| Library / Tipiṭaka / තිපිටක • Tipiṭaka / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā |
ද්‌වාදසමනිස්‌සග්‌ගියපාචිත්‌තියසික්‌ඛාපදවණ්‌ණනා
Dvādasamanissaggiyapācittiyasikkhāpadavaṇṇanā
789. ද්‌වාදසමෙ – ලහුපාවුරණන්‌ති උණ්‌හකාලෙ පාවුරණං. සෙසං සික්‌ඛාපදද්‌වයෙපි උත්‌තානමෙව.
789. Dvādasame – lahupāvuraṇanti uṇhakāle pāvuraṇaṃ. Sesaṃ sikkhāpadadvayepi uttānameva.
ඡසමුට්‌ඨානං – කිරියං, නොසඤ්‌ඤාවිමොක්‌ඛං, අචිත්‌තකං, පණ්‌ණත්‌තිවජ්‌ජං, කායකම්‌මං, වචීකම්‌මං, තිචිත්‌තං, තිවෙදනන්‌ති.
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ද්‌වාදසමසික්‌ඛාපදං.
Dvādasamasikkhāpadaṃ.
උද්‌දිට්‌ඨා ඛො අය්‍යායො තිංස නිස්‌සග්‌ගියා පාචිත්‌තියා ධම්‌මාති එත්‌ථ මහාවිභඞ්‌ගෙ චීවරවග්‌ගතො ධොවනඤ්‌ච පටිග්‌ගහණඤ්‌චාති ද්‌වෙ සික්‌ඛාපදානි අපනෙත්‌වා අකාලචීවරං කාලචීවරන්‌ති අධිට්‌ඨහිත්‌වා භාජිතසික්‌ඛාපදෙන ච පරිවත්‌තෙත්‌වා අච්‌ඡින්‌නචීවරෙන ච පඨමවග්‌ගො පූරෙතබ්‌බො. පුන එළකලොමවග්‌ගස්‌ස ආදිතො සත්‌ත සික්‌ඛාපදානි අපනෙත්‌වා සත්‌ත අඤ්‌ඤදත්‌ථිකානි පක්‌ඛිපිත්‌වා දුතියවග්‌ගො පූරෙතබ්‌බො. තතියවග්‌ගතො පඨමපත්‌තං වස්‌සිකසාටිකං ආරඤ්‌ඤකසික්‌ඛාපදන්‌ති ඉමානි තීණි අපනෙත්‌වා පත්‌තසන්‌නිචයගරුපාවුරණලහුපාවුරණසික්‌ඛාපදෙහි තතියවග්‌ගො පූරෙතබ්‌බො. ඉති භික්‌ඛුනීනං ද්‌වාදස සික්‌ඛාපදානි එකතොපඤ්‌ඤත්‌තානි, අට්‌ඨාරස උභතොපඤ්‌ඤත්‌තානීති එවං සබ්‌බෙපි පාතිමොක්‌ඛුද්‌දෙසමග්‌ගෙන ‘‘උද්‌දිට්‌ඨා ඛො අය්‍යායො තිංස නිස්‌සග්‌ගියා පාචිත්‌තියා ධම්‌මා’’ති එවමෙත්‌ථ අත්‌ථො දට්‌ඨබ්‌බො. සෙසං වුත්‌තනයමෙවාති.
Uddiṭṭhā kho ayyāyo tiṃsa nissaggiyā pācittiyā dhammāti ettha mahāvibhaṅge cīvaravaggato dhovanañca paṭiggahaṇañcāti dve sikkhāpadāni apanetvā akālacīvaraṃ kālacīvaranti adhiṭṭhahitvā bhājitasikkhāpadena ca parivattetvā acchinnacīvarena ca paṭhamavaggo pūretabbo. Puna eḷakalomavaggassa ādito satta sikkhāpadāni apanetvā satta aññadatthikāni pakkhipitvā dutiyavaggo pūretabbo. Tatiyavaggato paṭhamapattaṃ vassikasāṭikaṃ āraññakasikkhāpadanti imāni tīṇi apanetvā pattasannicayagarupāvuraṇalahupāvuraṇasikkhāpadehi tatiyavaggo pūretabbo. Iti bhikkhunīnaṃ dvādasa sikkhāpadāni ekatopaññattāni, aṭṭhārasa ubhatopaññattānīti evaṃ sabbepi pātimokkhuddesamaggena ‘‘uddiṭṭhā kho ayyāyo tiṃsa nissaggiyā pācittiyā dhammā’’ti evamettha attho daṭṭhabbo. Sesaṃ vuttanayamevāti.
සමන්‌තපාසාදිකාය විනයසංවණ්‌ණනාය භික්‌ඛුනීවිභඞ්‌ගෙ
Samantapāsādikāya vinayasaṃvaṇṇanāya bhikkhunīvibhaṅge
තිංසකවණ්‌ණනා නිට්‌ඨිතා.
Tiṃsakavaṇṇanā niṭṭhitā.
නිස්‌සග්‌ගියකණ්‌ඩං නිට්‌ඨිතං.
Nissaggiyakaṇḍaṃ niṭṭhitaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 12. ද්‌වාදසමසික්‌ඛාපදං • 12. Dvādasamasikkhāpadaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 2. දුතියනිස්‌සග්‌ගියාදිපාචිත්‌තියසික්‌ඛාපදවණ්‌ණනා • 2. Dutiyanissaggiyādipācittiyasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 12. ද්‌වාදසමනිස්‌සග්‌ගියපාචිත්‌තියසික්‌ඛාපදං • 12. Dvādasamanissaggiyapācittiyasikkhāpadaṃ
