| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၁၂. ဒ္ဝာဒသမနယော သမ္ပယုတ္တေနသင္ဂဟိတာသင္ဂဟိတပဒဝဏ္ဏနာ
12. Dvādasamanayo sampayuttenasaṅgahitāsaṅgahitapadavaṇṇanā
၄၁၇. ဣဒာနိ သမ္ပယုတ္တေနသင္ဂဟိတာသင္ဂဟိတပဒံ ဘာဇေတုံ ဝေဒနာက္ခန္ဓေနာတိအာဒိ အာရဒ္ဓံ။ တတ္ထ ယေ သမ္ပယုတ္တေနသမ္ပယုတ္တပဒနိဒ္ဒေသေ ဝေဒနာက္ခန္ဓာဒယော ဓမ္မာ ဥဒ္ဓဋာ, သဗ္ဗပုစ္ဆာသု တေယေဝ ဥဒ္ဓဋာ။ တတ္ထ ယေ ဓမ္မာ ပုစ္ဆာယ ဥဒ္ဓဋပဒေန သမ္ပယုတ္တာ, တေသံ ယေဟိ သင္ဂဟော ဝာ အသင္ဂဟော ဝာ ဟောတိ, တေသံ ဝသေန ခန္ဓာဒိဘေဒော ဝေဒိတဗ္ဗော။
417. Idāni sampayuttenasaṅgahitāsaṅgahitapadaṃ bhājetuṃ vedanākkhandhenātiādi āraddhaṃ. Tattha ye sampayuttenasampayuttapadaniddese vedanākkhandhādayo dhammā uddhaṭā, sabbapucchāsu teyeva uddhaṭā. Tattha ye dhammā pucchāya uddhaṭapadena sampayuttā, tesaṃ yehi saṅgaho vā asaṅgaho vā hoti, tesaṃ vasena khandhādibhedo veditabbo.
တတ္ရာယံ နယော – ဝေဒနာက္ခန္ဓော ဟိ သညာဒီဟိ သမ္ပယုတ္တော။ တေ သညာဒယော တီဟိ သညာဒိက္ခန္ဓေဟိ, ဒ္ဝီဟိ ဓမ္မာယတနမနာယတနေဟိ, ဓမ္မဓာတုယာ စေဝ, သတ္တဟိ စ ဝိညာဏဓာတူဟီတိ အဋ္ဌဟိ ဓာတူဟိ သင္ဂဟိတာ, သေသာဟိ ခန္ဓာယတနဓာတူဟိ အသင္ဂဟိတာ။ ဣမိနာ ဥပာယေန သဗ္ဗတ္ထ အတ္ထော ဝေဒိတဗ္ဗောတိ။
Tatrāyaṃ nayo – vedanākkhandho hi saññādīhi sampayutto. Te saññādayo tīhi saññādikkhandhehi, dvīhi dhammāyatanamanāyatanehi, dhammadhātuyā ceva, sattahi ca viññāṇadhātūhīti aṭṭhahi dhātūhi saṅgahitā, sesāhi khandhāyatanadhātūhi asaṅgahitā. Iminā upāyena sabbattha attho veditabboti.
သမ္ပယုတ္တေနသင္ဂဟိတာသင္ဂဟိတပဒဝဏ္ဏနာ။
Sampayuttenasaṅgahitāsaṅgahitapadavaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ဓာတုကထာပာဠိ • Dhātukathāpāḷi / ၁၂. သမ္ပယုတ္တေနသင္ဂဟိတာသင္ဂဟိတပဒနိဒ္ဒေသော • 12. Sampayuttenasaṅgahitāsaṅgahitapadaniddeso
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၁၂. ဒ္ဝာဒသမနယော သမ္ပယုတ္တေနသင္ဂဟိတာသင္ဂဟိတပဒဝဏ္ဏနာ • 12. Dvādasamanayo sampayuttenasaṅgahitāsaṅgahitapadavaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၁၂. ဒ္ဝာဒသမနယော သမ္ပယုတ္တေနသင္ဂဟိတာသင္ဂဟိတပဒဝဏ္ဏနာ • 12. Dvādasamanayo sampayuttenasaṅgahitāsaṅgahitapadavaṇṇanā
