| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
12. д̣̇ваад̣̇асаманаяо самбаяуд̇д̇знасан̇г̇ахид̇аасан̇г̇ахид̇абад̣̇аван̣н̣анаа
12. Dvādasamanayo sampayuttenasaṅgahitāsaṅgahitapadavaṇṇanā
417. ид̣̇аани самбаяуд̇д̇знасан̇г̇ахид̇аасан̇г̇ахид̇абад̣̇ам̣ бхааж̇зд̇ум̣ взд̣̇анаагканд̇хзнаад̇иаад̣̇и аарад̣̇д̇хам̣. д̇ад̇т̇а яз самбаяуд̇д̇знасамбаяуд̇д̇абад̣̇анид̣̇д̣̇зсз взд̣̇анаагканд̇хаад̣̇аяо д̇хаммаа уд̣̇д̇хадаа, саб̣б̣абужчаасу д̇зязва уд̣̇д̇хадаа. д̇ад̇т̇а яз д̇хаммаа бужчааяа уд̣̇д̇хадабад̣̇зна самбаяуд̇д̇аа, д̇зсам̣ язхи сан̇г̇ахо ваа асан̇г̇ахо ваа ход̇и, д̇зсам̣ васзна канд̇хаад̣̇ибхзд̣̇о взд̣̇ид̇аб̣б̣о.
417. Idāni sampayuttenasaṅgahitāsaṅgahitapadaṃ bhājetuṃ vedanākkhandhenātiādi āraddhaṃ. Tattha ye sampayuttenasampayuttapadaniddese vedanākkhandhādayo dhammā uddhaṭā, sabbapucchāsu teyeva uddhaṭā. Tattha ye dhammā pucchāya uddhaṭapadena sampayuttā, tesaṃ yehi saṅgaho vā asaṅgaho vā hoti, tesaṃ vasena khandhādibhedo veditabbo.
д̇ад̇рааяам̣ наяо – взд̣̇анаагканд̇хо хи сан̃н̃аад̣̇ийхи самбаяуд̇д̇о. д̇з сан̃н̃аад̣̇аяо д̇ийхи сан̃н̃аад̣̇игканд̇хзхи, д̣̇вийхи д̇хаммааяад̇анаманааяад̇анзхи, д̇хаммад̇хаад̇уяаа жзва, сад̇д̇ахи жа вин̃н̃аан̣ад̇хаад̇уухийд̇и адтахи д̇хаад̇уухи сан̇г̇ахид̇аа, сзсаахи канд̇хааяад̇анад̇хаад̇уухи асан̇г̇ахид̇аа. иминаа убааязна саб̣б̣ад̇т̇а ад̇т̇о взд̣̇ид̇аб̣б̣од̇и.
Tatrāyaṃ nayo – vedanākkhandho hi saññādīhi sampayutto. Te saññādayo tīhi saññādikkhandhehi, dvīhi dhammāyatanamanāyatanehi, dhammadhātuyā ceva, sattahi ca viññāṇadhātūhīti aṭṭhahi dhātūhi saṅgahitā, sesāhi khandhāyatanadhātūhi asaṅgahitā. Iminā upāyena sabbattha attho veditabboti.
самбаяуд̇д̇знасан̇г̇ахид̇аасан̇г̇ахид̇абад̣̇аван̣н̣анаа.
Sampayuttenasaṅgahitāsaṅgahitapadavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 12. самбаяуд̇д̇знасан̇г̇ахид̇аасан̇г̇ахид̇абад̣̇анид̣̇д̣̇зсо • 12. Sampayuttenasaṅgahitāsaṅgahitapadaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 12. д̣̇ваад̣̇асаманаяо самбаяуд̇д̇знасан̇г̇ахид̇аасан̇г̇ахид̇абад̣̇аван̣н̣анаа • 12. Dvādasamanayo sampayuttenasaṅgahitāsaṅgahitapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 12. д̣̇ваад̣̇асаманаяо самбаяуд̇д̇знасан̇г̇ахид̇аасан̇г̇ахид̇абад̣̇аван̣н̣анаа • 12. Dvādasamanayo sampayuttenasaṅgahitāsaṅgahitapadavaṇṇanā
