জীৰিতিন্দ্রিযং হোতি, মিচ্ছাসঙ্কপ্পো হোতি, মিচ্ছাৰাযামো হোতি, মিচ্ছাসমাধি হোতি, ৰীরিযবলং হোতি, সমাধিবলং হোতি, অহিরিকবলং হোতি, অনোত্তপ্পবলং হোতি, লোভো হোতি, মোহো হোতি, অভিজ্ঝা হোতি, অহিরিকং হোতি, অনোত্তপ্পং হোতি, সমথো হোতি, পগ্গাহো হোতি, অৰিক্খেপো হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা…পে॰…।
410. Katame dhammā akusalā? Yasmiṃ samaye akusalaṃ cittaṃ uppannaṃ hoti upekkhāsahagataṃ diṭṭhigatavippayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha, tasmiṃ samaye phasso hoti, vedanā hoti, saññā hoti, cetanā hoti, cittaṃ hoti, vitakko hoti, vicāro hoti, upekkhā hoti, cittassekaggatā hoti, vīriyindriyaṃ hoti, samādhindriyaṃ hoti, manindriyaṃ hoti, upekkhindriyaṃ hoti , jīvitindriyaṃ hoti, micchāsaṅkappo hoti, micchāvāyāmo hoti, micchāsamādhi hoti, vīriyabalaṃ hoti, samādhibalaṃ hoti, ahirikabalaṃ hoti, anottappabalaṃ hoti, lobho hoti, moho hoti, abhijjhā hoti, ahirikaṃ hoti, anottappaṃ hoti, samatho hoti, paggāho hoti, avikkhepo hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā…pe….
তস্মিং খো পন সমযে চত্তারো খন্ধা হোন্তি, দ্ৰাযতনানি হোন্তি , দ্ৰে ধাতুযো হোন্তি, তযো আহারা হোন্তি, পঞ্চিন্দ্রিযানি হোন্তি, চতুরঙ্গিকং ঝানং হোতি, তিৰঙ্গিকো মগ্গো হোতি, চত্তারি বলানি হোন্তি, দ্ৰে হেতূ হোন্তি, একো ফস্সো হোতি…পে॰… একং ধম্মাযতনং হোতি, একা ধম্মধাতু হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা…পে॰…।
Tasmiṃ kho pana samaye cattāro khandhā honti, dvāyatanāni honti , dve dhātuyo honti, tayo āhārā honti, pañcindriyāni honti, caturaṅgikaṃ jhānaṃ hoti, tivaṅgiko maggo hoti, cattāri balāni honti, dve hetū honti, eko phasso hoti…pe… ekaṃ dhammāyatanaṃ hoti, ekā dhammadhātu hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā…pe….
৪১১. কতমো তস্মিং সমযে সঙ্খারক্খন্ধো হোতি? ফস্সো চেতনা ৰিতক্কো ৰিচারো চিত্তস্সেকগ্গতা ৰীরিযিন্দ্রিযং সমাধিন্দ্রিযং জীৰিতিন্দ্রিযং মিচ্ছাসঙ্কপ্পো মিচ্ছাৰাযামো মিচ্ছাসমাধি ৰীরিযবলং সমাধিবলং অহিরিকবলং অনোত্তপ্পবলং লোভো মোহো অভিজ্ঝা অহিরিকং অনোত্তপ্পং সমথো পগ্গাহো অৰিক্খেপো; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা ঠপেত্ৰা ৰেদনাক্খন্ধং ঠপেত্ৰা সঞ্ঞাক্খন্ধং ঠপেত্ৰা ৰিঞ্ঞাণক্খন্ধং – অযং তস্মিং সমযে সঙ্খারক্খন্ধো হোতি…পে॰… ইমে ধম্মা অকুসলা।
411. Katamo tasmiṃ samaye saṅkhārakkhandho hoti? Phasso cetanā vitakko vicāro cittassekaggatā vīriyindriyaṃ samādhindriyaṃ jīvitindriyaṃ micchāsaṅkappo micchāvāyāmo micchāsamādhi vīriyabalaṃ samādhibalaṃ ahirikabalaṃ anottappabalaṃ lobho moho abhijjhā ahirikaṃ anottappaṃ samatho paggāho avikkhepo; ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti…pe… ime dhammā akusalā.
৪১২. কতমে ধম্মা অকুসলা? যস্মিং সমযে অকুসলং চিত্তং উপ্পন্নং হোতি উপেক্খাসহগতং দিট্ঠিগতৰিপ্পযুত্তং সসঙ্খারেন রূপারম্মণং ৰা…পে॰… ধম্মারম্মণং ৰা যং যং ৰা পনারব্ভ, তস্মিং সমযে ফস্সো হোতি…পে॰… অৰিক্খেপো হোতি…পে॰… ইমে ধম্মা অকুসলা।
412. Katame dhammā akusalā? Yasmiṃ samaye akusalaṃ cittaṃ uppannaṃ hoti upekkhāsahagataṃ diṭṭhigatavippayuttaṃ sasaṅkhārena rūpārammaṇaṃ vā…pe… dhammārammaṇaṃ vā yaṃ yaṃ vā panārabbha, tasmiṃ samaye phasso hoti…pe… avikkhepo hoti…pe… ime dhammā akusalā.
৪১৩. কতমে ধম্মা অকুসলা? যস্মিং সমযে অকুসলং চিত্তং উপ্পন্নং হোতি দোমনস্সসহগতং পটিঘসম্পযুত্তং রূপারম্মণং ৰা সদ্দারম্মণং ৰা গন্ধারম্মণং ৰা রসারম্মণং ৰা ফোট্ঠব্বারম্মণং ৰা ধম্মারম্মণং ৰা যং যং ৰা পনারব্ভ, তস্মিং সমযে ফস্সো হোতি, ৰেদনা হোতি, সঞ্ঞা হোতি, চেতনা হোতি, চিত্তং হোতি, ৰিতক্কো হোতি, ৰিচারো হোতি, দুক্খং হোতি, চিত্তস্সেকগ্গতা হোতি, ৰীরিযিন্দ্রিযং হোতি, সমাধিন্দ্রিযং হোতি, মনিন্দ্রিযং হোতি, দোমনস্সিন্দ্রিযং হোতি, জীৰিতিন্দ্রিযং হোতি, মিচ্ছাসঙ্কপ্পো হোতি, মিচ্ছাৰাযামো হোতি, মিচ্ছাসমাধি হোতি, ৰীরিযবলং হোতি, সমাধিবলং হোতি, অহিরিকবলং হোতি, অনোত্তপ্পবলং হোতি, দোসো হোতি, মোহো হোতি, ব্যাপাদো হোতি, অহিরিকং হোতি, অনোত্তপ্পং হোতি, সমথো হোতি, পগ্গাহো হোতি, অৰিক্খেপো হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা।
413. Katame dhammā akusalā? Yasmiṃ samaye akusalaṃ cittaṃ uppannaṃ hoti domanassasahagataṃ paṭighasampayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha, tasmiṃ samaye phasso hoti, vedanā hoti, saññā hoti, cetanā hoti, cittaṃ hoti, vitakko hoti, vicāro hoti, dukkhaṃ hoti, cittassekaggatā hoti, vīriyindriyaṃ hoti, samādhindriyaṃ hoti, manindriyaṃ hoti, domanassindriyaṃ hoti, jīvitindriyaṃ hoti, micchāsaṅkappo hoti, micchāvāyāmo hoti, micchāsamādhi hoti, vīriyabalaṃ hoti, samādhibalaṃ hoti, ahirikabalaṃ hoti, anottappabalaṃ hoti, doso hoti, moho hoti, byāpādo hoti, ahirikaṃ hoti, anottappaṃ hoti, samatho hoti, paggāho hoti, avikkhepo hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā.
৪১৪. কতমো তস্মিং সমযে ফস্সো হোতি? যো তস্মিং সমযে ফস্সো ফুসনা সংফুসনা সংফুসিতত্তং – অযং তস্মিং সমযে ফস্সো হোতি।
414. Katamo tasmiṃ samaye phasso hoti? Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phasso hoti.
৪১৫. কতমা তস্মিং সমযে ৰেদনা হোতি? যং তস্মিং সমযে তজ্জামনোৰিঞ্ঞাণধাতুসম্ফস্সজং চেতসিকং অসাতং চেতসিকং দুক্খং চেতোসম্ফস্সজং অসাতং দুক্খং ৰেদযিতং চেতোসম্ফস্সজা অসাতা দুক্খা ৰেদনা – অযং তস্মিং সমযে ৰেদনা হোতি…পে॰…।
415. Katamā tasmiṃ samaye vedanā hoti? Yaṃ tasmiṃ samaye tajjāmanoviññāṇadhātusamphassajaṃ cetasikaṃ asātaṃ cetasikaṃ dukkhaṃ cetosamphassajaṃ asātaṃ dukkhaṃ vedayitaṃ cetosamphassajā asātā dukkhā vedanā – ayaṃ tasmiṃ samaye vedanā hoti…pe….
৪১৬. কতমং তস্মিং সমযে দুক্খং হোতি? যং তস্মিং সমযে চেতসিকং অসাতং চেতসিকং দুক্খং চেতোসম্ফস্সজং অসাতং দুক্খং ৰেদযিতং চেতোসম্ফস্সজা অসাতা দুক্খা ৰেদনা – ইদং তস্মিং সমযে দুক্খং হোতি…পে॰…।
416. Katamaṃ tasmiṃ samaye dukkhaṃ hoti? Yaṃ tasmiṃ samaye cetasikaṃ asātaṃ cetasikaṃ dukkhaṃ cetosamphassajaṃ asātaṃ dukkhaṃ vedayitaṃ cetosamphassajā asātā dukkhā vedanā – idaṃ tasmiṃ samaye dukkhaṃ hoti…pe….
৪১৭. কতমং তস্মিং সমযে দোমনস্সিন্দ্রিযং হোতি? যং তস্মিং সমযে চেতসিকং অসাতং চেতসিকং দুক্খং চেতোসম্ফস্সজং অসাতং দুক্খং ৰেদযিতং চেতোসম্ফস্সজা অসাতা দুক্খা ৰেদনা – ইদং তস্মিং সমযে দোমনস্সিন্দ্রিযং হোতি…পে॰…।
417. Katamaṃ tasmiṃ samaye domanassindriyaṃ hoti? Yaṃ tasmiṃ samaye cetasikaṃ asātaṃ cetasikaṃ dukkhaṃ cetosamphassajaṃ asātaṃ dukkhaṃ vedayitaṃ cetosamphassajā asātā dukkhā vedanā – idaṃ tasmiṃ samaye domanassindriyaṃ hoti…pe….
৪১৮. কতমো তস্মিং সমযে দোসো হোতি? যো তস্মিং সমযে দোসো দুস্সনা দুস্সিতত্তং ব্যাপত্তি ব্যাপজ্জনা ব্যাপজ্জিতত্তং ৰিরোধো পটিৰিরোধো চণ্ডিক্কং অসুরোপো অনত্তমনতা চিত্তস্স – অযং তস্মিং সমযে দোসো হোতি…পে॰…।
418. Katamo tasmiṃ samaye doso hoti? Yo tasmiṃ samaye doso dussanā dussitattaṃ byāpatti byāpajjanā byāpajjitattaṃ virodho paṭivirodho caṇḍikkaṃ asuropo anattamanatā cittassa – ayaṃ tasmiṃ samaye doso hoti…pe….
৪১৯. কতমো তস্মিং সমযে ব্যাপাদো হোতি? যো তস্মিং সমযে দোসো দুস্সনা দুস্সিতত্তং ব্যাপত্তি ব্যাপজ্জনা ব্যাপজ্জিতত্তং ৰিরোধো পটিৰিরোধো চণ্ডিক্কং অসুরোপো অনত্তমনতা চিত্তস্স – অযং তস্মিং সমযে ব্যাপাদো হোতি…পে॰… যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা।
419. Katamo tasmiṃ samaye byāpādo hoti? Yo tasmiṃ samaye doso dussanā dussitattaṃ byāpatti byāpajjanā byāpajjitattaṃ virodho paṭivirodho caṇḍikkaṃ asuropo anattamanatā cittassa – ayaṃ tasmiṃ samaye byāpādo hoti…pe… ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā.
তস্মিং খো পন সমযে চত্তারো খন্ধা হোন্তি, দ্ৰাযতনানি হোন্তি, দ্ৰে ধাতুযো হোন্তি, তযো আহারা হোন্তি, পঞ্চিন্দ্রিযানি হোন্তি, চতুরঙ্গিকং ঝানং হোতি, তিৰঙ্গিকো মগ্গো হোতি, চত্তারি বলানি হোন্তি, দ্ৰে হেতূ হোন্তি, একো ফস্সো হোতি…পে॰… একং ধম্মাযতনং হোতি , একা ধম্মধাতু হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা…পে॰…।
Tasmiṃ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, pañcindriyāni honti, caturaṅgikaṃ jhānaṃ hoti, tivaṅgiko maggo hoti, cattāri balāni honti, dve hetū honti, eko phasso hoti…pe… ekaṃ dhammāyatanaṃ hoti , ekā dhammadhātu hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā…pe….
৪২০. কতমো তস্মিং সমযে সঙ্খারক্খন্ধো হোতি? ফস্সো চেতনা ৰিতক্কো ৰিচারো চিত্তস্সেকগ্গতা ৰীরিযিন্দ্রিযং সমাধিন্দ্রিযং জীৰিতিন্দ্রিযং মিচ্ছাসঙ্কপ্পো মিচ্ছাৰাযামো মিচ্ছাসমাধি ৰীরিযবলং সমাধিবলং অহিরিকবলং অনোত্তপ্পবলং দোসো মোহো ব্যাপাদো অহিরিকং অনোত্তপ্পং সমথো পগ্গাহো অৰিক্খেপো; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা ঠপেত্ৰা ৰেদনাক্খন্ধং ঠপেত্ৰা সঞ্ঞাক্খন্ধং ঠপেত্ৰা ৰিঞ্ঞাণক্খন্ধং – অযং তস্মিং সমযে সঙ্খারক্খন্ধো হোতি…পে॰… ইমে ধম্মা অকুসলা।
420. Katamo tasmiṃ samaye saṅkhārakkhandho hoti? Phasso cetanā vitakko vicāro cittassekaggatā vīriyindriyaṃ samādhindriyaṃ jīvitindriyaṃ micchāsaṅkappo micchāvāyāmo micchāsamādhi vīriyabalaṃ samādhibalaṃ ahirikabalaṃ anottappabalaṃ doso moho byāpādo ahirikaṃ anottappaṃ samatho paggāho avikkhepo; ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti…pe… ime dhammā akusalā.
৪২১. কতমে ধম্মা অকুসলা? যস্মিং সমযে অকুসলং চিত্তং উপ্পন্নং হোতি দোমনস্সসহগতং পটিঘসম্পযুত্তং সসঙ্খারেন রূপারম্মণং ৰা…পে॰… ধম্মারম্মণং ৰা যং যং ৰা পনারব্ভ, তস্মিং সমযে ফস্সো হোতি…পে॰… অৰিক্খেপো হোতি…পে॰… ইমে ধম্মা অকুসলা।
421. Katame dhammā akusalā? Yasmiṃ samaye akusalaṃ cittaṃ uppannaṃ hoti domanassasahagataṃ paṭighasampayuttaṃ sasaṅkhārena rūpārammaṇaṃ vā…pe… dhammārammaṇaṃ vā yaṃ yaṃ vā panārabbha, tasmiṃ samaye phasso hoti…pe… avikkhepo hoti…pe… ime dhammā akusalā.
৪২২. কতমে ধম্মা অকুসলা? যস্মিং সমযে অকুসলং চিত্তং উপ্পন্নং হোতি উপেক্খাসহগতং ৰিচিকিচ্ছাসম্পযুত্তং রূপারম্মণং ৰা সদ্দারম্মণং ৰা গন্ধারম্মণং ৰা রসারম্মণং ৰা ফোট্ঠব্বারম্মণং ৰা ধম্মারম্মণং ৰা যং যং ৰা পনারব্ভ, তস্মিং সমযে ফস্সো হোতি, ৰেদনা হোতি, সঞ্ঞা হোতি, চেতনা হোতি, চিত্তং হোতি, ৰিতক্কো হোতি, ৰিচারো হোতি, উপেক্খা হোতি, চিত্তস্সেকগ্গতা হোতি, ৰীরিযিন্দ্রিযং হোতি, মনিন্দ্রিযং হোতি, উপেক্খিন্দ্রিযং হোতি, জীৰিতিন্দ্রিযং হোতি, মিচ্ছাসঙ্কপ্পো হোতি, মিচ্ছাৰাযামো হোতি, ৰীরিযবলং হোতি, অহিরিকবলং হোতি, অনোত্তপ্পবলং হোতি, ৰিচিকিচ্ছা হোতি, মোহো হোতি, অহিরিকং হোতি, অনোত্তপ্পং হোতি, পগ্গাহো হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা।
422. Katame dhammā akusalā? Yasmiṃ samaye akusalaṃ cittaṃ uppannaṃ hoti upekkhāsahagataṃ vicikicchāsampayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha, tasmiṃ samaye phasso hoti, vedanā hoti, saññā hoti, cetanā hoti, cittaṃ hoti, vitakko hoti, vicāro hoti, upekkhā hoti, cittassekaggatā hoti, vīriyindriyaṃ hoti, manindriyaṃ hoti, upekkhindriyaṃ hoti, jīvitindriyaṃ hoti, micchāsaṅkappo hoti, micchāvāyāmo hoti, vīriyabalaṃ hoti, ahirikabalaṃ hoti, anottappabalaṃ hoti, vicikicchā hoti, moho hoti, ahirikaṃ hoti, anottappaṃ hoti, paggāho hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā.
৪২৩. কতমো তস্মিং সমযে ফস্সো হোতি? যো তস্মিং সমযে ফস্সো ফুসনা সংফুসনা সংফুসিতত্তং – অযং তস্মিং সমযে ফস্সো হোতি…পে॰…।
423. Katamo tasmiṃ samaye phasso hoti? Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phasso hoti…pe….
৪২৪. কতমা তস্মিং সমযে চিত্তস্সেকগ্গতা হোতি? যা তস্মিং সমযে চিত্তস্স ঠিতি – অযং তস্মিং সমযে চিত্তস্সেকগ্গতা হোতি…পে॰…।
424. Katamā tasmiṃ samaye cittassekaggatā hoti? Yā tasmiṃ samaye cittassa ṭhiti – ayaṃ tasmiṃ samaye cittassekaggatā hoti…pe….
৪২৫. কতমা তস্মিং সমযে ৰিচিকিচ্ছা হোতি? যা তস্মিং সমযে কঙ্খা কঙ্খাযনা কঙ্খাযিতত্তং ৰিমতি ৰিচিকিচ্ছা দ্ৰেল়্হকং দ্ৰেধাপথো সংসযো অনেকংসগ্গাহো আসপ্পনা পরিসপ্পনা অপরিযোগাহনা থম্ভিতত্তং চিত্তস্স মনোৰিলেখো – অযং তস্মিং সমযে ৰিচিকিচ্ছা হোতি…পে॰… যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা।
425. Katamā tasmiṃ samaye vicikicchā hoti? Yā tasmiṃ samaye kaṅkhā kaṅkhāyanā kaṅkhāyitattaṃ vimati vicikicchā dveḷhakaṃ dvedhāpatho saṃsayo anekaṃsaggāho āsappanā parisappanā apariyogāhanā thambhitattaṃ cittassa manovilekho – ayaṃ tasmiṃ samaye vicikicchā hoti…pe… ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā.
তস্মিং খো পন সমযে চত্তারো খন্ধা হোন্তি, দ্ৰাযতনানি হোন্তি, দ্ৰে ধাতুযো হোন্তি, তযো আহারা হোন্তি, চত্তারি ইন্দ্রিযানি হোন্তি , চতুরঙ্গিকং ঝানং হোতি, দুৰঙ্গিকো মগ্গো হোতি, তীণি বলানি হোন্তি, একো হেতু হোতি, একো ফস্সো হোতি…পে॰… একং ধম্মাযতনং হোতি , একা ধম্মধাতু হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা…পে॰…।
Tasmiṃ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, cattāri indriyāni honti , caturaṅgikaṃ jhānaṃ hoti, duvaṅgiko maggo hoti, tīṇi balāni honti, eko hetu hoti, eko phasso hoti…pe… ekaṃ dhammāyatanaṃ hoti , ekā dhammadhātu hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā…pe….
৪২৬. কতমো তস্মিং সমযে সঙ্খারক্খন্ধো হোতি? ফস্সো চেতনা ৰিতক্কো ৰিচারো চিত্তস্সেকগ্গতা ৰীরিযিন্দ্রিযং জীৰিতিন্দ্রিযং মিচ্ছাসঙ্কপ্পো মিচ্ছাৰাযামো ৰীরিযবলং অহিরিকবলং অনোত্তপ্পবলং ৰিচিকিচ্ছা মোহো অহিরিকং অনোত্তপ্পং পগ্গাহো; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা ঠপেত্ৰা ৰেদনাক্খন্ধং ঠপেত্ৰা সঞ্ঞাক্খন্ধং ঠপেত্ৰা ৰিঞ্ঞাণক্খন্ধং – অযং তস্মিং সমযে সঙ্খারক্খন্ধো হোতি…পে॰… ইমে ধম্মা অকুসলা।
426. Katamo tasmiṃ samaye saṅkhārakkhandho hoti? Phasso cetanā vitakko vicāro cittassekaggatā vīriyindriyaṃ jīvitindriyaṃ micchāsaṅkappo micchāvāyāmo vīriyabalaṃ ahirikabalaṃ anottappabalaṃ vicikicchā moho ahirikaṃ anottappaṃ paggāho; ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti…pe… ime dhammā akusalā.
৪২৭. কতমে ধম্মা অকুসলা? যস্মিং সমযে অকুসলং চিত্তং উপ্পন্নং হোতি উপেক্খাসহগতং উদ্ধচ্চসম্পযুত্তং রূপারম্মণং ৰা…পে॰… যং যং ৰা পনারব্ভ, তস্মিং সমযে ফস্সো হোতি, ৰেদনা হোতি, সঞ্ঞা হোতি, চেতনা হোতি, চিত্তং হোতি, ৰিতক্কো হোতি, ৰিচারো হোতি, উপেক্খা হোতি, চিত্তস্সেকগ্গতা হোতি, ৰীরিযিন্দ্রিযং হোতি, সমাধিন্দ্রিযং হোতি, মনিন্দ্রিযং হোতি, উপেক্খিন্দ্রিযং হোতি, জীৰিতিন্দ্রিযং হোতি, মিচ্ছাসঙ্কপ্পো হোতি, মিচ্ছাৰাযামো হোতি, মিচ্ছাসমাধি হোতি, ৰীরিযবলং হোতি, সমাধিবলং হোতি, অহিরিকবলং হোতি , অনোত্তপ্পবলং হোতি, উদ্ধচ্চং হোতি, মোহো হোতি, অহিরিকং হোতি, অনোত্তপ্পং হোতি, সমথো হোতি, পগ্গাহো হোতি, অৰিক্খেপো হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা।
427. Katame dhammā akusalā? Yasmiṃ samaye akusalaṃ cittaṃ uppannaṃ hoti upekkhāsahagataṃ uddhaccasampayuttaṃ rūpārammaṇaṃ vā…pe… yaṃ yaṃ vā panārabbha, tasmiṃ samaye phasso hoti, vedanā hoti, saññā hoti, cetanā hoti, cittaṃ hoti, vitakko hoti, vicāro hoti, upekkhā hoti, cittassekaggatā hoti, vīriyindriyaṃ hoti, samādhindriyaṃ hoti, manindriyaṃ hoti, upekkhindriyaṃ hoti, jīvitindriyaṃ hoti, micchāsaṅkappo hoti, micchāvāyāmo hoti, micchāsamādhi hoti, vīriyabalaṃ hoti, samādhibalaṃ hoti, ahirikabalaṃ hoti , anottappabalaṃ hoti, uddhaccaṃ hoti, moho hoti, ahirikaṃ hoti, anottappaṃ hoti, samatho hoti, paggāho hoti, avikkhepo hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā.
৪২৮. কতমো তস্মিং সমযে ফস্সো হোতি? যো তস্মিং সমযে ফস্সো ফুসনা সংফুসনা সংফুসিতত্তং – অযং তস্মিং সমযে ফস্সো হোতি…পে॰…।
428. Katamo tasmiṃ samaye phasso hoti? Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phasso hoti…pe….
৪২৯. কতমং তস্মিং সমযে উদ্ধচ্চং হোতি? যং তস্মিং সমযে চিত্তস্স উদ্ধচ্চং অৰূপসমো চেতসো ৰিক্খেপো ভন্তত্তং চিত্তস্স – ইদং তস্মিং সমযে উদ্ধচ্চং হোতি …পে॰… যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা।
429. Katamaṃ tasmiṃ samaye uddhaccaṃ hoti? Yaṃ tasmiṃ samaye cittassa uddhaccaṃ avūpasamo cetaso vikkhepo bhantattaṃ cittassa – idaṃ tasmiṃ samaye uddhaccaṃ hoti …pe… ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā.
তস্মিং খো পন সমযে চত্তারো খন্ধা হোন্তি, দ্ৰাযতনানি হোন্তি, দ্ৰে ধাতুযো হোন্তি, তযো আহারা হোন্তি, পঞ্চিন্দ্রিযানি হোন্তি, চতুরঙ্গিকং ঝানং হোতি, তিৰঙ্গিকো মগ্গো হোতি, চত্তারি বলানি হোন্তি, একো হেতু হোতি, একো ফস্সো হোতি…পে॰… একং ধম্মাযতনং হোতি, একা ধম্মধাতু হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অকুসলা…পে॰…।
Tasmiṃ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, pañcindriyāni honti, caturaṅgikaṃ jhānaṃ hoti, tivaṅgiko maggo hoti, cattāri balāni honti, eko hetu hoti, eko phasso hoti…pe… ekaṃ dhammāyatanaṃ hoti, ekā dhammadhātu hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā…pe….
৪৩০. কতমো তস্মিং সমযে সঙ্খারক্খন্ধো হোতি? ফস্সো চেতনা ৰিতক্কো ৰিচারো চিত্তস্সেকগ্গতা ৰীরিযিন্দ্রিযং সমাধিন্দ্রিযং জীৰিতিন্দ্রিযং মিচ্ছাসঙ্কপ্পো মিচ্ছাৰাযামো মিচ্ছাসমাধি ৰীরিযবলং সমাধিবলং অহিরিকবলং অনোত্তপ্পবলং উদ্ধচ্চং মোহো অহিরিকং অনোত্তপ্পং সমথো পগ্গাহো অৰিক্খেপো; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা ঠপেত্ৰা ৰেদনাক্খন্ধং ঠপেত্ৰা সঞ্ঞাক্খন্ধং ঠপেত্ৰা ৰিঞ্ঞাণক্খন্ধং – অযং তস্মিং সমযে সঙ্খারক্খন্ধো হোতি…পে॰… ইমে ধম্মা অকুসলা।
430. Katamo tasmiṃ samaye saṅkhārakkhandho hoti? Phasso cetanā vitakko vicāro cittassekaggatā vīriyindriyaṃ samādhindriyaṃ jīvitindriyaṃ micchāsaṅkappo micchāvāyāmo micchāsamādhi vīriyabalaṃ samādhibalaṃ ahirikabalaṃ anottappabalaṃ uddhaccaṃ moho ahirikaṃ anottappaṃ samatho paggāho avikkhepo; ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti…pe… ime dhammā akusalā.
দ্ৰাদস অকুসলচিত্তানি।
Dvādasa akusalacittāni.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / ধম্মসঙ্গণি-অট্ঠকথা • Dhammasaṅgaṇi-aṭṭhakathā
পঠমচিত্তং • Paṭhamacittaṃ
নিদ্দেসৰারকথা • Niddesavārakathā
দুতিযচিত্তং • Dutiyacittaṃ
ততিযচিত্তং • Tatiyacittaṃ
চতুত্থচিত্তং • Catutthacittaṃ
পঞ্চমচিত্তং • Pañcamacittaṃ
ছট্ঠচিত্তাদি • Chaṭṭhacittādi
নৰমচিত্তং • Navamacittaṃ
দসমচিত্তং • Dasamacittaṃ
একাদসমচিত্তং • Ekādasamacittaṃ
দ্ৰাদসমচিত্তং • Dvādasamacittaṃ
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ধম্মসঙ্গণী-মূলটীকা • Dhammasaṅgaṇī-mūlaṭīkā
পঠমচিত্তকথাৰণ্ণনা • Paṭhamacittakathāvaṇṇanā
নিদ্দেসৰারকথাৰণ্ণনা • Niddesavārakathāvaṇṇanā
দুতিযচিত্তৰণ্ণনা • Dutiyacittavaṇṇanā
ততিযচিত্তৰণ্ণনা • Tatiyacittavaṇṇanā
চতুত্থচিত্তৰণ্ণনা • Catutthacittavaṇṇanā
নৰমচিত্তৰণ্ণনা • Navamacittavaṇṇanā
একাদসমচিত্তৰণ্ণনা • Ekādasamacittavaṇṇanā
দ্ৰাদসমচিত্তৰণ্ণনা • Dvādasamacittavaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ধম্মসঙ্গণী-অনুটীকা • Dhammasaṅgaṇī-anuṭīkā
পঠমচিত্তৰণ্ণনা • Paṭhamacittavaṇṇanā
নিদ্দেসৰারকথাৰণ্ণনা • Niddesavārakathāvaṇṇanā
ততিযচিত্তৰণ্ণনা • Tatiyacittavaṇṇanā
চতুত্থচিত্তৰণ্ণনা • Catutthacittavaṇṇanā
নৰমচিত্তৰণ্ণনা • Navamacittavaṇṇanā
একাদসমচিত্তৰণ্ণনা • Ekādasamacittavaṇṇanā
দ্ৰাদসমচিত্তৰণ্ণনা • Dvādasamacittavaṇṇanā
