| Library / Tipiṭaka / তিপিটক • Tipiṭaka / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā |
দ্ৰাদসমনিস্সগ্গিযপাচিত্তিযসিক্খাপদৰণ্ণনা
Dvādasamanissaggiyapācittiyasikkhāpadavaṇṇanā
৭৮৯. দ্ৰাদসমে – লহুপাৰুরণন্তি উণ্হকালে পাৰুরণং। সেসং সিক্খাপদদ্ৰযেপি উত্তানমেৰ।
789. Dvādasame – lahupāvuraṇanti uṇhakāle pāvuraṇaṃ. Sesaṃ sikkhāpadadvayepi uttānameva.
ছসমুট্ঠানং – কিরিযং, নোসঞ্ঞাৰিমোক্খং, অচিত্তকং, পণ্ণত্তিৰজ্জং, কাযকম্মং, ৰচীকম্মং, তিচিত্তং, তিৰেদনন্তি।
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
দ্ৰাদসমসিক্খাপদং।
Dvādasamasikkhāpadaṃ.
উদ্দিট্ঠা খো অয্যাযো তিংস নিস্সগ্গিযা পাচিত্তিযা ধম্মাতি এত্থ মহাৰিভঙ্গে চীৰরৰগ্গতো ধোৰনঞ্চ পটিগ্গহণঞ্চাতি দ্ৰে সিক্খাপদানি অপনেত্ৰা অকালচীৰরং কালচীৰরন্তি অধিট্ঠহিত্ৰা ভাজিতসিক্খাপদেন চ পরিৰত্তেত্ৰা অচ্ছিন্নচীৰরেন চ পঠমৰগ্গো পূরেতব্বো। পুন এল়কলোমৰগ্গস্স আদিতো সত্ত সিক্খাপদানি অপনেত্ৰা সত্ত অঞ্ঞদত্থিকানি পক্খিপিত্ৰা দুতিযৰগ্গো পূরেতব্বো। ততিযৰগ্গতো পঠমপত্তং ৰস্সিকসাটিকং আরঞ্ঞকসিক্খাপদন্তি ইমানি তীণি অপনেত্ৰা পত্তসন্নিচযগরুপাৰুরণলহুপাৰুরণসিক্খাপদেহি ততিযৰগ্গো পূরেতব্বো। ইতি ভিক্খুনীনং দ্ৰাদস সিক্খাপদানি একতোপঞ্ঞত্তানি, অট্ঠারস উভতোপঞ্ঞত্তানীতি এৰং সব্বেপি পাতিমোক্খুদ্দেসমগ্গেন ‘‘উদ্দিট্ঠা খো অয্যাযো তিংস নিস্সগ্গিযা পাচিত্তিযা ধম্মা’’তি এৰমেত্থ অত্থো দট্ঠব্বো। সেসং ৰুত্তনযমেৰাতি।
Uddiṭṭhā kho ayyāyo tiṃsa nissaggiyā pācittiyā dhammāti ettha mahāvibhaṅge cīvaravaggato dhovanañca paṭiggahaṇañcāti dve sikkhāpadāni apanetvā akālacīvaraṃ kālacīvaranti adhiṭṭhahitvā bhājitasikkhāpadena ca parivattetvā acchinnacīvarena ca paṭhamavaggo pūretabbo. Puna eḷakalomavaggassa ādito satta sikkhāpadāni apanetvā satta aññadatthikāni pakkhipitvā dutiyavaggo pūretabbo. Tatiyavaggato paṭhamapattaṃ vassikasāṭikaṃ āraññakasikkhāpadanti imāni tīṇi apanetvā pattasannicayagarupāvuraṇalahupāvuraṇasikkhāpadehi tatiyavaggo pūretabbo. Iti bhikkhunīnaṃ dvādasa sikkhāpadāni ekatopaññattāni, aṭṭhārasa ubhatopaññattānīti evaṃ sabbepi pātimokkhuddesamaggena ‘‘uddiṭṭhā kho ayyāyo tiṃsa nissaggiyā pācittiyā dhammā’’ti evamettha attho daṭṭhabbo. Sesaṃ vuttanayamevāti.
সমন্তপাসাদিকায ৰিনযসংৰণ্ণনায ভিক্খুনীৰিভঙ্গে
Samantapāsādikāya vinayasaṃvaṇṇanāya bhikkhunīvibhaṅge
তিংসকৰণ্ণনা নিট্ঠিতা।
Tiṃsakavaṇṇanā niṭṭhitā.
নিস্সগ্গিযকণ্ডং নিট্ঠিতং।
Nissaggiyakaṇḍaṃ niṭṭhitaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ১২. দ্ৰাদসমসিক্খাপদং • 12. Dvādasamasikkhāpadaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ২. দুতিযনিস্সগ্গিযাদিপাচিত্তিযসিক্খাপদৰণ্ণনা • 2. Dutiyanissaggiyādipācittiyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১২. দ্ৰাদসমনিস্সগ্গিযপাচিত্তিযসিক্খাপদং • 12. Dvādasamanissaggiyapācittiyasikkhāpadaṃ
