| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၁၂. ဒ္ဝာဒသမနိသ္သဂ္ဂိယပာစိတ္တိယသိက္ခာပဒံ
12. Dvādasamanissaggiyapācittiyasikkhāpadaṃ
၇၈၉. ဒ္ဝာဒသမေ လဟုပာဝုရဏံ နာမ ဥဏ္ဟကာလေ ပာဝုရဏဝတ္ထန္တိ ဒသ္သေန္တော အာဟ ‘‘ဥဏ္ဟကာလေ ပာဝုရဏ’’န္တိ။ ဥဏ္ဟကာလေ ဟိ မနုသ္သာ သုခုမပာဝုရဏံ ပာရုပန္တီတိ။ ဒ္ဝာဒသမံ။
789. Dvādasame lahupāvuraṇaṃ nāma uṇhakāle pāvuraṇavatthanti dassento āha ‘‘uṇhakāle pāvuraṇa’’nti. Uṇhakāle hi manussā sukhumapāvuraṇaṃ pārupantīti. Dvādasamaṃ.
နိသ္သဂ္ဂိယာနံ တိံသဘာဝံ ဒသ္သေန္တော အာဟ ‘‘မဟာဝိဘင္ဂေ’’တိအာဒိ။ စီဝရဝဂ္ဂတော အပနေတ္ဝာတိ သမ္ဗန္ဓော။ အညဒတ္ထိကာနီတိ အညဒတ္ထိကပဒေန ဝုတ္တာနိ သိက္ခာပဒာနိ။ ဣတီတိ ဧဝံ။ ဧကတောပညတ္တာနီတိ ဧကသ္သေဝ ပညတ္တာနိ, ဥဘတောပညတ္တာနီတိ ဥဘယေသံ ပညတ္တာနိ။ ဧတ္ထာတိ ‘‘ဥဒ္ဒိဋ္ဌာ ခော’’တိအာဒိဝစနေတိ။
Nissaggiyānaṃ tiṃsabhāvaṃ dassento āha ‘‘mahāvibhaṅge’’tiādi. Cīvaravaggato apanetvāti sambandho. Aññadatthikānīti aññadatthikapadena vuttāni sikkhāpadāni. Itīti evaṃ. Ekatopaññattānīti ekasseva paññattāni, ubhatopaññattānīti ubhayesaṃ paññattāni. Etthāti ‘‘uddiṭṭhā kho’’tiādivacaneti.
ဣတိ သမန္တပာသာဒိကာယ ဝိနယသံဝဏ္ဏနာယ
Iti samantapāsādikāya vinayasaṃvaṇṇanāya
ဘိက္ခုနိဝိဘင္ဂေ
Bhikkhunivibhaṅge
တိံသကဝဏ္ဏနာယ ယောဇနာ သမတ္တာ။
Tiṃsakavaṇṇanāya yojanā samattā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၁၂. ဒ္ဝာဒသမသိက္ခာပဒံ • 12. Dvādasamasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ဒ္ဝာဒသမနိသ္သဂ္ဂိယပာစိတ္တိယသိက္ခာပဒဝဏ္ဏနာ • Dvādasamanissaggiyapācittiyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၂. ဒုတိယနိသ္သဂ္ဂိယာဒိပာစိတ္တိယသိက္ခာပဒဝဏ္ဏနာ • 2. Dutiyanissaggiyādipācittiyasikkhāpadavaṇṇanā
