| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
3. த்³வேபா⁴க³ஸிக்கா²பத³வண்ணனா
3. Dvebhāgasikkhāpadavaṇṇanā
552. தேன ஸமயேனாதி த்³வேபா⁴க³ஸிக்கா²பத³ங். தத்த² அந்தே ஆதி³யித்வாதி ஸந்த²தஸ்ஸ அந்தே அனுவாதங் விய த³ஸ்ஸெத்வா ஓதா³தங் அல்லியாபெத்வா.
552.Tena samayenāti dvebhāgasikkhāpadaṃ. Tattha ante ādiyitvāti santhatassa ante anuvātaṃ viya dassetvā odātaṃ alliyāpetvā.
த்³வே பா⁴கா³தி த்³வே கொட்டா²ஸா. ஆதா³தப்³பா³தி க³ஹேதப்³பா³. கோ³சரியானந்தி கபிலவண்ணானங். த்³வே துலா ஆதா³தப்³பா³தி சதூஹி துலாஹி காரேதுகாமங் ஸந்தா⁴ய வுத்தங். அத்த²தோ பன யத்தகேஹி ஏளகலோமேஹி காதுகாமோ ஹோதி, தேஸு த்³வே கொட்டா²ஸா காளகானங் ஏகோ ஓதா³தானங், ஏகோ கோ³சரியானந்தி இத³மேவ த³ஸ்ஸிதங் ஹோதீதி வேதி³தப்³ப³ங். ஸேஸங் உத்தானத்த²மேவ.
Dve bhāgāti dve koṭṭhāsā. Ādātabbāti gahetabbā. Gocariyānanti kapilavaṇṇānaṃ. Dve tulā ādātabbāti catūhi tulāhi kāretukāmaṃ sandhāya vuttaṃ. Atthato pana yattakehi eḷakalomehi kātukāmo hoti, tesu dve koṭṭhāsā kāḷakānaṃ eko odātānaṃ, eko gocariyānanti idameva dassitaṃ hotīti veditabbaṃ. Sesaṃ uttānatthameva.
ஸமுட்டா²னாதீ³னிபி கோஸியஸிக்கா²பத³ஸதி³ஸானேவ. கேவலங் இத³ங் ஆதா³ய அனாதா³ய ச கரணதோ கிரியாகிரியங் வேதி³தப்³ப³ந்தி.
Samuṭṭhānādīnipi kosiyasikkhāpadasadisāneva. Kevalaṃ idaṃ ādāya anādāya ca karaṇato kiriyākiriyaṃ veditabbanti.
த்³வேபா⁴க³ஸிக்கா²பத³வண்ணனா நிட்டி²தா.
Dvebhāgasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 3. த்³வேபா⁴க³ஸிக்கா²பத³ங் • 3. Dvebhāgasikkhāpadaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. த்³வேபா⁴க³ஸிக்கா²பத³வண்ணனா • 3. Dvebhāgasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 3. த்³வேபா⁴க³ஸிக்கா²பத³வண்ணனா • 3. Dvebhāgasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. கோஸியஸிக்கா²பத³வண்ணனா • 1. Kosiyasikkhāpadavaṇṇanā
