| Library / Tipiṭaka / ཏིཔིཊཀ • Tipiṭaka / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā |
དྭཱདསམནིསྶགྒིཡཔཱཙིཏྟིཡསིཀྑཱཔདཝཎྞནཱ
Dvādasamanissaggiyapācittiyasikkhāpadavaṇṇanā
༧༨༩. དྭཱདསམེ – ལཧུཔཱཝུརཎནྟི ཨུཎྷཀཱལེ པཱཝུརཎཾ། སེསཾ སིཀྑཱཔདདྭཡེཔི ཨུཏྟཱནམེཝ།
789. Dvādasame – lahupāvuraṇanti uṇhakāle pāvuraṇaṃ. Sesaṃ sikkhāpadadvayepi uttānameva.
ཚསམུཊྛཱནཾ – ཀིརིཡཾ, ནོསཉྙཱཝིམོཀྑཾ, ཨཙིཏྟཀཾ, པཎྞཏྟིཝཛྫཾ, ཀཱཡཀམྨཾ, ཝཙཱིཀམྨཾ, ཏིཙིཏྟཾ, ཏིཝེདནནྟི།
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
དྭཱདསམསིཀྑཱཔདཾ།
Dvādasamasikkhāpadaṃ.
ཨུདྡིཊྛཱ ཁོ ཨཡྻཱཡོ ཏིཾས ནིསྶགྒིཡཱ པཱཙིཏྟིཡཱ དྷམྨཱཏི ཨེཏྠ མཧཱཝིབྷངྒེ ཙཱིཝརཝགྒཏོ དྷོཝནཉྩ པཊིགྒཧཎཉྩཱཏི དྭེ སིཀྑཱཔདཱནི ཨཔནེཏྭཱ ཨཀཱལཙཱིཝརཾ ཀཱལཙཱིཝརནྟི ཨདྷིཊྛཧིཏྭཱ བྷཱཛིཏསིཀྑཱཔདེན ཙ པརིཝཏྟེཏྭཱ ཨཙྪིནྣཙཱིཝརེན ཙ པཋམཝགྒོ པཱུརེཏབྦོ། པུན ཨེལ༹ཀལོམཝགྒསྶ ཨཱདིཏོ སཏྟ སིཀྑཱཔདཱནི ཨཔནེཏྭཱ སཏྟ ཨཉྙདཏྠིཀཱནི པཀྑིཔིཏྭཱ དུཏིཡཝགྒོ པཱུརེཏབྦོ། ཏཏིཡཝགྒཏོ པཋམཔཏྟཾ ཝསྶིཀསཱཊིཀཾ ཨཱརཉྙཀསིཀྑཱཔདནྟི ཨིམཱནི ཏཱིཎི ཨཔནེཏྭཱ པཏྟསནྣིཙཡགརུཔཱཝུརཎལཧུཔཱཝུརཎསིཀྑཱཔདེཧི ཏཏིཡཝགྒོ པཱུརེཏབྦོ། ཨིཏི བྷིཀྑུནཱིནཾ དྭཱདས སིཀྑཱཔདཱནི ཨེཀཏོཔཉྙཏྟཱནི, ཨཊྛཱརས ཨུབྷཏོཔཉྙཏྟཱནཱིཏི ཨེཝཾ སབྦེཔི པཱཏིམོཀྑུདྡེསམགྒེན ‘‘ཨུདྡིཊྛཱ ཁོ ཨཡྻཱཡོ ཏིཾས ནིསྶགྒིཡཱ པཱཙིཏྟིཡཱ དྷམྨཱ’’ཏི ཨེཝམེཏྠ ཨཏྠོ དཊྛབྦོ། སེསཾ ཝུཏྟནཡམེཝཱཏི།
Uddiṭṭhā kho ayyāyo tiṃsa nissaggiyā pācittiyā dhammāti ettha mahāvibhaṅge cīvaravaggato dhovanañca paṭiggahaṇañcāti dve sikkhāpadāni apanetvā akālacīvaraṃ kālacīvaranti adhiṭṭhahitvā bhājitasikkhāpadena ca parivattetvā acchinnacīvarena ca paṭhamavaggo pūretabbo. Puna eḷakalomavaggassa ādito satta sikkhāpadāni apanetvā satta aññadatthikāni pakkhipitvā dutiyavaggo pūretabbo. Tatiyavaggato paṭhamapattaṃ vassikasāṭikaṃ āraññakasikkhāpadanti imāni tīṇi apanetvā pattasannicayagarupāvuraṇalahupāvuraṇasikkhāpadehi tatiyavaggo pūretabbo. Iti bhikkhunīnaṃ dvādasa sikkhāpadāni ekatopaññattāni, aṭṭhārasa ubhatopaññattānīti evaṃ sabbepi pātimokkhuddesamaggena ‘‘uddiṭṭhā kho ayyāyo tiṃsa nissaggiyā pācittiyā dhammā’’ti evamettha attho daṭṭhabbo. Sesaṃ vuttanayamevāti.
སམནྟཔཱསཱདིཀཱཡ ཝིནཡསཾཝཎྞནཱཡ བྷིཀྑུནཱིཝིབྷངྒེ
Samantapāsādikāya vinayasaṃvaṇṇanāya bhikkhunīvibhaṅge
ཏིཾསཀཝཎྞནཱ ནིཊྛིཏཱ།
Tiṃsakavaṇṇanā niṭṭhitā.
ནིསྶགྒིཡཀཎྜཾ ནིཊྛིཏཾ།
Nissaggiyakaṇḍaṃ niṭṭhitaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༡༢. དྭཱདསམསིཀྑཱཔདཾ • 12. Dvādasamasikkhāpadaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༢. དུཏིཡནིསྶགྒིཡཱདིཔཱཙིཏྟིཡསིཀྑཱཔདཝཎྞནཱ • 2. Dutiyanissaggiyādipācittiyasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༢. དྭཱདསམནིསྶགྒིཡཔཱཙིཏྟིཡསིཀྑཱཔདཾ • 12. Dvādasamanissaggiyapācittiyasikkhāpadaṃ
