| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
১২. দ্ৰাদসমনযো সম্পযুত্তেনসঙ্গহিতাসঙ্গহিতপদৰণ্ণনা
12. Dvādasamanayo sampayuttenasaṅgahitāsaṅgahitapadavaṇṇanā
৪১৭. ইদানি সম্পযুত্তেনসঙ্গহিতাসঙ্গহিতপদং ভাজেতুং ৰেদনাক্খন্ধেনাতিআদি আরদ্ধং। তত্থ যে সম্পযুত্তেনসম্পযুত্তপদনিদ্দেসে ৰেদনাক্খন্ধাদযো ধম্মা উদ্ধটা, সব্বপুচ্ছাসু তেযেৰ উদ্ধটা। তত্থ যে ধম্মা পুচ্ছায উদ্ধটপদেন সম্পযুত্তা, তেসং যেহি সঙ্গহো ৰা অসঙ্গহো ৰা হোতি, তেসং ৰসেন খন্ধাদিভেদো ৰেদিতব্বো।
417. Idāni sampayuttenasaṅgahitāsaṅgahitapadaṃ bhājetuṃ vedanākkhandhenātiādi āraddhaṃ. Tattha ye sampayuttenasampayuttapadaniddese vedanākkhandhādayo dhammā uddhaṭā, sabbapucchāsu teyeva uddhaṭā. Tattha ye dhammā pucchāya uddhaṭapadena sampayuttā, tesaṃ yehi saṅgaho vā asaṅgaho vā hoti, tesaṃ vasena khandhādibhedo veditabbo.
তত্রাযং নযো – ৰেদনাক্খন্ধো হি সঞ্ঞাদীহি সম্পযুত্তো। তে সঞ্ঞাদযো তীহি সঞ্ঞাদিক্খন্ধেহি, দ্ৰীহি ধম্মাযতনমনাযতনেহি, ধম্মধাতুযা চেৰ, সত্তহি চ ৰিঞ্ঞাণধাতূহীতি অট্ঠহি ধাতূহি সঙ্গহিতা, সেসাহি খন্ধাযতনধাতূহি অসঙ্গহিতা। ইমিনা উপাযেন সব্বত্থ অত্থো ৰেদিতব্বোতি।
Tatrāyaṃ nayo – vedanākkhandho hi saññādīhi sampayutto. Te saññādayo tīhi saññādikkhandhehi, dvīhi dhammāyatanamanāyatanehi, dhammadhātuyā ceva, sattahi ca viññāṇadhātūhīti aṭṭhahi dhātūhi saṅgahitā, sesāhi khandhāyatanadhātūhi asaṅgahitā. Iminā upāyena sabbattha attho veditabboti.
সম্পযুত্তেনসঙ্গহিতাসঙ্গহিতপদৰণ্ণনা।
Sampayuttenasaṅgahitāsaṅgahitapadavaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / ধাতুকথাপাল়ি • Dhātukathāpāḷi / ১২. সম্পযুত্তেনসঙ্গহিতাসঙ্গহিতপদনিদ্দেসো • 12. Sampayuttenasaṅgahitāsaṅgahitapadaniddeso
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১২. দ্ৰাদসমনযো সম্পযুত্তেনসঙ্গহিতাসঙ্গহিতপদৰণ্ণনা • 12. Dvādasamanayo sampayuttenasaṅgahitāsaṅgahitapadavaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১২. দ্ৰাদসমনযো সম্পযুত্তেনসঙ্গহিতাসঙ্গহিতপদৰণ্ণনা • 12. Dvādasamanayo sampayuttenasaṅgahitāsaṅgahitapadavaṇṇanā
