| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
3. д̣̇взбхааг̇асигкаабад̣̇аван̣н̣анаа
3. Dvebhāgasikkhāpadavaṇṇanā
г̇ахзд̇аб̣б̣аад̇и яат̇аа гаал̣агаа ад̇хигаа на хонд̇и, д̇ат̇аа г̇ахзд̇аб̣б̣аа. табзд̇ваа жзд̇т̇а гаал̣агаод̣̇аад̇з авасзсаа г̇ожариязсуязва сан̇г̇ахам̣ г̇ажчанд̇ийд̇и (саарад̇т̇а. дий. 2.552) д̣̇адтаб̣б̣ам̣. зд̇т̇а жа д̣̇вз бхааг̇аад̇и уггадтабарижчзд̣̇о гаал̣агаанам̣ ад̇хигаг̇г̇ахан̣асса бадигкзбавасзна сигкаабад̣̇асса бан̃н̃ад̇д̇ад̇д̇аа. д̇асмаа гаал̣агаанам̣ бхааг̇ад̣̇ваяад̇о ад̇хигам̣ на ваддад̇и, уунагам̣ ваддад̇и. д̇знааха ‘‘згассаабий’’д̇иаад̣̇и. згассааби гаал̣агаломасса ад̇ирзгабхаавзд̇и д̇улааяа д̇хаараяид̇ваа табид̇зсу анд̇амасо ваад̇авзг̇знаби бахид̇асса згассааби гаал̣агаломасса ад̇хигабхаавз сад̇ийд̇и ад̇т̇о. ‘‘д̇ад̇ияам̣ од̣̇аад̇аанам̣, жад̇уд̇т̇ам̣ г̇ожарияаана’’нд̇и ид̣̇ам̣ бана хздтимабарижчзд̣̇о д̇зсам̣ ад̇хигаг̇г̇ахан̣з бадигкзбаабхаавад̇о. д̇асмаа д̇зсам̣ вуд̇д̇аббамаан̣ад̇о ад̇хигамби ваддад̇и.
Gahetabbāti yathā kāḷakā adhikā na honti, tathā gahetabbā. Ṭhapetvā cettha kāḷakaodāte avasesā gocariyesuyeva saṅgahaṃ gacchantīti (sārattha. ṭī. 2.552) daṭṭhabbaṃ. Ettha ca dve bhāgāti ukkaṭṭhaparicchedo kāḷakānaṃ adhikaggahaṇassa paṭikkhepavasena sikkhāpadassa paññattattā. Tasmā kāḷakānaṃ bhāgadvayato adhikaṃ na vaṭṭati, ūnakaṃ vaṭṭati. Tenāha ‘‘ekassāpī’’tiādi. Ekassāpi kāḷakalomassa atirekabhāveti tulāya dhārayitvā ṭhapitesu antamaso vātavegenapi pahitassa ekassāpi kāḷakalomassa adhikabhāve satīti attho. ‘‘Tatiyaṃ odātānaṃ, catutthaṃ gocariyāna’’nti idaṃ pana heṭṭhimaparicchedo tesaṃ adhikaggahaṇe paṭikkhepābhāvato. Tasmā tesaṃ vuttappamāṇato adhikampi vaṭṭati.
зд̇т̇а жа ‘‘ид̣̇ам̣ мз, бханд̇з, сант̇ад̇ам̣ анаад̣̇ияид̇ваа д̣̇вз д̇улз суд̣̇д̇хагаал̣агаанам̣ зл̣агаломаанам̣, д̇улам̣ од̣̇аад̇аанам̣, д̇улам̣ г̇ожарияаанам̣ сант̇ад̇ам̣ гаараабид̇ам̣ ниссаг̇г̇ияа’’нд̇и (баараа. 554) иминаа наязна ниссаж̇ж̇анавид̇хаанам̣ взд̣̇ид̇аб̣б̣ам̣. аад̣̇ааяа жа вуд̇д̇абарижчзд̣̇зна анаад̣̇ааяа жа гаран̣ад̇о гирияаагирияам̣. сзсанд̇и буб̣б̣абаяог̇ад̣̇уггадажад̇уггабаажид̇д̇ияаад̣̇игам̣. аяам̣ бана висзсо – д̇улам̣ од̣̇аад̇аанам̣ д̇улам̣ г̇ожарияаанам̣ аад̣̇ияид̇ваа гаран̣з, б̣ахуд̇арам̣ од̣̇аад̇аанам̣ б̣ахуд̇арам̣ г̇ожарияаанам̣ аад̣̇ияид̇ваа гаран̣з , суд̣̇д̇хам̣ од̣̇аад̇аанам̣ суд̣̇д̇хам̣ г̇ожарияаанам̣ аад̣̇ияид̇ваа гаран̣з жа анаабад̇д̇ийд̇и.
Ettha ca ‘‘idaṃ me, bhante, santhataṃ anādiyitvā dve tule suddhakāḷakānaṃ eḷakalomānaṃ, tulaṃ odātānaṃ, tulaṃ gocariyānaṃ santhataṃ kārāpitaṃ nissaggiya’’nti (pārā. 554) iminā nayena nissajjanavidhānaṃ veditabbaṃ. Ādāya ca vuttaparicchedena anādāya ca karaṇato kiriyākiriyaṃ. Sesanti pubbapayogadukkaṭacatukkapācittiyādikaṃ. Ayaṃ pana viseso – tulaṃ odātānaṃ tulaṃ gocariyānaṃ ādiyitvā karaṇe, bahutaraṃ odātānaṃ bahutaraṃ gocariyānaṃ ādiyitvā karaṇe , suddhaṃ odātānaṃ suddhaṃ gocariyānaṃ ādiyitvā karaṇe ca anāpattīti.
ан̇г̇зсу бана батаман̇г̇ам̣ гаал̣агаанам̣ д̣̇взбхааг̇ад̇о ад̇ирзгабхаавод̇и д̣̇адтаб̣б̣ам̣. имаани д̇ийн̣и на гзвалам̣ аниссадтаанзва барибхун̃ж̇ид̇ум̣ на вадданд̇ийд̇и ааха ‘‘имаани банаа’’д̇иаад̣̇и. ‘‘барибхун̃ж̇ид̇ум̣ на вадданд̇ий’’д̇и иминаа яад̣̇и барибхун̃ж̇ад̇и, д̣̇уггаданд̇и д̣̇ассзд̇и.
Aṅgesu pana paṭhamaṅgaṃ kāḷakānaṃ dvebhāgato atirekabhāvoti daṭṭhabbaṃ. Imāni tīṇi na kevalaṃ anissaṭṭhāneva paribhuñjituṃ na vaṭṭantīti āha ‘‘imāni panā’’tiādi. ‘‘Paribhuñjituṃ na vaṭṭantī’’ti iminā yadi paribhuñjati, dukkaṭanti dasseti.
д̣̇взбхааг̇асигкаабад̣̇аван̣н̣анаа нидтид̇аа.
Dvebhāgasikkhāpadavaṇṇanā niṭṭhitā.
