Library / Tipiṭaka / д̇ибидага • Tipiṭaka / куд̣̇д̣̇агабаата-адтагат̇аа • Khuddakapāṭha-aṭṭhakathā

    3. д̣̇вад̇д̇им̣саагаараван̣н̣анаа

    3. Dvattiṃsākāravaṇṇanā

    бад̣̇асамб̣анд̇хаван̣н̣анаа

    Padasambandhavaṇṇanā

    ид̣̇аани яад̣̇ид̣̇ам̣ звам̣ д̣̇асахи сигкаабад̣̇зхи барисуд̣̇д̇хабаяог̇асса сийлз бад̇идтид̇асса гулабуд̇д̇асса аасаяабарисуд̣̇д̇хад̇т̇ам̣ жид̇д̇абхааванад̇т̇ан̃жа ан̃н̃ад̇ра б̣уд̣̇д̇хуббаад̣̇аа аббавад̇д̇абуб̣б̣ам̣ саб̣б̣ад̇ид̇т̇ияаанам̣ ависаяабхууд̇ам̣ д̇зсу д̇зсу суд̇д̇анд̇зсу –

    Idāni yadidaṃ evaṃ dasahi sikkhāpadehi parisuddhapayogassa sīle patiṭṭhitassa kulaputtassa āsayaparisuddhatthaṃ cittabhāvanatthañca aññatra buddhuppādā appavattapubbaṃ sabbatitthiyānaṃ avisayabhūtaṃ tesu tesu suttantesu –

    ‘‘згад̇хаммо, бхигкавз, бхаавид̇о б̣ахулийгад̇о махад̇о сам̣взг̇ааяа сам̣вад̇д̇ад̇и. махад̇о ад̇т̇ааяа сам̣вад̇д̇ад̇и. махад̇о яог̇агкзмааяа сам̣вад̇д̇ад̇и. махад̇о сад̇исамбаж̇ан̃н̃ааяа сам̣вад̇д̇ад̇и. н̃аан̣ад̣̇ассанаббадилаабхааяа сам̣вад̇д̇ад̇и. д̣̇идтад̇хаммасукавихаарааяа сам̣вад̇д̇ад̇и. виж̇ж̇аавимуд̇д̇ипаласажчигирияааяа сам̣вад̇д̇ад̇и. гад̇амо згад̇хаммо? гааяаг̇ад̇аа сад̇и. амад̇ам̣ д̇з, бхигкавз, на барибхун̃ж̇анд̇и, яз гааяаг̇ад̇аасад̇им̣ на барибхун̃ж̇анд̇и. амад̇ам̣ д̇з, бхигкавз, барибхун̃ж̇анд̇и, яз гааяаг̇ад̇аасад̇им̣ барибхун̃ж̇анд̇и. амад̇ам̣ д̇зсам̣, бхигкавз, абарибхуд̇д̇ам̣ барибхуд̇д̇ам̣, барихийнам̣ абарихийнам̣, вирад̣̇д̇хам̣ аарад̣̇д̇хам̣, язсам̣ гааяаг̇ад̇аа сад̇и аарад̣̇д̇хаа’’д̇и. (а. ни. 1.564-570) –

    ‘‘Ekadhammo, bhikkhave, bhāvito bahulīkato mahato saṃvegāya saṃvattati. Mahato atthāya saṃvattati. Mahato yogakkhemāya saṃvattati. Mahato satisampajaññāya saṃvattati. Ñāṇadassanappaṭilābhāya saṃvattati. Diṭṭhadhammasukhavihārāya saṃvattati. Vijjāvimuttiphalasacchikiriyāya saṃvattati. Katamo ekadhammo? Kāyagatā sati. Amataṃ te, bhikkhave, na paribhuñjanti, ye kāyagatāsatiṃ na paribhuñjanti. Amataṃ te, bhikkhave, paribhuñjanti, ye kāyagatāsatiṃ paribhuñjanti. Amataṃ tesaṃ, bhikkhave, aparibhuttaṃ paribhuttaṃ, parihīnaṃ aparihīnaṃ, viraddhaṃ āraddhaṃ, yesaṃ kāyagatā sati āraddhā’’ti. (A. ni. 1.564-570) –

    звам̣ бхаг̇авад̇аа анзгаагаарзна басам̣сид̇ваа –

    Evaṃ bhagavatā anekākārena pasaṃsitvā –

    ‘‘гат̇ам̣ бхаавид̇аа, бхигкавз, гааяаг̇ад̇аасад̇и гат̇ам̣ б̣ахулийгад̇аа махаб̣б̣алаа ход̇и махаанисам̣саа? ид̇ха, бхигкавз, бхигку аран̃н̃аг̇ад̇о ваа’’д̇и (ма. ни. 3.154) –

    ‘‘Kathaṃ bhāvitā, bhikkhave, kāyagatāsati kathaṃ bahulīkatā mahabbalā hoti mahānisaṃsā? Idha, bhikkhave, bhikkhu araññagato vā’’ti (ma. ni. 3.154) –

    аад̣̇инаа наязна аанаабаанабаб̣б̣ам̣ ирияаабат̇абаб̣б̣ам̣ жад̇усамбаж̇ан̃н̃абаб̣б̣ам̣ бадигууламанасигаарабаб̣б̣ам̣ д̇хаад̇уманасигаарабаб̣б̣ам̣ нава сиват̇игабаб̣б̣аанийд̇и имзсам̣ жуд̣̇д̣̇асаннам̣ баб̣б̣аанам̣ васзна гааяаг̇ад̇аасад̇игаммадтаанам̣ нид̣̇д̣̇идтам̣. д̇асса бхааванаанид̣̇д̣̇зсо ануббад̇д̇о. д̇ад̇т̇а яасмаа ирияаабат̇абаб̣б̣ам̣ жад̇усамбаж̇ан̃н̃абаб̣б̣ам̣ д̇хаад̇уманасигаарабаб̣б̣анд̇и имаани д̇ийн̣и вибассанаавасзна вуд̇д̇аани. нава сиват̇игабаб̣б̣аани вибассанаан̃аан̣зсуязва аад̣̇ийнаваанубассанаавасзна вуд̇д̇аани. яааби жзд̇т̇а уд̣̇д̇хумаад̇агаад̣̇ийсу самаад̇хибхааванаа ижчзяяа, саа висуд̣̇д̇химаг̇г̇з вид̇т̇аарад̇о асубхабхааванаанид̣̇д̣̇зсз багаасид̇аа зва. аанаабаанабаб̣б̣ам̣ бана бадигууламанасигаарабаб̣б̣ан̃жзд̇и имаанзд̇т̇а д̣̇вз самаад̇хивасзна вуд̇д̇аани. д̇зсу аанаабаанабаб̣б̣ам̣ аанаабаанассад̇ивасзна висум̣ гаммадтаанам̣язва. яам̣ банзд̇ам̣ –

    Ādinā nayena ānāpānapabbaṃ iriyāpathapabbaṃ catusampajaññapabbaṃ paṭikūlamanasikārapabbaṃ dhātumanasikārapabbaṃ nava sivathikapabbānīti imesaṃ cuddasannaṃ pabbānaṃ vasena kāyagatāsatikammaṭṭhānaṃ niddiṭṭhaṃ. Tassa bhāvanāniddeso anuppatto. Tattha yasmā iriyāpathapabbaṃ catusampajaññapabbaṃ dhātumanasikārapabbanti imāni tīṇi vipassanāvasena vuttāni. Nava sivathikapabbāni vipassanāñāṇesuyeva ādīnavānupassanāvasena vuttāni. Yāpi cettha uddhumātakādīsu samādhibhāvanā iccheyya, sā visuddhimagge vitthārato asubhabhāvanāniddese pakāsitā eva. Ānāpānapabbaṃ pana paṭikūlamanasikārapabbañceti imānettha dve samādhivasena vuttāni. Tesu ānāpānapabbaṃ ānāpānassativasena visuṃ kammaṭṭhānaṃyeva. Yaṃ panetaṃ –

    ‘‘буна жабарам̣, бхигкавз, бхигку имамзва гааяам̣ уд̣̇д̇хам̣ баад̣̇ад̇алаа ад̇хо гзсамад̇т̇агаа д̇ажабарияанд̇ам̣ буурам̣ наанаббагаарасса асужино бажжавзгкад̇и ‘ад̇т̇и имасмим̣ гааяз гзсаа, ломаа…бз… муд̇д̇а’’нд̇и (ма. ни. 3.154).

    ‘‘Puna caparaṃ, bhikkhave, bhikkhu imameva kāyaṃ uddhaṃ pādatalā adho kesamatthakā tacapariyantaṃ pūraṃ nānappakārassa asucino paccavekkhati ‘atthi imasmiṃ kāye kesā, lomā…pe… mutta’’nti (ma. ni. 3.154).

    звам̣ д̇ад̇т̇а д̇ад̇т̇а мад̇т̇алун̇г̇ам̣ адтимин̃ж̇зна сан̇г̇ахзд̇ваа д̣̇зсид̇ам̣ гааяаг̇ад̇аасад̇игодтаасабхааванаабарияааяам̣ д̣̇вад̇д̇им̣саагаарагаммадтаанам̣ аарад̣̇д̇хам̣, д̇ассааяам̣ ад̇т̇аван̣н̣анаа –

    Evaṃ tattha tattha matthaluṅgaṃ aṭṭhimiñjena saṅgahetvā desitaṃ kāyagatāsatikoṭṭhāsabhāvanāpariyāyaṃ dvattiṃsākārakammaṭṭhānaṃ āraddhaṃ, tassāyaṃ atthavaṇṇanā –

    д̇ад̇т̇а ад̇т̇ийд̇и сам̣виж̇ж̇анд̇и. имасминд̇и явааяам̣ уд̣̇д̇хам̣ баад̣̇ад̇алаа ад̇хо гзсамад̇т̇агаа д̇ажабарияанд̇о бууро наанаббагаарасса асужинод̇и вужжад̇и, д̇асмим̣ . гааязд̇и сарийрз. сарийран̃хи асужисан̃жаяад̇о, гужчид̇аанам̣ ваа гзсаад̣̇ийнан̃жзва жагкурог̇аад̣̇ийнан̃жа рог̇асад̇аанам̣ ааяабхууд̇ад̇о гааяод̇и вужжад̇и. гзсаа…бз… муд̇д̇анд̇и зд̇з гзсаад̣̇аяо д̣̇вад̇д̇им̣саагаараа, д̇ад̇т̇а ‘‘ад̇т̇и имасмим̣ гааяз гзсаа ад̇т̇и ломаа’’д̇и звам̣ самб̣анд̇хо взд̣̇ид̇аб̣б̣о . д̇зна гим̣ гат̇ид̇ам̣ ход̇и? имасмим̣ баад̣̇ад̇алаа бадтааяа убари, гзсамад̇т̇агаа бадтааяа хздтаа, д̇ажад̇о бадтааяа барид̇од̇и зд̇д̇агз б̣яаамамад̇д̇з гал̣зварз саб̣б̣аагаарзнааби вижинанд̇о на гожи гин̃жи муд̇д̇ам̣ ваа ман̣им̣ ваа взл̣урияам̣ ваа аг̇арум̣ ваа жанд̣̇анам̣ ваа гун̇гумам̣ ваа габбуурам̣ ваа ваасажун̣н̣аад̣̇им̣ ваа ан̣умад̇д̇амби сужибхаавам̣ бассад̇и, ат̇а ко барамад̣̇уг̇г̇анд̇хаж̇зг̇ужчам̣ ассиригад̣̇ассанам̣ наанаббагаарам̣ гзсаломаад̣̇ибхзд̣̇ам̣ асужимзва бассад̇ийд̇и.

    Tattha atthīti saṃvijjanti. Imasminti yvāyaṃ uddhaṃ pādatalā adho kesamatthakā tacapariyanto pūro nānappakārassa asucinoti vuccati, tasmiṃ . Kāyeti sarīre. Sarīrañhi asucisañcayato, kucchitānaṃ vā kesādīnañceva cakkhurogādīnañca rogasatānaṃ āyabhūtato kāyoti vuccati. Kesā…pe… muttanti ete kesādayo dvattiṃsākārā, tattha ‘‘atthi imasmiṃ kāye kesā atthi lomā’’ti evaṃ sambandho veditabbo . Tena kiṃ kathitaṃ hoti? Imasmiṃ pādatalā paṭṭhāya upari, kesamatthakā paṭṭhāya heṭṭhā, tacato paṭṭhāya paritoti ettake byāmamatte kaḷevare sabbākārenāpi vicinanto na koci kiñci muttaṃ vā maṇiṃ vā veḷuriyaṃ vā agaruṃ vā candanaṃ vā kuṅkumaṃ vā kappūraṃ vā vāsacuṇṇādiṃ vā aṇumattampi sucibhāvaṃ passati, atha kho paramaduggandhajegucchaṃ assirikadassanaṃ nānappakāraṃ kesalomādibhedaṃ asucimeva passatīti.

    аяам̣ д̇аавзд̇т̇а бад̣̇асамб̣анд̇хад̇о ван̣н̣анаа.

    Ayaṃ tāvettha padasambandhato vaṇṇanā.

    асубхабхааванаа

    Asubhabhāvanā

    асубхабхааванаавасзна банасса звам̣ ван̣н̣анаа взд̣̇ид̇аб̣б̣аа – звамзд̇асмим̣ баан̣аад̇ибаад̇аавзраман̣исигкаабад̣̇аад̣̇ибхзд̣̇з сийлз бад̇идтид̇зна баяог̇асуд̣̇д̇хзна аад̣̇игаммигзна гулабуд̇д̇зна аасаяасуд̣̇д̇хияаа ад̇хиг̇аманад̇т̇ам̣ д̣̇вад̇д̇им̣саагаарагаммадтаанабхааванаануяог̇амануяун̃ж̇ид̇угаамзна батамам̣ д̇аавасса ааваасагулалаабхаг̇ан̣агаммад̣̇д̇хаанан̃аад̇иг̇ант̇арог̇аид̣̇д̇хибалиб̣од̇хзна гид̇д̇ибалиб̣од̇хзна ваа саха д̣̇аса балиб̣од̇хаа хонд̇и. ат̇аанзна ааваасагулалаабхаг̇ан̣ан̃аад̇игид̇д̇ийсу сан̇г̇аббахаанзна, гаммад̣̇д̇хаанаг̇ант̇зсу аб̣яаабаарзна, рог̇асса д̇игижчааяаад̇и звам̣ д̇з д̣̇аса балиб̣од̇хаа убажчинд̣̇ид̇аб̣б̣аа, ат̇аанзна убажчиннабалиб̣од̇хзна анубажчиннанзгкаммаабхилаасзна годиббад̇д̇асаллзкавуд̇д̇ид̇ам̣ бариг̇г̇ахзд̇ваа куд̣̇д̣̇аанукуд̣̇д̣̇агамби винаяаажаарам̣ аббаж̇аханд̇зна ааг̇амаад̇хиг̇амасаманнааг̇ад̇о д̇ад̇о ан̃н̃ад̇аран̇г̇асаманнааг̇ад̇о ваа гаммадтаанад̣̇ааяаго аажарияо винаяаануруубзна вид̇хинаа убаг̇анд̇аб̣б̣о, вад̇д̇асамбад̣̇ааяа жа аараад̇хид̇ажид̇д̇асса д̇асса ад̇д̇ано ад̇хиббааяо нивзд̣̇зд̇аб̣б̣о. д̇зна д̇асса нимид̇д̇аж̇жхаасаяажарияаад̇химуд̇д̇ибхзд̣̇ам̣ н̃ад̇ваа яад̣̇и зд̇ам̣ гаммадтаанамануруубам̣, ат̇а яасмим̣ вихаарз ад̇д̇анаа васад̇и, яад̣̇и д̇асмим̣язва соби васид̇угаамо ход̇и, д̇ад̇о сан̇кзбад̇о гаммадтаанам̣ д̣̇аад̇аб̣б̣ам̣. ат̇а ан̃н̃ад̇ра васид̇угаамо ход̇и, д̇ад̇о бахаад̇аб̣б̣абариг̇г̇ахзд̇аб̣б̣аад̣̇игат̇анавасзна сабурзгкаарам̣ рааг̇ажарид̇аанугулаад̣̇игат̇анавасзна саббабхзд̣̇ам̣ вид̇т̇аарзна гат̇зд̇аб̣б̣ам̣. д̇зна д̇ам̣ сабурзгкаарам̣ саббабхзд̣̇ам̣ гаммадтаанам̣ уг̇г̇ахзд̇ваа аажарияам̣ аабужчид̇ваа яаани д̇аани –

    Asubhabhāvanāvasena panassa evaṃ vaṇṇanā veditabbā – evametasmiṃ pāṇātipātāveramaṇisikkhāpadādibhede sīle patiṭṭhitena payogasuddhena ādikammikena kulaputtena āsayasuddhiyā adhigamanatthaṃ dvattiṃsākārakammaṭṭhānabhāvanānuyogamanuyuñjitukāmena paṭhamaṃ tāvassa āvāsakulalābhagaṇakammaddhānañātigantharogaiddhipalibodhena kittipalibodhena vā saha dasa palibodhā honti. Athānena āvāsakulalābhagaṇañātikittīsu saṅgappahānena, kammaddhānaganthesu abyāpārena, rogassa tikicchāyāti evaṃ te dasa palibodhā upacchinditabbā, athānena upacchinnapalibodhena anupacchinnanekkhammābhilāsena koṭippattasallekhavuttitaṃ pariggahetvā khuddānukhuddakampi vinayācāraṃ appajahantena āgamādhigamasamannāgato tato aññataraṅgasamannāgato vā kammaṭṭhānadāyako ācariyo vinayānurūpena vidhinā upagantabbo, vattasampadāya ca ārādhitacittassa tassa attano adhippāyo nivedetabbo. Tena tassa nimittajjhāsayacariyādhimuttibhedaṃ ñatvā yadi etaṃ kammaṭṭhānamanurūpaṃ, atha yasmiṃ vihāre attanā vasati, yadi tasmiṃyeva sopi vasitukāmo hoti, tato saṅkhepato kammaṭṭhānaṃ dātabbaṃ. Atha aññatra vasitukāmo hoti, tato pahātabbapariggahetabbādikathanavasena sapurekkhāraṃ rāgacaritānukulādikathanavasena sappabhedaṃ vitthārena kathetabbaṃ. Tena taṃ sapurekkhāraṃ sappabhedaṃ kammaṭṭhānaṃ uggahetvā ācariyaṃ āpucchitvā yāni tāni –

    ‘‘махааваасам̣ навааваасам̣, ж̇арааваасан̃жа бант̇аним̣;

    ‘‘Mahāvāsaṃ navāvāsaṃ, jarāvāsañca panthaniṃ;

    сон̣д̣им̣ бан̣н̣ан̃жа бубпан̃жа, палам̣ бад̇т̇ид̇амзва жа.

    Soṇḍiṃ paṇṇañca pupphañca, phalaṃ patthitameva ca.

    ‘‘наг̇арам̣ д̣̇аарунаа кзд̇д̇ам̣, висабхааг̇зна бадданам̣;

    ‘‘Nagaraṃ dārunā khettaṃ, visabhāgena paṭṭanaṃ;

    бажжанд̇асиймаасаббааяам̣, яад̇т̇а мид̇д̇о на лаб̣бхад̇и.

    Paccantasīmāsappāyaṃ, yattha mitto na labbhati.

    ‘‘адтаарасзд̇аани таанаани, ид̇и вин̃н̃ааяа бан̣д̣ид̇о;

    ‘‘Aṭṭhārasetāni ṭhānāni, iti viññāya paṇḍito;

    аарагаа бариваж̇ж̇зяяа, маг̇г̇ам̣ саббадибхаяам̣ яат̇аа’’д̇и. (висуд̣̇д̇хи. 1.52) –

    Ārakā parivajjeyya, maggaṃ sappaṭibhayaṃ yathā’’ti. (visuddhi. 1.52) –

    звам̣ адтаараса сзнаасанаани бариваж̇ж̇зд̇аб̣б̣аанийд̇и вужжанд̇и. д̇аани важ̇ж̇зд̇ваа, яам̣ д̇ам̣ –

    Evaṃ aṭṭhārasa senāsanāni parivajjetabbānīti vuccanti. Tāni vajjetvā, yaṃ taṃ –

    ‘‘гат̇ан̃жа, бхигкавз, сзнаасанам̣ бан̃жан̇г̇асаманнааг̇ад̇ам̣ ход̇и? ид̇ха, бхигкавз, сзнаасанам̣ наад̇ид̣̇уурам̣ ход̇и, нажжаасаннам̣, г̇аманааг̇аманасамбаннам̣, д̣̇иваа аббаагин̣н̣ам̣, рад̇д̇им̣ аббасад̣̇д̣̇ам̣ аббаниг̇гхосам̣ аббад̣ам̣самагасаваад̇аад̇абасарийсабасампассам̣. д̇асмим̣ ко бана сзнаасанз вихаранд̇асса аббагасирзна уббаж̇ж̇анд̇и жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараа. д̇асмим̣ ко бана сзнаасанз т̇зраа бхигкуу вихаранд̇и б̣ахуссуд̇аа ааг̇ад̇ааг̇амаа д̇хаммад̇хараа винаяад̇хараа маад̇игаад̇хараа, д̇з гаалзна гаалам̣ убасан̇гамид̇ваа барибужчад̇и барибан̃хад̇и ‘ид̣̇ам̣, бханд̇з, гат̇ам̣, имасса го ад̇т̇о’д̇и? д̇асса, д̇з ааяасманд̇о авивадан̃жзва виваранд̇и, ануд̇д̇аанийгад̇ан̃жа уд̇д̇ааним̣ гаронд̇и, анзгавихид̇зсу жа ган̇каатааниязсу д̇хаммзсу ган̇кам̣ бадивинод̣̇знд̇и. звам̣ ко, бхигкавз, сзнаасанам̣ бан̃жан̇г̇асаманнааг̇ад̇ам̣ ход̇ий’’д̇и (а. ни. 10.11). –

    ‘‘Kathañca, bhikkhave, senāsanaṃ pañcaṅgasamannāgataṃ hoti? Idha, bhikkhave, senāsanaṃ nātidūraṃ hoti, naccāsannaṃ, gamanāgamanasampannaṃ, divā appākiṇṇaṃ, rattiṃ appasaddaṃ appanigghosaṃ appaḍaṃsamakasavātātapasarīsapasamphassaṃ. Tasmiṃ kho pana senāsane viharantassa appakasirena uppajjanti cīvarapiṇḍapātasenāsanagilānapaccayabhesajjaparikkhārā. Tasmiṃ kho pana senāsane therā bhikkhū viharanti bahussutā āgatāgamā dhammadharā vinayadharā mātikādharā, te kālena kālaṃ upasaṅkamitvā paripucchati paripañhati ‘idaṃ, bhante, kathaṃ, imassa ko attho’ti? Tassa, te āyasmanto avivaṭañceva vivaranti, anuttānīkatañca uttāniṃ karonti, anekavihitesu ca kaṅkhāṭhāniyesu dhammesu kaṅkhaṃ paṭivinodenti. Evaṃ kho, bhikkhave, senāsanaṃ pañcaṅgasamannāgataṃ hotī’’ti (a. ni. 10.11). –

    звам̣ бан̃жан̇г̇асаманнааг̇ад̇ам̣ сзнаасанам̣ вуд̇д̇ам̣. д̇ат̇ааруубам̣ сзнаасанам̣ убаг̇амма гад̇асаб̣б̣агижжзна гаамзсу аад̣̇ийнавам̣, нзгкаммз жа аанисам̣сам̣ бажжавзгкид̇ваа б̣уд̣̇д̇хасуб̣уд̣̇д̇хад̇ааяа д̇хаммасуд̇хаммад̇ааяа сан̇гхасуббадибаннад̇ааяа жа ануссаран̣зна жид̇д̇ам̣ басаад̣̇зд̇ваа яам̣ д̇ам̣ –

    Evaṃ pañcaṅgasamannāgataṃ senāsanaṃ vuttaṃ. Tathārūpaṃ senāsanaṃ upagamma katasabbakiccena kāmesu ādīnavaṃ, nekkhamme ca ānisaṃsaṃ paccavekkhitvā buddhasubuddhatāya dhammasudhammatāya saṅghasuppaṭipannatāya ca anussaraṇena cittaṃ pasādetvā yaṃ taṃ –

    ‘‘важасаа манасаа жзва, ван̣н̣асан̣таанад̇о д̣̇исаа;

    ‘‘Vacasā manasā ceva, vaṇṇasaṇṭhānato disā;

    огаасад̇о барижчзд̣̇аа, сад̇д̇ад̇хуг̇г̇ахан̣ам̣ вид̣̇уу’’д̇и. –

    Okāsato paricchedā, sattadhuggahaṇaṃ vidū’’ti. –

    звам̣ сад̇д̇авид̇хам̣ уг̇г̇ахагосаллам̣; анубуб̣б̣ад̇о, наад̇исийгхад̇о, наад̇исан̣игад̇о, вигкзбаббадиб̣ааханад̇о, бан̣н̣ад̇д̇исамад̇иггамад̇о, анубуб̣б̣амун̃жанад̇о, аббанаад̇о, д̇аяо жа суд̇д̇анд̇аад̇и звам̣ д̣̇асавид̇хам̣ манасигаарагосаллан̃жа вуд̇д̇ам̣. д̇ам̣ абарижжаж̇анд̇зна д̣̇вад̇д̇им̣саагаарабхааванаа аарабхид̇аб̣б̣аа. зван̃хи аарабхад̇о саб̣б̣аагаарзна д̣̇вад̇д̇им̣саагаарабхааванаа самбаж̇ж̇ад̇и но ан̃н̃ат̇аа.

    Evaṃ sattavidhaṃ uggahakosallaṃ; anupubbato, nātisīghato, nātisaṇikato, vikkhepappaṭibāhanato, paṇṇattisamatikkamato, anupubbamuñcanato, appanāto, tayo ca suttantāti evaṃ dasavidhaṃ manasikārakosallañca vuttaṃ. Taṃ apariccajantena dvattiṃsākārabhāvanā ārabhitabbā. Evañhi ārabhato sabbākārena dvattiṃsākārabhāvanā sampajjati no aññathā.

    д̇ад̇т̇а аад̣̇ид̇ова д̇ажабан̃жагам̣ д̇аава г̇ахзд̇ваа аби д̇збидагзна ‘‘гзсаа ломаа’’д̇иаад̣̇инаа наязна ануломад̇о, д̇асмим̣ баг̇ун̣ийбхууд̇з ‘‘д̇ажо д̣̇анд̇аа’’д̇и звамаад̣̇инаа наязна бадиломад̇о, д̇асмимби баг̇ун̣ийбхууд̇з д̇ад̣̇убхаяанаязнзва ануломаббадиломад̇о б̣ахи висадавид̇аггавижчзд̣̇анад̇т̇ам̣ баал̣ибаг̇ун̣ийбхаавад̇т̇ан̃жа важасаа годтаасасабхаавабариг̇г̇ахад̇т̇ам̣ манасаа жа ад̣̇д̇хамаасам̣ бхаавзд̇аб̣б̣ам̣. важасаа хисса бхааванаа б̣ахи висадавид̇аггз вижчинд̣̇ид̇ваа манасаа бхааванааяа баал̣ибаг̇ун̣ад̇ааяа жа бажжаяо ход̇и, манасаа бхааванаа асубхаван̣н̣алагкан̣аанам̣ ан̃н̃ад̇аравасзна бариг̇г̇ахасса, ат̇а д̇знзва наязна ваггабан̃жагам̣ ад̣̇д̇хамаасам̣, д̇ад̇о д̇ад̣̇убхаяамад̣̇д̇хамаасам̣, д̇ад̇о бабпаасабан̃жагамад̣̇д̇хамаасам̣, д̇ад̇о д̇ам̣ бан̃жагад̇д̇аяамби ад̣̇д̇хамаасам̣, ат̇а анд̇з авуд̇д̇амби мад̇т̇алун̇г̇ам̣ бат̇авийд̇хаад̇уаагаарзхи сад̣̇д̇хим̣ згад̇о бхааванад̇т̇ам̣ ид̇ха багкибид̇ваа мад̇т̇алун̇г̇абан̃жагам̣ ад̣̇д̇хамаасам̣, д̇ад̇о бан̃жагажад̇уггамби ад̣̇д̇хамаасам̣, ат̇а мзд̣̇ачаггамад̣̇д̇хамаасам̣, д̇ад̇о мзд̣̇ачаггзна саха бан̃жагажад̇уггамби ад̣̇д̇хамаасам̣, ат̇а муд̇д̇ачаггамад̣̇д̇хамаасам̣, д̇ад̇о саб̣б̣амзва д̣̇вад̇д̇им̣саагаарамад̣̇д̇хамаасанд̇и звам̣ ча маасз ван̣н̣асан̣таанад̣̇исогаасабарижчзд̣̇ад̇о вавад̇т̇абзнд̇зна бхаавзд̇аб̣б̣ам̣. зд̇ам̣ маж̇жхимабан̃н̃ам̣ буг̇г̇алам̣ санд̇хааяа вуд̇д̇ам̣. манд̣̇абан̃н̃зна д̇у яааваж̇ийвам̣ бхаавзд̇аб̣б̣ам̣ д̇игкабан̃н̃асса на жирзнзва бхааванаа самбаж̇ж̇ад̇ийд̇и.

    Tattha āditova tacapañcakaṃ tāva gahetvā api tepiṭakena ‘‘kesā lomā’’tiādinā nayena anulomato, tasmiṃ paguṇībhūte ‘‘taco dantā’’ti evamādinā nayena paṭilomato, tasmimpi paguṇībhūte tadubhayanayeneva anulomappaṭilomato bahi visaṭavitakkavicchedanatthaṃ pāḷipaguṇībhāvatthañca vacasā koṭṭhāsasabhāvapariggahatthaṃ manasā ca addhamāsaṃ bhāvetabbaṃ. Vacasā hissa bhāvanā bahi visaṭavitakke vicchinditvā manasā bhāvanāya pāḷipaguṇatāya ca paccayo hoti, manasā bhāvanā asubhavaṇṇalakkhaṇānaṃ aññataravasena pariggahassa, atha teneva nayena vakkapañcakaṃ addhamāsaṃ, tato tadubhayamaddhamāsaṃ, tato papphāsapañcakamaddhamāsaṃ, tato taṃ pañcakattayampi addhamāsaṃ, atha ante avuttampi matthaluṅgaṃ pathavīdhātuākārehi saddhiṃ ekato bhāvanatthaṃ idha pakkhipitvā matthaluṅgapañcakaṃ addhamāsaṃ, tato pañcakacatukkampi addhamāsaṃ, atha medachakkamaddhamāsaṃ, tato medachakkena saha pañcakacatukkampi addhamāsaṃ, atha muttachakkamaddhamāsaṃ, tato sabbameva dvattiṃsākāramaddhamāsanti evaṃ cha māse vaṇṇasaṇṭhānadisokāsaparicchedato vavatthapentena bhāvetabbaṃ. Etaṃ majjhimapaññaṃ puggalaṃ sandhāya vuttaṃ. Mandapaññena tu yāvajīvaṃ bhāvetabbaṃ tikkhapaññassa na cireneva bhāvanā sampajjatīti.

    зд̇т̇ааха – ‘‘гат̇ам̣ банааяамимам̣ д̣̇вад̇д̇им̣саагаарам̣ ван̣н̣аад̣̇ид̇о вавад̇т̇абзд̇ий’’д̇и? аяан̃хи ‘‘ад̇т̇и имасмим̣ гааяз гзсаа’’д̇и звамаад̣̇инаа наязна д̇ажабан̃жагаад̣̇ивибхааг̇ад̇о д̣̇вад̇д̇им̣саагаарам̣ бхаавзнд̇о гзсаа д̇аава ван̣н̣ад̇о гаал̣агаад̇и вавад̇т̇абзд̇и, яаад̣̇исагаа ваанзна д̣̇идтаа хонд̇и. сан̣таанад̇о д̣̇ийгхаваддалигаа д̇улаад̣̇ан̣д̣амиваад̇и вавад̇т̇абзд̇и. д̣̇исад̇о бана яасмаа имасмим̣ гааяз наабхид̇о уд̣̇д̇хам̣ убаримаа д̣̇исаа ад̇хо хздтимаад̇и вужжад̇и, д̇асмаа имасса гааяасса убаримааяа д̣̇исааяа ж̇аад̇аад̇и вавад̇т̇абзд̇и. огаасад̇о налааданд̇аган̣н̣ажуул̣игаг̇алаваадагабарижчиннз сийсажаммз ж̇аад̇аад̇и. д̇ад̇т̇а яат̇аа ваммигамад̇т̇агз ж̇аад̇аани гун̣тад̇ин̣аани на ж̇аананд̇и ‘‘маяам̣ ваммигамад̇т̇агз ж̇аад̇ааний’’д̇и; наби ваммигамад̇т̇аго ж̇аанаад̇и ‘‘маяи гун̣тад̇ин̣аани ж̇аад̇ааний’’д̇и; звамзва на гзсаа ж̇аананд̇и ‘‘маяам̣ сийсажаммз ж̇аад̇аа’’д̇и, наби сийсажаммам̣ ж̇аанаад̇и ‘‘маяи гзсаа ж̇аад̇аа’’д̇и. аабхог̇абажжавзгкан̣авирахид̇аа хи зд̇з д̇хаммаа ажзд̇анаа аб̣яаагад̇аа сун̃н̃аа барамад̣̇уг̇г̇анд̇хаж̇зг̇ужчаббадигуулаа, на сад̇д̇о на буг̇г̇алод̇и вавад̇т̇абзд̇и. барижчзд̣̇ад̇од̇и д̣̇увид̇хо барижчзд̣̇о сабхааг̇ависабхааг̇авасзна. д̇ад̇т̇а гзсаа хздтаа бад̇идтид̇ажаммад̇алзна д̇ад̇т̇а вийхаг̇г̇амад̇д̇ам̣ бависид̇ваа бад̇идтид̇зна ад̇д̇ано муулад̇алзна жа убари аагаасзна д̇ирияам̣ ан̃н̃аман̃н̃зна барижчиннаад̇и звам̣ сабхааг̇абарижчзд̣̇ад̇о, гзсаа на авасзсазгад̇им̣саагаараа. авасзсаа згад̇им̣саа на гзсаад̇и звам̣ висабхааг̇абарижчзд̣̇ад̇о жа вавад̇т̇абзд̇и. звам̣ д̇аава гзсз ван̣н̣аад̣̇ид̇о вавад̇т̇абзд̇и.

    Etthāha – ‘‘kathaṃ panāyamimaṃ dvattiṃsākāraṃ vaṇṇādito vavatthapetī’’ti? Ayañhi ‘‘atthi imasmiṃ kāye kesā’’ti evamādinā nayena tacapañcakādivibhāgato dvattiṃsākāraṃ bhāvento kesā tāva vaṇṇato kāḷakāti vavatthapeti, yādisakā vānena diṭṭhā honti. Saṇṭhānato dīghavaṭṭalikā tulādaṇḍamivāti vavatthapeti. Disato pana yasmā imasmiṃ kāye nābhito uddhaṃ uparimā disā adho heṭṭhimāti vuccati, tasmā imassa kāyassa uparimāya disāya jātāti vavatthapeti. Okāsato nalāṭantakaṇṇacūḷikagalavāṭakaparicchinne sīsacamme jātāti. Tattha yathā vammikamatthake jātāni kuṇṭhatiṇāni na jānanti ‘‘mayaṃ vammikamatthake jātānī’’ti; napi vammikamatthako jānāti ‘‘mayi kuṇṭhatiṇāni jātānī’’ti; evameva na kesā jānanti ‘‘mayaṃ sīsacamme jātā’’ti, napi sīsacammaṃ jānāti ‘‘mayi kesā jātā’’ti. Ābhogapaccavekkhaṇavirahitā hi ete dhammā acetanā abyākatā suññā paramaduggandhajegucchappaṭikūlā, na satto na puggaloti vavatthapeti. Paricchedatoti duvidho paricchedo sabhāgavisabhāgavasena. Tattha kesā heṭṭhā patiṭṭhitacammatalena tattha vīhaggamattaṃ pavisitvā patiṭṭhitena attano mūlatalena ca upari ākāsena tiriyaṃ aññamaññena paricchinnāti evaṃ sabhāgaparicchedato, kesā na avasesaekatiṃsākārā. Avasesā ekatiṃsā na kesāti evaṃ visabhāgaparicchedato ca vavatthapeti. Evaṃ tāva kese vaṇṇādito vavatthapeti.

    авасзсзсу ломаа ван̣н̣ад̇о язбхуяязна нийлаван̣н̣аад̇и вавад̇т̇абзд̇и, яаад̣̇исагаа ваанзна д̣̇идтаа хонд̇и. сан̣таанад̇о он̣ад̇ажаабасан̣таанаа, убари ван̇гад̇аалахийрасан̣таанаа ваа, д̣̇исад̇о д̣̇вийсу д̣̇исаасу ж̇аад̇аа, огаасад̇о хад̇т̇ад̇алабаад̣̇ад̇алз табзд̇ваа язбхуяязна авасзсасарийражаммз ж̇аад̇аад̇и.

    Avasesesu lomā vaṇṇato yebhuyyena nīlavaṇṇāti vavatthapeti, yādisakā vānena diṭṭhā honti. Saṇṭhānato oṇatacāpasaṇṭhānā, upari vaṅkatālahīrasaṇṭhānā vā, disato dvīsu disāsu jātā, okāsato hatthatalapādatale ṭhapetvā yebhuyyena avasesasarīracamme jātāti.

    д̇ад̇т̇а яат̇аа бураан̣аг̇аамадтаанз ж̇аад̇аани д̣̇аб̣б̣ад̇ин̣аани на ж̇аананд̇и ‘‘маяам̣ бураан̣аг̇аамадтаанз ж̇аад̇ааний’’д̇и, на жа бураан̣аг̇аамадтаанам̣ ж̇аанаад̇и ‘‘маяи д̣̇аб̣б̣ад̇ин̣аани ж̇аад̇ааний’’д̇и, звамзва на ломаа ж̇аананд̇и ‘‘маяам̣ сарийражаммз ж̇аад̇аа’’д̇и, наби сарийражаммам̣ ж̇аанаад̇и ‘‘маяи ломаа ж̇аад̇аа’’д̇и. аабхог̇абажжавзгкан̣авирахид̇аа хи зд̇з д̇хаммаа ажзд̇анаа аб̣яаагад̇аа сун̃н̃аа барамад̣̇уг̇г̇анд̇хаж̇зг̇ужчабадигуулаа, на сад̇д̇о на буг̇г̇алод̇и вавад̇т̇абзд̇и. барижчзд̣̇ад̇о хздтаа бад̇идтид̇ажаммад̇алзна д̇ад̇т̇а лигкаамад̇д̇ам̣ бависид̇ваа бад̇идтид̇зна ад̇д̇ано муулзна жа убари аагаасзна д̇ирияам̣ ан̃н̃аман̃н̃зна барижчиннаад̇и вавад̇т̇абзд̇и. аяамзд̇зсам̣ сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ ломз ван̣н̣аад̣̇ид̇о вавад̇т̇абзд̇и.

    Tattha yathā purāṇagāmaṭṭhāne jātāni dabbatiṇāni na jānanti ‘‘mayaṃ purāṇagāmaṭṭhāne jātānī’’ti, na ca purāṇagāmaṭṭhānaṃ jānāti ‘‘mayi dabbatiṇāni jātānī’’ti, evameva na lomā jānanti ‘‘mayaṃ sarīracamme jātā’’ti, napi sarīracammaṃ jānāti ‘‘mayi lomā jātā’’ti. Ābhogapaccavekkhaṇavirahitā hi ete dhammā acetanā abyākatā suññā paramaduggandhajegucchapaṭikūlā, na satto na puggaloti vavatthapeti. Paricchedato heṭṭhā patiṭṭhitacammatalena tattha likkhāmattaṃ pavisitvā patiṭṭhitena attano mūlena ca upari ākāsena tiriyaṃ aññamaññena paricchinnāti vavatthapeti. Ayametesaṃ sabhāgaparicchedo, visabhāgaparicchedo pana kesasadiso evāti evaṃ lome vaṇṇādito vavatthapeti.

    д̇ад̇о барам̣ накаа яасса барибун̣н̣аа, д̇асса вийсад̇и. д̇з саб̣б̣зби ван̣н̣ад̇о мам̣савинимуд̇д̇огаасз сзд̇аа, мам̣сасамб̣анд̇хз д̇амб̣аван̣н̣аад̇и вавад̇т̇абзд̇и. сан̣таанад̇о яат̇аасагабад̇идтид̇огаасасан̣таанаа, язбхуяязна мад̇хугапаладтигасан̣таанаа, мажчасагалигасан̣таанаа ваад̇и вавад̇т̇абзд̇и. д̣̇исад̇о д̣̇вийсу д̣̇исаасу ж̇аад̇аа, огаасад̇о ан̇г̇улийнам̣ аг̇г̇зсу бад̇идтид̇аад̇и.

    Tato paraṃ nakhā yassa paripuṇṇā, tassa vīsati. Te sabbepi vaṇṇato maṃsavinimuttokāse setā, maṃsasambandhe tambavaṇṇāti vavatthapeti. Saṇṭhānato yathāsakapatiṭṭhitokāsasaṇṭhānā, yebhuyyena madhukaphalaṭṭhikasaṇṭhānā, macchasakalikasaṇṭhānā vāti vavatthapeti. Disato dvīsu disāsu jātā, okāsato aṅgulīnaṃ aggesu patiṭṭhitāti.

    д̇ад̇т̇а яат̇аа наама г̇аамад̣̇аарагзхи д̣̇ан̣д̣агаг̇г̇зсу мад̇хугапаладтигаа табид̇аа на ж̇аананд̇и ‘‘маяам̣ д̣̇ан̣д̣агаг̇г̇зсу табид̇аа’’д̇и, наби д̣̇ан̣д̣агаа ж̇аананд̇и ‘‘амхзсу мад̇хугапаладтигаа табид̇аа’’д̇и; звамзва накаа на ж̇аананд̇и ‘‘маяам̣ ан̇г̇улийнам̣ аг̇г̇зсу бад̇идтид̇аа’’д̇и, наби ан̇г̇улияо ж̇аананд̇и ‘‘амхаагам̣ аг̇г̇зсу накаа бад̇идтид̇аа’’д̇и. аабхог̇абажжавзгкан̣авирахид̇аа хи зд̇з д̇хаммаа ажзд̇анаа…бз… на буг̇г̇алод̇и вавад̇т̇абзд̇и. барижчзд̣̇ад̇о хздтаа муулз жа ан̇г̇улимам̣сзна, д̇ад̇т̇а бад̇идтид̇ад̇алзна ваа убари аг̇г̇з жа аагаасзна, убхад̇обассзсу ан̇г̇улийнам̣ убхад̇огодижаммзна барижчиннаад̇и вавад̇т̇абзд̇и. аяамзд̇зсам̣ сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ накз ван̣н̣аад̣̇ид̇о вавад̇т̇абзд̇и.

    Tattha yathā nāma gāmadārakehi daṇḍakaggesu madhukaphalaṭṭhikā ṭhapitā na jānanti ‘‘mayaṃ daṇḍakaggesu ṭhapitā’’ti, napi daṇḍakā jānanti ‘‘amhesu madhukaphalaṭṭhikā ṭhapitā’’ti; evameva nakhā na jānanti ‘‘mayaṃ aṅgulīnaṃ aggesu patiṭṭhitā’’ti, napi aṅguliyo jānanti ‘‘amhākaṃ aggesu nakhā patiṭṭhitā’’ti. Ābhogapaccavekkhaṇavirahitā hi ete dhammā acetanā…pe… na puggaloti vavatthapeti. Paricchedato heṭṭhā mūle ca aṅgulimaṃsena, tattha patiṭṭhitatalena vā upari agge ca ākāsena, ubhatopassesu aṅgulīnaṃ ubhatokoṭicammena paricchinnāti vavatthapeti. Ayametesaṃ sabhāgaparicchedo, visabhāgaparicchedo pana kesasadiso evāti evaṃ nakhe vaṇṇādito vavatthapeti.

    д̇ад̇о барам̣ д̣̇анд̇аа яасса барибун̣н̣аа, д̇асса д̣̇вад̇д̇им̣са. д̇з саб̣б̣зби ван̣н̣ад̇о сзд̇аван̣н̣аад̇и вавад̇т̇абзд̇и. яасса самасан̣тид̇аа хонд̇и, д̇асса карабад̇д̇ажчиннасан̇кабадаламива самаг̇ант̇ид̇асзд̇агусумамагул̣амаалаа вияа жа кааяанд̇и. яасса висамасан̣тид̇аа, д̇асса ж̇ин̣н̣ааасанасаалаабийтагабадибаади вияа наанаасан̣таанаад̇и сан̣таанад̇о вавад̇т̇абзд̇и. д̇зсан̃хи убхаяад̣̇анд̇абанд̇ибарияосаанзсу хздтад̇о убарид̇о жа д̣̇вз д̣̇вз гад̇ваа адта д̣̇анд̇аа жад̇угодигаа жад̇умуулигаа аасанд̣̇игасан̣таанаа, д̇зсам̣ орад̇о д̇знзва гамзна саннивидтаа адта д̣̇анд̇аа д̇игодигаа д̇имуулигаа син̇гхаадагасан̣таанаа. д̇зсамби орад̇о д̇знзва гамзна хздтад̇о убарид̇о жа згамзгам̣ гад̇ваа жад̇д̇ааро д̣̇анд̇аа д̣̇вигодигаа д̣̇вимуулигаа яаанагуубад̇т̇амбхинийсан̣таанаа. д̇зсамби орад̇о д̇знзва гамзна саннивидтаа жад̇д̇ааро д̣̇аатаад̣̇анд̇аа згагодигаа згамуулигаа маллигаамагул̣асан̣таанаа. д̇ад̇о убхаяад̣̇анд̇абанд̇ивзмаж̇жхз хздтаа жад̇д̇ааро убари жад̇д̇ааро гад̇ваа адта д̣̇анд̇аа згагодигаа згамуулигаа д̇умб̣аб̣ийж̇асан̣таанаа. д̣̇исад̇о убаримааяа д̣̇исааяа ж̇аад̇аа. огаасад̇о убаримаа убаримаханугадтигз ад̇хогодигаа, хздтимаа хздтимаханугадтигз уд̣̇д̇хам̣годигаа худ̇ваа бад̇идтид̇аад̇и.

    Tato paraṃ dantā yassa paripuṇṇā, tassa dvattiṃsa. Te sabbepi vaṇṇato setavaṇṇāti vavatthapeti. Yassa samasaṇṭhitā honti, tassa kharapattacchinnasaṅkhapaṭalamiva samaganthitasetakusumamakuḷamālā viya ca khāyanti. Yassa visamasaṇṭhitā, tassa jiṇṇaāsanasālāpīṭhakapaṭipāṭi viya nānāsaṇṭhānāti saṇṭhānato vavatthapeti. Tesañhi ubhayadantapantipariyosānesu heṭṭhato uparito ca dve dve katvā aṭṭha dantā catukoṭikā catumūlikā āsandikasaṇṭhānā, tesaṃ orato teneva kamena sanniviṭṭhā aṭṭha dantā tikoṭikā timūlikā siṅghāṭakasaṇṭhānā. Tesampi orato teneva kamena heṭṭhato uparito ca ekamekaṃ katvā cattāro dantā dvikoṭikā dvimūlikā yānakūpatthambhinīsaṇṭhānā. Tesampi orato teneva kamena sanniviṭṭhā cattāro dāṭhādantā ekakoṭikā ekamūlikā mallikāmakuḷasaṇṭhānā. Tato ubhayadantapantivemajjhe heṭṭhā cattāro upari cattāro katvā aṭṭha dantā ekakoṭikā ekamūlikā tumbabījasaṇṭhānā. Disato uparimāya disāya jātā. Okāsato uparimā uparimahanukaṭṭhike adhokoṭikā, heṭṭhimā heṭṭhimahanukaṭṭhike uddhaṃkoṭikā hutvā patiṭṭhitāti.

    д̇ад̇т̇а яат̇аа навагаммигабурисзна хздтаа силаад̇алз бад̇идтаабид̇аа убаримад̇алз бавзсид̇аа т̇амбхаа на ж̇аананд̇и ‘‘маяам̣ хздтаасилаад̇алз бад̇идтаабид̇аа, убаримад̇алз бавзсид̇аа’’д̇и, на хздтаасилаад̇алам̣ ж̇аанаад̇и ‘‘маяи т̇амбхаа бад̇идтаабид̇аа’’д̇и, на убаримад̇алам̣ ж̇аанаад̇и ‘‘маяи т̇амбхаа бавидтаа’’д̇и; звамзва д̣̇анд̇аа на ж̇аананд̇и ‘‘маяам̣ хздтааханугадтигз бад̇идтид̇аа, убаримаханугадтигз бавидтаа’’д̇и, нааби хздтааханугадтигам̣ ж̇аанаад̇и ‘‘маяи д̣̇анд̇аа бад̇идтид̇аа’’д̇и, на убаримаханугадтигам̣ ж̇аанаад̇и ‘‘маяи д̣̇анд̇аа бавидтаа’’д̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о хздтаа ханугадтигуубзна ханугадтигам̣ бависид̇ваа бад̇идтид̇зна ад̇д̇ано муулад̇алзна жа убари аагаасзна д̇ирияам̣ ан̃н̃аман̃н̃зна барижчиннаад̇и вавад̇т̇абзд̇и. аяамзд̇зсам̣ сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ д̣̇анд̇з ван̣н̣аад̣̇ид̇о вавад̇т̇абзд̇и .

    Tattha yathā navakammikapurisena heṭṭhā silātale patiṭṭhāpitā uparimatale pavesitā thambhā na jānanti ‘‘mayaṃ heṭṭhāsilātale patiṭṭhāpitā, uparimatale pavesitā’’ti, na heṭṭhāsilātalaṃ jānāti ‘‘mayi thambhā patiṭṭhāpitā’’ti, na uparimatalaṃ jānāti ‘‘mayi thambhā paviṭṭhā’’ti; evameva dantā na jānanti ‘‘mayaṃ heṭṭhāhanukaṭṭhike patiṭṭhitā, uparimahanukaṭṭhike paviṭṭhā’’ti, nāpi heṭṭhāhanukaṭṭhikaṃ jānāti ‘‘mayi dantā patiṭṭhitā’’ti, na uparimahanukaṭṭhikaṃ jānāti ‘‘mayi dantā paviṭṭhā’’ti. Ābhogapaccavekkhaṇavirahitā hi ete dhammā…pe… na puggaloti. Paricchedato heṭṭhā hanukaṭṭhikūpena hanukaṭṭhikaṃ pavisitvā patiṭṭhitena attano mūlatalena ca upari ākāsena tiriyaṃ aññamaññena paricchinnāti vavatthapeti. Ayametesaṃ sabhāgaparicchedo, visabhāgaparicchedo pana kesasadiso evāti evaṃ dante vaṇṇādito vavatthapeti .

    д̇ад̇о барам̣ анд̇осарийрз наанаагун̣абасан̃жаяаббадижчаад̣̇агам̣ д̇ажо ван̣н̣ад̇о сзд̇од̇и вавад̇т̇абзд̇и. со хи яад̣̇иби чавирааг̇аран̃ж̇ид̇ад̇д̇аа гаал̣агод̣̇аад̇аад̣̇иван̣н̣авасзна наанааван̣н̣о вияа д̣̇иссад̇и, д̇ат̇ааби сабхааг̇аван̣н̣зна сзд̇о зва. со банасса сзд̇абхааво аг̇г̇иж̇аалаабхигхаад̇абахаран̣абахаараад̣̇ийхи вид̣̇д̇хам̣сид̇ааяа чавияаа баагадо ход̇и. сан̣таанад̇о сан̇кзбзна ган̃жугасан̣таано, вид̇т̇аарзна наанаасан̣таанод̇и. д̇ат̇аа хи баад̣̇ан̇г̇улид̇д̇ажо госагаарагагосасан̣таано, бидтибаад̣̇ад̇д̇ажо будаб̣ад̣̇д̇хуубааханасан̣таано, ж̇ан̇гхад̇д̇ажо бхад̇д̇абудагад̇аалабан̣н̣асан̣таано , ууруд̇д̇ажо д̇ан̣д̣улабхарид̇ад̣̇ийгхад̇т̇авигасан̣таано, аанисад̣̇ад̇д̇ажо уд̣̇агабуурид̇абадабариссааванасан̣таано, бидтид̇д̇ажо палагонад̣̇д̇хажаммасан̣таано, гужчид̇д̇ажо вийн̣аад̣̇он̣игонад̣̇д̇хажаммасан̣таано, урад̇д̇ажо язбхуяязна жад̇урассасан̣таано, д̣̇виб̣аахуд̇д̇ажо д̇уун̣ийронад̣̇д̇хажаммасан̣таано, бидтихад̇т̇ад̇д̇ажо курагосасан̣таано пан̣агад̇т̇авигасан̣таано ваа, хад̇т̇ан̇г̇улид̇д̇ажо гун̃жигаагосасан̣таано, г̇ийвад̇д̇ажо г̇алаган̃жугасан̣таано, мукад̇д̇ажо чид̣̇д̣̇аавачид̣̇д̣̇агимигулаавагасан̣таано, сийсад̇д̇ажо бад̇д̇ад̇т̇авигасан̣таанод̇и.

    Tato paraṃ antosarīre nānākuṇapasañcayappaṭicchādakaṃ taco vaṇṇato setoti vavatthapeti. So hi yadipi chavirāgarañjitattā kāḷakodātādivaṇṇavasena nānāvaṇṇo viya dissati, tathāpi sabhāgavaṇṇena seto eva. So panassa setabhāvo aggijālābhighātapaharaṇapahārādīhi viddhaṃsitāya chaviyā pākaṭo hoti. Saṇṭhānato saṅkhepena kañcukasaṇṭhāno, vitthārena nānāsaṇṭhānoti. Tathā hi pādaṅgulittaco kosakārakakosasaṇṭhāno, piṭṭhipādattaco puṭabaddhūpāhanasaṇṭhāno, jaṅghattaco bhattapuṭakatālapaṇṇasaṇṭhāno , ūruttaco taṇḍulabharitadīghatthavikasaṇṭhāno, ānisadattaco udakapūritapaṭaparissāvanasaṇṭhāno, piṭṭhittaco phalakonaddhacammasaṇṭhāno, kucchittaco vīṇādoṇikonaddhacammasaṇṭhāno, urattaco yebhuyyena caturassasaṇṭhāno, dvibāhuttaco tūṇīronaddhacammasaṇṭhāno, piṭṭhihatthattaco khurakosasaṇṭhāno phaṇakatthavikasaṇṭhāno vā, hatthaṅgulittaco kuñcikākosasaṇṭhāno, gīvattaco galakañcukasaṇṭhāno, mukhattaco chiddāvachiddakimikulāvakasaṇṭhāno, sīsattaco pattatthavikasaṇṭhānoti.

    д̇ажабариг̇г̇ан̣хагзна жа яог̇ааважарзна уд̇д̇ародтад̇о бадтааяа д̇ажасса мам̣сасса жа анд̇арзна жид̇д̇ам̣ бзсзнд̇зна батамам̣ д̇аава мукад̇д̇ажо вавад̇т̇абзд̇аб̣б̣о, д̇ад̇о сийсад̇д̇ажо, ат̇а б̣ахиг̇ийвад̇д̇ажо, д̇ад̇о ануломзна бадиломзна жа д̣̇агкин̣ахад̇т̇ад̇д̇ажо. ат̇а д̇знзва гамзна ваамахад̇т̇ад̇д̇ажо, д̇ад̇о бидтид̇д̇ажо, ат̇а аанисад̣̇ад̇д̇ажо, д̇ад̇о ануломзна бадиломзна жа д̣̇агкин̣абаад̣̇ад̇д̇ажо, ат̇а ваамабаад̣̇ад̇д̇ажо, д̇ад̇о вад̇т̇иуд̣̇арахад̣̇аяааб̣бханд̇араг̇ийвад̇д̇ажо, д̇ад̇о хздтимаханугад̇д̇ажо, ат̇а ад̇хародтад̇д̇ажо. звам̣ яаава буна убари одтад̇д̇ажод̇и . д̣̇исад̇о д̣̇вийсу д̣̇исаасу ж̇аад̇о. огаасад̇о сагаласарийрам̣ барияонанд̇хид̇ваа тид̇од̇и.

    Tacapariggaṇhakena ca yogāvacarena uttaroṭṭhato paṭṭhāya tacassa maṃsassa ca antarena cittaṃ pesentena paṭhamaṃ tāva mukhattaco vavatthapetabbo, tato sīsattaco, atha bahigīvattaco, tato anulomena paṭilomena ca dakkhiṇahatthattaco. Atha teneva kamena vāmahatthattaco, tato piṭṭhittaco, atha ānisadattaco, tato anulomena paṭilomena ca dakkhiṇapādattaco, atha vāmapādattaco, tato vatthiudarahadayaabbhantaragīvattaco, tato heṭṭhimahanukattaco, atha adharoṭṭhattaco. Evaṃ yāva puna upari oṭṭhattacoti . Disato dvīsu disāsu jāto. Okāsato sakalasarīraṃ pariyonandhitvā ṭhitoti.

    д̇ад̇т̇а яат̇аа аллажаммабарияонад̣̇д̇хааяа бзл̣ааяа на аллажаммам̣ ж̇аанаад̇и ‘‘маяаа бзл̣аа барияонад̣̇д̇хаа’’д̇и, наби бзл̣аа ж̇аанаад̇и ‘‘ахам̣ аллажаммзна барияонад̣̇д̇хаа’’д̇и; звамзва на д̇ажо ж̇аанаад̇и ‘‘маяаа ид̣̇ам̣ жаад̇умахаабхууд̇игам̣ сарийрам̣ онад̣̇д̇ха’’нд̇и, наби ид̣̇ам̣ жаад̇умахаабхууд̇игам̣ сарийрам̣ ж̇аанаад̇и ‘‘ахам̣ д̇ажзна онад̣̇д̇ха’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. гзвалам̣ д̇у –

    Tattha yathā allacammapariyonaddhāya peḷāya na allacammaṃ jānāti ‘‘mayā peḷā pariyonaddhā’’ti, napi peḷā jānāti ‘‘ahaṃ allacammena pariyonaddhā’’ti; evameva na taco jānāti ‘‘mayā idaṃ cātumahābhūtikaṃ sarīraṃ onaddha’’nti, napi idaṃ cātumahābhūtikaṃ sarīraṃ jānāti ‘‘ahaṃ tacena onaddha’’nti. Ābhogapaccavekkhaṇavirahitā hi ete dhammā…pe… na puggaloti. Kevalaṃ tu –

    ‘‘аллажаммабадижчанно, навад̣̇вааро махааван̣о;

    ‘‘Allacammapaṭicchanno, navadvāro mahāvaṇo;

    саманд̇ад̇о баг̇гхарад̇и, асужибууд̇иг̇анд̇хияо’’д̇и.

    Samantato paggharati, asucipūtigandhiyo’’ti.

    барижчзд̣̇ад̇о хздтаа мам̣сзна д̇ад̇т̇а бад̇идтид̇ад̇алзна ваа убари чавияаа барижчиннод̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ д̇ажам̣ ван̣н̣аад̣̇ид̇о вавад̇т̇абзд̇и.

    Paricchedato heṭṭhā maṃsena tattha patiṭṭhitatalena vā upari chaviyā paricchinnoti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ tacaṃ vaṇṇādito vavatthapeti.

    д̇ад̇о барам̣ сарийрз навабзсисад̇аббабхзд̣̇ам̣ мам̣сам̣ ван̣н̣ад̇о рад̇д̇ам̣ баалибхад̣̇д̣̇агабубпасаннибханд̇и вавад̇т̇абзд̇и. сан̣таанад̇о наанаасан̣таананд̇и. д̇ат̇аа хи д̇ад̇т̇а ж̇ан̇гхамам̣сам̣ д̇аалабад̇д̇абудабхад̇д̇асан̣таанам̣, авигасид̇агзд̇агиймагул̣асан̣таананд̇иби гзжи. уурумам̣сам̣ суд̇хаабисананисад̣̇абод̇агасан̣таанам̣, аанисад̣̇амам̣сам̣ уд̣̇д̇ханагодисан̣таанам̣, бидтимам̣сам̣ д̇аалаг̇ул̣абадаласан̣таанам̣, паасугад̣̇ваяамам̣сам̣ вам̣самаяагодтагужчибад̣̇зсамхи д̇анумад̇д̇игаалзбасан̣таанам̣, т̇анамам̣сам̣ ваддзд̇ваа авагкид̇д̇ад̣̇д̇хамад̇д̇игаабин̣д̣асан̣таанам̣, д̣̇взб̣аахумам̣сам̣ нан̇г̇удтасийсабаад̣̇з чзд̇ваа нижжаммам̣ гад̇ваа табид̇амахаамуусигасан̣таанам̣, мам̣сасуунагасан̣таананд̇иби згз. г̇ан̣д̣амам̣сам̣ г̇ан̣д̣аббад̣̇зсз табид̇агаран̃ж̇аб̣ийж̇асан̣таанам̣, ман̣д̣уугасан̣таананд̇иби згз. ж̇ивхаамам̣сам̣ нухийбад̇д̇асан̣таанам̣, наасаамам̣сам̣ омуканигкид̇д̇абан̣н̣агосасан̣таанам̣, 0.агкигуубамам̣сам̣ ад̣̇д̇хабаггауд̣̇умб̣арасан̣таанам̣, сийсамам̣сам̣ бад̇д̇абажанагадаахад̇анулзбасан̣таананд̇и . мам̣сабариг̇г̇ан̣хагзна жа яог̇ааважарзна зд̇аанзва ол̣ааригамам̣саани сан̣таанад̇о вавад̇т̇абзд̇аб̣б̣аани. зван̃хи вавад̇т̇аабаяад̇о сукумаани мам̣саани н̃аан̣асса аабаат̇ам̣ ааг̇ажчанд̇ийд̇и. д̣̇исад̇о д̣̇вийсу д̣̇исаасу ж̇аад̇ам̣. огаасад̇о саад̇хигаани д̇ийн̣и адтисад̇аани анулимбид̇ваа тид̇анд̇и.

    Tato paraṃ sarīre navapesisatappabhedaṃ maṃsaṃ vaṇṇato rattaṃ pālibhaddakapupphasannibhanti vavatthapeti. Saṇṭhānato nānāsaṇṭhānanti. Tathā hi tattha jaṅghamaṃsaṃ tālapattapuṭabhattasaṇṭhānaṃ, avikasitaketakīmakuḷasaṇṭhānantipi keci. Ūrumaṃsaṃ sudhāpisananisadapotakasaṇṭhānaṃ, ānisadamaṃsaṃ uddhanakoṭisaṇṭhānaṃ, piṭṭhimaṃsaṃ tālaguḷapaṭalasaṇṭhānaṃ, phāsukadvayamaṃsaṃ vaṃsamayakoṭṭhakucchipadesamhi tanumattikālepasaṇṭhānaṃ, thanamaṃsaṃ vaṭṭetvā avakkhittaddhamattikāpiṇḍasaṇṭhānaṃ, dvebāhumaṃsaṃ naṅguṭṭhasīsapāde chetvā niccammaṃ katvā ṭhapitamahāmūsikasaṇṭhānaṃ, maṃsasūnakasaṇṭhānantipi eke. Gaṇḍamaṃsaṃ gaṇḍappadese ṭhapitakarañjabījasaṇṭhānaṃ, maṇḍūkasaṇṭhānantipi eke. Jivhāmaṃsaṃ nuhīpattasaṇṭhānaṃ, nāsāmaṃsaṃ omukhanikkhittapaṇṇakosasaṇṭhānaṃ, 0.akkhikūpamaṃsaṃ addhapakkaudumbarasaṇṭhānaṃ, sīsamaṃsaṃ pattapacanakaṭāhatanulepasaṇṭhānanti . Maṃsapariggaṇhakena ca yogāvacarena etāneva oḷārikamaṃsāni saṇṭhānato vavatthapetabbāni. Evañhi vavatthāpayato sukhumāni maṃsāni ñāṇassa āpāthaṃ āgacchantīti. Disato dvīsu disāsu jātaṃ. Okāsato sādhikāni tīṇi aṭṭhisatāni anulimpitvā ṭhitanti.

    д̇ад̇т̇а яат̇аа т̇ууламад̇д̇игаанулид̇д̇ааяа бхид̇д̇ияаа на т̇ууламад̇д̇игаа ж̇аанаад̇и ‘‘маяаа бхид̇д̇и анулид̇д̇аа’’д̇и, наби бхид̇д̇и ж̇аанаад̇и ‘‘ахам̣ т̇ууламад̇д̇игааяа анулид̇д̇аа’’д̇и, звамзвам̣ на навабзсисад̇аббабхзд̣̇ам̣ мам̣сам̣ ж̇аанаад̇и ‘‘маяаа адтисад̇ад̇д̇аяам̣ анулид̇д̇а’’нд̇и, наби адтисад̇ад̇д̇аяам̣ ж̇аанаад̇и ‘‘ахам̣ навабзсисад̇аббабхзд̣̇зна мам̣сзна анулид̇д̇а’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. гзвалам̣ д̇у –

    Tattha yathā thūlamattikānulittāya bhittiyā na thūlamattikā jānāti ‘‘mayā bhitti anulittā’’ti, napi bhitti jānāti ‘‘ahaṃ thūlamattikāya anulittā’’ti, evamevaṃ na navapesisatappabhedaṃ maṃsaṃ jānāti ‘‘mayā aṭṭhisatattayaṃ anulitta’’nti, napi aṭṭhisatattayaṃ jānāti ‘‘ahaṃ navapesisatappabhedena maṃsena anulitta’’nti. Ābhogapaccavekkhaṇavirahitā hi ete dhammā…pe… na puggaloti. Kevalaṃ tu –

    ‘‘навабзсисад̇аа мам̣саа, анулид̇д̇аа гал̣зварам̣;

    ‘‘Navapesisatā maṃsā, anulittā kaḷevaraṃ;

    наанаагимигулаагин̣н̣ам̣, мийл̣хадтаанам̣ва бууд̇ига’’нд̇и.

    Nānākimikulākiṇṇaṃ, mīḷhaṭṭhānaṃva pūtika’’nti.

    барижчзд̣̇ад̇о хздтаа адтисан̇гхаадзна д̇ад̇т̇а бад̇идтид̇ад̇алзна ваа убари д̇ажзна д̇ирияам̣ ан̃н̃аман̃н̃зна барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ мам̣сам̣ ван̣н̣аад̣̇ид̇о вавад̇т̇абзд̇и.

    Paricchedato heṭṭhā aṭṭhisaṅghāṭena tattha patiṭṭhitatalena vā upari tacena tiriyaṃ aññamaññena paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ maṃsaṃ vaṇṇādito vavatthapeti.

    д̇ад̇о барам̣ сарийрз навасад̇аббабхзд̣̇аа нхааруу ван̣н̣ад̇о сзд̇аад̇и вавад̇т̇абзд̇и, мад̇хуван̣н̣аад̇иби згз. сан̣таанад̇о наанаасан̣таанаад̇и. д̇ат̇аа хи д̇ад̇т̇а маханд̇аа маханд̇аа нхааруу ганд̣̇аламагул̣асан̣таанаа, д̇ад̇о сукумад̇араа суугаравааг̇урараж̇ж̇усан̣таанаа, д̇ад̇о ан̣угад̇араа бууд̇илад̇аасан̣таанаа, д̇ад̇о ан̣угад̇араа сийхал̣амахаавийн̣аад̇анд̇исан̣таанаа, д̇ад̇о ан̣угад̇араа т̇ууласуд̇д̇агасан̣таанаа, хад̇т̇абидтибаад̣̇абидтийсу нхааруу сагун̣абаад̣̇асан̣таанаа, сийсз нхааруу г̇аамад̣̇аарагаанам̣ сийсз табид̇авирал̣ад̇арад̣̇угууласан̣таанаа, бидтияаа нхааруу д̇змзд̇ваа аад̇абз басаарид̇амажчаж̇ааласан̣таанаа, авасзсаа имасмим̣ сарийрз д̇ам̣д̇ам̣ан̇г̇абажжан̇г̇аануг̇ад̇аа нхааруу сарийрз бадимуггаж̇аалаган̃жугасан̣таанаад̇и. д̣̇исад̇о д̣̇вийсу д̣̇исаасу ж̇аад̇аа. д̇зсу жа д̣̇агкин̣аган̣н̣ажуул̣игад̇о бадтааяа бан̃жа ган̣д̣аранаамагаа махаанхааруу бурад̇о жа бажчад̇о жа винанд̇хамаанаа ваамабассам̣ г̇ад̇аа, ваамаган̣н̣ажуул̣игад̇о бадтааяа бан̃жа бурад̇о жа бажчад̇о жа винанд̇хамаанаа д̣̇агкин̣абассам̣ г̇ад̇аа, д̣̇агкин̣аг̇алаваадагад̇о бадтааяа бан̃жа бурад̇о жа бажчад̇о жа винанд̇хамаанаа ваамабассам̣ г̇ад̇аа, ваамаг̇алаваадагад̇о бадтааяа бан̃жа бурад̇о жа бажчад̇о жа винанд̇хамаанаа д̣̇агкин̣абассам̣ г̇ад̇аа, д̣̇агкин̣ахад̇т̇ам̣ винанд̇хамаанаа бурад̇о жа бажчад̇о жа бан̃жа бан̃жаад̇и д̣̇аса ган̣д̣аранаамагаа зва махаанхааруу аарул̣хаа. д̇ат̇аа ваамахад̇т̇ам̣, д̣̇агкин̣абаад̣̇ам̣, ваамабаад̣̇ан̃жаад̇и звамзд̇з садти махаанхааруу сарийрад̇хаарагаа сарийранияаамагаад̇иби вавад̇т̇абзд̇и. огаасад̇о сагаласарийрз адтижаммаанам̣ адтимам̣саанан̃жа анд̇арз адтийни ааб̣анд̇хамаанаа тид̇аад̇и.

    Tato paraṃ sarīre navasatappabhedā nhārū vaṇṇato setāti vavatthapeti, madhuvaṇṇātipi eke. Saṇṭhānato nānāsaṇṭhānāti. Tathā hi tattha mahantā mahantā nhārū kandalamakuḷasaṇṭhānā, tato sukhumatarā sūkaravāgurarajjusaṇṭhānā, tato aṇukatarā pūtilatāsaṇṭhānā, tato aṇukatarā sīhaḷamahāvīṇātantisaṇṭhānā, tato aṇukatarā thūlasuttakasaṇṭhānā, hatthapiṭṭhipādapiṭṭhīsu nhārū sakuṇapādasaṇṭhānā, sīse nhārū gāmadārakānaṃ sīse ṭhapitaviraḷataradukūlasaṇṭhānā, piṭṭhiyā nhārū temetvā ātape pasāritamacchajālasaṇṭhānā, avasesā imasmiṃ sarīre taṃtaṃaṅgapaccaṅgānugatā nhārū sarīre paṭimukkajālakañcukasaṇṭhānāti. Disato dvīsu disāsu jātā. Tesu ca dakkhiṇakaṇṇacūḷikato paṭṭhāya pañca kaṇḍaranāmakā mahānhārū purato ca pacchato ca vinandhamānā vāmapassaṃ gatā, vāmakaṇṇacūḷikato paṭṭhāya pañca purato ca pacchato ca vinandhamānā dakkhiṇapassaṃ gatā, dakkhiṇagalavāṭakato paṭṭhāya pañca purato ca pacchato ca vinandhamānā vāmapassaṃ gatā, vāmagalavāṭakato paṭṭhāya pañca purato ca pacchato ca vinandhamānā dakkhiṇapassaṃ gatā, dakkhiṇahatthaṃ vinandhamānā purato ca pacchato ca pañca pañcāti dasa kaṇḍaranāmakā eva mahānhārū āruḷhā. Tathā vāmahatthaṃ, dakkhiṇapādaṃ, vāmapādañcāti evamete saṭṭhi mahānhārū sarīradhārakā sarīraniyāmakātipi vavatthapeti. Okāsato sakalasarīre aṭṭhicammānaṃ aṭṭhimaṃsānañca antare aṭṭhīni ābandhamānā ṭhitāti.

    д̇ад̇т̇а яат̇аа валлисанд̇аанаб̣ад̣̇д̇хзсу гуддад̣̇ааруусу на валлисанд̇аанаа ж̇аананд̇и ‘‘амхзхи гуддад̣̇аарууни ааб̣ад̣̇д̇хааний’’д̇и, наби гуддад̣̇аарууни ж̇аананд̇и ‘‘маяам̣ валлисанд̇аанзхи ааб̣ад̣̇д̇хааний’’д̇и; звамзва на нхааруу ж̇аананд̇и ‘‘амхзхи д̇ийн̣и адтисад̇аани ааб̣ад̣̇д̇хааний’’д̇и, наби д̇ийн̣и адтисад̇аани ж̇аананд̇и ‘‘маяам̣ нхааруухи ааб̣ад̣̇д̇хааний’’д̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. гзвалам̣ д̇у –

    Tattha yathā vallisantānabaddhesu kuṭṭadārūsu na vallisantānā jānanti ‘‘amhehi kuṭṭadārūni ābaddhānī’’ti, napi kuṭṭadārūni jānanti ‘‘mayaṃ vallisantānehi ābaddhānī’’ti; evameva na nhārū jānanti ‘‘amhehi tīṇi aṭṭhisatāni ābaddhānī’’ti, napi tīṇi aṭṭhisatāni jānanti ‘‘mayaṃ nhārūhi ābaddhānī’’ti. Ābhogapaccavekkhaṇavirahitā hi ete dhammā…pe… na puggaloti. Kevalaṃ tu –

    ‘‘наванхаарусад̇аа хонд̇и, б̣яаамамад̇д̇з гал̣зварз;

    ‘‘Navanhārusatā honti, byāmamatte kaḷevare;

    б̣анд̇ханд̇и адтисан̇гхаадам̣, аг̇аарамива валлияо’’д̇и.

    Bandhanti aṭṭhisaṅghāṭaṃ, agāramiva valliyo’’ti.

    барижчзд̣̇ад̇о хздтаа д̇ийхи адтисад̇зхи д̇ад̇т̇а бад̇идтид̇ад̇алзхи ваа убари д̇ажамам̣сзхи д̇ирияам̣ ан̃н̃аман̃н̃зна барижчиннаад̇и вавад̇т̇абзд̇и. аяамзд̇зсам̣ сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ нхааруу ван̣н̣аад̣̇ид̇о вавад̇т̇абзд̇и.

    Paricchedato heṭṭhā tīhi aṭṭhisatehi tattha patiṭṭhitatalehi vā upari tacamaṃsehi tiriyaṃ aññamaññena paricchinnāti vavatthapeti. Ayametesaṃ sabhāgaparicchedo, visabhāgaparicchedo pana kesasadiso evāti evaṃ nhārū vaṇṇādito vavatthapeti.

    д̇ад̇о барам̣ сарийрз д̣̇вад̇д̇им̣сад̣̇анд̇адтигаанам̣ висум̣ г̇ахид̇ад̇д̇аа сзсаани жад̇усадти хад̇т̇адтигаани жад̇усадти баад̣̇адтигаани жад̇усадти муд̣̇угадтигаани мам̣саниссид̇аани д̣̇вз бан̣хигадтийни згзгасмим̣ баад̣̇з д̣̇вз д̣̇вз г̇обпагадтигаани д̣̇вз ж̇ан̇гхадтигаани згам̣ ж̇ан̣н̣угадти згам̣ уурудти д̣̇вз гадидтийни адтаараса бидтиган̣дагадтийни жад̇увийсад̇и паасугадтийни жуд̣̇д̣̇аса урадтийни згам̣ хад̣̇аяадти д̣̇вз агкагадтийни д̣̇вз бидтиб̣аахадтийни д̣̇вз б̣аахадтийни д̣̇вз д̣̇вз аг̇г̇аб̣аахадтийни сад̇д̇а г̇ийвадтийни д̣̇вз ханугадтийни згам̣ наасигадти д̣̇вз агкидтийни д̣̇вз ган̣н̣адтийни згам̣ налаададти згам̣ муд̣̇д̇хадти нава сийсагабааладтийнийд̇и звамаад̣̇инаа наязна вуд̇д̇аббабхзд̣̇аани адтийни саб̣б̣аанзва ван̣н̣ад̇о сзд̇аанийд̇и вавад̇т̇абзд̇и.

    Tato paraṃ sarīre dvattiṃsadantaṭṭhikānaṃ visuṃ gahitattā sesāni catusaṭṭhi hatthaṭṭhikāni catusaṭṭhi pādaṭṭhikāni catusaṭṭhi mudukaṭṭhikāni maṃsanissitāni dve paṇhikaṭṭhīni ekekasmiṃ pāde dve dve gopphakaṭṭhikāni dve jaṅghaṭṭhikāni ekaṃ jaṇṇukaṭṭhi ekaṃ ūruṭṭhi dve kaṭiṭṭhīni aṭṭhārasa piṭṭhikaṇṭakaṭṭhīni catuvīsati phāsukaṭṭhīni cuddasa uraṭṭhīni ekaṃ hadayaṭṭhi dve akkhakaṭṭhīni dve piṭṭhibāhaṭṭhīni dve bāhaṭṭhīni dve dve aggabāhaṭṭhīni satta gīvaṭṭhīni dve hanukaṭṭhīni ekaṃ nāsikaṭṭhi dve akkhiṭṭhīni dve kaṇṇaṭṭhīni ekaṃ nalāṭaṭṭhi ekaṃ muddhaṭṭhi nava sīsakapālaṭṭhīnīti evamādinā nayena vuttappabhedāni aṭṭhīni sabbāneva vaṇṇato setānīti vavatthapeti.

    сан̣таанад̇о наанаасан̣таанаани. д̇ат̇аа хи д̇ад̇т̇а аг̇г̇абаад̣̇ан̇г̇улияадтийни гад̇агаб̣ийж̇асан̣таанаани, д̇ад̣̇ананд̇араани ан̇г̇улийнам̣ маж̇жхабаб̣б̣адтийни абарибун̣н̣абанасадтисан̣таанаани, муулабаб̣б̣адтийни бан̣авасан̣таанаани, морасагалисан̣таанаанийд̇иби згз. бидтибаад̣̇адтийни годдид̇аганд̣̇алаганд̣̇араасисан̣таанаани бан̣хигадтийни згадтид̇аалапалаб̣ийж̇асан̣таанаани, г̇обпагадтийни згад̇об̣ад̣̇д̇хагийл̣ааг̇ол̣агасан̣таанаани, ж̇ан̇гхадтигзсу куд̣̇д̣̇агам̣ д̇хануд̣̇ан̣д̣асан̣таанам̣, маханд̇ам̣ куббибаасаамилаад̇ад̇хаманибидтисан̣таанам̣, ж̇ан̇гхадтигасса г̇обпагадтигзсу бад̇идтид̇адтаанам̣ абанийд̇ад̇ажакаж̇ж̇уурийгал̣ийрасан̣таанам̣, ж̇ан̇гхадтигасса ж̇ан̣н̣угадтигз бад̇идтид̇адтаанам̣ муд̣̇ин̇г̇амад̇т̇агасан̣таанам̣ ж̇ан̣н̣угадти згабассад̇о гхаддид̇апзн̣асан̣таанам̣, уурудтийни д̣̇уд̇д̇ажчид̇аваасипарасуд̣̇ан̣д̣асан̣таанаани, уурудтигасса гададтигз бад̇идтид̇адтаанам̣ суван̣н̣агаараанам̣ аг̇г̇иж̇ааланагасалаагааб̣унд̣̇исан̣таанам̣ , д̇аббад̇идтид̇огаасо аг̇г̇ажчиннабуннааг̇апаласан̣таано, гадидтийни д̣̇взби згааб̣ад̣̇д̇хаани худ̇ваа гумбхагаарзхи гад̇ажуллисан̣таанаани, д̇аабасабхисигаасан̣таанаанийд̇иби згз. аанисад̣̇адтийни хздтаамукатабид̇асаббапан̣асан̣таанаани, сад̇д̇адтадтаанзсу чид̣̇д̣̇аавачид̣̇д̣̇аани адтаараса бидтиган̣дагадтийни аб̣бханд̇арад̇о убаруубари табид̇асийсагабаддавзтагасан̣таанаани, б̣аахирад̇о вадданаавалисан̣таанаани, д̇зсам̣ анд̇аранд̇араа гагажад̣̇анд̇асад̣̇исаани д̣̇вз д̇ийн̣и ган̣дагаани хонд̇и, жад̇увийсад̇ияаа паасугадтийсу барибун̣н̣аани барибун̣н̣асийхал̣ад̣̇аад̇д̇асан̣таанаани , абарибун̣н̣аани абарибун̣н̣асийхал̣ад̣̇аад̇д̇асан̣таанаани, саб̣б̣аанзва од̣̇аад̇агуггудасса басаарид̇абагкад̣̇ваяасан̣таанаанийд̇иби згз. жуд̣̇д̣̇аса урадтийни ж̇ин̣н̣асанд̣̇амаанигапалагабанд̇исан̣таанаани, хад̣̇аяадти д̣̇аб̣б̣ипан̣асан̣таанам̣, агкагадтийни куд̣̇д̣̇агалохаваасид̣̇ан̣д̣асан̣таанаани, д̇зсам̣ хздтаа адти ад̣̇д̇хажанд̣̇асан̣таанам̣, бидтиб̣аахадтийни парасупан̣асан̣таанаани, убад̣дхажчиннасийхал̣агуд̣̇ааласан̣таанаанийд̇иби згз. б̣аахадтийни аад̣̇аасад̣̇ан̣д̣асан̣таанаани, махааваасид̣̇ан̣д̣асан̣таанаанийд̇иби згз. аг̇г̇аб̣аахадтийни яамагад̇аалаганд̣̇асан̣таанаани, ман̣иб̣анд̇хадтийни згад̇о аллияаабзд̇ваа табид̇асийсагабаддавзтагасан̣таанаани, бидтихад̇т̇адтийни годдид̇аганд̣̇алаганд̣̇араасисан̣таанаани, хад̇т̇ан̇г̇улимуулабаб̣б̣адтийни бан̣авасан̣таанаани, маж̇жхабаб̣б̣адтийни абарибун̣н̣абанасадтисан̣таанаани, аг̇г̇абаб̣б̣адтийни гад̇агаб̣ийж̇асан̣таанаани, сад̇д̇а г̇ийвадтийни д̣̇ан̣д̣з виж̇жхид̇ваа бадибаадияаа табид̇авам̣сагал̣ийракан̣д̣асан̣таанаани, хздтимаханугадти гаммаараанам̣ аяогуудаяод̇д̇агасан̣таанам̣, убаримаханугадти авалзканасад̇т̇агасан̣таанам̣, агкинаасагуубадтийни абанийд̇амин̃ж̇ад̇арун̣ад̇ааладтисан̣таанаани , налаададти ад̇хомукатабид̇абхиннасан̇кагабааласан̣таанам̣, ган̣н̣ажуул̣игадтийни нхаабид̇акурагосасан̣таанаани, налаадаган̣н̣ажуул̣игаанам̣ убари баддаб̣анд̇ханогаасз адтиб̣ахалагхадабун̣н̣абадабилод̇игакан̣д̣асан̣таанам̣, муд̣̇д̇ханадти мукажчиннаван̇ганаал̣игзрасан̣таанам̣, сийсадтийни сиб̣б̣зд̇ваа табид̇аж̇аж̇ж̇араалааб̣угадаахасан̣таанаанийд̇и. д̣̇исад̇о д̣̇вийсу д̣̇исаасу ж̇аад̇аани.

    Saṇṭhānato nānāsaṇṭhānāni. Tathā hi tattha aggapādaṅguliyaṭṭhīni katakabījasaṇṭhānāni, tadanantarāni aṅgulīnaṃ majjhapabbaṭṭhīni aparipuṇṇapanasaṭṭhisaṇṭhānāni, mūlapabbaṭṭhīni paṇavasaṇṭhānāni, morasakalisaṇṭhānānītipi eke. Piṭṭhipādaṭṭhīni koṭṭitakandalakandarāsisaṇṭhānāni paṇhikaṭṭhīni ekaṭṭhitālaphalabījasaṇṭhānāni, gopphakaṭṭhīni ekatobaddhakīḷāgoḷakasaṇṭhānāni, jaṅghaṭṭhikesu khuddakaṃ dhanudaṇḍasaṇṭhānaṃ, mahantaṃ khuppipāsāmilātadhamanipiṭṭhisaṇṭhānaṃ, jaṅghaṭṭhikassa gopphakaṭṭhikesu patiṭṭhitaṭṭhānaṃ apanītatacakhajjūrīkaḷīrasaṇṭhānaṃ, jaṅghaṭṭhikassa jaṇṇukaṭṭhike patiṭṭhitaṭṭhānaṃ mudiṅgamatthakasaṇṭhānaṃ jaṇṇukaṭṭhi ekapassato ghaṭṭitapheṇasaṇṭhānaṃ, ūruṭṭhīni duttacchitavāsipharasudaṇḍasaṇṭhānāni, ūruṭṭhikassa kaṭaṭṭhike patiṭṭhitaṭṭhānaṃ suvaṇṇakārānaṃ aggijālanakasalākābundisaṇṭhānaṃ , tappatiṭṭhitokāso aggacchinnapunnāgaphalasaṇṭhāno, kaṭiṭṭhīni dvepi ekābaddhāni hutvā kumbhakārehi katacullisaṇṭhānāni, tāpasabhisikāsaṇṭhānānītipi eke. Ānisadaṭṭhīni heṭṭhāmukhaṭhapitasappaphaṇasaṇṭhānāni, sattaṭṭhaṭṭhānesu chiddāvachiddāni aṭṭhārasa piṭṭhikaṇṭakaṭṭhīni abbhantarato uparūpari ṭhapitasīsakapaṭṭaveṭhakasaṇṭhānāni, bāhirato vaṭṭanāvalisaṇṭhānāni, tesaṃ antarantarā kakacadantasadisāni dve tīṇi kaṇṭakāni honti, catuvīsatiyā phāsukaṭṭhīsu paripuṇṇāni paripuṇṇasīhaḷadāttasaṇṭhānāni , aparipuṇṇāni aparipuṇṇasīhaḷadāttasaṇṭhānāni, sabbāneva odātakukkuṭassa pasāritapakkhadvayasaṇṭhānānītipi eke. Cuddasa uraṭṭhīni jiṇṇasandamānikaphalakapantisaṇṭhānāni, hadayaṭṭhi dabbiphaṇasaṇṭhānaṃ, akkhakaṭṭhīni khuddakalohavāsidaṇḍasaṇṭhānāni, tesaṃ heṭṭhā aṭṭhi addhacandasaṇṭhānaṃ, piṭṭhibāhaṭṭhīni pharasuphaṇasaṇṭhānāni, upaḍḍhacchinnasīhaḷakudālasaṇṭhānānītipi eke. Bāhaṭṭhīni ādāsadaṇḍasaṇṭhānāni, mahāvāsidaṇḍasaṇṭhānānītipi eke. Aggabāhaṭṭhīni yamakatālakandasaṇṭhānāni, maṇibandhaṭṭhīni ekato alliyāpetvā ṭhapitasīsakapaṭṭaveṭhakasaṇṭhānāni, piṭṭhihatthaṭṭhīni koṭṭitakandalakandarāsisaṇṭhānāni, hatthaṅgulimūlapabbaṭṭhīni paṇavasaṇṭhānāni, majjhapabbaṭṭhīni aparipuṇṇapanasaṭṭhisaṇṭhānāni, aggapabbaṭṭhīni katakabījasaṇṭhānāni, satta gīvaṭṭhīni daṇḍe vijjhitvā paṭipāṭiyā ṭhapitavaṃsakaḷīrakhaṇḍasaṇṭhānāni, heṭṭhimahanukaṭṭhi kammārānaṃ ayokūṭayottakasaṇṭhānaṃ, uparimahanukaṭṭhi avalekhanasatthakasaṇṭhānaṃ, akkhināsakūpaṭṭhīni apanītamiñjataruṇatālaṭṭhisaṇṭhānāni , nalāṭaṭṭhi adhomukhaṭhapitabhinnasaṅkhakapālasaṇṭhānaṃ, kaṇṇacūḷikaṭṭhīni nhāpitakhurakosasaṇṭhānāni, nalāṭakaṇṇacūḷikānaṃ upari paṭṭabandhanokāse aṭṭhibahalaghaṭapuṇṇapaṭapilotikakhaṇḍasaṇṭhānaṃ, muddhanaṭṭhi mukhacchinnavaṅkanāḷikerasaṇṭhānaṃ, sīsaṭṭhīni sibbetvā ṭhapitajajjarālābukaṭāhasaṇṭhānānīti. Disato dvīsu disāsu jātāni.

    огаасад̇о ависзсзна сагаласарийрз тид̇аани, висзсзна д̇у сийсадтийни г̇ийвадтигзсу бад̇идтид̇аани, г̇ийвадтийни бидтиган̣дагадтийсу бад̇идтид̇аани, бидтиган̣дагадтийни гадидтийсу бад̇идтид̇аани, гадидтийни уурудтигзсу бад̇идтид̇аани, урудтийни ж̇ан̣н̣угадтигзсу, ж̇ан̣н̣угадтийни ж̇ан̇гхадтигзсу, ж̇ан̇гхадтийни г̇обпагадтигзсу, г̇обпагадтийни бидтибаад̣̇адтигзсу бад̇идтид̇аани, бидтибаад̣̇адтигаани жа г̇обпагадтийни угкибид̇ваа тид̇аани, г̇обпагадтийни ж̇ан̇гхадтийни…бз… г̇ийвадтийни сийсадтийни угкибид̇ваа тид̇аанийд̇и зд̇знаанусаарзна авасзсааниби адтийни взд̣̇ид̇аб̣б̣аани.

    Okāsato avisesena sakalasarīre ṭhitāni, visesena tu sīsaṭṭhīni gīvaṭṭhikesu patiṭṭhitāni, gīvaṭṭhīni piṭṭhikaṇṭakaṭṭhīsu patiṭṭhitāni, piṭṭhikaṇṭakaṭṭhīni kaṭiṭṭhīsu patiṭṭhitāni, kaṭiṭṭhīni ūruṭṭhikesu patiṭṭhitāni, uruṭṭhīni jaṇṇukaṭṭhikesu, jaṇṇukaṭṭhīni jaṅghaṭṭhikesu, jaṅghaṭṭhīni gopphakaṭṭhikesu, gopphakaṭṭhīni piṭṭhipādaṭṭhikesu patiṭṭhitāni, piṭṭhipādaṭṭhikāni ca gopphakaṭṭhīni ukkhipitvā ṭhitāni, gopphakaṭṭhīni jaṅghaṭṭhīni…pe… gīvaṭṭhīni sīsaṭṭhīni ukkhipitvā ṭhitānīti etenānusārena avasesānipi aṭṭhīni veditabbāni.

    д̇ад̇т̇а яат̇аа идтагаг̇обаанасижаяаад̣̇ийсу на убаримаа идтагаад̣̇аяо ж̇аананд̇и ‘‘маяам̣ хздтимзсу бад̇идтид̇аа’’д̇и, наби хздтимаа ж̇аананд̇и ‘‘маяам̣ убаримаани угкибид̇ваа тид̇аа’’д̇и; звамзва на сийсадтигаани ж̇аананд̇и ‘‘маяам̣ г̇ийвадтигзсу бад̇идтид̇ааний’’д̇и…бз… на г̇обпагадтигаани ж̇аананд̇и ‘‘маяам̣ бидтибаад̣̇адтигзсу бад̇идтид̇ааний’’д̇и, наби бидтибаад̣̇адтигаани ж̇аананд̇и ‘‘маяам̣ г̇обпагадтийни угкибид̇ваа тид̇ааний’’д̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. гзвалам̣ д̇у имаани саад̇хигаани д̇ийн̣и адтисад̇аани навахи нхаарусад̇зхи навахи жа мам̣сабзсисад̇зхи ааб̣ад̣̇д̇хаанулид̇д̇аани, згагханажаммабарияонад̣̇д̇хаани, сад̇д̇арасахаран̣ийсахассаануг̇ад̇асинзхасинзхид̇аани, наванавуд̇иломагуубасахассабариссавамаанасзд̣̇аж̇аллигаани асийд̇игимигулаани, гааяод̇взва сан̇кяам̣ г̇ад̇аани, яам̣ сабхаавад̇о убабаригканд̇о яог̇ааважаро на гин̃жи г̇аяхуубаг̇ам̣ бассад̇и, гзвалам̣ д̇у нхаарусамб̣анд̇хам̣ наанаагун̣абасан̇гин̣н̣ам̣ адтисан̇гхаадамзва бассад̇и. яам̣ д̣̇исваа д̣̇асаб̣аласса буд̇д̇абхаавам̣ убзд̇и. яат̇ааха –

    Tattha yathā iṭṭhakagopānasicayādīsu na uparimā iṭṭhakādayo jānanti ‘‘mayaṃ heṭṭhimesu patiṭṭhitā’’ti, napi heṭṭhimā jānanti ‘‘mayaṃ uparimāni ukkhipitvā ṭhitā’’ti; evameva na sīsaṭṭhikāni jānanti ‘‘mayaṃ gīvaṭṭhikesu patiṭṭhitānī’’ti…pe… na gopphakaṭṭhikāni jānanti ‘‘mayaṃ piṭṭhipādaṭṭhikesu patiṭṭhitānī’’ti, napi piṭṭhipādaṭṭhikāni jānanti ‘‘mayaṃ gopphakaṭṭhīni ukkhipitvā ṭhitānī’’ti. Ābhogapaccavekkhaṇavirahitā hi ete dhammā…pe… na puggaloti. Kevalaṃ tu imāni sādhikāni tīṇi aṭṭhisatāni navahi nhārusatehi navahi ca maṃsapesisatehi ābaddhānulittāni, ekaghanacammapariyonaddhāni, sattarasaharaṇīsahassānugatasinehasinehitāni, navanavutilomakūpasahassaparissavamānasedajallikāni asītikimikulāni, kāyotveva saṅkhyaṃ gatāni, yaṃ sabhāvato upaparikkhanto yogāvacaro na kiñci gayhūpagaṃ passati, kevalaṃ tu nhārusambandhaṃ nānākuṇapasaṅkiṇṇaṃ aṭṭhisaṅghāṭameva passati. Yaṃ disvā dasabalassa puttabhāvaṃ upeti. Yathāha –

    ‘‘бадибаадияадтийни тид̇аани годияаа,

    ‘‘Paṭipāṭiyaṭṭhīni ṭhitāni koṭiyā,

    анзгасанд̇хияамид̇о на гзхижи;

    Anekasandhiyamito na kehici;

    б̣ад̣̇д̇хо нахааруухи ж̇арааяа жод̣̇ид̇о,

    Baddho nahārūhi jarāya codito,

    ажзд̇ано гадтагалин̇г̇аруубамо.

    Acetano kaṭṭhakaliṅgarūpamo.

    ‘‘гун̣абам̣ гун̣абз ж̇аад̇ам̣, асужимхи жа бууд̇ини;

    ‘‘Kuṇapaṃ kuṇape jātaṃ, asucimhi ca pūtini;

    д̣̇уг̇г̇анд̇хз жааби д̣̇уг̇г̇анд̇хам̣, бхзд̣̇анамхи жа ваяад̇хаммам̣.

    Duggandhe cāpi duggandhaṃ, bhedanamhi ca vayadhammaṃ.

    ‘‘адтибудз адтибудо, ниб̣б̣ад̇д̇о бууд̇ини бууд̇игааяамхи;

    ‘‘Aṭṭhipuṭe aṭṭhipuṭo, nibbatto pūtini pūtikāyamhi;

    д̇амхи жа винзт̇а чанд̣̇ам̣, хзссат̇а буд̇д̇аа д̣̇асаб̣алассаа’’д̇и жа.

    Tamhi ca vinetha chandaṃ, hessatha puttā dasabalassā’’ti ca.

    барижчзд̣̇ад̇о анд̇о адтимин̃ж̇зна убарид̇о мам̣сзна аг̇г̇з муулз жа ан̃н̃аман̃н̃зна барижчиннаанийд̇и вавад̇т̇абзд̇и. аяамзд̇зсам̣ сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ адтийни ван̣н̣аад̣̇ид̇о вавад̇т̇абзд̇и.

    Paricchedato anto aṭṭhimiñjena uparito maṃsena agge mūle ca aññamaññena paricchinnānīti vavatthapeti. Ayametesaṃ sabhāgaparicchedo, visabhāgaparicchedo pana kesasadiso evāti evaṃ aṭṭhīni vaṇṇādito vavatthapeti.

    д̇ад̇о барам̣ сарийрз яат̇аавуд̇д̇аббабхзд̣̇аанам̣ адтийнам̣ аб̣бханд̇араг̇ад̇ам̣ адтимин̃ж̇ам̣ ван̣н̣ад̇о сзд̇анд̇и вавад̇т̇абзд̇и. сан̣таанад̇о ад̇д̇ано огаасасан̣таананд̇и. сзяяат̇ид̣̇ам̣ – маханд̇амаханд̇аанам̣ адтийнам̣ аб̣бханд̇араг̇ад̇ам̣ сзд̣̇зд̇ваа ваддзд̇ваа маханд̇зсу вам̣санал̣агабаб̣б̣зсу багкид̇д̇амахаавзд̇д̇ан̇гурасан̣таанам̣, куд̣̇д̣̇аанукуд̣̇д̣̇агаанам̣ аб̣бханд̇араг̇ад̇ам̣ сзд̣̇зд̇ваа ваддзд̇ваа куд̣̇д̣̇аанукуд̣̇д̣̇агзсу вам̣санал̣агабаб̣б̣зсу багкид̇д̇ад̇анувзд̇д̇ан̇гурасан̣таананд̇и. д̣̇исад̇о д̣̇вийсу д̣̇исаасу ж̇аад̇ам̣. огаасад̇о адтийнам̣ аб̣бханд̇арз бад̇идтид̇анд̇и.

    Tato paraṃ sarīre yathāvuttappabhedānaṃ aṭṭhīnaṃ abbhantaragataṃ aṭṭhimiñjaṃ vaṇṇato setanti vavatthapeti. Saṇṭhānato attano okāsasaṇṭhānanti. Seyyathidaṃ – mahantamahantānaṃ aṭṭhīnaṃ abbhantaragataṃ sedetvā vaṭṭetvā mahantesu vaṃsanaḷakapabbesu pakkhittamahāvettaṅkurasaṇṭhānaṃ, khuddānukhuddakānaṃ abbhantaragataṃ sedetvā vaṭṭetvā khuddānukhuddakesu vaṃsanaḷakapabbesu pakkhittatanuvettaṅkurasaṇṭhānanti. Disato dvīsu disāsu jātaṃ. Okāsato aṭṭhīnaṃ abbhantare patiṭṭhitanti.

    д̇ад̇т̇а яат̇аа взл̣унал̣агаад̣̇ийнам̣ анд̇ог̇ад̇аани д̣̇ад̇хипаан̣ид̇аани на ж̇аананд̇и ‘‘маяам̣ взл̣унал̣агаад̣̇ийнам̣ анд̇ог̇ад̇ааний’’д̇и, наби взл̣унал̣агаад̣̇аяо ж̇аананд̇и ‘‘д̣̇ад̇хипаан̣ид̇аани амхаагам̣ анд̇ог̇ад̇ааний’’д̇и; звамзва на адтимин̃ж̇ам̣ ж̇аанаад̇и ‘‘ахам̣ адтийнам̣ анд̇ог̇ад̇а’’нд̇и, наби адтийни ж̇аананд̇и ‘‘адтимин̃ж̇ам̣ амхаагам̣ анд̇ог̇ад̇а’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о адтийнам̣ аб̣бханд̇арад̇алзхи адтимин̃ж̇абхааг̇зна жа барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ адтимин̃ж̇ам̣ ван̣н̣аад̣̇ид̇о вавад̇т̇абзд̇и.

    Tattha yathā veḷunaḷakādīnaṃ antogatāni dadhiphāṇitāni na jānanti ‘‘mayaṃ veḷunaḷakādīnaṃ antogatānī’’ti, napi veḷunaḷakādayo jānanti ‘‘dadhiphāṇitāni amhākaṃ antogatānī’’ti; evameva na aṭṭhimiñjaṃ jānāti ‘‘ahaṃ aṭṭhīnaṃ antogata’’nti, napi aṭṭhīni jānanti ‘‘aṭṭhimiñjaṃ amhākaṃ antogata’’nti. Ābhogapaccavekkhaṇavirahitā hi ete dhammā…pe… na puggaloti. Paricchedato aṭṭhīnaṃ abbhantaratalehi aṭṭhimiñjabhāgena ca paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ aṭṭhimiñjaṃ vaṇṇādito vavatthapeti.

    д̇ад̇о барам̣ сарийрасса аб̣бханд̇арз д̣̇виг̇ол̣агаббабхзд̣̇ам̣ ваггам̣ ван̣н̣ад̇о манд̣̇арад̇д̇ам̣ баал̣ибхад̣̇д̣̇агадтиван̣н̣анд̇и вавад̇т̇абзд̇и. сан̣таанад̇о г̇аамад̣̇аарагаанам̣ суд̇д̇аавуд̇агийл̣ааг̇ол̣агасан̣таанам̣, згаван̣дасахагаарад̣̇ваяасан̣таананд̇иби згз. д̣̇исад̇о убаримааяа д̣̇исааяа ж̇аад̇ам̣. огаасад̇о г̇алаваадагаа винигканд̇зна згамуулзна т̇огам̣ г̇анд̇ваа д̣̇вид̇хаа бхиннзна т̇ууланхаарунаа виниб̣ад̣̇д̇хам̣ худ̇ваа хад̣̇аяамам̣сам̣ баригкибид̇ваа тид̇анд̇и.

    Tato paraṃ sarīrassa abbhantare dvigoḷakappabhedaṃ vakkaṃ vaṇṇato mandarattaṃ pāḷibhaddakaṭṭhivaṇṇanti vavatthapeti. Saṇṭhānato gāmadārakānaṃ suttāvutakīḷāgoḷakasaṇṭhānaṃ, ekavaṇṭasahakāradvayasaṇṭhānantipi eke. Disato uparimāya disāya jātaṃ. Okāsato galavāṭakā vinikkhantena ekamūlena thokaṃ gantvā dvidhā bhinnena thūlanhārunā vinibaddhaṃ hutvā hadayamaṃsaṃ parikkhipitvā ṭhitanti.

    д̇ад̇т̇а яат̇аа ван̣дуубаниб̣ад̣̇д̇хам̣ сахагаарад̣̇ваяам̣ на ж̇аанаад̇и ‘‘ахам̣ ван̣дзна убаниб̣ад̣̇д̇ха’’нд̇и, наби ван̣дам̣ ж̇аанаад̇и ‘‘маяаа сахагаарад̣̇ваяам̣ убаниб̣ад̣̇д̇ха’’нд̇и; звамзва на ваггам̣ ж̇аанаад̇и ‘‘ахам̣ т̇ууланхаарунаа убаниб̣ад̣̇д̇ха’’нд̇и, наби т̇ууланхаару ж̇аанаад̇и ‘‘маяаа ваггам̣ убаниб̣ад̣̇д̇ха’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о ваггам̣ ваггабхааг̇зна барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ ваггам̣ ван̣н̣аад̣̇ид̇о вавад̇т̇абзд̇и.

    Tattha yathā vaṇṭūpanibaddhaṃ sahakāradvayaṃ na jānāti ‘‘ahaṃ vaṇṭena upanibaddha’’nti, napi vaṇṭaṃ jānāti ‘‘mayā sahakāradvayaṃ upanibaddha’’nti; evameva na vakkaṃ jānāti ‘‘ahaṃ thūlanhārunā upanibaddha’’nti, napi thūlanhāru jānāti ‘‘mayā vakkaṃ upanibaddha’’nti. Ābhogapaccavekkhaṇavirahitā hi ete dhammā…pe… na puggaloti. Paricchedato vakkaṃ vakkabhāgena paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ vakkaṃ vaṇṇādito vavatthapeti.

    д̇ад̇о барам̣ сарийрасса аб̣бханд̇арз хад̣̇аяам̣ ван̣н̣ад̇о рад̇д̇ам̣ рад̇д̇абад̣̇умабад̇д̇абидтиван̣н̣анд̇и вавад̇т̇абзд̇и. сан̣таанад̇о б̣аахирабад̇д̇аани абанзд̇ваа ад̇хомукатабид̇абад̣̇умамагул̣асан̣таанам̣, д̇ан̃жа аг̇г̇ажчиннабуннааг̇апаламива вивадзгабассам̣ б̣ахи мадтам̣ анд̇о госаад̇агийпаласса аб̣бханд̇арасад̣̇исам̣. бан̃н̃ааб̣ахулаанам̣ т̇огам̣ вигасид̇ам̣, манд̣̇абан̃н̃аанам̣ магул̣ид̇амзва. яам̣ руубам̣ ниссааяа манод̇хаад̇у жа мановин̃н̃аан̣ад̇хаад̇у жа бавад̇д̇анд̇и, д̇ам̣ абанзд̇ваа авасзсамам̣сабин̣д̣асан̇каад̇ахад̣̇аяаб̣бханд̇арз ад̣̇д̇хабасад̇амад̇д̇ам̣ лохид̇ам̣ сан̣таад̇и, д̇ам̣ рааг̇ажарид̇асса рад̇д̇ам̣, д̣̇осажарид̇асса гаал̣агам̣, мохажарид̇асса мам̣сад̇хованод̣̇агасад̣̇исам̣, вид̇аггажарид̇асса гулад̇т̇аяуусаван̣н̣ам̣, сад̣̇д̇хаажарид̇асса ган̣игаарабубпаван̣н̣ам̣, бан̃н̃аажарид̇асса ажчам̣ виббасаннаманаавилам̣, нид̣̇д̇ход̇аж̇аад̇иман̣и вияа ж̇уд̇иманд̇ам̣ кааяад̇и. д̣̇исад̇о убаримааяа д̣̇исааяа ж̇аад̇ам̣. огаасад̇о сарийраб̣бханд̇арз д̣̇виннам̣ т̇анаанам̣ маж̇жхз бад̇идтид̇анд̇и.

    Tato paraṃ sarīrassa abbhantare hadayaṃ vaṇṇato rattaṃ rattapadumapattapiṭṭhivaṇṇanti vavatthapeti. Saṇṭhānato bāhirapattāni apanetvā adhomukhaṭhapitapadumamakuḷasaṇṭhānaṃ, tañca aggacchinnapunnāgaphalamiva vivaṭekapassaṃ bahi maṭṭhaṃ anto kosātakīphalassa abbhantarasadisaṃ. Paññābahulānaṃ thokaṃ vikasitaṃ, mandapaññānaṃ makuḷitameva. Yaṃ rūpaṃ nissāya manodhātu ca manoviññāṇadhātu ca pavattanti, taṃ apanetvā avasesamaṃsapiṇḍasaṅkhātahadayabbhantare addhapasatamattaṃ lohitaṃ saṇṭhāti, taṃ rāgacaritassa rattaṃ, dosacaritassa kāḷakaṃ, mohacaritassa maṃsadhovanodakasadisaṃ, vitakkacaritassa kulatthayūsavaṇṇaṃ, saddhācaritassa kaṇikārapupphavaṇṇaṃ, paññācaritassa acchaṃ vippasannamanāvilaṃ, niddhotajātimaṇi viya jutimantaṃ khāyati. Disato uparimāya disāya jātaṃ. Okāsato sarīrabbhantare dvinnaṃ thanānaṃ majjhe patiṭṭhitanti.

    д̇ад̇т̇а яат̇аа д̣̇виннам̣ ваад̇абаанагаваадагаанам̣ маж̇жхз тид̇о аг̇г̇ал̣ад̇т̇амбхаго на ж̇аанаад̇и ‘‘ахам̣ д̣̇виннам̣ ваад̇абаанагаваадагаанам̣ маж̇жхз тид̇о’’д̇и, наби ваад̇абаанагаваадагаани ж̇аананд̇и ‘‘амхаагам̣ маж̇жхз аг̇г̇ал̣ад̇т̇амбхаго тид̇о’’д̇и; звамзвам̣ на хад̣̇аяам̣ ж̇аанаад̇и ‘‘ахам̣ д̣̇виннам̣ т̇анаанам̣ маж̇жхз тид̇а’’нд̇и, наби т̇анаани ж̇аананд̇и ‘‘хад̣̇аяам̣ амхаагам̣ маж̇жхз тид̇а’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о хад̣̇аяам̣ хад̣̇аяабхааг̇зна барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ хад̣̇аяам̣ ван̣н̣аад̣̇ид̇о вавад̇т̇абзд̇и.

    Tattha yathā dvinnaṃ vātapānakavāṭakānaṃ majjhe ṭhito aggaḷatthambhako na jānāti ‘‘ahaṃ dvinnaṃ vātapānakavāṭakānaṃ majjhe ṭhito’’ti, napi vātapānakavāṭakāni jānanti ‘‘amhākaṃ majjhe aggaḷatthambhako ṭhito’’ti; evamevaṃ na hadayaṃ jānāti ‘‘ahaṃ dvinnaṃ thanānaṃ majjhe ṭhita’’nti, napi thanāni jānanti ‘‘hadayaṃ amhākaṃ majjhe ṭhita’’nti. Ābhogapaccavekkhaṇavirahitā hi ete dhammā…pe… na puggaloti. Paricchedato hadayaṃ hadayabhāgena paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ hadayaṃ vaṇṇādito vavatthapeti.

    д̇ад̇о барам̣ сарийрасса аб̣бханд̇арз яаганасан̃н̃ид̇ам̣ яамагамам̣сабин̣д̣ам̣ ван̣н̣ад̇о рад̇д̇ам̣ рад̇д̇агумуд̣̇аб̣аахирабад̇д̇абидтиван̣н̣анд̇и вавад̇т̇абзд̇и. сан̣таанад̇о згамуулам̣ худ̇ваа аг̇г̇з яамагам̣ говил̣аарабад̇д̇асан̣таанам̣, д̇ан̃жа д̣̇анд̇хаанам̣ згам̣язва ход̇и маханд̇ам̣, бан̃н̃аванд̇аанам̣ д̣̇вз ваа д̇ийн̣и ваа куд̣̇д̣̇агаанийд̇и. д̣̇исад̇о убаримааяа д̣̇исааяа ж̇аад̇ам̣. огаасад̇о д̣̇виннам̣ т̇анаанам̣ аб̣бханд̇арз д̣̇агкин̣абассам̣ ниссааяа тид̇анд̇и.

    Tato paraṃ sarīrassa abbhantare yakanasaññitaṃ yamakamaṃsapiṇḍaṃ vaṇṇato rattaṃ rattakumudabāhirapattapiṭṭhivaṇṇanti vavatthapeti. Saṇṭhānato ekamūlaṃ hutvā agge yamakaṃ koviḷārapattasaṇṭhānaṃ, tañca dandhānaṃ ekaṃyeva hoti mahantaṃ, paññavantānaṃ dve vā tīṇi vā khuddakānīti. Disato uparimāya disāya jātaṃ. Okāsato dvinnaṃ thanānaṃ abbhantare dakkhiṇapassaṃ nissāya ṭhitanti.

    д̇ад̇т̇а яат̇аа битарагабассз лаг̇г̇аа мам̣сабзси на ж̇аанаад̇и ‘‘ахам̣ битарагабассз лаг̇г̇аа’’д̇и, наби битарагабассам̣ ж̇аанаад̇и ‘‘маяи мам̣сабзси лаг̇г̇аа’’д̇и; звамзва на яаганам̣ ж̇аанаад̇и ‘‘ахам̣ д̣̇виннам̣ т̇анаанам̣ аб̣бханд̇арз д̣̇агкин̣абассам̣ ниссааяа тид̇а’’нд̇и, наби т̇анаанам̣ аб̣бханд̇арз д̣̇агкин̣абассам̣ ж̇аанаад̇и ‘‘мам̣ ниссааяа яаганам̣ тид̇а’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о бана яаганам̣ яаганабхааг̇зна барижчиннанд̇и вавад̇т̇абзд̇и . аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ яаганам̣ ван̣н̣аад̣̇ид̇о вавад̇т̇абзд̇и.

    Tattha yathā piṭharakapasse laggā maṃsapesi na jānāti ‘‘ahaṃ piṭharakapasse laggā’’ti, napi piṭharakapassaṃ jānāti ‘‘mayi maṃsapesi laggā’’ti; evameva na yakanaṃ jānāti ‘‘ahaṃ dvinnaṃ thanānaṃ abbhantare dakkhiṇapassaṃ nissāya ṭhita’’nti, napi thanānaṃ abbhantare dakkhiṇapassaṃ jānāti ‘‘maṃ nissāya yakanaṃ ṭhita’’nti. Ābhogapaccavekkhaṇavirahitā hi ete dhammā…pe… na puggaloti. Paricchedato pana yakanaṃ yakanabhāgena paricchinnanti vavatthapeti . Ayametassa sabhāgaparicchedo, visabhāgaparicchedo pana kesasadiso evāti evaṃ yakanaṃ vaṇṇādito vavatthapeti.

    д̇ад̇о барам̣ сарийрз бадижчаннаабадижчаннабхзд̣̇ад̇о д̣̇увид̇хам̣ гиломагам̣ ван̣н̣ад̇о сзд̇ам̣ д̣̇угуулабилод̇игаван̣н̣анд̇и вавад̇т̇абзд̇и. сан̣таанад̇о ад̇д̇ано огаасасан̣таанам̣. д̣̇исад̇о д̣̇вийсу д̣̇исаасу ж̇аад̇ам̣. огаасад̇о бадижчаннагиломагам̣ хад̣̇аяан̃жа вагган̃жа бариваарзд̇ваа, аббадижчаннагиломагам̣ сагаласарийрз жаммасса хздтад̇о мам̣сам̣ барияонанд̇хид̇ваа тид̇анд̇и.

    Tato paraṃ sarīre paṭicchannāpaṭicchannabhedato duvidhaṃ kilomakaṃ vaṇṇato setaṃ dukūlapilotikavaṇṇanti vavatthapeti. Saṇṭhānato attano okāsasaṇṭhānaṃ. Disato dvīsu disāsu jātaṃ. Okāsato paṭicchannakilomakaṃ hadayañca vakkañca parivāretvā, appaṭicchannakilomakaṃ sakalasarīre cammassa heṭṭhato maṃsaṃ pariyonandhitvā ṭhitanti.

    д̇ад̇т̇а яат̇аа билод̇игааяа баливзтид̇з мам̣сз на билод̇игаа ж̇аанаад̇и ‘‘маяаа мам̣сам̣ баливзтид̇а’’нд̇и, наби мам̣сам̣ ж̇аанаад̇и ‘‘ахам̣ билод̇игааяа баливзтид̇а’’нд̇и; звамзва на гиломагам̣ ж̇аанаад̇и ‘‘маяаа хад̣̇аяаваггаани сагаласарийрз жа жаммасса хздтад̇о мам̣сам̣ баливзтид̇а’’нд̇и. наби хад̣̇аяаваггаани сагаласарийрз жа мам̣сам̣ ж̇аанаад̇и ‘‘ахам̣ гиломагзна баливзтид̇а’’нд̇и . аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о хздтаа мам̣сзна убари жаммзна д̇ирияам̣ гиломагабхааг̇зна барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ гиломагам̣ ван̣н̣аад̣̇ид̇о вавад̇т̇абзд̇и.

    Tattha yathā pilotikāya paliveṭhite maṃse na pilotikā jānāti ‘‘mayā maṃsaṃ paliveṭhita’’nti, napi maṃsaṃ jānāti ‘‘ahaṃ pilotikāya paliveṭhita’’nti; evameva na kilomakaṃ jānāti ‘‘mayā hadayavakkāni sakalasarīre ca cammassa heṭṭhato maṃsaṃ paliveṭhita’’nti. Napi hadayavakkāni sakalasarīre ca maṃsaṃ jānāti ‘‘ahaṃ kilomakena paliveṭhita’’nti . Ābhogapaccavekkhaṇavirahitā hi ete dhammā…pe… na puggaloti. Paricchedato heṭṭhā maṃsena upari cammena tiriyaṃ kilomakabhāgena paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ kilomakaṃ vaṇṇādito vavatthapeti.

    д̇ад̇о барам̣ сарийрасса аб̣бханд̇арз бихагам̣ ван̣н̣ад̇о нийлам̣ мийлаад̇аниг̇г̇ун̣д̣ийбубпаван̣н̣анд̇и вавад̇т̇абзд̇и. сан̣таанад̇о язбхуяязна сад̇д̇ан̇г̇улаббамаан̣ам̣ аб̣анд̇ханам̣ гаал̣аважчагаж̇ивхаасан̣таанам̣. д̣̇исад̇о убаримааяа д̣̇исааяа ж̇аад̇ам̣. огаасад̇о хад̣̇аяасса ваамабассз уд̣̇арабадаласса мад̇т̇агабассам̣ ниссааяа тид̇ам̣, яамхи бахаран̣абахаарзна б̣ахи нигканд̇з сад̇д̇аанам̣ ж̇ийвид̇агкаяо ход̇ийд̇и.

    Tato paraṃ sarīrassa abbhantare pihakaṃ vaṇṇato nīlaṃ mīlātanigguṇḍīpupphavaṇṇanti vavatthapeti. Saṇṭhānato yebhuyyena sattaṅgulappamāṇaṃ abandhanaṃ kāḷavacchakajivhāsaṇṭhānaṃ. Disato uparimāya disāya jātaṃ. Okāsato hadayassa vāmapasse udarapaṭalassa matthakapassaṃ nissāya ṭhitaṃ, yamhi paharaṇapahārena bahi nikkhante sattānaṃ jīvitakkhayo hotīti.

    д̇ад̇т̇а яат̇аа годтагамад̇т̇агабассам̣ ниссааяа тид̇аа на г̇омаяабин̣д̣и ж̇аанаад̇и ‘‘ахам̣ годтагамад̇т̇агабассам̣ ниссааяа тид̇аа’’д̇и, наби годтагамад̇т̇агабассам̣ ж̇аанаад̇и ‘‘г̇омаяабин̣д̣и мам̣ ниссааяа тид̇аа’’д̇и; звамзва на бихагам̣ ж̇аанаад̇и ‘‘ахам̣ уд̣̇арабадаласса мад̇т̇агабассам̣ ниссааяа тид̇а’’нд̇и, наби уд̣̇арабадаласса мад̇т̇агабассам̣ ж̇аанаад̇и ‘‘бихагам̣ мам̣ ниссааяа тид̇а’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о бихагам̣ бихагабхааг̇зна барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ бихагам̣ ван̣н̣аад̣̇ид̇о вавад̇т̇абзд̇и.

    Tattha yathā koṭṭhakamatthakapassaṃ nissāya ṭhitā na gomayapiṇḍi jānāti ‘‘ahaṃ koṭṭhakamatthakapassaṃ nissāya ṭhitā’’ti, napi koṭṭhakamatthakapassaṃ jānāti ‘‘gomayapiṇḍi maṃ nissāya ṭhitā’’ti; evameva na pihakaṃ jānāti ‘‘ahaṃ udarapaṭalassa matthakapassaṃ nissāya ṭhita’’nti, napi udarapaṭalassa matthakapassaṃ jānāti ‘‘pihakaṃ maṃ nissāya ṭhita’’nti. Ābhogapaccavekkhaṇavirahitā hi ete dhammā…pe… na puggaloti. Paricchedato pihakaṃ pihakabhāgena paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ pihakaṃ vaṇṇādito vavatthapeti.

    д̇ад̇о барам̣ сарийрасса аб̣бханд̇арз д̣̇вад̇д̇им̣самам̣сакан̣д̣аббабхзд̣̇ам̣ бабпаасам̣ ван̣н̣ад̇о рад̇д̇ам̣ наад̇ибарибаггауд̣̇умб̣араван̣н̣анд̇и вавад̇т̇абзд̇и. сан̣таанад̇о висамажчиннабуувасан̣таанам̣, чад̣̇анидтагакан̣д̣абун̃ж̇асан̣таананд̇иби згз. д̇ад̣̇зд̇ам̣ аб̣бханд̇арз асид̇абийд̇аад̣̇ийнам̣ абхаавз уг̇г̇ад̇зна гаммаж̇ад̇зж̇усманаа аб̣бхаахад̇ад̇д̇аа сан̇каад̣̇ид̇абалаалабин̣д̣амива нирасам̣ нирож̇ам̣ ход̇и. д̣̇исад̇о убаримааяа д̣̇исааяа ж̇аад̇ам̣. огаасад̇о сарийраб̣бханд̇арз д̣̇виннам̣ т̇анаанам̣ аб̣бханд̇арз хад̣̇аяан̃жа яаганан̃жа убари чаад̣̇зд̇ваа оламб̣анд̇ам̣ тид̇анд̇и.

    Tato paraṃ sarīrassa abbhantare dvattiṃsamaṃsakhaṇḍappabhedaṃ papphāsaṃ vaṇṇato rattaṃ nātiparipakkaudumbaravaṇṇanti vavatthapeti. Saṇṭhānato visamacchinnapūvasaṇṭhānaṃ, chadaniṭṭhakakhaṇḍapuñjasaṇṭhānantipi eke. Tadetaṃ abbhantare asitapītādīnaṃ abhāve uggatena kammajatejusmanā abbhāhatattā saṅkhāditapalālapiṇḍamiva nirasaṃ nirojaṃ hoti. Disato uparimāya disāya jātaṃ. Okāsato sarīrabbhantare dvinnaṃ thanānaṃ abbhantare hadayañca yakanañca upari chādetvā olambantaṃ ṭhitanti.

    д̇ад̇т̇а яат̇аа ж̇ин̣н̣агодтаб̣бханд̇арз ламб̣амаано сагун̣агулааваго на ж̇аанаад̇и ‘‘ахам̣ ж̇ин̣н̣агодтаб̣бханд̇арз ламб̣амаано тид̇о’’д̇и, наби ж̇ин̣н̣агодтаб̣бханд̇арам̣ ж̇аанаад̇и ‘‘сагун̣агулааваго маяи ламб̣амаано тид̇о’’д̇и; звамзва на бабпаасам̣ ж̇аанаад̇и ‘‘ахам̣ сарийраб̣бханд̇арз д̣̇виннам̣ т̇анаанам̣ анд̇арз ламб̣амаанам̣ тид̇а’’нд̇и, наби сарийраб̣бханд̇арз д̣̇виннам̣ т̇анаанам̣ анд̇арам̣ ж̇аанаад̇и ‘‘маяи бабпаасам̣ ламб̣амаанам̣ тид̇а’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о бабпаасам̣ бабпаасабхааг̇зна барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ бабпаасам̣ ван̣н̣аад̣̇ид̇о вавад̇т̇абзд̇и.

    Tattha yathā jiṇṇakoṭṭhabbhantare lambamāno sakuṇakulāvako na jānāti ‘‘ahaṃ jiṇṇakoṭṭhabbhantare lambamāno ṭhito’’ti, napi jiṇṇakoṭṭhabbhantaraṃ jānāti ‘‘sakuṇakulāvako mayi lambamāno ṭhito’’ti; evameva na papphāsaṃ jānāti ‘‘ahaṃ sarīrabbhantare dvinnaṃ thanānaṃ antare lambamānaṃ ṭhita’’nti, napi sarīrabbhantare dvinnaṃ thanānaṃ antaraṃ jānāti ‘‘mayi papphāsaṃ lambamānaṃ ṭhita’’nti. Ābhogapaccavekkhaṇavirahitā hi ete dhammā…pe… na puggaloti. Paricchedato papphāsaṃ papphāsabhāgena paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ papphāsaṃ vaṇṇādito vavatthapeti.

    д̇ад̇о барам̣ анд̇осарийрз бурисасса д̣̇вад̇д̇им̣сахад̇т̇ам̣, ид̇т̇ияаа адтавийсад̇ихад̇т̇ам̣, згавийсад̇ияаа таанзсу обхаг̇г̇ам̣ анд̇ам̣ ван̣н̣ад̇о сзд̇ам̣ сагкарасуд̇хааван̣н̣анд̇и вавад̇т̇абзд̇и. сан̣таанад̇о сийсам̣ чинд̣̇ид̇ваа лохид̇ад̣̇он̣ияам̣ сам̣взллзд̇ваа табид̇ад̇хамманисан̣таанам̣. д̣̇исад̇о д̣̇вийсу д̣̇исаасу ж̇аад̇ам̣. огаасад̇о убари г̇алаваадагз хздтаа жа гарийсамаг̇г̇з виниб̣анд̇хад̇д̇аа г̇алаваадагагарийсамаг̇г̇абарияанд̇з сарийраб̣бханд̇арз тид̇анд̇и.

    Tato paraṃ antosarīre purisassa dvattiṃsahatthaṃ, itthiyā aṭṭhavīsatihatthaṃ, ekavīsatiyā ṭhānesu obhaggaṃ antaṃ vaṇṇato setaṃ sakkharasudhāvaṇṇanti vavatthapeti. Saṇṭhānato sīsaṃ chinditvā lohitadoṇiyaṃ saṃvelletvā ṭhapitadhammanisaṇṭhānaṃ. Disato dvīsu disāsu jātaṃ. Okāsato upari galavāṭake heṭṭhā ca karīsamagge vinibandhattā galavāṭakakarīsamaggapariyante sarīrabbhantare ṭhitanti.

    д̇ад̇т̇а яат̇аа лохид̇ад̣̇он̣ияам̣ табид̇ам̣ чиннасийсам̣ д̇хамманигал̣зварам̣ на ж̇аанаад̇и ‘‘ахам̣ лохид̇ад̣̇он̣ияам̣ тид̇а’’нд̇и, наби лохид̇ад̣̇он̣и ж̇аанаад̇и ‘‘маяи чиннасийсам̣ д̇хамманигал̣зварам̣ тид̇а’’нд̇и; звамзва на анд̇ам̣ ж̇аанаад̇и ‘‘ахам̣ сарийраб̣бханд̇арз тид̇а’’нд̇и, наби сарийраб̣бханд̇арам̣ ж̇аанаад̇и ‘‘маяи анд̇ам̣ тид̇а’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о анд̇ам̣ анд̇абхааг̇зна барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ анд̇ам̣ ван̣н̣аад̣̇ид̇о вавад̇т̇абзд̇и.

    Tattha yathā lohitadoṇiyaṃ ṭhapitaṃ chinnasīsaṃ dhammanikaḷevaraṃ na jānāti ‘‘ahaṃ lohitadoṇiyaṃ ṭhita’’nti, napi lohitadoṇi jānāti ‘‘mayi chinnasīsaṃ dhammanikaḷevaraṃ ṭhita’’nti; evameva na antaṃ jānāti ‘‘ahaṃ sarīrabbhantare ṭhita’’nti, napi sarīrabbhantaraṃ jānāti ‘‘mayi antaṃ ṭhita’’nti. Ābhogapaccavekkhaṇavirahitā hi ete dhammā…pe… na puggaloti. Paricchedato antaṃ antabhāgena paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ antaṃ vaṇṇādito vavatthapeti.

    д̇ад̇о барам̣ анд̇осарийрз анд̇анд̇арз анд̇аг̇ун̣ам̣ ван̣н̣ад̇о сзд̇ам̣ д̣̇агасийд̇алигамуулаван̣н̣анд̇и вавад̇т̇абзд̇и. сан̣таанад̇о д̣̇агасийд̇алигамууласан̣таанамзваад̇и, г̇омуд̇д̇асан̣таананд̇иби згз. д̣̇исад̇о д̣̇вийсу д̣̇исаасу ж̇аад̇ам̣. огаасад̇о гуд̣̇аалапарасугаммаад̣̇ийни гаронд̇аанам̣ яанд̇аагад̣дханагаалз яанд̇асуд̇д̇агамива яанд̇апалагаани анд̇абхог̇з згад̇о аг̇г̇ал̣анд̇з ааб̣анд̇хид̇ваа баад̣̇абун̃чанараж̇ж̇уман̣д̣алагасса анд̇араа д̇ам̣ сиб̣б̣ид̇ваа тид̇араж̇ж̇угаа вияа згавийсад̇ияаа анд̇абхог̇аанам̣ анд̇араа тид̇анд̇и.

    Tato paraṃ antosarīre antantare antaguṇaṃ vaṇṇato setaṃ dakasītalikamūlavaṇṇanti vavatthapeti. Saṇṭhānato dakasītalikamūlasaṇṭhānamevāti, gomuttasaṇṭhānantipi eke. Disato dvīsu disāsu jātaṃ. Okāsato kudālapharasukammādīni karontānaṃ yantākaḍḍhanakāle yantasuttakamiva yantaphalakāni antabhoge ekato aggaḷante ābandhitvā pādapuñchanarajjumaṇḍalakassa antarā taṃ sibbitvā ṭhitarajjukā viya ekavīsatiyā antabhogānaṃ antarā ṭhitanti.

    д̇ад̇т̇а яат̇аа баад̣̇абун̃чанараж̇ж̇уман̣д̣алагам̣ сиб̣б̣ид̇ваа тид̇араж̇ж̇угаа на ж̇аанаад̇и ‘‘маяаа баад̣̇абун̃чанараж̇ж̇уман̣д̣алагам̣ сиб̣б̣ид̇а’’нд̇и, наби баад̣̇абун̃чанараж̇ж̇уман̣д̣алагам̣ ж̇аанаад̇и ‘‘раж̇ж̇угаа мам̣ сиб̣б̣ид̇ваа тид̇аа’’д̇и, звамзва анд̇аг̇ун̣ам̣ на ж̇аанаад̇и ‘‘ахам̣ анд̇ам̣ згавийсад̇ибхог̇аб̣бханд̇арз ааб̣анд̇хид̇ваа тид̇а’’нд̇и, наби анд̇ам̣ ж̇аанаад̇и ‘‘анд̇аг̇ун̣ам̣ мам̣ ааб̣анд̇хид̇ваа тид̇а’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о анд̇аг̇ун̣ам̣ анд̇аг̇ун̣абхааг̇зна барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ анд̇аг̇ун̣ам̣ ван̣н̣аад̣̇ид̇о вавад̇т̇абзд̇и.

    Tattha yathā pādapuñchanarajjumaṇḍalakaṃ sibbitvā ṭhitarajjukā na jānāti ‘‘mayā pādapuñchanarajjumaṇḍalakaṃ sibbita’’nti, napi pādapuñchanarajjumaṇḍalakaṃ jānāti ‘‘rajjukā maṃ sibbitvā ṭhitā’’ti, evameva antaguṇaṃ na jānāti ‘‘ahaṃ antaṃ ekavīsatibhogabbhantare ābandhitvā ṭhita’’nti, napi antaṃ jānāti ‘‘antaguṇaṃ maṃ ābandhitvā ṭhita’’nti. Ābhogapaccavekkhaṇavirahitā hi ete dhammā…pe… na puggaloti. Paricchedato antaguṇaṃ antaguṇabhāgena paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ antaguṇaṃ vaṇṇādito vavatthapeti.

    д̇ад̇о барам̣ анд̇осарийрз уд̣̇арияам̣ ван̣н̣ад̇о аж̇жхохадаахаараван̣н̣анд̇и вавад̇т̇абзд̇и. сан̣таанад̇о бариссааванз сит̇илаб̣ад̣̇д̇хад̇ан̣д̣уласан̣таанам̣. д̣̇исад̇о убаримааяа д̣̇исааяа ж̇аад̇ам̣. огаасад̇о уд̣̇арз тид̇анд̇и . уд̣̇арам̣ наама убхад̇о ниббийл̣ияамаанасса алласаадагасса маж̇жхз сан̃ж̇аад̇аподагасад̣̇исам̣ анд̇абадалам̣, б̣ахи мадтам̣, анд̇о мам̣сагасамб̣убаливзтид̇ам̣, гилидтабааваарабубпасад̣̇исам̣, гут̇ид̇абанасапаласса аб̣бханд̇арасад̣̇исанд̇иби згз. д̇ад̇т̇а д̇агголагаа г̇ан̣д̣уббаад̣̇агаад̇аалахийрагаасуужимукагаабадад̇анд̇усуд̇д̇агаад̇и звамаад̣̇ид̣̇вад̇д̇им̣сагулаббабхзд̣̇аа гимаяо аагулаб̣яаагулаа сан̣д̣асан̣д̣ажаарино худ̇ваа нивасанд̇и, яз баанабхож̇анаад̣̇имхи авиж̇ж̇амаанз уллан̇гхид̇ваа вираванд̇аа хад̣̇аяамам̣сам̣ абхид̇уд̣̇анд̇и баанабхож̇анаад̣̇ийни аж̇жхохаран̣авзлааяан̃жа уд̣̇д̇хам̣мукаа худ̇ваа батамаж̇жхохадз д̣̇вз д̇аяо аалобз д̇урид̇ад̇урид̇аа вилумбанд̇и. яам̣ зд̇зсам̣ гимийнам̣ басууд̇игхарам̣ важжагуди г̇илаанасаалаа сусаанан̃жа ход̇и, яад̇т̇а сзяяат̇ааби наама жан̣д̣аалаг̇аамад̣̇ваарз жанд̣̇анигааяа сарад̣̇асамаяз т̇уулапусид̇агз д̣̇звз вассанд̇з уд̣̇агзна аавуул̣хам̣ муд̇д̇агарийсажаммадтинхаарукан̣д̣акзл̣асин̇гхаан̣игаалохид̇аббабхуд̇инаанаагун̣абаж̇аад̇ам̣ нибад̇ид̇ваа гад̣̇д̣̇амод̣̇агаалул̣ид̇ам̣ сан̃ж̇аад̇агимигулаагулам̣ худ̇ваа д̣̇вийхад̇ийхажжаязна суурияаад̇абасанд̇аабавзг̇агут̇ид̇ам̣ убари пзн̣абубпул̣агз мун̃жанд̇ам̣ абхинийлаван̣н̣ам̣ барамад̣̇уг̇г̇анд̇хаж̇зг̇ужчам̣ убаг̇анд̇ум̣ ваа д̣̇адтум̣ ваа анарахаруубад̇ам̣ аабаж̇ж̇ид̇ваа д̇идтад̇и, баг̇зва гхааяид̇ум̣ ваа сааяид̇ум̣ ваа; звамзва наанаббагаарабаанабхож̇анаад̣̇и д̣̇анд̇амусаласам̣жун̣н̣ид̇ам̣ ж̇ивхаахад̇т̇асамбаривад̇д̇ид̇ам̣ кзл̣алаалаабалиб̣уд̣̇д̇хам̣ д̇ан̇кан̣авиг̇ад̇аван̣н̣аг̇анд̇харасаад̣̇исамбад̣̇ам̣ голияакалисуваанавамат̇усад̣̇исам̣ нибад̇ид̇ваа бид̇д̇асзмхаваад̇абаливзтид̇ам̣ худ̇ваа уд̣̇араг̇г̇исанд̇аабавзг̇агут̇ид̇ам̣ гимигулаагулам̣ убаруубари пзн̣абубпул̣агаани мун̃жанд̇ам̣ барамагасамб̣уд̣̇уг̇г̇анд̇хаж̇зг̇ужчабхаавамаабаж̇ж̇ид̇ваа д̇идтад̇и. яам̣ суд̇вааби баанабхож̇анаад̣̇ийсу аманун̃н̃ад̇аа сан̣таад̇и, баг̇зва бан̃н̃аажагкунаа ологзд̇ваа. яад̇т̇а жа бад̇ид̇ам̣ баанабхож̇анаад̣̇и бан̃жад̇хаа вивзгам̣ г̇ажчад̇и, згам̣ бхааг̇ам̣ баан̣агаа каад̣̇анд̇и, згам̣ бхааг̇ам̣ уд̣̇араг̇г̇и жхаабзд̇и, зго бхааг̇о муд̇д̇ам̣ ход̇и, зго бхааг̇о гарийсам̣ ход̇и, зго бхааг̇о расабхаавам̣ аабаж̇ж̇ид̇ваа сон̣ид̇амам̣саад̣̇ийни убаб̣руухаяад̇ийд̇и.

    Tato paraṃ antosarīre udariyaṃ vaṇṇato ajjhohaṭāhāravaṇṇanti vavatthapeti. Saṇṭhānato parissāvane sithilabaddhataṇḍulasaṇṭhānaṃ. Disato uparimāya disāya jātaṃ. Okāsato udare ṭhitanti . Udaraṃ nāma ubhato nippīḷiyamānassa allasāṭakassa majjhe sañjātaphoṭakasadisaṃ antapaṭalaṃ, bahi maṭṭhaṃ, anto maṃsakasambupaliveṭhitaṃ, kiliṭṭhapāvārapupphasadisaṃ, kuthitapanasaphalassa abbhantarasadisantipi eke. Tattha takkolakā gaṇḍuppādakātālahīrakāsūcimukhakāpaṭatantusuttakāti evamādidvattiṃsakulappabhedā kimayo ākulabyākulā saṇḍasaṇḍacārino hutvā nivasanti, ye pānabhojanādimhi avijjamāne ullaṅghitvā viravantā hadayamaṃsaṃ abhitudanti pānabhojanādīni ajjhoharaṇavelāyañca uddhaṃmukhā hutvā paṭhamajjhohaṭe dve tayo ālope turitaturitā vilumpanti. Yaṃ etesaṃ kimīnaṃ pasūtigharaṃ vaccakuṭi gilānasālā susānañca hoti, yattha seyyathāpi nāma caṇḍālagāmadvāre candanikāya saradasamaye thūlaphusitake deve vassante udakena āvūḷhaṃ muttakarīsacammaṭṭhinhārukhaṇḍakheḷasiṅghāṇikālohitappabhutinānākuṇapajātaṃ nipatitvā kaddamodakāluḷitaṃ sañjātakimikulākulaṃ hutvā dvīhatīhaccayena sūriyātapasantāpavegakuthitaṃ upari pheṇapupphuḷake muñcantaṃ abhinīlavaṇṇaṃ paramaduggandhajegucchaṃ upagantuṃ vā daṭṭhuṃ vā anaraharūpataṃ āpajjitvā tiṭṭhati, pageva ghāyituṃ vā sāyituṃ vā; evameva nānappakārapānabhojanādi dantamusalasaṃcuṇṇitaṃ jivhāhatthasamparivattitaṃ kheḷalālāpalibuddhaṃ taṅkhaṇavigatavaṇṇagandharasādisampadaṃ koliyakhalisuvānavamathusadisaṃ nipatitvā pittasemhavātapaliveṭhitaṃ hutvā udaraggisantāpavegakuthitaṃ kimikulākulaṃ uparūpari pheṇapupphuḷakāni muñcantaṃ paramakasambuduggandhajegucchabhāvamāpajjitvā tiṭṭhati. Yaṃ sutvāpi pānabhojanādīsu amanuññatā saṇṭhāti, pageva paññācakkhunā oloketvā. Yattha ca patitaṃ pānabhojanādi pañcadhā vivekaṃ gacchati, ekaṃ bhāgaṃ pāṇakā khādanti, ekaṃ bhāgaṃ udaraggi jhāpeti, eko bhāgo muttaṃ hoti, eko bhāgo karīsaṃ hoti, eko bhāgo rasabhāvaṃ āpajjitvā soṇitamaṃsādīni upabrūhayatīti.

    д̇ад̇т̇а яат̇аа барамаж̇зг̇ужчааяа суваанад̣̇он̣ияаа тид̇о суваанавамат̇у на ж̇аанаад̇и ‘‘ахам̣ суваанад̣̇он̣ияаа тид̇о’’д̇и; наби суваанад̣̇он̣и ж̇аанаад̇и ‘‘маяи суваанавамат̇у тид̇о’’д̇и. звамзва на уд̣̇арияам̣ ж̇аанаад̇и ‘‘ахам̣ имасмим̣ барамад̣̇уг̇г̇анд̇хаж̇зг̇ужчз уд̣̇арз тид̇а’’нд̇и; наби уд̣̇арам̣ ж̇аанаад̇и ‘‘маяи уд̣̇арияам̣ тид̇а’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и . барижчзд̣̇ад̇о уд̣̇арияам̣ уд̣̇арияабхааг̇зна барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ уд̣̇арияам̣ ван̣н̣аад̣̇ид̇о вавад̇т̇абзд̇и.

    Tattha yathā paramajegucchāya suvānadoṇiyā ṭhito suvānavamathu na jānāti ‘‘ahaṃ suvānadoṇiyā ṭhito’’ti; napi suvānadoṇi jānāti ‘‘mayi suvānavamathu ṭhito’’ti. Evameva na udariyaṃ jānāti ‘‘ahaṃ imasmiṃ paramaduggandhajegucche udare ṭhita’’nti; napi udaraṃ jānāti ‘‘mayi udariyaṃ ṭhita’’nti. Ābhogapaccavekkhaṇavirahitā hi ete dhammā…pe… na puggaloti . Paricchedato udariyaṃ udariyabhāgena paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ udariyaṃ vaṇṇādito vavatthapeti.

    д̇ад̇о барам̣ анд̇осарийрз гарийсам̣ ван̣н̣ад̇о язбхуяязна аж̇жхохадаахаараван̣н̣анд̇и вавад̇т̇абзд̇и. сан̣таанад̇о огаасасан̣таанам̣, д̣̇исад̇о хздтимааяа д̣̇исааяа ж̇аад̇ам̣, огаасад̇о баггаасаяз тид̇анд̇и. баггаасаяо наама хздтаа наабхибидтиган̣дагамуулаанам̣ анд̇арз анд̇аавасаанз уб̣б̣зд̇хзна адтан̇г̇уламад̇д̇о вам̣санал̣агаб̣бханд̇арасад̣̇исо бад̣̇зсо, яад̇т̇а сзяяат̇ааби наама убарибхуумибхааг̇з бад̇ид̇ам̣ вассод̣̇агам̣ ог̇ал̣ид̇ваа хздтаабхуумибхааг̇ам̣ буурзд̇ваа д̇идтад̇и, звамзва яам̣гин̃жи аамаасаяз бад̇ид̇ам̣ баанабхож̇анаад̣̇игам̣ уд̣̇араг̇г̇инаа пзн̣уд̣̇д̣̇зхагам̣ баггам̣ баггам̣ сан̣хагаран̣ияаа бидтамива сан̣хабхаавам̣ аабаж̇ж̇ид̇ваа анд̇аб̣илзна ог̇ал̣ид̇ваа омад̣̇д̣̇ид̇ваа вам̣санал̣агз багкид̇д̇абан̣д̣умад̇д̇игаа вияа саннижид̇ам̣ худ̇ваа д̇идтад̇и.

    Tato paraṃ antosarīre karīsaṃ vaṇṇato yebhuyyena ajjhohaṭāhāravaṇṇanti vavatthapeti. Saṇṭhānato okāsasaṇṭhānaṃ, disato heṭṭhimāya disāya jātaṃ, okāsato pakkāsaye ṭhitanti. Pakkāsayo nāma heṭṭhā nābhipiṭṭhikaṇṭakamūlānaṃ antare antāvasāne ubbedhena aṭṭhaṅgulamatto vaṃsanaḷakabbhantarasadiso padeso, yattha seyyathāpi nāma uparibhūmibhāge patitaṃ vassodakaṃ ogaḷitvā heṭṭhābhūmibhāgaṃ pūretvā tiṭṭhati, evameva yaṃkiñci āmāsaye patitaṃ pānabhojanādikaṃ udaragginā pheṇuddehakaṃ pakkaṃ pakkaṃ saṇhakaraṇiyā piṭṭhamiva saṇhabhāvaṃ āpajjitvā antabilena ogaḷitvā omadditvā vaṃsanaḷake pakkhittapaṇḍumattikā viya sannicitaṃ hutvā tiṭṭhati.

    д̇ад̇т̇а яат̇аа вам̣санал̣агз омад̣̇д̣̇ид̇ваа багкид̇д̇абан̣д̣умад̇д̇игаа на ж̇аанаад̇и ‘‘ахам̣ вам̣санал̣агз тид̇аа’’д̇и, наби вам̣санал̣аго ж̇аанаад̇и ‘‘маяи бан̣д̣умад̇д̇игаа тид̇аа’’д̇и; звамзва на гарийсам̣ ж̇аанаад̇и ‘‘ахам̣ баггаасаяз тид̇а’’нд̇и, наби баггаасаяо ж̇аанаад̇и ‘‘маяи гарийсам̣ тид̇а’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о гарийсам̣ гарийсабхааг̇зна барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ гарийсам̣ ван̣н̣аад̣̇ид̇о вавад̇т̇абзд̇и.

    Tattha yathā vaṃsanaḷake omadditvā pakkhittapaṇḍumattikā na jānāti ‘‘ahaṃ vaṃsanaḷake ṭhitā’’ti, napi vaṃsanaḷako jānāti ‘‘mayi paṇḍumattikā ṭhitā’’ti; evameva na karīsaṃ jānāti ‘‘ahaṃ pakkāsaye ṭhita’’nti, napi pakkāsayo jānāti ‘‘mayi karīsaṃ ṭhita’’nti. Ābhogapaccavekkhaṇavirahitā hi ete dhammā…pe… na puggaloti. Paricchedato karīsaṃ karīsabhāgena paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ karīsaṃ vaṇṇādito vavatthapeti.

    д̇ад̇о барам̣ сарийрз сийсагадаахаб̣бханд̇арз мад̇т̇алун̇г̇ам̣ ван̣н̣ад̇о сзд̇ам̣ ахичад̇д̇агабин̣д̣иван̣н̣анд̇и вавад̇т̇абзд̇и. баггут̇ид̇ад̣̇уд̣̇д̇хаван̣н̣анд̇иби згз. сан̣таанад̇о огаасасан̣таанам̣. д̣̇исад̇о убаримааяа д̣̇исааяа ж̇аад̇ам̣. огаасад̇о сийсагадаахасса аб̣бханд̇арз жад̇д̇ааро сиб̣б̣инимаг̇г̇з ниссааяа самод̇хааяа табид̇аа жад̇д̇ааро бидтабин̣д̣игаа вияа самохид̇ам̣ жад̇умад̇т̇алун̇г̇абин̣д̣аббабхзд̣̇ам̣ худ̇ваа тид̇анд̇и.

    Tato paraṃ sarīre sīsakaṭāhabbhantare matthaluṅgaṃ vaṇṇato setaṃ ahichattakapiṇḍivaṇṇanti vavatthapeti. Pakkuthitaduddhavaṇṇantipi eke. Saṇṭhānato okāsasaṇṭhānaṃ. Disato uparimāya disāya jātaṃ. Okāsato sīsakaṭāhassa abbhantare cattāro sibbinimagge nissāya samodhāya ṭhapitā cattāro piṭṭhapiṇḍikā viya samohitaṃ catumatthaluṅgapiṇḍappabhedaṃ hutvā ṭhitanti.

    д̇ад̇т̇а яат̇аа бураан̣алааб̣угадаахз багкид̇д̇абидтабин̣д̣и баггут̇ид̇ад̣̇уд̣̇д̇хам̣ ваа на ж̇аанаад̇и ‘‘ахам̣ бураан̣алааб̣угадаахз тид̇а’’нд̇и, наби бураан̣алааб̣угадаахам̣ ж̇аанаад̇и ‘‘маяи бидтабин̣д̣и баггут̇ид̇ад̣̇уд̣̇д̇хам̣ ваа тид̇а’’нд̇и; звамзва на мад̇т̇алун̇г̇ам̣ ж̇аанаад̇и ‘‘ахам̣ сийсагадаахаб̣бханд̇арз тид̇а’’нд̇и, наби сийсагадаахаб̣бханд̇арам̣ ж̇аанаад̇и ‘‘маяи мад̇т̇алун̇г̇ам̣ тид̇а’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о мад̇т̇алун̇г̇ам̣ мад̇т̇алун̇г̇абхааг̇зна барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ мад̇т̇алун̇г̇ам̣ ван̣н̣аад̣̇ид̇о вавад̇т̇абзд̇и.

    Tattha yathā purāṇalābukaṭāhe pakkhittapiṭṭhapiṇḍi pakkuthitaduddhaṃ vā na jānāti ‘‘ahaṃ purāṇalābukaṭāhe ṭhita’’nti, napi purāṇalābukaṭāhaṃ jānāti ‘‘mayi piṭṭhapiṇḍi pakkuthitaduddhaṃ vā ṭhita’’nti; evameva na matthaluṅgaṃ jānāti ‘‘ahaṃ sīsakaṭāhabbhantare ṭhita’’nti, napi sīsakaṭāhabbhantaraṃ jānāti ‘‘mayi matthaluṅgaṃ ṭhita’’nti. Ābhogapaccavekkhaṇavirahitā hi ete dhammā…pe… na puggaloti. Paricchedato matthaluṅgaṃ matthaluṅgabhāgena paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ matthaluṅgaṃ vaṇṇādito vavatthapeti.

    д̇ад̇о барам̣ сарийрз б̣ад̣̇д̇хааб̣ад̣̇д̇хабхзд̣̇ад̇о д̣̇увид̇хамби бид̇д̇ам̣ ван̣н̣ад̇о б̣ахаламад̇хугад̇злаван̣н̣анд̇и вавад̇т̇абзд̇и. аб̣ад̣̇д̇хабид̇д̇ам̣ милаад̇аб̣агулабубпаван̣н̣анд̇иби згз. сан̣таанад̇о огаасасан̣таанам̣. д̣̇исад̇о д̣̇вийсу д̣̇исаасу ж̇аад̇ам̣. огаасад̇о аб̣ад̣̇д̇хабид̇д̇ам̣ гзсаломанакад̣̇анд̇аанам̣ мам̣савинимуд̇д̇адтаанам̣ т̇ад̣̇д̇хасугкажамман̃жа важ̇ж̇зд̇ваа уд̣̇агамива д̇злаб̣инд̣̇у авасзсасарийрам̣ б̣яаабзд̇ваа тид̇ам̣, яамхи губид̇з агкийни бийд̇агаани хонд̇и бхаманд̇и, г̇ад̇д̇ам̣ гамбад̇и ган̣д̣ууяад̇и. б̣ад̣̇д̇хабид̇д̇ам̣ хад̣̇аяабабпаасаанаманд̇арз яаганамам̣сам̣ ниссааяа бад̇идтид̇з махаагосаад̇агигосагасад̣̇исз бид̇д̇агосагз тид̇ам̣, яамхи губид̇з сад̇д̇аа уммад̇д̇агаа хонд̇и, вибаллад̇т̇ажид̇д̇аа хирод̇д̇аббам̣ чад̣д̣зд̇ваа агад̇д̇аб̣б̣ам̣ гаронд̇и, абхаасид̇аб̣б̣ам̣ бхаасанд̇и, ажинд̇ид̇аб̣б̣ам̣ жинд̇знд̇и.

    Tato paraṃ sarīre baddhābaddhabhedato duvidhampi pittaṃ vaṇṇato bahalamadhukatelavaṇṇanti vavatthapeti. Abaddhapittaṃ milātabakulapupphavaṇṇantipi eke. Saṇṭhānato okāsasaṇṭhānaṃ. Disato dvīsu disāsu jātaṃ. Okāsato abaddhapittaṃ kesalomanakhadantānaṃ maṃsavinimuttaṭṭhānaṃ thaddhasukkhacammañca vajjetvā udakamiva telabindu avasesasarīraṃ byāpetvā ṭhitaṃ, yamhi kupite akkhīni pītakāni honti bhamanti, gattaṃ kampati kaṇḍūyati. Baddhapittaṃ hadayapapphāsānamantare yakanamaṃsaṃ nissāya patiṭṭhite mahākosātakikosakasadise pittakosake ṭhitaṃ, yamhi kupite sattā ummattakā honti, vipallatthacittā hirottappaṃ chaḍḍetvā akattabbaṃ karonti, abhāsitabbaṃ bhāsanti, acintitabbaṃ cintenti.

    д̇ад̇т̇а яат̇аа уд̣̇агам̣ б̣яаабзд̇ваа тид̇ам̣ д̇злам̣ на ж̇аанаад̇и ‘‘ахам̣ уд̣̇агам̣ б̣яаабзд̇ваа тид̇а’’нд̇и, наби уд̣̇агам̣ ж̇аанаад̇и ‘‘д̇злам̣ мам̣ б̣яаабзд̇ваа тид̇а’’нд̇и; звамзва на аб̣ад̣̇д̇хабид̇д̇ам̣ ж̇аанаад̇и ‘‘ахам̣ сарийрам̣ б̣яаабзд̇ваа тид̇а’’нд̇и, наби сарийрам̣ ж̇аанаад̇и ‘‘аб̣ад̣̇д̇хабид̇д̇ам̣ мам̣ б̣яаабзд̇ваа тид̇а’’нд̇и. яат̇аа жа госаад̇агигосагз тид̇ам̣ вассод̣̇агам̣ на ж̇аанаад̇и ‘‘ахам̣ госаад̇агигосагз тид̇а’’нд̇и, наби госаад̇агигосаго ж̇аанаад̇и ‘‘маяи вассод̣̇агам̣ тид̇а’’нд̇и; звамзва на б̣ад̣̇д̇хабид̇д̇ам̣ ж̇аанаад̇и ‘‘ахам̣ бид̇д̇агосагз тид̇а’’нд̇и, наби бид̇д̇агосаго ж̇аанаад̇и ‘‘маяи б̣ад̣̇д̇хабид̇д̇ам̣ тид̇а’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о бид̇д̇ам̣ бид̇д̇абхааг̇зна барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ бид̇д̇ам̣ ван̣н̣аад̣̇ид̇о вавад̇т̇абзд̇и.

    Tattha yathā udakaṃ byāpetvā ṭhitaṃ telaṃ na jānāti ‘‘ahaṃ udakaṃ byāpetvā ṭhita’’nti, napi udakaṃ jānāti ‘‘telaṃ maṃ byāpetvā ṭhita’’nti; evameva na abaddhapittaṃ jānāti ‘‘ahaṃ sarīraṃ byāpetvā ṭhita’’nti, napi sarīraṃ jānāti ‘‘abaddhapittaṃ maṃ byāpetvā ṭhita’’nti. Yathā ca kosātakikosake ṭhitaṃ vassodakaṃ na jānāti ‘‘ahaṃ kosātakikosake ṭhita’’nti, napi kosātakikosako jānāti ‘‘mayi vassodakaṃ ṭhita’’nti; evameva na baddhapittaṃ jānāti ‘‘ahaṃ pittakosake ṭhita’’nti, napi pittakosako jānāti ‘‘mayi baddhapittaṃ ṭhita’’nti. Ābhogapaccavekkhaṇavirahitā hi ete dhammā…pe… na puggaloti. Paricchedato pittaṃ pittabhāgena paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ pittaṃ vaṇṇādito vavatthapeti.

    д̇ад̇о барам̣ сарийраб̣бханд̇арз згабад̇д̇абуураббамаан̣ам̣ сзмхам̣ ван̣н̣ад̇о сзд̇ам̣ гажчагабан̣н̣арасаван̣н̣анд̇и вавад̇т̇абзд̇и. сан̣таанад̇о огаасасан̣таанам̣. д̣̇исад̇о убаримааяа д̣̇исааяа ж̇аад̇ам̣. огаасад̇о уд̣̇арабадалз тид̇анд̇и. яам̣ баанабхож̇анаад̣̇иаж̇жхохаран̣агаалз сзяяат̇ааби наама уд̣̇агз сзваалабан̣агам̣ гадтз ваа гат̇алз ваа бад̇анд̇з чиж̇ж̇ид̇ваа д̣̇вид̇хаа худ̇ваа буна аж̇жход̇т̇арид̇ваа д̇идтад̇и, звамзва баанабхож̇анаад̣̇имхи нибад̇анд̇з чиж̇ж̇ид̇ваа д̣̇вид̇хаа худ̇ваа буна аж̇жход̇т̇арид̇ваа д̇идтад̇и, яамхи жа манд̣̇ийбхууд̇з баггамива г̇ан̣д̣ам̣ бууд̇игамива гуггудан̣д̣ам̣ уд̣̇арабадалам̣ барамаж̇зг̇ужчагун̣абаг̇анд̇хам̣ ход̇и. д̇ад̇о уг̇г̇ад̇зна жа г̇анд̇хзна уг̇г̇аароби мукамби д̣̇уг̇г̇анд̇хам̣ бууд̇игун̣абасад̣̇исам̣ ход̇и, со жа бурисо ‘‘абзхи д̣̇уг̇г̇анд̇хам̣ вааяасий’’д̇и вад̇д̇аб̣б̣ад̇ам̣ аабаж̇ж̇ад̇и, яан̃жа абхивад̣дхид̇ам̣ б̣ахалад̇д̇амаабаннам̣ бадигуж̇ж̇анапалагамива важжагудияаа уд̣̇арабадалаб̣бханд̇арз зва гун̣абаг̇анд̇хам̣ саннирумбхид̇ваа д̇идтад̇и.

    Tato paraṃ sarīrabbhantare ekapattapūrappamāṇaṃ semhaṃ vaṇṇato setaṃ kacchakapaṇṇarasavaṇṇanti vavatthapeti. Saṇṭhānato okāsasaṇṭhānaṃ. Disato uparimāya disāya jātaṃ. Okāsato udarapaṭale ṭhitanti. Yaṃ pānabhojanādiajjhoharaṇakāle seyyathāpi nāma udake sevālapaṇakaṃ kaṭṭhe vā kathale vā patante chijjitvā dvidhā hutvā puna ajjhottharitvā tiṭṭhati, evameva pānabhojanādimhi nipatante chijjitvā dvidhā hutvā puna ajjhottharitvā tiṭṭhati, yamhi ca mandībhūte pakkamiva gaṇḍaṃ pūtikamiva kukkuṭaṇḍaṃ udarapaṭalaṃ paramajegucchakuṇapagandhaṃ hoti. Tato uggatena ca gandhena uggāropi mukhampi duggandhaṃ pūtikuṇapasadisaṃ hoti, so ca puriso ‘‘apehi duggandhaṃ vāyasī’’ti vattabbataṃ āpajjati, yañca abhivaḍḍhitaṃ bahalattamāpannaṃ paṭikujjanaphalakamiva vaccakuṭiyā udarapaṭalabbhantare eva kuṇapagandhaṃ sannirumbhitvā tiṭṭhati.

    д̇ад̇т̇а яат̇аа жанд̣̇анигааяа убарипзн̣абадалам̣ на ж̇аанаад̇и ‘‘ахам̣ жанд̣̇анигааяа тид̇а’’нд̇и, наби жанд̣̇анигаа ж̇аанаад̇и ‘‘маяи пзн̣абадалам̣ тид̇а’’нд̇и; звамзва на сзмхам̣ ж̇аанаад̇и ‘‘ахам̣ уд̣̇арабадалз тид̇а’’нд̇и, наби уд̣̇арабадалам̣ ж̇аанаад̇и ‘‘маяи сзмхам̣ тид̇анд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о сзмхам̣ сзмхабхааг̇зна барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ сзмхам̣ ван̣н̣аад̣̇ид̇о вавад̇т̇абзд̇и.

    Tattha yathā candanikāya uparipheṇapaṭalaṃ na jānāti ‘‘ahaṃ candanikāya ṭhita’’nti, napi candanikā jānāti ‘‘mayi pheṇapaṭalaṃ ṭhita’’nti; evameva na semhaṃ jānāti ‘‘ahaṃ udarapaṭale ṭhita’’nti, napi udarapaṭalaṃ jānāti ‘‘mayi semhaṃ ṭhitanti. Ābhogapaccavekkhaṇavirahitā hi ete dhammā…pe… na puggaloti. Paricchedato semhaṃ semhabhāgena paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ semhaṃ vaṇṇādito vavatthapeti.

    д̇ад̇о барам̣ сарийрз буб̣б̣о ван̣н̣ад̇о бан̣д̣убалаасаван̣н̣од̇и вавад̇т̇абзд̇и. сан̣таанад̇о огаасасан̣таано. д̣̇исад̇о д̣̇вийсу д̣̇исаасу ж̇аад̇о. огаасад̇о буб̣б̣асса огаасо наама ниб̣ад̣̇д̇хо над̇т̇и. яад̇т̇а буб̣б̣о саннижид̇о д̇идтзяяа, яад̇ра яад̇ра каан̣уган̣дагаббахаран̣аг̇г̇иж̇аалаад̣̇ийхи абхихад̇з сарийраббад̣̇зсз лохид̇ам̣ сан̣тахид̇ваа бажжад̇и, г̇ан̣д̣абил̣агаад̣̇аяо ваа уббаж̇ж̇анд̇и, д̇ад̇ра д̇ад̇ра д̇идтад̇и.

    Tato paraṃ sarīre pubbo vaṇṇato paṇḍupalāsavaṇṇoti vavatthapeti. Saṇṭhānato okāsasaṇṭhāno. Disato dvīsu disāsu jāto. Okāsato pubbassa okāso nāma nibaddho natthi. Yattha pubbo sannicito tiṭṭheyya, yatra yatra khāṇukaṇṭakappaharaṇaggijālādīhi abhihate sarīrappadese lohitaṃ saṇṭhahitvā paccati, gaṇḍapiḷakādayo vā uppajjanti, tatra tatra tiṭṭhati.

    д̇ад̇т̇а яат̇аа ругкасса д̇ад̇т̇а д̇ад̇т̇а парасуд̇хаараад̣̇ийхи бахад̇аббад̣̇зсз аваг̇ал̣ид̇ваа тид̇о нияяаасо на ж̇аанаад̇и ‘‘ахам̣ ругкасса бахад̇аббад̣̇зсз тид̇о’’д̇и, наби ругкасса бахад̇аббад̣̇зсо ж̇аанаад̇и ‘‘маяи нияяаасо тид̇о’’д̇и; звамзва на буб̣б̣о ж̇аанаад̇и ‘‘ахам̣ сарийрасса д̇ад̇т̇а д̇ад̇т̇а каан̣уган̣дагаад̣̇ийхи абхихад̇аббад̣̇зсз г̇ан̣д̣абил̣агаад̣̇ийнам̣ удтид̇аббад̣̇зсз ваа тид̇о’’д̇и, наби сарийраббад̣̇зсо ж̇аанаад̇и ‘‘маяи буб̣б̣о тид̇о’’д̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о буб̣б̣о буб̣б̣абхааг̇зна барижчиннод̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ буб̣б̣ам̣ ван̣н̣аад̣̇ид̇о вавад̇т̇абзд̇и.

    Tattha yathā rukkhassa tattha tattha pharasudhārādīhi pahatappadese avagaḷitvā ṭhito niyyāso na jānāti ‘‘ahaṃ rukkhassa pahatappadese ṭhito’’ti, napi rukkhassa pahatappadeso jānāti ‘‘mayi niyyāso ṭhito’’ti; evameva na pubbo jānāti ‘‘ahaṃ sarīrassa tattha tattha khāṇukaṇṭakādīhi abhihatappadese gaṇḍapiḷakādīnaṃ uṭṭhitappadese vā ṭhito’’ti, napi sarīrappadeso jānāti ‘‘mayi pubbo ṭhito’’ti. Ābhogapaccavekkhaṇavirahitā hi ete dhammā…pe… na puggaloti. Paricchedato pubbo pubbabhāgena paricchinnoti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ pubbaṃ vaṇṇādito vavatthapeti.

    д̇ад̇о барам̣ сарийрз саннижид̇алохид̇ам̣ сам̣саран̣алохид̇анд̇и звам̣ д̣̇увид̇хз лохид̇з саннижид̇алохид̇ам̣ д̇аава ван̣н̣ад̇о б̣ахалагут̇ид̇алаакаарасаван̣н̣анд̇и вавад̇т̇абзд̇и, сам̣саран̣алохид̇ам̣ ажчалаакаарасаван̣н̣анд̇и. сан̣таанад̇о саб̣б̣амби ад̇д̇ано огаасасан̣таанам̣. д̣̇исад̇о саннижид̇алохид̇ам̣ убаримааяа д̣̇исааяа ж̇аад̇ам̣, сам̣саран̣алохид̇ам̣ д̣̇вийсубийд̇и. огаасад̇о сам̣саран̣алохид̇ам̣ гзсаломанакад̣̇анд̇аанам̣ мам̣савинимуд̇д̇адтаанан̃жзва т̇ад̣̇д̇хасугкажамман̃жа важ̇ж̇зд̇ваа д̇хаманиж̇аалаанусаарзна саб̣б̣ам̣ убаад̣̇иннагасарийрам̣ парид̇ваа тид̇ам̣. саннижид̇алохид̇ам̣ яаганасса хздтаабхааг̇ам̣ буурзд̇ваа згабад̇д̇абууран̣амад̇д̇ам̣ ваггахад̣̇аяабабпаасаанам̣ убари т̇огам̣ т̇огам̣ б̣инд̣̇ум̣ баад̇знд̇ам̣ ваггахад̣̇аяаяаганабабпаасз д̇змзнд̇ам̣ тид̇ам̣, яамхи ваггахад̣̇аяаад̣̇ийни ад̇змзнд̇з сад̇д̇аа бибаасид̇аа хонд̇и.

    Tato paraṃ sarīre sannicitalohitaṃ saṃsaraṇalohitanti evaṃ duvidhe lohite sannicitalohitaṃ tāva vaṇṇato bahalakuthitalākhārasavaṇṇanti vavatthapeti, saṃsaraṇalohitaṃ acchalākhārasavaṇṇanti. Saṇṭhānato sabbampi attano okāsasaṇṭhānaṃ. Disato sannicitalohitaṃ uparimāya disāya jātaṃ, saṃsaraṇalohitaṃ dvīsupīti. Okāsato saṃsaraṇalohitaṃ kesalomanakhadantānaṃ maṃsavinimuttaṭṭhānañceva thaddhasukkhacammañca vajjetvā dhamanijālānusārena sabbaṃ upādinnakasarīraṃ pharitvā ṭhitaṃ. Sannicitalohitaṃ yakanassa heṭṭhābhāgaṃ pūretvā ekapattapūraṇamattaṃ vakkahadayapapphāsānaṃ upari thokaṃ thokaṃ binduṃ pātentaṃ vakkahadayayakanapapphāse tementaṃ ṭhitaṃ, yamhi vakkahadayādīni atemente sattā pipāsitā honti.

    д̇ад̇т̇а яат̇аа ж̇аж̇ж̇арагабаалз тид̇ам̣ уд̣̇агам̣ хздтаа лзд̣д̣укан̣д̣аад̣̇ийни д̇змзнд̇ам̣ на ж̇аанаад̇и ‘‘ахам̣ ж̇аж̇ж̇арагабаалз тид̇ам̣ хздтаа лзд̣д̣укан̣д̣аад̣̇ийни д̇змзмий’’д̇и, наби ж̇аж̇ж̇арагабаалам̣ хздтаа лзд̣д̣укан̣д̣аад̣̇ийни ваа ж̇аананд̇и ‘‘маяи уд̣̇агам̣ тид̇ам̣, амхз ваа д̇змзнд̇ам̣ тид̇а’’нд̇и; звамзва на лохид̇ам̣ ж̇аанаад̇и ‘‘ахам̣ яаганасса хздтаабхааг̇з ваггахад̣̇аяаад̣̇ийни д̇змзнд̇ам̣ тид̇а’’нд̇и, наби яаганасса хздтаабхааг̇адтаанам̣ ваггахад̣̇аяаад̣̇ийни ваа ж̇аананд̇и ‘‘маяи лохид̇ам̣ тид̇ам̣, амхз ваа д̇змзнд̇ам̣ тид̇а’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о лохид̇ам̣ лохид̇абхааг̇зна барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ лохид̇ам̣ ван̣н̣аад̣̇ид̇о вавад̇т̇абзд̇и.

    Tattha yathā jajjarakapāle ṭhitaṃ udakaṃ heṭṭhā leḍḍukhaṇḍādīni tementaṃ na jānāti ‘‘ahaṃ jajjarakapāle ṭhitaṃ heṭṭhā leḍḍukhaṇḍādīni tememī’’ti, napi jajjarakapālaṃ heṭṭhā leḍḍukhaṇḍādīni vā jānanti ‘‘mayi udakaṃ ṭhitaṃ, amhe vā tementaṃ ṭhita’’nti; evameva na lohitaṃ jānāti ‘‘ahaṃ yakanassa heṭṭhābhāge vakkahadayādīni tementaṃ ṭhita’’nti, napi yakanassa heṭṭhābhāgaṭṭhānaṃ vakkahadayādīni vā jānanti ‘‘mayi lohitaṃ ṭhitaṃ, amhe vā tementaṃ ṭhita’’nti. Ābhogapaccavekkhaṇavirahitā hi ete dhammā…pe… na puggaloti. Paricchedato lohitaṃ lohitabhāgena paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ lohitaṃ vaṇṇādito vavatthapeti.

    д̇ад̇о барам̣ сарийрз сзд̣̇о ван̣н̣ад̇о басаннад̇илад̇злаван̣н̣од̇и вавад̇т̇абзд̇и. сан̣таанад̇о огаасасан̣таано. д̣̇исад̇о д̣̇вийсу д̣̇исаасу ж̇аад̇о. огаасад̇о сзд̣̇асса огаасо наама ниб̣ад̣̇д̇хо над̇т̇и, яад̇т̇а сзд̣̇о лохид̇ам̣ вияа сад̣̇аа д̇идтзяяа. яасмаа ваа яад̣̇аа аг̇г̇исанд̇аабасуурияасанд̇аабауд̇увигаараад̣̇ийхи сарийрам̣ санд̇абад̇и, ат̇а уд̣̇агад̇о аб̣б̣уул̣хамад̇д̇ависамажчиннабхисамул̣аалагумуд̣̇анаалагалаабауд̣̇агамива саб̣б̣агзсаломагуубавиварзхи баг̇гхарад̇и. д̇асмаа д̇зсам̣ гзсаломагуубавивараанам̣ васзна д̇ам̣ сан̣таанад̇о вавад̇т̇абзд̇и. ‘‘сзд̣̇абариг̇г̇ан̣хагзна жа яог̇ааважарзна гзсаломагуубавиварз буурзд̇ваа тид̇авасзнзва сзд̣̇о манасигаад̇аб̣б̣о’’д̇и вуд̇д̇ам̣ буб̣б̣аажариязхи.

    Tato paraṃ sarīre sedo vaṇṇato pasannatilatelavaṇṇoti vavatthapeti. Saṇṭhānato okāsasaṇṭhāno. Disato dvīsu disāsu jāto. Okāsato sedassa okāso nāma nibaddho natthi, yattha sedo lohitaṃ viya sadā tiṭṭheyya. Yasmā vā yadā aggisantāpasūriyasantāpautuvikārādīhi sarīraṃ santapati, atha udakato abbūḷhamattavisamacchinnabhisamuḷālakumudanālakalāpaudakamiva sabbakesalomakūpavivarehi paggharati. Tasmā tesaṃ kesalomakūpavivarānaṃ vasena taṃ saṇṭhānato vavatthapeti. ‘‘Sedapariggaṇhakena ca yogāvacarena kesalomakūpavivare pūretvā ṭhitavaseneva sedo manasikātabbo’’ti vuttaṃ pubbācariyehi.

    д̇ад̇т̇а яат̇аа бхисамул̣аалагумуд̣̇анаалагалаабавиварзхи баг̇гхаранд̇ам̣ уд̣̇агам̣ на ж̇аанаад̇и ‘‘ахам̣ бхисамул̣аалагумуд̣̇анаалагалаабавиварзхи баг̇гхараамий’’д̇и, наби бхисамул̣аалагумуд̣̇анаалагалаабавивараа ж̇аананд̇и ‘‘амхзхи уд̣̇агам̣ баг̇гхарад̇ий’’д̇и; звамзва на сзд̣̇о ж̇аанаад̇и ‘‘ахам̣ гзсаломагуубавиварзхи баг̇гхараамий’’д̇и, наби гзсаломагуубавивараа ж̇аананд̇и ‘‘амхзхи сзд̣̇о баг̇гхарад̇ий’’д̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о сзд̣̇о сзд̣̇абхааг̇зна барижчиннод̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ сзд̣̇ам̣ ван̣н̣аад̣̇ид̇о вавад̇т̇абзд̇и.

    Tattha yathā bhisamuḷālakumudanālakalāpavivarehi paggharantaṃ udakaṃ na jānāti ‘‘ahaṃ bhisamuḷālakumudanālakalāpavivarehi paggharāmī’’ti, napi bhisamuḷālakumudanālakalāpavivarā jānanti ‘‘amhehi udakaṃ paggharatī’’ti; evameva na sedo jānāti ‘‘ahaṃ kesalomakūpavivarehi paggharāmī’’ti, napi kesalomakūpavivarā jānanti ‘‘amhehi sedo paggharatī’’ti. Ābhogapaccavekkhaṇavirahitā hi ete dhammā…pe… na puggaloti. Paricchedato sedo sedabhāgena paricchinnoti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ sedaṃ vaṇṇādito vavatthapeti.

    д̇ад̇о барам̣ сарийрз жаммамам̣санд̇арз мзд̣̇о ван̣н̣ад̇о паалид̇ахалид̣̇д̣̇иван̣н̣од̇и вавад̇т̇абзд̇и. сан̣таанад̇о огаасасан̣таано. д̇ат̇аа хи сукино т̇ууласарийрасса жаммамам̣санд̇арз парид̇ваа тид̇о халид̣̇д̣̇ирад̇д̇ад̣̇угуулабилод̇игасан̣таано, гисасарийрасса ж̇ан̇гхамам̣сауурумам̣сабидтиган̣даганиссид̇абидтимам̣сауд̣̇арабадаламам̣саани ниссааяа сам̣взллид̇ваа табид̇ахалид̣̇д̣̇ирад̇д̇ад̣̇угуулабилод̇игакан̣д̣асан̣таано. д̣̇исад̇о д̣̇вийсу д̣̇исаасу ж̇аад̇о. огаасад̇о т̇ууласарийрасса сагаласарийрам̣ парид̇ваа гисасса ж̇ан̇гхаамам̣саад̣̇ийни ниссааяа тид̇о, яо синзхасан̇каад̇оби худ̇ваа барамаж̇зг̇ужчад̇д̇аа на мад̇т̇агад̇злад̇т̇ам̣ на г̇ан̣д̣уусад̇злад̇т̇ам̣ на д̣̇ийбаж̇ааланад̇т̇ам̣ сан̇г̇аяхад̇и.

    Tato paraṃ sarīre cammamaṃsantare medo vaṇṇato phālitahaliddivaṇṇoti vavatthapeti. Saṇṭhānato okāsasaṇṭhāno. Tathā hi sukhino thūlasarīrassa cammamaṃsantare pharitvā ṭhito haliddirattadukūlapilotikasaṇṭhāno, kisasarīrassa jaṅghamaṃsaūrumaṃsapiṭṭhikaṇṭakanissitapiṭṭhimaṃsaudarapaṭalamaṃsāni nissāya saṃvellitvā ṭhapitahaliddirattadukūlapilotikakhaṇḍasaṇṭhāno. Disato dvīsu disāsu jāto. Okāsato thūlasarīrassa sakalasarīraṃ pharitvā kisassa jaṅghāmaṃsādīni nissāya ṭhito, yo sinehasaṅkhātopi hutvā paramajegucchattā na matthakatelatthaṃ na gaṇḍūsatelatthaṃ na dīpajālanatthaṃ saṅgayhati.

    д̇ад̇т̇а яат̇аа мам̣сабун̃ж̇ам̣ ниссааяа тид̇аа халид̣̇д̣̇ирад̇д̇ад̣̇угуулабилод̇игаа на ж̇аанаад̇и ‘‘ахам̣ мам̣сабун̃ж̇ам̣ ниссааяа тид̇аа’’д̇и, наби мам̣сабун̃ж̇о ж̇аанаад̇и ‘‘халид̣̇д̣̇ирад̇д̇ад̣̇угуулабилод̇игаа мам̣ ниссааяа тид̇аа’’д̇и; звамзва на мзд̣̇о ж̇аанаад̇и ‘‘ахам̣ сагаласарийрам̣ ж̇ан̇гхаад̣̇ийсу ваа мам̣сам̣ ниссааяа тид̇о’’д̇и, наби сагаласарийрам̣ ж̇аанаад̇и ж̇ан̇гхаад̣̇ийсу ваа мам̣сам̣ ‘‘мзд̣̇о мам̣ ниссааяа тид̇о’’д̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о мзд̣̇о хздтаа мам̣сзна, убари жаммзна, саманд̇ад̇о мзд̣̇абхааг̇зна барижчиннод̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ мзд̣̇ам̣ ван̣н̣аад̣̇ид̇о вавад̇т̇абзд̇и.

    Tattha yathā maṃsapuñjaṃ nissāya ṭhitā haliddirattadukūlapilotikā na jānāti ‘‘ahaṃ maṃsapuñjaṃ nissāya ṭhitā’’ti, napi maṃsapuñjo jānāti ‘‘haliddirattadukūlapilotikā maṃ nissāya ṭhitā’’ti; evameva na medo jānāti ‘‘ahaṃ sakalasarīraṃ jaṅghādīsu vā maṃsaṃ nissāya ṭhito’’ti, napi sakalasarīraṃ jānāti jaṅghādīsu vā maṃsaṃ ‘‘medo maṃ nissāya ṭhito’’ti. Ābhogapaccavekkhaṇavirahitā hi ete dhammā…pe… na puggaloti. Paricchedato medo heṭṭhā maṃsena, upari cammena, samantato medabhāgena paricchinnoti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ medaṃ vaṇṇādito vavatthapeti.

    д̇ад̇о барам̣ сарийрз ассу ван̣н̣ад̇о басаннад̇илад̇злаван̣н̣анд̇и вавад̇т̇абзд̇и. сан̣таанад̇о огаасасан̣таанам̣. д̣̇исад̇о убаримааяа д̣̇исааяа ж̇аад̇ам̣. огаасад̇о агкигуубагзсу тид̇анд̇и. на жзд̇ам̣ бид̇д̇агосагз бид̇д̇амива агкигуубагзсу сад̣̇аа саннижид̇ам̣ худ̇ваа д̇идтад̇и, гинд̇у яад̣̇аа соманассаж̇аад̇аа сад̇д̇аа махаахасид̇ам̣ хасанд̇и, д̣̇оманассаж̇аад̇аа род̣̇анд̇и барид̣̇званд̇и, д̇ат̇ааруубам̣ висамаахаарам̣ ваа харанд̇и, яад̣̇аа жа д̇зсам̣ агкийни д̇хуумараж̇абам̣сугаад̣̇ийхи абхихан̃н̃анд̇и, д̇ад̣̇аа зд̇зхи соманассад̣̇оманассависамаахаараад̣̇ийхи самудтахид̇ваа ассу агкигуубагзсу буурзд̇ваа д̇идтад̇и баг̇гхарад̇и жа. ‘‘ассубариг̇г̇ан̣хагзна жа яог̇ааважарзна агкигуубагз буурзд̇ваа тид̇авасзнзва д̇ам̣ манасигаад̇аб̣б̣а’’нд̇и буб̣б̣аажарияаа ван̣н̣аяанд̇и.

    Tato paraṃ sarīre assu vaṇṇato pasannatilatelavaṇṇanti vavatthapeti. Saṇṭhānato okāsasaṇṭhānaṃ. Disato uparimāya disāya jātaṃ. Okāsato akkhikūpakesu ṭhitanti. Na cetaṃ pittakosake pittamiva akkhikūpakesu sadā sannicitaṃ hutvā tiṭṭhati, kintu yadā somanassajātā sattā mahāhasitaṃ hasanti, domanassajātā rodanti paridevanti, tathārūpaṃ visamāhāraṃ vā haranti, yadā ca tesaṃ akkhīni dhūmarajapaṃsukādīhi abhihaññanti, tadā etehi somanassadomanassavisamāhārādīhi samuṭṭhahitvā assu akkhikūpakesu pūretvā tiṭṭhati paggharati ca. ‘‘Assupariggaṇhakena ca yogāvacarena akkhikūpake pūretvā ṭhitavaseneva taṃ manasikātabba’’nti pubbācariyā vaṇṇayanti.

    д̇ад̇т̇а яат̇аа мад̇т̇агажчиннад̇арун̣ад̇ааладтигуубагзсу тид̇ам̣ уд̣̇агам̣ на ж̇аанаад̇и ‘‘ахам̣ мад̇т̇агажчиннад̇арун̣ад̇ааладтигуубагзсу тид̇а’’нд̇и, наби мад̇т̇агажчиннад̇арун̣ад̇ааладтигуубагаа ж̇аананд̇и ‘‘амхзсу уд̣̇агам̣ тид̇а’’нд̇и; звамзва на ассу ж̇аанаад̇и ‘‘ахам̣ агкигуубагзсу тид̇а’’нд̇и, наби агкигуубагаа ж̇аананд̇и ‘‘амхзсу ассу тид̇а’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о ассу ассубхааг̇зна барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ ассум̣ ван̣н̣аад̣̇ид̇о вавад̇т̇абзд̇и.

    Tattha yathā matthakacchinnataruṇatālaṭṭhikūpakesu ṭhitaṃ udakaṃ na jānāti ‘‘ahaṃ matthakacchinnataruṇatālaṭṭhikūpakesu ṭhita’’nti, napi matthakacchinnataruṇatālaṭṭhikūpakā jānanti ‘‘amhesu udakaṃ ṭhita’’nti; evameva na assu jānāti ‘‘ahaṃ akkhikūpakesu ṭhita’’nti, napi akkhikūpakā jānanti ‘‘amhesu assu ṭhita’’nti. Ābhogapaccavekkhaṇavirahitā hi ete dhammā…pe… na puggaloti. Paricchedato assu assubhāgena paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ assuṃ vaṇṇādito vavatthapeti.

    д̇ад̇о барам̣ сарийрз вилийнасинзхасан̇каад̇аа васаа ван̣н̣ад̇о аажаамз аасид̇д̇ад̇злаван̣н̣аад̇и вавад̇т̇абзд̇и. сан̣таанад̇о огаасасан̣таанаа. д̣̇исад̇о д̣̇вийсу д̣̇исаасу ж̇аад̇аа. огаасад̇о хад̇т̇ад̇алахад̇т̇абидтибаад̣̇ад̇алабаад̣̇абидтинаасаабуданалаадаам̣сагуудзсу тид̇аад̇и. на жзсаа зд̇зсу огаасзсу сад̣̇аа вилийнаа зва худ̇ваа д̇идтад̇и, гинд̇у яад̣̇аа аг̇г̇исанд̇аабасуурияасанд̇аабауд̇увисабхааг̇ад̇хаад̇увисабхааг̇зхи д̇з бад̣̇зсаа усмааж̇аад̇аа хонд̇и, д̇ад̣̇аа д̇ад̇т̇а вилийнаава худ̇ваа басаннасалилаасу уд̣̇агасон̣д̣игаасу нийхааро вияа сарад̇и.

    Tato paraṃ sarīre vilīnasinehasaṅkhātā vasā vaṇṇato ācāme āsittatelavaṇṇāti vavatthapeti. Saṇṭhānato okāsasaṇṭhānā. Disato dvīsu disāsu jātā. Okāsato hatthatalahatthapiṭṭhipādatalapādapiṭṭhināsāpuṭanalāṭaaṃsakūṭesu ṭhitāti. Na cesā etesu okāsesu sadā vilīnā eva hutvā tiṭṭhati, kintu yadā aggisantāpasūriyasantāpautuvisabhāgadhātuvisabhāgehi te padesā usmājātā honti, tadā tattha vilīnāva hutvā pasannasalilāsu udakasoṇḍikāsu nīhāro viya sarati.

    д̇ад̇т̇а яат̇аа уд̣̇агасон̣д̣ияо аж̇жход̇т̇арид̇ваа тид̇о нийхааро на ж̇аанаад̇и ‘‘ахам̣ уд̣̇агасон̣д̣ияо аж̇жход̇т̇арид̇ваа тид̇о’’д̇и, наби уд̣̇агасон̣д̣ияо ж̇аананд̇и ‘‘нийхааро амхз аж̇жход̇т̇арид̇ваа тид̇о’’д̇и; звамзва на васаа ж̇аанаад̇и ‘‘ахам̣ хад̇т̇ад̇алаад̣̇ийни аж̇жход̇т̇арид̇ваа тид̇аа’’д̇и, наби хад̇т̇ад̇алаад̣̇ийни ж̇аананд̇и ‘‘васаа амхз аж̇жход̇т̇арид̇ваа тид̇аа’’д̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о васаа васаабхааг̇зна барижчиннаад̇и вавад̇т̇абзд̇и. аяамзд̇иссаа сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ васам̣ ван̣н̣аад̣̇ид̇о вавад̇т̇абзд̇и.

    Tattha yathā udakasoṇḍiyo ajjhottharitvā ṭhito nīhāro na jānāti ‘‘ahaṃ udakasoṇḍiyo ajjhottharitvā ṭhito’’ti, napi udakasoṇḍiyo jānanti ‘‘nīhāro amhe ajjhottharitvā ṭhito’’ti; evameva na vasā jānāti ‘‘ahaṃ hatthatalādīni ajjhottharitvā ṭhitā’’ti, napi hatthatalādīni jānanti ‘‘vasā amhe ajjhottharitvā ṭhitā’’ti. Ābhogapaccavekkhaṇavirahitā hi ete dhammā…pe… na puggaloti. Paricchedato vasā vasābhāgena paricchinnāti vavatthapeti. Ayametissā sabhāgaparicchedo, visabhāgaparicchedo pana kesasadiso evāti evaṃ vasaṃ vaṇṇādito vavatthapeti.

    д̇ад̇о барам̣ сарийрз мукассаб̣бханд̇арз кзл̣о ван̣н̣ад̇о сзд̇о пзн̣аван̣н̣од̇и вавад̇т̇абзд̇и. сан̣таанад̇о огаасасан̣таанод̇и, самуд̣̇д̣̇апзн̣асан̣таанод̇иби згз. д̣̇исад̇о убаримааяа д̣̇исааяа ж̇аад̇о. огаасад̇о убхохи габолабассзхи орохид̇ваа ж̇ивхааяа тид̇од̇и. на жзсо зд̇т̇а сад̣̇аа саннижид̇о худ̇ваа д̇идтад̇и, гинд̇у яад̣̇аа сад̇д̇аа д̇ат̇ааруубам̣ аахаарам̣ бассанд̇и ваа саранд̇и ваа, ун̣хад̇ид̇д̇агадугалон̣амб̣илаанам̣ ваа гин̃жи мукз табзнд̇и. яад̣̇аа жа д̇зсам̣ хад̣̇аяам̣ ааг̇илааяад̇и, гисмин̃жид̣̇зва ваа ж̇иг̇ужчаа уббаж̇ж̇ад̇и, д̇ад̣̇аа кзл̣о уббаж̇ж̇ид̇ваа убхохи габолабассзхи орохид̇ваа ж̇ивхааяа сан̣таад̇и. аг̇г̇аж̇ивхааяа жзса кзл̣о д̇ануго ход̇и, муулаж̇ивхааяа б̣ахало, мукз багкид̇д̇ан̃жа бут̇угам̣ ваа д̇ан̣д̣улам̣ ваа ан̃н̃ам̣ ваа гин̃жи каад̣̇анийяам̣ над̣̇ибулинз кад̇агуубасалиламива баригкаяамаг̇ажчанд̇ова сад̣̇аа д̇зманасамад̇т̇о ход̇и.

    Tato paraṃ sarīre mukhassabbhantare kheḷo vaṇṇato seto pheṇavaṇṇoti vavatthapeti. Saṇṭhānato okāsasaṇṭhānoti, samuddapheṇasaṇṭhānotipi eke. Disato uparimāya disāya jāto. Okāsato ubhohi kapolapassehi orohitvā jivhāya ṭhitoti. Na ceso ettha sadā sannicito hutvā tiṭṭhati, kintu yadā sattā tathārūpaṃ āhāraṃ passanti vā saranti vā, uṇhatittakaṭukaloṇambilānaṃ vā kiñci mukhe ṭhapenti. Yadā ca tesaṃ hadayaṃ āgilāyati, kismiñcideva vā jigucchā uppajjati, tadā kheḷo uppajjitvā ubhohi kapolapassehi orohitvā jivhāya saṇṭhāti. Aggajivhāya cesa kheḷo tanuko hoti, mūlajivhāya bahalo, mukhe pakkhittañca puthukaṃ vā taṇḍulaṃ vā aññaṃ vā kiñci khādanīyaṃ nadipuline khatakūpasalilamiva parikkhayamagacchantova sadā temanasamattho hoti.

    д̇ад̇т̇а яат̇аа над̣̇ибулинз кад̇агуубад̇алз сан̣тид̇ам̣ уд̣̇агам̣ на ж̇аанаад̇и ‘‘ахам̣ гуубад̇алз сан̣тид̇а’’нд̇и , наби гуубад̇алам̣ ж̇аанаад̇и ‘‘маяи уд̣̇агам̣ тид̇а’’нд̇и; звамзва на кзл̣о ж̇аанаад̇и ‘‘ахам̣ убхохи габолабассзхи орохид̇ваа ж̇ивхаад̇алз сан̣тид̇о’’д̇и, наби ж̇ивхаад̇алам̣ ж̇аанаад̇и ‘‘маяи убхохи габолабассзхи орохид̇ваа кзл̣о сан̣тид̇о’’д̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о кзл̣о кзл̣абхааг̇зна барижчиннод̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ кзл̣ам̣ ван̣н̣аад̣̇ид̇о вавад̇т̇абзд̇и.

    Tattha yathā nadipuline khatakūpatale saṇṭhitaṃ udakaṃ na jānāti ‘‘ahaṃ kūpatale saṇṭhita’’nti , napi kūpatalaṃ jānāti ‘‘mayi udakaṃ ṭhita’’nti; evameva na kheḷo jānāti ‘‘ahaṃ ubhohi kapolapassehi orohitvā jivhātale saṇṭhito’’ti, napi jivhātalaṃ jānāti ‘‘mayi ubhohi kapolapassehi orohitvā kheḷo saṇṭhito’’ti. Ābhogapaccavekkhaṇavirahitā hi ete dhammā…pe… na puggaloti. Paricchedato kheḷo kheḷabhāgena paricchinnoti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ kheḷaṃ vaṇṇādito vavatthapeti.

    д̇ад̇о барам̣ сарийрз син̇гхаан̣игаа ван̣н̣ад̇о сзд̇аа д̇арун̣ад̇ааламин̃ж̇аван̣н̣аад̇и вавад̇т̇абзд̇и. сан̣таанад̇о огаасасан̣таанаа, сзд̣̇зд̇ваа сзд̣̇зд̇ваа наасаабудз ниранд̇арам̣ багкид̇д̇авзд̇д̇ан̇гурасан̣таанаад̇иби згз. д̣̇исад̇о убаримааяа д̣̇исааяа ж̇аад̇аа. огаасад̇о наасаабудз буурзд̇ваа тид̇аад̇и. на жзсаа зд̇т̇а сад̣̇аа саннижид̇аа худ̇ваа д̇идтад̇и, гинд̇у сзяяат̇ааби наама бурисо бад̣̇уминибад̇д̇з д̣̇ад̇хим̣ б̣анд̇хид̇ваа хздтаа бад̣̇уминибад̇д̇ам̣ ган̣дагзна виж̇жхзяяа, ат̇а д̇зна чид̣̇д̣̇зна д̣̇ад̇хибин̣д̣ам̣ г̇ал̣ид̇ваа б̣ахи бабад̇зяяа; звамзва яад̣̇аа сад̇д̇аа род̣̇анд̇и, висабхааг̇аахаарауд̇увасзна ваа сан̃ж̇аад̇ад̇хаад̇угкобхаа хонд̇и, д̇ад̣̇аа анд̇осийсад̇о бууд̇исзмхабхаавам̣ аабаннам̣ мад̇т̇алун̇г̇ам̣ г̇ал̣ид̇ваа д̇аалумад̇т̇агавиварзна од̇арид̇ваа наасаабудз буурзд̇ваа д̇идтад̇и.

    Tato paraṃ sarīre siṅghāṇikā vaṇṇato setā taruṇatālamiñjavaṇṇāti vavatthapeti. Saṇṭhānato okāsasaṇṭhānā, sedetvā sedetvā nāsāpuṭe nirantaraṃ pakkhittavettaṅkurasaṇṭhānātipi eke. Disato uparimāya disāya jātā. Okāsato nāsāpuṭe pūretvā ṭhitāti. Na cesā ettha sadā sannicitā hutvā tiṭṭhati, kintu seyyathāpi nāma puriso paduminipatte dadhiṃ bandhitvā heṭṭhā paduminipattaṃ kaṇṭakena vijjheyya, atha tena chiddena dadhipiṇḍaṃ gaḷitvā bahi papateyya; evameva yadā sattā rodanti, visabhāgāhārautuvasena vā sañjātadhātukkhobhā honti, tadā antosīsato pūtisemhabhāvaṃ āpannaṃ matthaluṅgaṃ gaḷitvā tālumatthakavivarena otaritvā nāsāpuṭe pūretvā tiṭṭhati.

    д̇ад̇т̇а яат̇аа сиббигааяа багкид̇д̇ам̣ бууд̇ид̣̇ад̇хи на ж̇аанаад̇и ‘‘ахам̣ сиббигааяа тид̇а’’нд̇и, наби сиббигаа ж̇аанаад̇и ‘‘маяи бууд̇игам̣ д̣̇ад̇хи тид̇а’’нд̇и; звамзва на син̇гхаан̣игаа ж̇аанаад̇и ‘‘ахам̣ наасаабудзсу тид̇аа’’д̇и, наби наасаабудаа ж̇аананд̇и ‘‘амхзсу син̇гхаан̣игаа тид̇аа’’д̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о син̇гхаан̣игаа син̇гхаан̣игабхааг̇зна барижчиннаад̇и вавад̇т̇абзд̇и. аяамзд̇иссаа сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ син̇гхаан̣игам̣ ван̣н̣аад̣̇ид̇о вавад̇т̇абзд̇и.

    Tattha yathā sippikāya pakkhittaṃ pūtidadhi na jānāti ‘‘ahaṃ sippikāya ṭhita’’nti, napi sippikā jānāti ‘‘mayi pūtikaṃ dadhi ṭhita’’nti; evameva na siṅghāṇikā jānāti ‘‘ahaṃ nāsāpuṭesu ṭhitā’’ti, napi nāsāpuṭā jānanti ‘‘amhesu siṅghāṇikā ṭhitā’’ti. Ābhogapaccavekkhaṇavirahitā hi ete dhammā…pe… na puggaloti. Paricchedato siṅghāṇikā siṅghāṇikabhāgena paricchinnāti vavatthapeti. Ayametissā sabhāgaparicchedo, visabhāgaparicchedo pana kesasadiso evāti evaṃ siṅghāṇikaṃ vaṇṇādito vavatthapeti.

    д̇ад̇о барам̣ анд̇осарийрз ласигаад̇и сарийрасанд̇хийнам̣ аб̣бханд̇арз бижчилагун̣абам̣. саа ван̣н̣ад̇о ган̣игааранияяаасаван̣н̣аад̇и вавад̇т̇абзд̇и. сан̣таанад̇о огаасасан̣таанаа. д̣̇исад̇о д̣̇вийсу д̣̇исаасу ж̇аад̇аа. огаасад̇о адтисанд̇хийнам̣ аб̣бхан̃ж̇анагижжам̣ саад̇хаяамаанаа асийд̇исад̇асанд̇хийнам̣ аб̣бханд̇арз тид̇аад̇и. яасса жзсаа манд̣̇аа ход̇и, д̇асса удтаханд̇асса нисийд̣̇анд̇асса абхиггаманд̇асса бадиггаманд̇асса самин̃ж̇анд̇асса басаарзнд̇асса адтигаани гадагадааяанд̇и, ажчаригаасад̣̇д̣̇ам̣ гаронд̇о вияа вижарад̇и , згаяож̇анад̣̇вияож̇анамад̇д̇амби ад̣̇д̇хаанам̣ г̇ад̇асса вааяод̇хаад̇у губбад̇и, г̇ад̇д̇аани д̣̇угканд̇и яасса бана жзсаа б̣ахугаа ход̇и, д̇асса удтаананисаж̇ж̇аад̣̇ийсу на адтийни гадагадааяанд̇и, д̣̇ийгхамби ад̣̇д̇хаанам̣ г̇ад̇асса на вааяод̇хаад̇у губбад̇и, на г̇ад̇д̇аани д̣̇угканд̇и.

    Tato paraṃ antosarīre lasikāti sarīrasandhīnaṃ abbhantare picchilakuṇapaṃ. Sā vaṇṇato kaṇikāraniyyāsavaṇṇāti vavatthapeti. Saṇṭhānato okāsasaṇṭhānā. Disato dvīsu disāsu jātā. Okāsato aṭṭhisandhīnaṃ abbhañjanakiccaṃ sādhayamānā asītisatasandhīnaṃ abbhantare ṭhitāti. Yassa cesā mandā hoti, tassa uṭṭhahantassa nisīdantassa abhikkamantassa paṭikkamantassa samiñjantassa pasārentassa aṭṭhikāni kaṭakaṭāyanti, accharikāsaddaṃ karonto viya vicarati , ekayojanadviyojanamattampi addhānaṃ gatassa vāyodhātu kuppati, gattāni dukkhanti yassa pana cesā bahukā hoti, tassa uṭṭhānanisajjādīsu na aṭṭhīni kaṭakaṭāyanti, dīghampi addhānaṃ gatassa na vāyodhātu kuppati, na gattāni dukkhanti.

    д̇ад̇т̇а яат̇аа аб̣бхан̃ж̇анад̇злам̣ на ж̇аанаад̇и ‘‘ахам̣ агкам̣ аб̣бхан̃ж̇ид̇ваа тид̇а’’нд̇и, наби агко ж̇аанаад̇и ‘‘мам̣ д̇злам̣ аб̣бхан̃ж̇ид̇ваа тид̇а’’нд̇и; звамзва на ласигаа ж̇аанаад̇и ‘‘ахам̣ асийд̇исад̇асанд̇хияо аб̣бхан̃ж̇ид̇ваа тид̇аа’’д̇и, наби асийд̇исад̇асанд̇хияо ж̇аананд̇и ‘‘ласигаа амхз аб̣бхан̃ж̇ид̇ваа тид̇аа’’д̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о ласигаа ласигабхааг̇зна барижчиннаад̇и вавад̇т̇абзд̇и. аяамзд̇иссаа сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ ласигам̣ ван̣н̣аад̣̇ид̇о вавад̇т̇абзд̇и.

    Tattha yathā abbhañjanatelaṃ na jānāti ‘‘ahaṃ akkhaṃ abbhañjitvā ṭhita’’nti, napi akkho jānāti ‘‘maṃ telaṃ abbhañjitvā ṭhita’’nti; evameva na lasikā jānāti ‘‘ahaṃ asītisatasandhiyo abbhañjitvā ṭhitā’’ti, napi asītisatasandhiyo jānanti ‘‘lasikā amhe abbhañjitvā ṭhitā’’ti. Ābhogapaccavekkhaṇavirahitā hi ete dhammā…pe… na puggaloti. Paricchedato lasikā lasikabhāgena paricchinnāti vavatthapeti. Ayametissā sabhāgaparicchedo, visabhāgaparicchedo pana kesasadiso evāti evaṃ lasikaṃ vaṇṇādito vavatthapeti.

    д̇ад̇о барам̣ анд̇осарийрз муд̇д̇ам̣ ван̣н̣ад̇о маасакаарод̣̇агаван̣н̣анд̇и вавад̇т̇абзд̇и. сан̣таанад̇о уд̣̇агам̣ буурзд̇ваа ад̇хомукатабид̇ауд̣̇агагумбхаанд̇араг̇ад̇ауд̣̇агасан̣таанам̣. д̣̇исад̇о хздтимааяа д̣̇исааяа ж̇аад̇ам̣. огаасад̇о вад̇т̇иссаб̣бханд̇арз тид̇анд̇и. вад̇т̇и наама вад̇т̇ибудо вужжад̇и, яад̇т̇а сзяяат̇ааби наама жанд̣̇анигааяа багкид̇д̇з амукз бзл̣аагхадз жанд̣̇анигаарасо бависад̇и, на жасса бависанамаг̇г̇о бан̃н̃ааяад̇и; звамзва сарийрад̇о муд̇д̇ам̣ бависад̇и, на жасса бависанамаг̇г̇о бан̃н̃ааяад̇и нигкаманамаг̇г̇о зва д̇у баагадо ход̇и, яамхи жа муд̇д̇асса бхарид̇з ‘‘бассаавам̣ гаромаа’’д̇и сад̇д̇аанам̣ ааяууханам̣ ход̇и. д̇ад̇т̇а яат̇аа жанд̣̇анигааяа багкид̇д̇з амукз бзл̣аагхадз тид̇о жанд̣̇анигаарасо на ж̇аанаад̇и ‘‘ахам̣ амукз бзл̣аагхадз тид̇о’’д̇и, наби бзл̣аагхадо ж̇аанаад̇и ‘‘маяи жанд̣̇анигаарасо тид̇о’’д̇и; звамзва муд̇д̇ам̣ на ж̇аанаад̇и ‘‘ахам̣ вад̇т̇имхи тид̇а’’нд̇и, наби вад̇т̇и ж̇аанаад̇и ‘‘маяи муд̇д̇ам̣ тид̇а’’нд̇и. аабхог̇абажжавзгкан̣авирахид̇аа хи зд̇з д̇хаммаа…бз… на буг̇г̇алод̇и. барижчзд̣̇ад̇о вад̇т̇иаб̣бханд̇арзна жзва муд̇д̇абхааг̇зна жа барижчиннанд̇и вавад̇т̇абзд̇и. аяамзд̇асса сабхааг̇абарижчзд̣̇о, висабхааг̇абарижчзд̣̇о бана гзсасад̣̇исо зваад̇и звам̣ муд̇д̇ам̣ ван̣н̣аад̣̇ид̇о вавад̇т̇абзд̇и. звамаяам̣ имам̣ д̣̇вад̇д̇им̣саагаарам̣ ван̣н̣аад̣̇ид̇о вавад̇т̇абзд̇и.

    Tato paraṃ antosarīre muttaṃ vaṇṇato māsakhārodakavaṇṇanti vavatthapeti. Saṇṭhānato udakaṃ pūretvā adhomukhaṭhapitaudakakumbhaantaragataudakasaṇṭhānaṃ. Disato heṭṭhimāya disāya jātaṃ. Okāsato vatthissabbhantare ṭhitanti. Vatthi nāma vatthipuṭo vuccati, yattha seyyathāpi nāma candanikāya pakkhitte amukhe peḷāghaṭe candanikāraso pavisati, na cassa pavisanamaggo paññāyati; evameva sarīrato muttaṃ pavisati, na cassa pavisanamaggo paññāyati nikkhamanamaggo eva tu pākaṭo hoti, yamhi ca muttassa bharite ‘‘passāvaṃ karomā’’ti sattānaṃ āyūhanaṃ hoti. Tattha yathā candanikāya pakkhitte amukhe peḷāghaṭe ṭhito candanikāraso na jānāti ‘‘ahaṃ amukhe peḷāghaṭe ṭhito’’ti, napi peḷāghaṭo jānāti ‘‘mayi candanikāraso ṭhito’’ti; evameva muttaṃ na jānāti ‘‘ahaṃ vatthimhi ṭhita’’nti, napi vatthi jānāti ‘‘mayi muttaṃ ṭhita’’nti. Ābhogapaccavekkhaṇavirahitā hi ete dhammā…pe… na puggaloti. Paricchedato vatthiabbhantarena ceva muttabhāgena ca paricchinnanti vavatthapeti. Ayametassa sabhāgaparicchedo, visabhāgaparicchedo pana kesasadiso evāti evaṃ muttaṃ vaṇṇādito vavatthapeti. Evamayaṃ imaṃ dvattiṃsākāraṃ vaṇṇādito vavatthapeti.

    д̇ассзвам̣ имам̣ д̣̇вад̇д̇им̣саагаарам̣ ван̣н̣аад̣̇ивасзна вавад̇т̇абзнд̇асса д̇ам̣ д̇ам̣ бхааванаануяог̇ам̣ ааг̇амма гзсаад̣̇аяо баг̇ун̣аа хонд̇и, годтаасабхаавзна убадтаханд̇и. д̇ад̇о бабхуд̇и сзяяат̇ааби наама жагкумад̇о бурисасса д̣̇вад̇д̇им̣саван̣н̣аанам̣ бубпаанам̣ згасуд̇д̇аг̇ант̇ид̇ам̣ маалам̣ ологзнд̇асса саб̣б̣абубпаани абуб̣б̣аабарияамива баагадаани хонд̇и; звамзва ‘‘ад̇т̇и имасмим̣ гааяз гзсаа’’д̇и имам̣ гааяам̣ сад̇ияаа ологзнд̇асса саб̣б̣з д̇з д̇хаммаа абуб̣б̣аабарияамива баагадаа хонд̇и. гзсзсу ааваж̇ж̇ид̇зсу асан̣тахамаанаава сад̇и яаава муд̇д̇ам̣, д̇аава бавад̇д̇ад̇и. д̇ад̇о бабхуд̇и д̇асса аахин̣д̣анд̇аа мануссад̇иражчаанаад̣̇аяо жа сад̇д̇аагаарам̣ виж̇ахид̇ваа годтаасараасивасзнзва убадтаханд̇и, д̇зхи жа аж̇жхохарияамаанам̣ баанабхож̇анаад̣̇и годтаасараасимхи багкиббамаанамива убадтаад̇ийд̇и.

    Tassevaṃ imaṃ dvattiṃsākāraṃ vaṇṇādivasena vavatthapentassa taṃ taṃ bhāvanānuyogaṃ āgamma kesādayo paguṇā honti, koṭṭhāsabhāvena upaṭṭhahanti. Tato pabhuti seyyathāpi nāma cakkhumato purisassa dvattiṃsavaṇṇānaṃ pupphānaṃ ekasuttaganthitaṃ mālaṃ olokentassa sabbapupphāni apubbāpariyamiva pākaṭāni honti; evameva ‘‘atthi imasmiṃ kāye kesā’’ti imaṃ kāyaṃ satiyā olokentassa sabbe te dhammā apubbāpariyamiva pākaṭā honti. Kesesu āvajjitesu asaṇṭhahamānāva sati yāva muttaṃ, tāva pavattati. Tato pabhuti tassa āhiṇḍantā manussatiracchānādayo ca sattākāraṃ vijahitvā koṭṭhāsarāsivaseneva upaṭṭhahanti, tehi ca ajjhohariyamānaṃ pānabhojanādi koṭṭhāsarāsimhi pakkhippamānamiva upaṭṭhātīti.

    зд̇т̇ааха ‘‘ат̇аанзна д̇ад̇о барам̣ гим̣ гаад̇аб̣б̣а’’нд̇и? вужжад̇з – д̇ад̣̇зва нимид̇д̇ам̣ аасзвид̇аб̣б̣ам̣ бхаавзд̇аб̣б̣ам̣ б̣ахулийгаад̇аб̣б̣ам̣ сувавад̇т̇ид̇ам̣ вавад̇т̇абзд̇аб̣б̣ам̣. гат̇ам̣ банааяам̣ д̇ам̣ нимид̇д̇ам̣ аасзвад̇и бхаавзд̇и б̣ахулийгарод̇и сувавад̇т̇ид̇ам̣ вавад̇т̇абзд̇ийд̇и? аяан̃хи д̇ам̣ гзсаад̣̇ийнам̣ годтаасабхаавзна убадтаананимид̇д̇ам̣ аасзвад̇и, сад̇ияаа аллияад̇и бхаж̇ад̇и убаг̇ажчад̇и, сад̇иг̇аб̣бхам̣ г̇ан̣хаабзд̇и. д̇ад̇т̇а лад̣̇д̇хам̣ ваа сад̇им̣ вад̣дхзнд̇о д̇ам̣ бхаавзд̇ийд̇и вужжад̇и. б̣ахулийгарод̇ийд̇и бунаббунам̣ сад̇исамбаяуд̇д̇ам̣ вид̇аггавижаараб̣бхаахад̇ам̣ гарод̇и. сувавад̇т̇ид̇ам̣ вавад̇т̇абзд̇ийд̇и яат̇аа судту вавад̇т̇ид̇ам̣ ход̇и, на буна анд̇арад̇хаанам̣ г̇ажчад̇и, д̇ат̇аа д̇ам̣ сад̇ияаа вавад̇т̇абзд̇и, убад̇хаарзд̇и убаниб̣анд̇хад̇и.

    Etthāha ‘‘athānena tato paraṃ kiṃ kātabba’’nti? Vuccate – tadeva nimittaṃ āsevitabbaṃ bhāvetabbaṃ bahulīkātabbaṃ suvavatthitaṃ vavatthapetabbaṃ. Kathaṃ panāyaṃ taṃ nimittaṃ āsevati bhāveti bahulīkaroti suvavatthitaṃ vavatthapetīti? Ayañhi taṃ kesādīnaṃ koṭṭhāsabhāvena upaṭṭhānanimittaṃ āsevati, satiyā alliyati bhajati upagacchati, satigabbhaṃ gaṇhāpeti. Tattha laddhaṃ vā satiṃ vaḍḍhento taṃ bhāvetīti vuccati. Bahulīkarotīti punappunaṃ satisampayuttaṃ vitakkavicārabbhāhataṃ karoti. Suvavatthitaṃ vavatthapetīti yathā suṭṭhu vavatthitaṃ hoti, na puna antaradhānaṃ gacchati, tathā taṃ satiyā vavatthapeti, upadhāreti upanibandhati.

    ат̇а ваа яам̣ буб̣б̣з анубуб̣б̣ад̇о, наад̇исийгхад̇о, наад̇исан̣игад̇о, вигкзбаббахаанад̇о, бан̣н̣ад̇д̇исамад̇иггаманад̇о, анубуб̣б̣амун̃жанад̇о, лагкан̣ад̇о, д̇аяо жа суд̇д̇анд̇аад̇и звам̣ д̣̇асавид̇хам̣ манасигаарагосаллам̣ вуд̇д̇ам̣. д̇ад̇т̇а анубуб̣б̣ад̇о манасигаронд̇о аасзвад̇и, наад̇исийгхад̇о наад̇исан̣игад̇о жа манасигаронд̇о бхаавзд̇и, вигкзбаббахаанад̇о манасигаронд̇о б̣ахулий гарод̇и, бан̣н̣ад̇д̇исамад̇иггаманаад̣̇ид̇о манасигаронд̇о сувавад̇т̇ид̇ам̣ вавад̇т̇абзд̇ийд̇и взд̣̇ид̇аб̣б̣о.

    Atha vā yaṃ pubbe anupubbato, nātisīghato, nātisaṇikato, vikkhepappahānato, paṇṇattisamatikkamanato, anupubbamuñcanato, lakkhaṇato, tayo ca suttantāti evaṃ dasavidhaṃ manasikārakosallaṃ vuttaṃ. Tattha anupubbato manasikaronto āsevati, nātisīghato nātisaṇikato ca manasikaronto bhāveti, vikkhepappahānato manasikaronto bahulī karoti, paṇṇattisamatikkamanādito manasikaronto suvavatthitaṃ vavatthapetīti veditabbo.

    зд̇т̇ааха ‘‘гат̇ам̣ банааяам̣ анубуб̣б̣аад̣̇ивасзна зд̇з д̇хаммз манаси гарод̇ий’’д̇и? вужжад̇з – аяан̃хи гзсз манаси гарид̇ваа д̇ад̣̇ананд̇арам̣ ломз манаси гарод̇и, на накз. д̇ат̇аа ломз манаси гарид̇ваа д̇ад̣̇ананд̇арам̣ накз манаси гарод̇и, на д̣̇анд̇з. зса наяо саб̣б̣ад̇т̇а. гасмаа? уббадибаадияаа хи манасигаронд̇о сзяяат̇ааби наама агусало бурисо д̣̇вад̇д̇им̣сабад̣̇ам̣ ниссзн̣им̣ уббадибаадияаа аароханд̇о гиланд̇агааяо д̇ад̇о ниссзн̣ид̇о бабад̇ад̇и, на аароханам̣ самбаад̣̇зд̇и; звамзва бхааванаасамбад̇д̇ивасзна ад̇хиг̇анд̇аб̣б̣асса ассаад̣̇асса анад̇хиг̇аманад̇о гиланд̇ажид̇д̇о д̣̇вад̇д̇им̣саагаарабхааванаад̇о бабад̇ад̇и, на бхааванам̣ самбаад̣̇зд̇ийд̇и.

    Etthāha ‘‘kathaṃ panāyaṃ anupubbādivasena ete dhamme manasi karotī’’ti? Vuccate – ayañhi kese manasi karitvā tadanantaraṃ lome manasi karoti, na nakhe. Tathā lome manasi karitvā tadanantaraṃ nakhe manasi karoti, na dante. Esa nayo sabbattha. Kasmā? Uppaṭipāṭiyā hi manasikaronto seyyathāpi nāma akusalo puriso dvattiṃsapadaṃ nisseṇiṃ uppaṭipāṭiyā ārohanto kilantakāyo tato nisseṇito papatati, na ārohanaṃ sampādeti; evameva bhāvanāsampattivasena adhigantabbassa assādassa anadhigamanato kilantacitto dvattiṃsākārabhāvanāto papatati, na bhāvanaṃ sampādetīti.

    анубуб̣б̣ад̇о манасигаронд̇оби жа гзсаа ломаад̇и наад̇исийгхад̇оби манаси гарод̇и. ад̇исийгхад̇о хи манасигаронд̇о сзяяат̇ааби наама ад̣̇д̇хаанам̣ г̇ажчанд̇о бурисо самависамаругкат̇аланиннад̣̇взд̇хаабат̇аад̣̇ийни маг̇г̇анимид̇д̇аани убалагкзд̇ум̣ на саггод̇и, д̇ад̇о на маг̇г̇агусало ход̇и, ад̣̇д̇хаанан̃жа баригкаяам̣ нзд̇и; звамзва ван̣н̣асан̣таанаад̣̇ийни д̣̇вад̇д̇им̣саагааранимид̇д̇аани убалагкзд̇ум̣ на саггод̇и, д̇ад̇о на д̣̇вад̇д̇им̣саагаарз гусало ход̇и, гаммадтаанан̃жа баригкаяам̣ нзд̇и.

    Anupubbato manasikarontopi ca kesā lomāti nātisīghatopi manasi karoti. Atisīghato hi manasikaronto seyyathāpi nāma addhānaṃ gacchanto puriso samavisamarukkhathalaninnadvedhāpathādīni magganimittāni upalakkhetuṃ na sakkoti, tato na maggakusalo hoti, addhānañca parikkhayaṃ neti; evameva vaṇṇasaṇṭhānādīni dvattiṃsākāranimittāni upalakkhetuṃ na sakkoti, tato na dvattiṃsākāre kusalo hoti, kammaṭṭhānañca parikkhayaṃ neti.

    яат̇аа жа наад̇исийгхад̇о, звам̣ наад̇исан̣игад̇оби манаси гарод̇и. ад̇исан̣игад̇о хи манасигаронд̇о сзяяат̇ааби наама бурисо ад̣̇д̇хаанамаг̇г̇ам̣ бадибанно анд̇араамаг̇г̇з ругкабаб̣б̣ад̇ад̇ал̣аагаад̣̇ийсу виламб̣амаано ижчид̇аббад̣̇зсам̣ абаабун̣анд̇о анд̇араамаг̇г̇зязва сийхаб̣яаг̇гхаад̣̇ийхи анаяаб̣яасанам̣ баабун̣аад̇и; звамзва д̣̇вад̇д̇им̣саагаарабхааванаасамбад̣̇ам̣ абаабун̣анд̇о бхааванаавижчзд̣̇зна анд̇арааязва гаамавид̇аггаад̣̇ийхи анаяаб̣яасанам̣ баабун̣аад̇и.

    Yathā ca nātisīghato, evaṃ nātisaṇikatopi manasi karoti. Atisaṇikato hi manasikaronto seyyathāpi nāma puriso addhānamaggaṃ paṭipanno antarāmagge rukkhapabbatataḷākādīsu vilambamāno icchitappadesaṃ apāpuṇanto antarāmaggeyeva sīhabyagghādīhi anayabyasanaṃ pāpuṇāti; evameva dvattiṃsākārabhāvanāsampadaṃ apāpuṇanto bhāvanāvicchedena antarāyeva kāmavitakkādīhi anayabyasanaṃ pāpuṇāti.

    наад̇исан̣игад̇о манасигаронд̇оби жа вигкзбаббахаанад̇оби манаси гарод̇и. вигкзбаббахаанад̇о наама яат̇аа ан̃н̃зсу навагаммаад̣̇ийсу жид̇д̇ам̣ на вигкибад̇и, д̇ат̇аа манаси гарод̇и. б̣ахид̣̇д̇хаа вигкзбамаанажид̇д̇о хи гзсаад̣̇ийсвзва асамаахид̇ажзд̇овид̇агго бхааванаасамбад̣̇ам̣ абаабун̣ид̇ваа анд̇араава анаяаб̣яасанам̣ аабаж̇ж̇ад̇и д̇аггасилааг̇аманз б̣од̇хисад̇д̇асса сахааяагаа вияа. авигкибамаанажид̇д̇о бана гзсаад̣̇ийсвзва самаахид̇ажзд̇овид̇агго бхааванаасамбад̣̇ам̣ баабун̣аад̇и б̣од̇хисад̇д̇о вияа д̇аггасилараж̇ж̇асамбад̣̇анд̇и. д̇ассзвам̣ вигкзбаббахаанад̇о манасигарод̇о ад̇хигааражарияаад̇химуд̇д̇ийнам̣ васзна д̇з д̇хаммаа асубхад̇о ваа ван̣н̣ад̇о ваа сун̃н̃ад̇о ваа убадтаханд̇и.

    Nātisaṇikato manasikarontopi ca vikkhepappahānatopi manasi karoti. Vikkhepappahānato nāma yathā aññesu navakammādīsu cittaṃ na vikkhipati, tathā manasi karoti. Bahiddhā vikkhepamānacitto hi kesādīsveva asamāhitacetovitakko bhāvanāsampadaṃ apāpuṇitvā antarāva anayabyasanaṃ āpajjati takkasilāgamane bodhisattassa sahāyakā viya. Avikkhipamānacitto pana kesādīsveva samāhitacetovitakko bhāvanāsampadaṃ pāpuṇāti bodhisatto viya takkasilarajjasampadanti. Tassevaṃ vikkhepappahānato manasikaroto adhikāracariyādhimuttīnaṃ vasena te dhammā asubhato vā vaṇṇato vā suññato vā upaṭṭhahanti.

    ат̇а бан̣н̣ад̇д̇исамад̇иггаманад̇о д̇з д̇хаммз манаси гарод̇и. бан̣н̣ад̇д̇исамад̇иггаманад̇од̇и гзсаа ломаад̇и звамаад̣̇ивохаарам̣ самад̇иггамид̇ваа виссаж̇ж̇зд̇ваа яат̇уубадтид̇аанам̣ асубхаад̣̇ийнам̣язва васзна манаси гарод̇и. гат̇ам̣ ? яат̇аа аран̃н̃аниваасуубаг̇ад̇аа мануссаа абарижид̇абхуумибхааг̇ад̇д̇аа уд̣̇агадтаанасан̃ж̇аананад̇т̇ам̣ саакаабхан̇г̇аад̣̇инимид̇д̇ам̣ гад̇ваа д̇ад̣̇анусаарзна г̇анд̇ваа уд̣̇агам̣ барибхун̃ж̇анд̇и, яад̣̇аа бана барижид̇абхуумибхааг̇аа хонд̇и, ат̇а д̇ам̣ нимид̇д̇ам̣ виссаж̇ж̇зд̇ваа аманасигад̇ваава уд̣̇агадтаанам̣ убасан̇гамид̇ваа уд̣̇агам̣ барибхун̃ж̇анд̇и, звамзвааяам̣ гзсаа ломаад̇иаад̣̇инаа д̇ам̣д̇ам̣вохаарасса васзна батамам̣ д̇з д̇хаммз манасаагааси, д̇зсу д̇хаммзсу асубхаад̣̇ийнам̣ ан̃н̃ад̇аравасзна убадтаханд̇зсу д̇ам̣ вохаарам̣ самад̇иггамид̇ваа виссаж̇ж̇зд̇ваа асубхаад̣̇ид̇ова манаси гарод̇и.

    Atha paṇṇattisamatikkamanato te dhamme manasi karoti. Paṇṇattisamatikkamanatoti kesā lomāti evamādivohāraṃ samatikkamitvā vissajjetvā yathūpaṭṭhitānaṃ asubhādīnaṃyeva vasena manasi karoti. Kathaṃ ? Yathā araññanivāsūpagatā manussā aparicitabhūmibhāgattā udakaṭṭhānasañjānanatthaṃ sākhābhaṅgādinimittaṃ katvā tadanusārena gantvā udakaṃ paribhuñjanti, yadā pana paricitabhūmibhāgā honti, atha taṃ nimittaṃ vissajjetvā amanasikatvāva udakaṭṭhānaṃ upasaṅkamitvā udakaṃ paribhuñjanti, evamevāyaṃ kesā lomātiādinā taṃtaṃvohārassa vasena paṭhamaṃ te dhamme manasākāsi, tesu dhammesu asubhādīnaṃ aññataravasena upaṭṭhahantesu taṃ vohāraṃ samatikkamitvā vissajjetvā asubhāditova manasi karoti.

    зд̇т̇ааха ‘‘гат̇ам̣ банасса зд̇з д̇хаммаа асубхаад̣̇ид̇о убадтаханд̇и, гат̇ам̣ ван̣н̣ад̇о, гат̇ам̣ сун̃н̃ад̇о ваа, гат̇ан̃жааяамзд̇з асубхад̇о манаси гарод̇и, гат̇ам̣ ван̣н̣ад̇о, гат̇ам̣ сун̃н̃ад̇о ваа’’д̇и? гзсаа д̇аавасса ван̣н̣асан̣таанаг̇анд̇хаасаяогаасавасзна бан̃жад̇хаа асубхад̇о убадтаханд̇и, бан̃жад̇хаа зва аяамзд̇з асубхад̇о манаси гарод̇и. сзяяат̇ид̣̇ам̣ – гзсаа наамзд̇з ван̣н̣ад̇о асубхаа барамаббадигуулаж̇зг̇ужчаа . д̇ат̇аа хи мануссаа д̣̇иваа баанабхож̇анз бад̇ид̇ам̣ гзсаван̣н̣ам̣ ваагам̣ ваа суд̇д̇ам̣ ваа д̣̇исваа гзсасан̃н̃ааяа манорамамби баанабхож̇анам̣ чад̣д̣знд̇и ваа ж̇иг̇ужчанд̇и ваа. сан̣таанад̇оби асубхаа. д̇ат̇аа хи рад̇д̇им̣ баанабхож̇анз бад̇ид̇ам̣ гзсасан̣таанам̣ ваагам̣ ваа суд̇д̇ам̣ ваа пусид̇ваа гзсасан̃н̃ааяа манорамамби баанабхож̇анам̣ чад̣д̣знд̇и ваа ж̇иг̇ужчанд̇и ваа. г̇анд̇хад̇оби асубхаа. д̇ат̇аа хи д̇зламагканабубпад̇хуумаад̣̇исан̇каарзхи вирахид̇аанам̣ гзсаанам̣ г̇анд̇хо барамаж̇зг̇ужчо ход̇и, аг̇г̇ийсу багкид̇д̇асса гзсасса г̇анд̇хам̣ гхааяид̇ваа сад̇д̇аа наасигам̣ бид̇хзнд̇и, мукамби вигуж̇ж̇знд̇и. аасаяад̇оби асубхаа. д̇ат̇аа хи наанаавид̇хзна мануссаасужиниссанд̣̇зна сан̇гаарадтаанз д̇ан̣д̣улзяяагаад̣̇ийни вияа бид̇д̇асзмхабуб̣б̣алохид̇аниссанд̣̇зна д̇з аажид̇аа вуд̣̇д̇хим̣ вируул̣хим̣ взбуллам̣ г̇амид̇аад̇и. огаасад̇оби асубхаа. д̇ат̇аа хи сан̇гаарадтаанз вияа д̇ан̣д̣улзяяагаад̣̇ийни барамаж̇зг̇ужчз ломаад̣̇изгад̇им̣сагун̣абараасимад̇т̇агз мануссаанам̣ сийсабаливзтагз аллажаммз ж̇аад̇аад̇и. зса наяо ломаад̣̇ийсу. звам̣ д̇аава аяамзд̇з д̇хаммз асубхад̇о убадтаханд̇з асубхад̇о манаси гарод̇и.

    Etthāha ‘‘kathaṃ panassa ete dhammā asubhādito upaṭṭhahanti, kathaṃ vaṇṇato, kathaṃ suññato vā, kathañcāyamete asubhato manasi karoti, kathaṃ vaṇṇato, kathaṃ suññato vā’’ti? Kesā tāvassa vaṇṇasaṇṭhānagandhāsayokāsavasena pañcadhā asubhato upaṭṭhahanti, pañcadhā eva ayamete asubhato manasi karoti. Seyyathidaṃ – kesā nāmete vaṇṇato asubhā paramappaṭikūlajegucchā . Tathā hi manussā divā pānabhojane patitaṃ kesavaṇṇaṃ vākaṃ vā suttaṃ vā disvā kesasaññāya manoramampi pānabhojanaṃ chaḍḍenti vā jigucchanti vā. Saṇṭhānatopi asubhā. Tathā hi rattiṃ pānabhojane patitaṃ kesasaṇṭhānaṃ vākaṃ vā suttaṃ vā phusitvā kesasaññāya manoramampi pānabhojanaṃ chaḍḍenti vā jigucchanti vā. Gandhatopi asubhā. Tathā hi telamakkhanapupphadhūmādisaṅkhārehi virahitānaṃ kesānaṃ gandho paramajeguccho hoti, aggīsu pakkhittassa kesassa gandhaṃ ghāyitvā sattā nāsikaṃ pidhenti, mukhampi vikujjenti. Āsayatopi asubhā. Tathā hi nānāvidhena manussāsucinissandena saṅkāraṭṭhāne taṇḍuleyyakādīni viya pittasemhapubbalohitanissandena te ācitā vuddhiṃ virūḷhiṃ vepullaṃ gamitāti. Okāsatopi asubhā. Tathā hi saṅkāraṭṭhāne viya taṇḍuleyyakādīni paramajegucche lomādiekatiṃsakuṇaparāsimatthake manussānaṃ sīsapaliveṭhake allacamme jātāti. Esa nayo lomādīsu. Evaṃ tāva ayamete dhamme asubhato upaṭṭhahante asubhato manasi karoti.

    яад̣̇и банасса ван̣н̣ад̇о убадтаханд̇и, ат̇а гзсаа нийлагасин̣авасзна убадтаханд̇и. д̇ат̇аа ломаа д̣̇анд̇аа од̣̇аад̇агасин̣авасзнаад̇и. зса наяо саб̣б̣ад̇т̇а . д̇ам̣д̇ам̣гасин̣авасзнзва аяамзд̇з манаси гарод̇и, звам̣ ван̣н̣ад̇о убадтаханд̇з ван̣н̣ад̇о манаси гарод̇и. яад̣̇и банасса сун̃н̃ад̇о убадтаханд̇и, ат̇а гзсаа гханавиниб̣бхог̇ававад̇т̇аанзна ож̇адтамагасамуухавасзна убадтаханд̇и. д̇ат̇аа ломаад̣̇аяо, яат̇аа убадтаханд̇и. аяамзд̇з д̇ат̇зва манаси гарод̇и. звам̣ сун̃н̃ад̇о убадтаханд̇з сун̃н̃ад̇о манаси гарод̇и.

    Yadi panassa vaṇṇato upaṭṭhahanti, atha kesā nīlakasiṇavasena upaṭṭhahanti. Tathā lomā dantā odātakasiṇavasenāti. Esa nayo sabbattha . Taṃtaṃkasiṇavaseneva ayamete manasi karoti, evaṃ vaṇṇato upaṭṭhahante vaṇṇato manasi karoti. Yadi panassa suññato upaṭṭhahanti, atha kesā ghanavinibbhogavavatthānena ojaṭṭhamakasamūhavasena upaṭṭhahanti. Tathā lomādayo, yathā upaṭṭhahanti. Ayamete tatheva manasi karoti. Evaṃ suññato upaṭṭhahante suññato manasi karoti.

    звам̣ манасигаронд̇о аяамзд̇з д̇хаммз анубуб̣б̣амун̃жанад̇о манаси гарод̇и. анубуб̣б̣амун̃жанад̇од̇и асубхаад̣̇ийнам̣ ан̃н̃ад̇аравасзна убадтид̇з гзсз мун̃жид̇ваа ломз манасигаронд̇о сзяяат̇ааби наама ж̇алуугаа нан̇г̇удтзна г̇ахид̇аббад̣̇зсз саабзгкаава худ̇ваа д̇ун̣д̣зна ан̃н̃ам̣ бад̣̇зсам̣ г̇ан̣хаад̇и, г̇ахид̇з жа д̇асмим̣ ид̇арам̣ мун̃жад̇и, звамзва гзсзсу саабзгкова худ̇ваа ломз манаси гарод̇и, ломзсу жа бад̇идтид̇з манасигаарз гзсз мун̃жад̇и. зса наяо саб̣б̣ад̇т̇а. звам̣ хисса анубуб̣б̣амун̃жанад̇о манасигарод̇о асубхаад̣̇ийсу ан̃н̃ад̇аравасзна д̇з д̇хаммаа убадтаханд̇аа анавасзсад̇о убадтаханд̇и, баагадад̇аруубадтаанаа жа хонд̇и.

    Evaṃ manasikaronto ayamete dhamme anupubbamuñcanato manasi karoti. Anupubbamuñcanatoti asubhādīnaṃ aññataravasena upaṭṭhite kese muñcitvā lome manasikaronto seyyathāpi nāma jalūkā naṅguṭṭhena gahitappadese sāpekkhāva hutvā tuṇḍena aññaṃ padesaṃ gaṇhāti, gahite ca tasmiṃ itaraṃ muñcati, evameva kesesu sāpekkhova hutvā lome manasi karoti, lomesu ca patiṭṭhite manasikāre kese muñcati. Esa nayo sabbattha. Evaṃ hissa anupubbamuñcanato manasikaroto asubhādīsu aññataravasena te dhammā upaṭṭhahantā anavasesato upaṭṭhahanti, pākaṭatarūpaṭṭhānā ca honti.

    ат̇а яасса д̇з д̇хаммаа асубхад̇о убадтаханд̇и, баагадад̇аруубадтаанаа жа хонд̇и, д̇асса сзяяат̇ааби наама маггадо д̣̇вад̇д̇им̣сад̇аалагз д̇аалаванз б̣яаад̇хзна барибаад̇ияамаано згаругкзби асан̣таханд̇о барид̇хаавид̇ваа яад̣̇аа нивад̇д̇о ход̇и гиланд̇о, ат̇а згамзва гханад̇аалабан̣н̣абаривзтид̇ам̣ д̇ааласужим̣ ниссааяа д̇идтад̇и; звамзва жид̇д̇амаггадо д̣̇вад̇д̇им̣сагодтаасагз имасмим̣ гааяз д̇знзва яог̇инаа барибаад̇ияамаано згагодтаасагзби асан̣таханд̇о барид̇хаавид̇ваа яад̣̇аа анзгаарамман̣авид̇хааванз абхилаасаабхаавзна нивад̇д̇о ход̇и гиланд̇о. ат̇а яваасса гзсаад̣̇ийсу д̇хаммо баг̇ун̣ад̇аро жарид̇аануруубад̇аро ваа, яад̇т̇а ваа буб̣б̣з гад̇аад̇хигааро ход̇и, д̇ам̣ ниссааяа убажааравасзна д̇идтад̇и. ат̇а д̇амзва нимид̇д̇ам̣ бунаббунам̣ д̇аггаахад̇ам̣ вид̇аггаахад̇ам̣ гарид̇ваа яат̇ааггамам̣ батамам̣ жхаанам̣ уббаад̣̇зд̇и, д̇ад̇т̇а бад̇идтааяа вибассанамаарабхид̇ваа арияабхуумим̣ баабун̣аад̇и.

    Atha yassa te dhammā asubhato upaṭṭhahanti, pākaṭatarūpaṭṭhānā ca honti, tassa seyyathāpi nāma makkaṭo dvattiṃsatālake tālavane byādhena paripātiyamāno ekarukkhepi asaṇṭhahanto paridhāvitvā yadā nivatto hoti kilanto, atha ekameva ghanatālapaṇṇapariveṭhitaṃ tālasuciṃ nissāya tiṭṭhati; evameva cittamakkaṭo dvattiṃsakoṭṭhāsake imasmiṃ kāye teneva yoginā paripātiyamāno ekakoṭṭhāsakepi asaṇṭhahanto paridhāvitvā yadā anekārammaṇavidhāvane abhilāsābhāvena nivatto hoti kilanto. Atha yvāssa kesādīsu dhammo paguṇataro caritānurūpataro vā, yattha vā pubbe katādhikāro hoti, taṃ nissāya upacāravasena tiṭṭhati. Atha tameva nimittaṃ punappunaṃ takkāhataṃ vitakkāhataṃ karitvā yathākkamaṃ paṭhamaṃ jhānaṃ uppādeti, tattha patiṭṭhāya vipassanamārabhitvā ariyabhūmiṃ pāpuṇāti.

    яасса бана д̇з д̇хаммаа ван̣н̣ад̇о убадтаханд̇и, д̇ассааби сзяяат̇ааби наама маггадо…бз… ат̇а яваасса гзсаад̣̇ийсу д̇хаммо баг̇ун̣ад̇аро жарид̇аануруубад̇аро ваа, яад̇т̇а ваа буб̣б̣з гад̇аад̇хигааро ход̇и, д̇ам̣ ниссааяа убажааравасзна д̇идтад̇и. ат̇а д̇амзва нимид̇д̇ам̣ бунаббунам̣ д̇аггаахад̇ам̣ вид̇аггаахад̇ам̣ гарид̇ваа яат̇ааггамам̣ нийлагасин̣авасзна бийд̇агасин̣авасзна ваа бан̃жаби руубааважараж̇жхаанаани уббаад̣̇зд̇и, д̇зсан̃жа яад̇т̇а гад̇т̇ажи бад̇идтааяа вибассанам̣ аарабхид̇ваа арияабхуумим̣ баабун̣аад̇и.

    Yassa pana te dhammā vaṇṇato upaṭṭhahanti, tassāpi seyyathāpi nāma makkaṭo…pe… atha yvāssa kesādīsu dhammo paguṇataro caritānurūpataro vā, yattha vā pubbe katādhikāro hoti, taṃ nissāya upacāravasena tiṭṭhati. Atha tameva nimittaṃ punappunaṃ takkāhataṃ vitakkāhataṃ karitvā yathākkamaṃ nīlakasiṇavasena pītakasiṇavasena vā pañcapi rūpāvacarajjhānāni uppādeti, tesañca yattha katthaci patiṭṭhāya vipassanaṃ ārabhitvā ariyabhūmiṃ pāpuṇāti.

    яасса бана д̇з д̇хаммаа сун̃н̃ад̇о убадтаханд̇и, со лагкан̣ад̇о манаси гарод̇и, лагкан̣ад̇о манасигаронд̇о д̇ад̇т̇а жад̇уд̇хаад̇увавад̇т̇аанавасзна убажаараж̇жхаанам̣ баабун̣аад̇и. ат̇а манасигаронд̇о д̇з д̇хаммз анижжад̣̇угкаанад̇д̇асуд̇д̇ад̇д̇аяавасзна манаси гарод̇и . аяамасса вибассанаанаяо. со имам̣ вибассанам̣ аарабхид̇ваа яат̇ааггаман̃жа бадибаж̇ж̇ид̇ваа арияабхуумим̣ баабун̣аад̇ийд̇и.

    Yassa pana te dhammā suññato upaṭṭhahanti, so lakkhaṇato manasi karoti, lakkhaṇato manasikaronto tattha catudhātuvavatthānavasena upacārajjhānaṃ pāpuṇāti. Atha manasikaronto te dhamme aniccadukkhānattasuttattayavasena manasi karoti . Ayamassa vipassanānayo. So imaṃ vipassanaṃ ārabhitvā yathākkamañca paṭipajjitvā ariyabhūmiṃ pāpuṇātīti.

    зд̇д̇аавад̇аа жа яам̣ вуд̇д̇ам̣ – ‘‘гат̇ам̣ банааяам̣ анубуб̣б̣аад̣̇ивасзна зд̇з д̇хаммз манаси гарод̇ий’’д̇и, д̇ам̣ б̣яаагад̇ам̣ ход̇и. яан̃жааби вуд̇д̇ам̣ – ‘‘бхааванаавасзна банасса звам̣ ван̣н̣анаа взд̣̇ид̇аб̣б̣аа’’д̇и, д̇ассад̇т̇о багаасид̇о ход̇ийд̇и.

    Ettāvatā ca yaṃ vuttaṃ – ‘‘kathaṃ panāyaṃ anupubbādivasena ete dhamme manasi karotī’’ti, taṃ byākataṃ hoti. Yañcāpi vuttaṃ – ‘‘bhāvanāvasena panassa evaṃ vaṇṇanā veditabbā’’ti, tassattho pakāsito hotīti.

    багин̣н̣аганаяо

    Pakiṇṇakanayo

    ид̣̇аани имасмим̣язва д̣̇вад̇д̇им̣саагаарз ван̣н̣анаабарижаяабаадавад̇т̇ам̣ аяам̣ багин̣н̣аганаяо взд̣̇ид̇аб̣б̣о –

    Idāni imasmiṃyeva dvattiṃsākāre vaṇṇanāparicayapāṭavatthaṃ ayaṃ pakiṇṇakanayo veditabbo –

    ‘‘нимид̇д̇ад̇о лагкан̣ад̇о, д̇хаад̇уд̇о сун̃н̃ад̇оби жа;

    ‘‘Nimittato lakkhaṇato, dhātuto suññatopi ca;

    канд̇хаад̣̇ид̇о жа вин̃н̃зяяо, д̣̇вад̇д̇им̣саагааранижчаяо’’д̇и.

    Khandhādito ca viññeyyo, dvattiṃsākāranicchayo’’ti.

    д̇ад̇т̇а нимид̇д̇ад̇од̇и звам̣ вуд̇д̇аббагаарз имасмим̣ д̣̇вад̇д̇им̣саагаарз садтисад̇ам̣ нимид̇д̇аани хонд̇и, язсам̣ васзна яог̇ааважаро д̣̇вад̇д̇им̣саагаарам̣ годтаасад̇о бариг̇г̇ан̣хаад̇и. сзяяат̇ид̣̇ам̣ – гзсасса ван̣н̣анимид̇д̇ам̣, сан̣таананимид̇д̇ам̣, д̣̇исаанимид̇д̇ам̣, огаасанимид̇д̇ам̣, барижчзд̣̇анимид̇д̇анд̇и бан̃жа нимид̇д̇аани хонд̇и. звам̣ ломаад̣̇ийсу.

    Tattha nimittatoti evaṃ vuttappakāre imasmiṃ dvattiṃsākāre saṭṭhisataṃ nimittāni honti, yesaṃ vasena yogāvacaro dvattiṃsākāraṃ koṭṭhāsato pariggaṇhāti. Seyyathidaṃ – kesassa vaṇṇanimittaṃ, saṇṭhānanimittaṃ, disānimittaṃ, okāsanimittaṃ, paricchedanimittanti pañca nimittāni honti. Evaṃ lomādīsu.

    лагкан̣ад̇од̇и д̣̇вад̇д̇им̣саагаарз адтавийсад̇исад̇ам̣ лагкан̣аани хонд̇и, язсам̣ васзна яог̇ааважаро д̣̇вад̇д̇им̣саагаарам̣ лагкан̣ад̇о манаси гарод̇и . сзяяат̇ид̣̇ам̣ – гзсасса т̇ад̣̇д̇халагкан̣ам̣, ааб̣анд̇ханалагкан̣ам̣, ун̣хад̇д̇алагкан̣ам̣, самуд̣̇ийран̣алагкан̣анд̇и жад̇д̇аари лагкан̣аани хонд̇и. звам̣ ломаад̣̇ийсу.

    Lakkhaṇatoti dvattiṃsākāre aṭṭhavīsatisataṃ lakkhaṇāni honti, yesaṃ vasena yogāvacaro dvattiṃsākāraṃ lakkhaṇato manasi karoti . Seyyathidaṃ – kesassa thaddhalakkhaṇaṃ, ābandhanalakkhaṇaṃ, uṇhattalakkhaṇaṃ, samudīraṇalakkhaṇanti cattāri lakkhaṇāni honti. Evaṃ lomādīsu.

    д̇хаад̇уд̇од̇и д̣̇вад̇д̇им̣саагаарз ‘‘чад̇хаад̇уро, бхигкавз, аяам̣ бурисабуг̇г̇ало’’д̇и (ма. ни. 3.343-344) зд̇т̇а вуд̇д̇аасу д̇хаад̇уусу адтавийсад̇исад̇ам̣ д̇хаад̇уяо хонд̇и, яаасам̣ васзна яог̇ааважаро д̣̇вад̇д̇им̣саагаарам̣ д̇хаад̇уд̇о бариг̇г̇ан̣хаад̇и. сзяяат̇ид̣̇ам̣ – яаа гзсз т̇ад̣̇д̇хад̇аа, саа бат̇авийд̇хаад̇у; яаа ааб̣анд̇ханад̇аа, саа аабод̇хаад̇у; яаа барибаажанад̇аа, саа д̇зж̇од̇хаад̇у; яаа вид̇т̇амбханад̇аа, саа вааяод̇хаад̇ууд̇и жад̇ассо д̇хаад̇уяо хонд̇и. звам̣ ломаад̣̇ийсу.

    Dhātutoti dvattiṃsākāre ‘‘chadhāturo, bhikkhave, ayaṃ purisapuggalo’’ti (ma. ni. 3.343-344) ettha vuttāsu dhātūsu aṭṭhavīsatisataṃ dhātuyo honti, yāsaṃ vasena yogāvacaro dvattiṃsākāraṃ dhātuto pariggaṇhāti. Seyyathidaṃ – yā kese thaddhatā, sā pathavīdhātu; yā ābandhanatā, sā āpodhātu; yā paripācanatā, sā tejodhātu; yā vitthambhanatā, sā vāyodhātūti catasso dhātuyo honti. Evaṃ lomādīsu.

    сун̃н̃ад̇од̇и д̣̇вад̇д̇им̣саагаарз адтавийсад̇исад̇ам̣ сун̃н̃ад̇аа хонд̇и, яаасам̣ васзна яог̇ааважаро д̣̇вад̇д̇им̣саагаарам̣ сун̃н̃ад̇о вибассад̇и. сзяяат̇ид̣̇ам̣ – гзсз д̇аава бат̇авийд̇хаад̇у аабод̇хаад̇ваад̣̇ийхи сун̃н̃аа, д̇ат̇аа аабод̇хаад̇ваад̣̇аяо бат̇авийд̇хаад̇ваад̣̇ийхийд̇и жад̇ассо сун̃н̃ад̇аа хонд̇и. звам̣ ломаад̣̇ийсу.

    Suññatoti dvattiṃsākāre aṭṭhavīsatisataṃ suññatā honti, yāsaṃ vasena yogāvacaro dvattiṃsākāraṃ suññato vipassati. Seyyathidaṃ – kese tāva pathavīdhātu āpodhātvādīhi suññā, tathā āpodhātvādayo pathavīdhātvādīhīti catasso suññatā honti. Evaṃ lomādīsu.

    канд̇хаад̣̇ид̇од̇и д̣̇вад̇д̇им̣саагаарз гзсаад̣̇ийсу канд̇хаад̣̇ивасзна сан̇г̇аяхамаанзсу ‘‘гзсаа гад̇и канд̇хаа хонд̇и, гад̇и ааяад̇анаани, гад̇и д̇хаад̇уяо, гад̇и сажжаани, гад̇и сад̇ибадтаанааний’’д̇и звамаад̣̇инаа наязна винижчаяо взд̣̇ид̇аб̣б̣о. зван̃жасса виж̇аанад̇о д̇ин̣агадтасамуухо вияа гааяо кааяад̇и. яат̇ааха –

    Khandhāditoti dvattiṃsākāre kesādīsu khandhādivasena saṅgayhamānesu ‘‘kesā kati khandhā honti, kati āyatanāni, kati dhātuyo, kati saccāni, kati satipaṭṭhānānī’’ti evamādinā nayena vinicchayo veditabbo. Evañcassa vijānato tiṇakaṭṭhasamūho viya kāyo khāyati. Yathāha –

    ‘‘над̇т̇и сад̇д̇о наро босо, буг̇г̇ало нуубалаб̣бхад̇и;

    ‘‘Natthi satto naro poso, puggalo nūpalabbhati;

    сун̃н̃абхууд̇о аяам̣ гааяо, д̇ин̣агадтасамуубамо’’д̇и.

    Suññabhūto ayaṃ kāyo, tiṇakaṭṭhasamūpamo’’ti.

    ат̇асса яаа саа –

    Athassa yā sā –

    ‘‘сун̃н̃ааг̇аарам̣ бавидтасса, санд̇ажид̇д̇асса д̇аад̣̇ино;

    ‘‘Suññāgāraṃ paviṭṭhassa, santacittassa tādino;

    амаанусий рад̇и ход̇и, саммаа д̇хаммам̣ вибассад̇о’’д̇и. –

    Amānusī rati hoti, sammā dhammaṃ vipassato’’ti. –

    звам̣ амаанусий рад̇и вуд̇д̇аа, саа ад̣̇уурад̇араа ход̇и. д̇ад̇о яам̣ д̇ам̣ –

    Evaṃ amānusī rati vuttā, sā adūratarā hoti. Tato yaṃ taṃ –

    ‘‘яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;

    ‘‘Yato yato sammasati, khandhānaṃ udayabbayaṃ;

    лабхад̇ий бийд̇ибаамож̇ж̇ам̣, амад̇ам̣ д̇ам̣ виж̇аанад̇а’’нд̇и. (д̇ха. ба. 373-374) –

    Labhatī pītipāmojjaṃ, amataṃ taṃ vijānata’’nti. (dha. pa. 373-374) –

    звам̣ вибассанаамаяам̣ бийд̇ибаамож̇ж̇аамад̇ам̣ вуд̇д̇ам̣. д̇ам̣ анубхаванд̇о на жирзнзва арияаж̇анасзвид̇ам̣ аж̇араамарам̣ ниб̣б̣аанаамад̇ам̣ сажчигарод̇ийд̇и.

    Evaṃ vipassanāmayaṃ pītipāmojjāmataṃ vuttaṃ. Taṃ anubhavanto na cireneva ariyajanasevitaṃ ajarāmaraṃ nibbānāmataṃ sacchikarotīti.

    барамад̇т̇аж̇од̇игааяа куд̣̇д̣̇агабаата-адтагат̇ааяа

    Paramatthajotikāya khuddakapāṭha-aṭṭhakathāya

    д̣̇вад̇д̇им̣саагаараван̣н̣анаа нидтид̇аа.

    Dvattiṃsākāravaṇṇanā niṭṭhitā.




    Next: 4. гумаарабан̃хаван̣н̣анаа • 4. Kumārapañhavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / куд̣̇д̣̇агабаатабаал̣и • Khuddakapāṭhapāḷi / 3. д̣̇вад̇д̇им̣саагааро • 3. Dvattiṃsākāro


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact