| Library / Tipiṭaka / तिपिटक • Tipiṭaka / महाविभङ्ग-अट्ठकथा • Mahāvibhaṅga-aṭṭhakathā |
३. द्वेभागसिक्खापदवण्णना
3. Dvebhāgasikkhāpadavaṇṇanā
५५२. तेन समयेनाति द्वेभागसिक्खापदं। तत्थ अन्ते आदियित्वाति सन्थतस्स अन्ते अनुवातं विय दस्सेत्वा ओदातं अल्लियापेत्वा।
552.Tena samayenāti dvebhāgasikkhāpadaṃ. Tattha ante ādiyitvāti santhatassa ante anuvātaṃ viya dassetvā odātaṃ alliyāpetvā.
द्वे भागाति द्वे कोट्ठासा। आदातब्बाति गहेतब्बा। गोचरियानन्ति कपिलवण्णानं। द्वे तुला आदातब्बाति चतूहि तुलाहि कारेतुकामं सन्धाय वुत्तं। अत्थतो पन यत्तकेहि एळकलोमेहि कातुकामो होति, तेसु द्वे कोट्ठासा काळकानं एको ओदातानं, एको गोचरियानन्ति इदमेव दस्सितं होतीति वेदितब्बं। सेसं उत्तानत्थमेव।
Dve bhāgāti dve koṭṭhāsā. Ādātabbāti gahetabbā. Gocariyānanti kapilavaṇṇānaṃ. Dve tulā ādātabbāti catūhi tulāhi kāretukāmaṃ sandhāya vuttaṃ. Atthato pana yattakehi eḷakalomehi kātukāmo hoti, tesu dve koṭṭhāsā kāḷakānaṃ eko odātānaṃ, eko gocariyānanti idameva dassitaṃ hotīti veditabbaṃ. Sesaṃ uttānatthameva.
समुट्ठानादीनिपि कोसियसिक्खापदसदिसानेव। केवलं इदं आदाय अनादाय च करणतो किरियाकिरियं वेदितब्बन्ति।
Samuṭṭhānādīnipi kosiyasikkhāpadasadisāneva. Kevalaṃ idaṃ ādāya anādāya ca karaṇato kiriyākiriyaṃ veditabbanti.
द्वेभागसिक्खापदवण्णना निट्ठिता।
Dvebhāgasikkhāpadavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ३. द्वेभागसिक्खापदं • 3. Dvebhāgasikkhāpadaṃ
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ३. द्वेभागसिक्खापदवण्णना • 3. Dvebhāgasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / ३. द्वेभागसिक्खापदवण्णना • 3. Dvebhāgasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / १. कोसियसिक्खापदवण्णना • 1. Kosiyasikkhāpadavaṇṇanā
