| Library / Tipiṭaka / တိပိဋက • Tipiṭaka / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā |
၃. ဒ္ဝေဘာဂသိက္ခာပဒဝဏ္ဏနာ
3. Dvebhāgasikkhāpadavaṇṇanā
၅၅၂. တေန သမယေနာတိ ဒ္ဝေဘာဂသိက္ခာပဒံ။ တတ္ထ အန္တေ အာဒိယိတ္ဝာတိ သန္ထတသ္သ အန္တေ အနုဝာတံ ဝိယ ဒသ္သေတ္ဝာ ဩဒာတံ အလ္လိယာပေတ္ဝာ။
552.Tena samayenāti dvebhāgasikkhāpadaṃ. Tattha ante ādiyitvāti santhatassa ante anuvātaṃ viya dassetvā odātaṃ alliyāpetvā.
ဒ္ဝေ ဘာဂာတိ ဒ္ဝေ ကောဋ္ဌာသာ။ အာဒာတဗ္ဗာတိ ဂဟေတဗ္ဗာ။ ဂောစရိယာနန္တိ ကပိလဝဏ္ဏာနံ။ ဒ္ဝေ တုလာ အာဒာတဗ္ဗာတိ စတူဟိ တုလာဟိ ကာရေတုကာမံ သန္ဓာယ ဝုတ္တံ။ အတ္ထတော ပန ယတ္တကေဟိ ဧဠကလောမေဟိ ကာတုကာမော ဟောတိ, တေသု ဒ္ဝေ ကောဋ္ဌာသာ ကာဠကာနံ ဧကော ဩဒာတာနံ, ဧကော ဂောစရိယာနန္တိ ဣဒမေဝ ဒသ္သိတံ ဟောတီတိ ဝေဒိတဗ္ဗံ။ သေသံ ဥတ္တာနတ္ထမေဝ။
Dve bhāgāti dve koṭṭhāsā. Ādātabbāti gahetabbā. Gocariyānanti kapilavaṇṇānaṃ. Dve tulā ādātabbāti catūhi tulāhi kāretukāmaṃ sandhāya vuttaṃ. Atthato pana yattakehi eḷakalomehi kātukāmo hoti, tesu dve koṭṭhāsā kāḷakānaṃ eko odātānaṃ, eko gocariyānanti idameva dassitaṃ hotīti veditabbaṃ. Sesaṃ uttānatthameva.
သမုဋ္ဌာနာဒီနိပိ ကောသိယသိက္ခာပဒသဒိသာနေဝ။ ကေဝလံ ဣဒံ အာဒာယ အနာဒာယ စ ကရဏတော ကိရိယာကိရိယံ ဝေဒိတဗ္ဗန္တိ။
Samuṭṭhānādīnipi kosiyasikkhāpadasadisāneva. Kevalaṃ idaṃ ādāya anādāya ca karaṇato kiriyākiriyaṃ veditabbanti.
ဒ္ဝေဘာဂသိက္ခာပဒဝဏ္ဏနာ နိဋ္ဌိတာ။
Dvebhāgasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၃. ဒ္ဝေဘာဂသိက္ခာပဒံ • 3. Dvebhāgasikkhāpadaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၃. ဒ္ဝေဘာဂသိက္ခာပဒဝဏ္ဏနာ • 3. Dvebhāgasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၃. ဒ္ဝေဘာဂသိက္ခာပဒဝဏ္ဏနာ • 3. Dvebhāgasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁. ကောသိယသိက္ခာပဒဝဏ္ဏနာ • 1. Kosiyasikkhāpadavaṇṇanā
