| Library / Tipiṭaka / ཏིཔིཊཀ • Tipiṭaka / བྷིཀྑུནཱིཝིབྷངྒ • Bhikkhunīvibhaṅga |
༡༢. དྭཱདསམསིཀྑཱཔདཾ
12. Dvādasamasikkhāpadaṃ
༡༡༧༠. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ། ཏེན ཁོ པན སམཡེན བྷིཀྑུནིཡོ ཨནུཝསྶཾ ཝུཊྛཱཔེནྟི, ཨུཔསྶཡོ ན སམྨཏི། མནུསྶཱ 1 ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུནིཡོ ཨནུཝསྶཾ ཝུཊྛཱཔེསྶནྟི, ཨུཔསྶཡོ ན སམྨཏཱི’’ཏི! ཨསྶོསུཾ ཁོ བྷིཀྑུནིཡོ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ། ཡཱ ཏཱ བྷིཀྑུནིཡོ ཨཔྤིཙྪཱ…པེ॰… ཏཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུནིཡོ ཨནུཝསྶཾ ཝུཊྛཱཔེསྶནྟཱི’’ཏི…པེ॰… སཙྩཾ ཀིར, བྷིཀྑཝེ, བྷིཀྑུནིཡོ ཨནུཝསྶཾ ཝུཊྛཱཔེནྟཱིཏི? ‘‘སཙྩཾ, བྷགཝཱ’’ཏི། ཝིགརཧི བུདྡྷོ བྷགཝཱ…པེ॰… ཀཐཉྷི ནཱམ, བྷིཀྑཝེ, བྷིཀྑུནིཡོ ཨནུཝསྶཾ ཝུཊྛཱཔེསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ॰… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –
1170. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhuniyo anuvassaṃ vuṭṭhāpenti, upassayo na sammati. Manussā 2 ujjhāyanti khiyyanti vipācenti – ‘‘kathañhi nāma bhikkhuniyo anuvassaṃ vuṭṭhāpessanti, upassayo na sammatī’’ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhuniyo anuvassaṃ vuṭṭhāpessantī’’ti…pe… saccaṃ kira, bhikkhave, bhikkhuniyo anuvassaṃ vuṭṭhāpentīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo anuvassaṃ vuṭṭhāpessanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
༡༡༧༡. ‘‘ཡཱ པན བྷིཀྑུནཱི ཨནུཝསྶཾ ཝུཊྛཱཔེཡྻ, པཱཙིཏྟིཡ’’ནྟི།
1171.‘‘Yā pana bhikkhunī anuvassaṃ vuṭṭhāpeyya, pācittiya’’nti.
༡༡༧༢. ཡཱ པནཱཏི ཡཱ ཡཱདིསཱ…པེ॰… བྷིཀྑུནཱིཏི…པེ॰… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི།
1172.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ཨནུཝསྶནྟི ཨནུསཾཝཙྪརཾ། ཝུཊྛཱཔེཡྻཱཏི ཨུཔསམྤཱདེཡྻ།
Anuvassanti anusaṃvaccharaṃ. Vuṭṭhāpeyyāti upasampādeyya.
‘‘ཝུཊྛཱཔེསྶཱམཱི’’ཏི གཎཾ ཝཱ ཨཱཙརིནིཾ ཝཱ པཏྟཾ ཝཱ ཙཱིཝརཾ ཝཱ པརིཡེསཏི, སཱིམཾ ཝཱ སམྨནྣཏི, ཨཱཔཏྟི དུཀྐཊསྶ། ཉཏྟིཡཱ དུཀྐཊཾ། དྭཱིཧི ཀམྨཝཱཙཱཧི དུཀྐཊཱ། ཀམྨཝཱཙཱཔརིཡོསཱནེ ཨུཔཛ྄ཛྷཱཡཱཡ ཨཱཔཏྟི པཱཙིཏྟིཡསྶ། གཎསྶ ཙ ཨཱཙརིནིཡཱ ཙ ཨཱཔཏྟི དུཀྐཊསྶ།
‘‘Vuṭṭhāpessāmī’’ti gaṇaṃ vā ācariniṃ vā pattaṃ vā cīvaraṃ vā pariyesati, sīmaṃ vā sammannati, āpatti dukkaṭassa. Ñattiyā dukkaṭaṃ. Dvīhi kammavācāhi dukkaṭā. Kammavācāpariyosāne upajjhāyāya āpatti pācittiyassa. Gaṇassa ca ācariniyā ca āpatti dukkaṭassa.
༡༡༧༣. ཨནཱཔཏྟི ཨེཀནྟརིཀཾ ཝུཊྛཱཔེཏི, ཨུམྨཏྟིཀཱཡ, ཨཱདིཀམྨིཀཱཡཱཏི།
1173. Anāpatti ekantarikaṃ vuṭṭhāpeti, ummattikāya, ādikammikāyāti.
དྭཱདསམསིཀྑཱཔདཾ ནིཊྛིཏཾ།
Dvādasamasikkhāpadaṃ niṭṭhitaṃ.
Footnotes:
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā / ༡༢. དྭཱདསམསིཀྑཱཔདཝཎྞནཱ • 12. Dvādasamasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༢. དྭཱདསམསིཀྑཱཔདཾ • 12. Dvādasamasikkhāpadaṃ
