| Library / Tipiṭaka / තිපිටක • Tipiṭaka / විමානවත්‌ථුපාළි • Vimānavatthupāḷi |
5. ද්‌වාරපාලවිමානවත්‌ථු
5. Dvārapālavimānavatthu
918.
918.
‘‘උච්‌චමිදං මණිථූණං විමානං, සමන්‌තතො ද්‌වාදස යොජනානි;
‘‘Uccamidaṃ maṇithūṇaṃ vimānaṃ, samantato dvādasa yojanāni;
කූටාගාරා සත්‌තසතා උළාරා, වෙළුරියථම්‌භා රුචකත්‌ථතා සුභා.
Kūṭāgārā sattasatā uḷārā, veḷuriyathambhā rucakatthatā subhā.
919.
919.
‘‘තත්‌ථච්‌ඡසි පිවසි ඛාදසි ච, දිබ්‌බා ච වීණා පවදන්‌ති වග්‌ගුං;
‘‘Tatthacchasi pivasi khādasi ca, dibbā ca vīṇā pavadanti vagguṃ;
දිබ්‌බා රසා කාමගුණෙත්‌ථ පඤ්‌ච, නාරියො ච නච්‌චන්‌ති සුවණ්‌ණඡන්‌නා.
Dibbā rasā kāmaguṇettha pañca, nāriyo ca naccanti suvaṇṇachannā.
920.
920.
‘‘කෙන තෙතාදිසො වණ්‌ණො…පෙ.… වණ්‌ණො ච තෙ සබ්‌බදිසා පභාසතී’’ති.
‘‘Kena tetādiso vaṇṇo…pe… vaṇṇo ca te sabbadisā pabhāsatī’’ti.
922.
922.
සො දෙවපුත්‌තො අත්‌තමනො, මොග්‌ගල්‌ලානෙන පුච්‌ඡිතො;
So devaputto attamano, moggallānena pucchito;
පඤ්‌හං පුට්‌ඨො වියාකාසි, යස්‌ස කම්‌මස්‌සිදං ඵලං.
Pañhaṃ puṭṭho viyākāsi, yassa kammassidaṃ phalaṃ.
923.
923.
‘‘දිබ්‌බං මමං වස්‌සසහස්‌සමායු, වාචාභිගීතං මනසා පවත්‌තිතං;
‘‘Dibbaṃ mamaṃ vassasahassamāyu, vācābhigītaṃ manasā pavattitaṃ;
එත්‌තාවතා ඨස්‌සති පුඤ්‌ඤකම්‌මො, දිබ්‌බෙහි කාමෙහි සමඞ්‌ගිභූතො.
Ettāvatā ṭhassati puññakammo, dibbehi kāmehi samaṅgibhūto.
924.
924.
‘‘තෙන මෙතාදිසො වණ්‌ණො…පෙ.…වණ්‌ණො ච මෙ සබ්‌බදිසා පභාසතී’’ති.
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
ද්‌වාරපාලවිමානං පඤ්‌චමං.
Dvārapālavimānaṃ pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / විමානවත්‌ථු-අට්‌ඨකථා • Vimānavatthu-aṭṭhakathā / 5. ද්‌වාරපාලකවිමානවණ්‌ණනා • 5. Dvārapālakavimānavaṇṇanā
