| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๑๒. ทฺวาทสมนโย สมฺปยุเตฺตนสงฺคหิตาสงฺคหิตปทวณฺณนา
12. Dvādasamanayo sampayuttenasaṅgahitāsaṅgahitapadavaṇṇanā
๔๑๗. อิทานิ สมฺปยุเตฺตนสงฺคหิตาสงฺคหิตปทํ ภาเชตุํ เวทนากฺขเนฺธนาติอาทิ อารทฺธํฯ ตตฺถ เย สมฺปยุเตฺตนสมฺปยุตฺตปทนิเทฺทเส เวทนากฺขนฺธาทโย ธมฺมา อุทฺธฎา, สพฺพปุจฺฉาสุ เตเยว อุทฺธฎาฯ ตตฺถ เย ธมฺมา ปุจฺฉาย อุทฺธฎปเทน สมฺปยุตฺตา, เตสํ เยหิ สงฺคโห วา อสงฺคโห วา โหติ, เตสํ วเสน ขนฺธาทิเภโท เวทิตโพฺพฯ
417. Idāni sampayuttenasaṅgahitāsaṅgahitapadaṃ bhājetuṃ vedanākkhandhenātiādi āraddhaṃ. Tattha ye sampayuttenasampayuttapadaniddese vedanākkhandhādayo dhammā uddhaṭā, sabbapucchāsu teyeva uddhaṭā. Tattha ye dhammā pucchāya uddhaṭapadena sampayuttā, tesaṃ yehi saṅgaho vā asaṅgaho vā hoti, tesaṃ vasena khandhādibhedo veditabbo.
ตตฺรายํ นโย – เวทนากฺขโนฺธ หิ สญฺญาทีหิ สมฺปยุโตฺตฯ เต สญฺญาทโย ตีหิ สญฺญาทิกฺขเนฺธหิ, ทฺวีหิ ธมฺมายตนมนายตเนหิ, ธมฺมธาตุยา เจว, สตฺตหิ จ วิญฺญาณธาตูหีติ อฎฺฐหิ ธาตูหิ สงฺคหิตา, เสสาหิ ขนฺธายตนธาตูหิ อสงฺคหิตาฯ อิมินา อุปาเยน สพฺพตฺถ อโตฺถ เวทิตโพฺพติฯ
Tatrāyaṃ nayo – vedanākkhandho hi saññādīhi sampayutto. Te saññādayo tīhi saññādikkhandhehi, dvīhi dhammāyatanamanāyatanehi, dhammadhātuyā ceva, sattahi ca viññāṇadhātūhīti aṭṭhahi dhātūhi saṅgahitā, sesāhi khandhāyatanadhātūhi asaṅgahitā. Iminā upāyena sabbattha attho veditabboti.
สมฺปยุเตฺตนสงฺคหิตาสงฺคหิตปทวณฺณนาฯ
Sampayuttenasaṅgahitāsaṅgahitapadavaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / ธาตุกถาปาฬิ • Dhātukathāpāḷi / ๑๒. สมฺปยุเตฺตนสงฺคหิตาสงฺคหิตปทนิเทฺทโส • 12. Sampayuttenasaṅgahitāsaṅgahitapadaniddeso
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๑๒. ทฺวาทสมนโย สมฺปยุเตฺตนสงฺคหิตาสงฺคหิตปทวณฺณนา • 12. Dvādasamanayo sampayuttenasaṅgahitāsaṅgahitapadavaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๑๒. ทฺวาทสมนโย สมฺปยุเตฺตนสงฺคหิตาสงฺคหิตปทวณฺณนา • 12. Dvādasamanayo sampayuttenasaṅgahitāsaṅgahitapadavaṇṇanā
