| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༡༢. དྭཱདསམནཡོ སམྤཡུཏྟེནསངྒཧིཏཱསངྒཧིཏཔདཝཎྞནཱ
12. Dvādasamanayo sampayuttenasaṅgahitāsaṅgahitapadavaṇṇanā
༤༡༧. ཨིདཱནི སམྤཡུཏྟེནསངྒཧིཏཱསངྒཧིཏཔདཾ བྷཱཛེཏུཾ ཝེདནཱཀྑནྡྷེནཱཏིཨཱདི ཨཱརདྡྷཾ། ཏཏྠ ཡེ སམྤཡུཏྟེནསམྤཡུཏྟཔདནིདྡེསེ ཝེདནཱཀྑནྡྷཱདཡོ དྷམྨཱ ཨུདྡྷཊཱ, སབྦཔུཙྪཱསུ ཏེཡེཝ ཨུདྡྷཊཱ། ཏཏྠ ཡེ དྷམྨཱ པུཙྪཱཡ ཨུདྡྷཊཔདེན སམྤཡུཏྟཱ, ཏེསཾ ཡེཧི སངྒཧོ ཝཱ ཨསངྒཧོ ཝཱ ཧོཏི, ཏེསཾ ཝསེན ཁནྡྷཱདིབྷེདོ ཝེདིཏབྦོ།
417. Idāni sampayuttenasaṅgahitāsaṅgahitapadaṃ bhājetuṃ vedanākkhandhenātiādi āraddhaṃ. Tattha ye sampayuttenasampayuttapadaniddese vedanākkhandhādayo dhammā uddhaṭā, sabbapucchāsu teyeva uddhaṭā. Tattha ye dhammā pucchāya uddhaṭapadena sampayuttā, tesaṃ yehi saṅgaho vā asaṅgaho vā hoti, tesaṃ vasena khandhādibhedo veditabbo.
ཏཏྲཱཡཾ ནཡོ – ཝེདནཱཀྑནྡྷོ ཧི སཉྙཱདཱིཧི སམྤཡུཏྟོ། ཏེ སཉྙཱདཡོ ཏཱིཧི སཉྙཱདིཀྑནྡྷེཧི, དྭཱིཧི དྷམྨཱཡཏནམནཱཡཏནེཧི, དྷམྨདྷཱཏུཡཱ ཙེཝ, སཏྟཧི ཙ ཝིཉྙཱཎདྷཱཏཱུཧཱིཏི ཨཊྛཧི དྷཱཏཱུཧི སངྒཧིཏཱ, སེསཱཧི ཁནྡྷཱཡཏནདྷཱཏཱུཧི ཨསངྒཧིཏཱ། ཨིམིནཱ ཨུཔཱཡེན སབྦཏྠ ཨཏྠོ ཝེདིཏབྦོཏི།
Tatrāyaṃ nayo – vedanākkhandho hi saññādīhi sampayutto. Te saññādayo tīhi saññādikkhandhehi, dvīhi dhammāyatanamanāyatanehi, dhammadhātuyā ceva, sattahi ca viññāṇadhātūhīti aṭṭhahi dhātūhi saṅgahitā, sesāhi khandhāyatanadhātūhi asaṅgahitā. Iminā upāyena sabbattha attho veditabboti.
སམྤཡུཏྟེནསངྒཧིཏཱསངྒཧིཏཔདཝཎྞནཱ།
Sampayuttenasaṅgahitāsaṅgahitapadavaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / དྷཱཏུཀཐཱཔཱལི༹ • Dhātukathāpāḷi / ༡༢. སམྤཡུཏྟེནསངྒཧིཏཱསངྒཧིཏཔདནིདྡེསོ • 12. Sampayuttenasaṅgahitāsaṅgahitapadaniddeso
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༡༢. དྭཱདསམནཡོ སམྤཡུཏྟེནསངྒཧིཏཱསངྒཧིཏཔདཝཎྞནཱ • 12. Dvādasamanayo sampayuttenasaṅgahitāsaṅgahitapadavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡༢. དྭཱདསམནཡོ སམྤཡུཏྟེནསངྒཧིཏཱསངྒཧིཏཔདཝཎྞནཱ • 12. Dvādasamanayo sampayuttenasaṅgahitāsaṅgahitapadavaṇṇanā
