| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
д̣̇ваад̣̇асамажид̇д̇ам̣
Dvādasamacittaṃ
427. д̣̇ваад̣̇асамасса самаяававад̇т̇аанз уд̣̇д̇хажжзна самбаяуд̇д̇анд̇и уд̣̇д̇хажжасамбаяуд̇д̇ам̣. ид̣̇ан̃хи жид̇д̇ам̣ часу аарамман̣зсу взд̣̇анаавасзна маж̇жхад̇д̇ам̣ худ̇ваа уд̣̇д̇хад̇ам̣ ход̇и. ид̇ха д̇хаммуд̣̇д̣̇зсз ‘вижигижчаа’-таанз ‘уд̣̇д̇хажжам̣ ход̇ий’д̇и ааг̇ад̇ам̣. бад̣̇абадибаадияаа адтавийсад̇и бад̣̇аани хонд̇и. аг̇г̇ахид̇аг̇г̇ахан̣зна жуд̣̇д̣̇аса. д̇зсам̣ васзна савибхад̇д̇игаавибхад̇д̇игараасивид̇хаанам̣ взд̣̇ид̇аб̣б̣ам̣. ад̇химогко манасигаарод̇и д̣̇взязва язваабанагаа.
427. Dvādasamassa samayavavatthāne uddhaccena sampayuttanti uddhaccasampayuttaṃ. Idañhi cittaṃ chasu ārammaṇesu vedanāvasena majjhattaṃ hutvā uddhataṃ hoti. Idha dhammuddese ‘vicikicchā’-ṭhāne ‘uddhaccaṃ hotī’ti āgataṃ. Padapaṭipāṭiyā aṭṭhavīsati padāni honti. Aggahitaggahaṇena cuddasa. Tesaṃ vasena savibhattikāvibhattikarāsividhānaṃ veditabbaṃ. Adhimokkho manasikāroti dveyeva yevāpanakā.
429. нид̣̇д̣̇зсаваарасса уд̣̇д̇хажжанид̣̇д̣̇зсз жид̇д̇ассаад̇и на сад̇д̇асса, на босасса. уд̣̇д̇хажжанд̇и уд̣̇д̇хад̇аагааро. на вуубасамод̇и авуубасамо. жзд̇о вигкибад̇ийд̇и жзд̇асовигкзбо. бханд̇ад̇д̇ам̣ жид̇д̇ассаад̇и жид̇д̇асса бханд̇абхааво, бханд̇аяаанабханд̇аг̇он̣аад̣̇ийни вияа. иминаа згаарамман̣асмим̣язва вибпанд̣̇анам̣ гат̇ид̇ам̣. уд̣̇д̇хажжан̃хи згаарамман̣з вибпанд̣̇ад̇и, вижигижчаа наанаарамман̣з. сзсам̣ саб̣б̣аваарзсу хздтаа вуд̇д̇анаязнзва взд̣̇ид̇аб̣б̣ам̣.
429. Niddesavārassa uddhaccaniddese cittassāti na sattassa, na posassa. Uddhaccanti uddhatākāro. Na vūpasamoti avūpasamo. Ceto vikkhipatīti cetasovikkhepo. Bhantattaṃ cittassāti cittassa bhantabhāvo, bhantayānabhantagoṇādīni viya. Iminā ekārammaṇasmiṃyeva vipphandanaṃ kathitaṃ. Uddhaccañhi ekārammaṇe vipphandati, vicikicchā nānārammaṇe. Sesaṃ sabbavāresu heṭṭhā vuttanayeneva veditabbaṃ.
ид̣̇аани имасмим̣ жид̇д̇ад̣̇ваяз багин̣н̣агавинижчаяо ход̇и. ‘аарамман̣з бавадданагажид̇д̇аани наама гад̇ий’д̇и? хи вуд̇д̇з ‘имаанзва д̣̇вз’д̇и вад̇д̇аб̣б̣ам̣. д̇ад̇т̇а вижигижчаасахаг̇ад̇ам̣ зганд̇зна баваддад̇и, уд̣̇д̇хажжасахаг̇ад̇ам̣ бана лад̣̇д̇хаад̇химогкад̇д̇аа лад̣̇д̇хабад̇идтам̣ баваддад̇и. яат̇аа хи ваддажад̇урассзсу д̣̇вийсу ман̣ийсу баб̣бхаарадтаанз баваддзд̇ваа виссадтзсу ваддаман̣и зганд̇знзва баваддад̇и, жад̇урассо бад̇идтааяа бад̇идтааяа баваддад̇и, звам̣самбад̣̇амид̣̇ам̣ взд̣̇ид̇аб̣б̣ам̣. саб̣б̣зсуби хийнаад̣̇ибхзд̣̇о на уд̣̇д̇хадо, саб̣б̣зсам̣ зганд̇ахийнад̇д̇аа. сахаж̇аад̇аад̇хибад̇и лаб̣бхамааноби на уд̣̇д̇хадо, хздтаа д̣̇ассид̇анаяад̇д̇аа. н̃аан̣аабхаавад̇о банзд̇т̇а виймам̣саад̇хибад̇и наама над̇т̇и. бажчимад̣̇ваяз сзсоби над̇т̇и зва. гасмаа? ган̃жи д̇хаммам̣ д̇хурам̣ гад̇ваа ануббаж̇ж̇анад̇о, бадтаанз жа бадисид̣̇д̇хад̇о.
Idāni imasmiṃ cittadvaye pakiṇṇakavinicchayo hoti. ‘Ārammaṇe pavaṭṭanakacittāni nāma katī’ti? Hi vutte ‘imāneva dve’ti vattabbaṃ. Tattha vicikicchāsahagataṃ ekantena pavaṭṭati, uddhaccasahagataṃ pana laddhādhimokkhattā laddhapatiṭṭhaṃ pavaṭṭati. Yathā hi vaṭṭacaturassesu dvīsu maṇīsu pabbhāraṭṭhāne pavaṭṭetvā vissaṭṭhesu vaṭṭamaṇi ekanteneva pavaṭṭati, caturasso patiṭṭhāya patiṭṭhāya pavaṭṭati, evaṃsampadamidaṃ veditabbaṃ. Sabbesupi hīnādibhedo na uddhaṭo, sabbesaṃ ekantahīnattā. Sahajātādhipati labbhamānopi na uddhaṭo, heṭṭhā dassitanayattā. Ñāṇābhāvato panettha vīmaṃsādhipati nāma natthi. Pacchimadvaye sesopi natthi eva. Kasmā? Kañci dhammaṃ dhuraṃ katvā anuppajjanato, paṭṭhāne ca paṭisiddhato.
имзхи бана д̣̇ваад̣̇асахиби агусалажид̇д̇зхи гаммз ааяуухид̇з, табзд̇ваа уд̣̇д̇хажжасахаг̇ад̇ам̣, сзсаани згаад̣̇асзва бадисанд̇хим̣ аагад̣дханд̇и. вижигижчаасахаг̇ад̇з алад̣̇д̇хаад̇химогкз д̣̇уб̣б̣алзби бадисанд̇хим̣ аагад̣дхамаанз уд̣̇д̇хажжасахаг̇ад̇ам̣ лад̣̇д̇хаад̇химогкам̣ б̣алавам̣ гасмаа наагад̣дхад̇ийд̇и? д̣̇ассанзна бахаад̇аб̣б̣аабхаавад̇о. яад̣̇и хи аагад̣дхзяяа ‘д̣̇ассанзнабахаад̇аб̣б̣а’-бад̣̇авибхан̇г̇з ааг̇ажчзяяа, д̇асмаа, табзд̇ваа д̇ам̣, сзсаани згаад̣̇аса аагад̣дханд̇и. д̇зсу хи язна гзнажи гаммз ааяуухид̇з д̇ааяа жзд̇анааяа жад̇уусу абааязсу бадисанд̇хи ход̇и. агусалавибаагзсу ахзд̇угамановин̃н̃аан̣ад̇хаад̇уубзгкаасахаг̇ад̇ааяа бадисанд̇хим̣ г̇ан̣хаад̇и. ид̇арассааби зд̇т̇зва бадисанд̇хид̣̇аанам̣ бхавзяяа. яасмаа банзд̇ам̣ над̇т̇и, д̇асмаа ‘д̣̇ассанзнабахаад̇аб̣б̣а’-бад̣̇авибхан̇г̇з нааг̇ад̇анд̇и.
Imehi pana dvādasahipi akusalacittehi kamme āyūhite, ṭhapetvā uddhaccasahagataṃ, sesāni ekādaseva paṭisandhiṃ ākaḍḍhanti. Vicikicchāsahagate aladdhādhimokkhe dubbalepi paṭisandhiṃ ākaḍḍhamāne uddhaccasahagataṃ laddhādhimokkhaṃ balavaṃ kasmā nākaḍḍhatīti? Dassanena pahātabbābhāvato. Yadi hi ākaḍḍheyya ‘dassanenapahātabba’-padavibhaṅge āgaccheyya, tasmā, ṭhapetvā taṃ, sesāni ekādasa ākaḍḍhanti. Tesu hi yena kenaci kamme āyūhite tāya cetanāya catūsu apāyesu paṭisandhi hoti. Akusalavipākesu ahetukamanoviññāṇadhātuupekkhāsahagatāya paṭisandhiṃ gaṇhāti. Itarassāpi ettheva paṭisandhidānaṃ bhaveyya. Yasmā panetaṃ natthi, tasmā ‘dassanenapahātabba’-padavibhaṅge nāgatanti.
агусалаа д̇хаммаад̇ибад̣̇асса ван̣н̣анаа нидтид̇аа.
Akusalā dhammātipadassa vaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̣̇ваад̣̇аса агусалаани • Dvādasa akusalāni
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̣̇ваад̣̇асамажид̇д̇аван̣н̣анаа • Dvādasamacittavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̣̇ваад̣̇асамажид̇д̇аван̣н̣анаа • Dvādasamacittavaṇṇanā
