| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
3. த்³வேபா⁴க³ஸிக்கா²பத³வண்ணனா
3. Dvebhāgasikkhāpadavaṇṇanā
552. ‘‘தா⁴ரயித்வா த்³வே துலா ஆதா³தப்³பா³’’தி வசனதோ யதா² துலாதா⁴ரணாய காளகா அதி⁴கா ந ஹொந்தி, ததா² காளகானங் த்³வே பா⁴வா க³ஹேதப்³பா³ உக்கட்ட²பரிச்சே²தே³ன. கத²ங் பஞ்ஞாயதீதி? ஸுத்³த⁴காளகபடிஸேத⁴னநிதா³னேன. ததியங் ஓதா³தானங் சதுத்த²ங் கோ³சரியானந்தி ஹெட்டி²மபரிச்சே²தோ³. மாதிகாட்ட²கதா²யங் பன ‘‘ஏகஸ்ஸபி காளகலோமஸ்ஸ அதிரேகபா⁴வே நிஸ்ஸக்³கி³ய’’ந்தி (கங்கா²॰ அட்ட²॰ த்³வேபா⁴க³ஸிக்கா²பத³வண்ணனா) வுத்தங், தங் துலாதா⁴ரணாய கிஞ்சாபி ந ஸமேதி, அசித்தகத்தா பன ஸிக்கா²பத³ஸ்ஸ புப்³பே³ துலாய தா⁴ரயித்வா ட²பிதேஸு ஏகம்பி லோமங் தத்த² பதெய்ய நிஸ்ஸக்³கி³யந்தி அதி⁴ப்பாயோதி நோ தக்கோ. அஞ்ஞதா² த்³வே துலா நாதா³தப்³பா³, ஊனகதரா ஆதா³தப்³பா³ ஸியுங். ந ஹி லோமங் க³ணெத்வா துலாதா⁴ரணா கரீயதி. அத² க³ணெத்வாவ காதப்³ப³ங். கிங் துலாதா⁴ரணாய பயோஜனந்தி கேசி. ‘‘கோ³சரியஓதா³தேஸு ஏகமேவ தி³கு³ணங் கத்வா க³ஹேதுங் வட்டதீ’’தி வத³ந்தி, அட்ட²கதா²யங் அவிசாரிதத்தா வீமங்ஸிதப்³ப³ங்.
552. ‘‘Dhārayitvā dve tulā ādātabbā’’ti vacanato yathā tulādhāraṇāya kāḷakā adhikā na honti, tathā kāḷakānaṃ dve bhāvā gahetabbā ukkaṭṭhaparicchedena. Kathaṃ paññāyatīti? Suddhakāḷakapaṭisedhananidānena. Tatiyaṃ odātānaṃ catutthaṃ gocariyānanti heṭṭhimaparicchedo. Mātikāṭṭhakathāyaṃ pana ‘‘ekassapi kāḷakalomassa atirekabhāve nissaggiya’’nti (kaṅkhā. aṭṭha. dvebhāgasikkhāpadavaṇṇanā) vuttaṃ, taṃ tulādhāraṇāya kiñcāpi na sameti, acittakattā pana sikkhāpadassa pubbe tulāya dhārayitvā ṭhapitesu ekampi lomaṃ tattha pateyya nissaggiyanti adhippāyoti no takko. Aññathā dve tulā nādātabbā, ūnakatarā ādātabbā siyuṃ. Na hi lomaṃ gaṇetvā tulādhāraṇā karīyati. Atha gaṇetvāva kātabbaṃ. Kiṃ tulādhāraṇāya payojananti keci. ‘‘Gocariyaodātesu ekameva diguṇaṃ katvā gahetuṃ vaṭṭatī’’ti vadanti, aṭṭhakathāyaṃ avicāritattā vīmaṃsitabbaṃ.
த்³வேபா⁴க³ஸிக்கா²பத³வண்ணனா நிட்டி²தா.
Dvebhāgasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 3. த்³வேபா⁴க³ஸிக்கா²பத³ங் • 3. Dvebhāgasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 3. த்³வேபா⁴க³ஸிக்கா²பத³வண்ணனா • 3. Dvebhāgasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. த்³வேபா⁴க³ஸிக்கா²பத³வண்ணனா • 3. Dvebhāgasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. கோஸியஸிக்கா²பத³வண்ணனா • 1. Kosiyasikkhāpadavaṇṇanā
