| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
3. д̣̇взбхааг̇асигкаабад̣̇аван̣н̣анаа
3. Dvebhāgasikkhāpadavaṇṇanā
552. д̣̇взбхааг̇асигкаабад̣̇з бана д̣̇вз бхааг̇аад̇и уггадтабарижчзд̣̇о гаал̣агаанам̣ ад̇хигаг̇г̇ахан̣асса бадигкзбавасзна сигкаабад̣̇асса бан̃н̃ад̇д̇ад̇д̇аа. д̇ад̇ияам̣ од̣̇аад̇аанам̣ жад̇уд̇т̇ам̣ г̇ожарияаананд̇и аяам̣ хздтимабарижчзд̣̇о д̇зсам̣ ад̇хигаг̇г̇ахан̣з бадигкзбаабхаавад̇о, д̇асмаа гаал̣агаанам̣ бхааг̇ад̣̇ваяад̇о ад̇хигам̣ на ваддад̇и, сзсаанам̣ бана вуд̇д̇аббамаан̣ад̇о ад̇хигамби ваддад̇и. ‘‘гаал̣агаанам̣язва жа ад̇хигаг̇г̇ахан̣асса бадигкид̇д̇ад̇д̇аа гаал̣агаанам̣ убад̣дхам̣ од̣̇аад̇аанам̣ ваа г̇ожарияаанам̣ ваа убад̣дхам̣ г̇ахзд̇вааби гаад̇ум̣ ваддад̇ий’’д̇и вад̣̇анд̇и, ‘‘анаабад̇д̇и б̣ахуд̇арам̣ од̣̇аад̇аанам̣ б̣ахуд̇арам̣ г̇ожарияаанам̣ аад̣̇ияид̇ваа гарод̇и, суд̣̇д̇хам̣ од̣̇аад̇аанам̣ суд̣̇д̇хам̣ г̇ожарияаанам̣ аад̣̇ияид̇ваа гарод̇ий’’д̇и иминаа д̇ам̣ самзд̇и. ‘‘гаал̣агз од̣̇аад̇з жа табзд̇ваа сзсаа г̇ожариязсуязва сан̇г̇ахам̣ г̇ажчанд̇ий’’д̇и вад̣̇анд̇и. д̣̇вз годтаасаа гаал̣агаананд̇и зд̇т̇а бана ‘‘згассаби гаал̣агаломасса ад̇ирзгабхаавз ниссаг̇г̇ияам̣ ход̇ий’’д̇и маад̇игаадтагат̇ааяам̣ (ган̇каа. адта. д̣̇взбхааг̇асигкаабад̣̇аван̣н̣анаа) д̇д̇ам̣, д̇ам̣ ‘‘д̇хаараяид̇ваа д̣̇вз д̇улаа аад̣̇аад̇аб̣б̣аа’’д̇и важанад̇о д̇улаад̇хааран̣ааяа на самзд̇и . на хи ломз г̇ан̣зд̇ваа д̇улаад̇хааран̣аа гарийяад̇и, ат̇а г̇ан̣зд̇ваава д̇хаараяид̇аб̣б̣ам̣ сияаа, гим̣ д̇улаад̇хааран̣ааяа, д̇асмаа звамзд̇т̇а ад̇хиббааяо яуд̇д̇о сияаа – ажид̇д̇агад̇д̇аа сигкаабад̣̇асса буб̣б̣з д̇улааяа д̇хаараяид̇ваа табид̇зсу згамби ломам̣ д̇ад̇т̇а бад̇зяяа, ниссаг̇г̇ияанд̇и. ан̃н̃ат̇аа д̣̇уб̣б̣ин̃н̃зяяабхаавад̇о д̣̇вз д̇улаа наад̣̇аад̇аб̣б̣аа, уунагад̇араава аад̣̇аад̇аб̣б̣аа сияум̣.
552. Dvebhāgasikkhāpade pana dve bhāgāti ukkaṭṭhaparicchedo kāḷakānaṃ adhikaggahaṇassa paṭikkhepavasena sikkhāpadassa paññattattā. Tatiyaṃ odātānaṃ catutthaṃ gocariyānanti ayaṃ heṭṭhimaparicchedo tesaṃ adhikaggahaṇe paṭikkhepābhāvato, tasmā kāḷakānaṃ bhāgadvayato adhikaṃ na vaṭṭati, sesānaṃ pana vuttappamāṇato adhikampi vaṭṭati. ‘‘Kāḷakānaṃyeva ca adhikaggahaṇassa paṭikkhittattā kāḷakānaṃ upaḍḍhaṃ odātānaṃ vā gocariyānaṃ vā upaḍḍhaṃ gahetvāpi kātuṃ vaṭṭatī’’ti vadanti, ‘‘anāpatti bahutaraṃ odātānaṃ bahutaraṃ gocariyānaṃ ādiyitvā karoti, suddhaṃ odātānaṃ suddhaṃ gocariyānaṃ ādiyitvā karotī’’ti iminā taṃ sameti. ‘‘Kāḷake odāte ca ṭhapetvā sesā gocariyesuyeva saṅgahaṃ gacchantī’’ti vadanti. Dvekoṭṭhāsā kāḷakānanti ettha pana ‘‘ekassapi kāḷakalomassa atirekabhāve nissaggiyaṃ hotī’’ti mātikāṭṭhakathāyaṃ (kaṅkhā. aṭṭha. dvebhāgasikkhāpadavaṇṇanā) ttaṃ, taṃ ‘‘dhārayitvā dve tulā ādātabbā’’ti vacanato tulādhāraṇāya na sameti . Na hi lome gaṇetvā tulādhāraṇā karīyati, atha gaṇetvāva dhārayitabbaṃ siyā, kiṃ tulādhāraṇāya, tasmā evamettha adhippāyo yutto siyā – acittakattā sikkhāpadassa pubbe tulāya dhārayitvā ṭhapitesu ekampi lomaṃ tattha pateyya, nissaggiyanti. Aññathā dubbiññeyyabhāvato dve tulā nādātabbā, ūnakatarāva ādātabbā siyuṃ.
д̣̇взбхааг̇асигкаабад̣̇аван̣н̣анаа нидтид̇аа.
Dvebhāgasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̣̇взбхааг̇асигкаабад̣̇ам̣ • 3. Dvebhāgasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̣̇взбхааг̇асигкаабад̣̇аван̣н̣анаа • 3. Dvebhāgasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. д̣̇взбхааг̇асигкаабад̣̇аван̣н̣анаа • 3. Dvebhāgasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. госияасигкаабад̣̇аван̣н̣анаа • 1. Kosiyasikkhāpadavaṇṇanā
