| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
3. த்³வேபா⁴க³ஸிக்கா²பத³வண்ணனா
3. Dvebhāgasikkhāpadavaṇṇanā
552. த்³வேபா⁴க³ஸிக்கா²பதே³ பன த்³வே பா⁴கா³தி உக்கட்ட²பரிச்சே²தோ³ காளகானங் அதி⁴கக்³க³ஹணஸ்ஸ படிக்கே²பவஸேன ஸிக்கா²பத³ஸ்ஸ பஞ்ஞத்தத்தா. ததியங் ஓதா³தானங் சதுத்த²ங் கோ³சரியானந்தி அயங் ஹெட்டி²மபரிச்சே²தோ³ தேஸங் அதி⁴கக்³க³ஹணே படிக்கே²பாபா⁴வதோ, தஸ்மா காளகானங் பா⁴க³த்³வயதோ அதி⁴கங் ந வட்டதி, ஸேஸானங் பன வுத்தப்பமாணதோ அதி⁴கம்பி வட்டதி. ‘‘காளகானங்யேவ ச அதி⁴கக்³க³ஹணஸ்ஸ படிக்கி²த்தத்தா காளகானங் உபட்³ட⁴ங் ஓதா³தானங் வா கோ³சரியானங் வா உபட்³ட⁴ங் க³ஹெத்வாபி காதுங் வட்டதீ’’தி வத³ந்தி, ‘‘அனாபத்தி ப³ஹுதரங் ஓதா³தானங் ப³ஹுதரங் கோ³சரியானங் ஆதி³யித்வா கரோதி, ஸுத்³த⁴ங் ஓதா³தானங் ஸுத்³த⁴ங் கோ³சரியானங் ஆதி³யித்வா கரோதீ’’தி இமினா தங் ஸமேதி. ‘‘காளகே ஓதா³தே ச ட²பெத்வா ஸேஸா கோ³சரியேஸுயேவ ஸங்க³ஹங் க³ச்ச²ந்தீ’’தி வத³ந்தி. த்³வே கொட்டா²ஸா காளகானந்தி எத்த² பன ‘‘ஏகஸ்ஸபி காளகலோமஸ்ஸ அதிரேகபா⁴வே நிஸ்ஸக்³கி³யங் ஹோதீ’’தி மாதிகாட்ட²கதா²யங் (கங்கா²॰ அட்ட²॰ த்³வேபா⁴க³ஸிக்கா²பத³வண்ணனா) த்தங், தங் ‘‘தா⁴ரயித்வா த்³வே துலா ஆதா³தப்³பா³’’தி வசனதோ துலாதா⁴ரணாய ந ஸமேதி . ந ஹி லோமே க³ணெத்வா துலாதா⁴ரணா கரீயதி, அத² க³ணெத்வாவ தா⁴ரயிதப்³ப³ங் ஸியா, கிங் துலாதா⁴ரணாய, தஸ்மா ஏவமெத்த² அதி⁴ப்பாயோ யுத்தோ ஸியா – அசித்தகத்தா ஸிக்கா²பத³ஸ்ஸ புப்³பே³ துலாய தா⁴ரயித்வா ட²பிதேஸு ஏகம்பி லோமங் தத்த² பதெய்ய, நிஸ்ஸக்³கி³யந்தி. அஞ்ஞதா² து³ப்³பி³ஞ்ஞெய்யபா⁴வதோ த்³வே துலா நாதா³தப்³பா³, ஊனகதராவ ஆதா³தப்³பா³ ஸியுங்.
552. Dvebhāgasikkhāpade pana dve bhāgāti ukkaṭṭhaparicchedo kāḷakānaṃ adhikaggahaṇassa paṭikkhepavasena sikkhāpadassa paññattattā. Tatiyaṃ odātānaṃ catutthaṃ gocariyānanti ayaṃ heṭṭhimaparicchedo tesaṃ adhikaggahaṇe paṭikkhepābhāvato, tasmā kāḷakānaṃ bhāgadvayato adhikaṃ na vaṭṭati, sesānaṃ pana vuttappamāṇato adhikampi vaṭṭati. ‘‘Kāḷakānaṃyeva ca adhikaggahaṇassa paṭikkhittattā kāḷakānaṃ upaḍḍhaṃ odātānaṃ vā gocariyānaṃ vā upaḍḍhaṃ gahetvāpi kātuṃ vaṭṭatī’’ti vadanti, ‘‘anāpatti bahutaraṃ odātānaṃ bahutaraṃ gocariyānaṃ ādiyitvā karoti, suddhaṃ odātānaṃ suddhaṃ gocariyānaṃ ādiyitvā karotī’’ti iminā taṃ sameti. ‘‘Kāḷake odāte ca ṭhapetvā sesā gocariyesuyeva saṅgahaṃ gacchantī’’ti vadanti. Dvekoṭṭhāsā kāḷakānanti ettha pana ‘‘ekassapi kāḷakalomassa atirekabhāve nissaggiyaṃ hotī’’ti mātikāṭṭhakathāyaṃ (kaṅkhā. aṭṭha. dvebhāgasikkhāpadavaṇṇanā) ttaṃ, taṃ ‘‘dhārayitvā dve tulā ādātabbā’’ti vacanato tulādhāraṇāya na sameti . Na hi lome gaṇetvā tulādhāraṇā karīyati, atha gaṇetvāva dhārayitabbaṃ siyā, kiṃ tulādhāraṇāya, tasmā evamettha adhippāyo yutto siyā – acittakattā sikkhāpadassa pubbe tulāya dhārayitvā ṭhapitesu ekampi lomaṃ tattha pateyya, nissaggiyanti. Aññathā dubbiññeyyabhāvato dve tulā nādātabbā, ūnakatarāva ādātabbā siyuṃ.
த்³வேபா⁴க³ஸிக்கா²பத³வண்ணனா நிட்டி²தா.
Dvebhāgasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 3. த்³வேபா⁴க³ஸிக்கா²பத³ங் • 3. Dvebhāgasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 3. த்³வேபா⁴க³ஸிக்கா²பத³வண்ணனா • 3. Dvebhāgasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 3. த்³வேபா⁴க³ஸிக்கா²பத³வண்ணனா • 3. Dvebhāgasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. கோஸியஸிக்கா²பத³வண்ணனா • 1. Kosiyasikkhāpadavaṇṇanā
