| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၃. ဒ္ဝေဘာဂသိက္ခာပဒဝဏ္ဏနာ
3. Dvebhāgasikkhāpadavaṇṇanā
၅၅၂. ‘‘ဓာရယိတ္ဝာ ဒ္ဝေ တုလာ အာဒာတဗ္ဗာ’’တိ ဝစနတော ယထာ တုလာဓာရဏာယ ကာဠကာ အဓိကာ န ဟောန္တိ, တထာ ကာဠကာနံ ဒ္ဝေ ဘာဝာ ဂဟေတဗ္ဗာ ဥက္ကဋ္ဌပရိစ္ဆေဒေန။ ကထံ ပညာယတီတိ? သုဒ္ဓကာဠကပဋိသေဓနနိဒာနေန။ တတိယံ ဩဒာတာနံ စတုတ္ထံ ဂောစရိယာနန္တိ ဟေဋ္ဌိမပရိစ္ဆေဒော။ မာတိကာဋ္ဌကထာယံ ပန ‘‘ဧကသ္သပိ ကာဠကလောမသ္သ အတိရေကဘာဝေ နိသ္သဂ္ဂိယ’’န္တိ (ကင္ခာ. အဋ္ဌ. ဒ္ဝေဘာဂသိက္ခာပဒဝဏ္ဏနာ) ဝုတ္တံ, တံ တုလာဓာရဏာယ ကိဉ္စာပိ န သမေတိ, အစိတ္တကတ္တာ ပန သိက္ခာပဒသ္သ ပုဗ္ဗေ တုလာယ ဓာရယိတ္ဝာ ဌပိတေသု ဧကမ္ပိ လောမံ တတ္ထ ပတေယ္ယ နိသ္သဂ္ဂိယန္တိ အဓိပ္ပာယောတိ နော တက္ကော။ အညထာ ဒ္ဝေ တုလာ နာဒာတဗ္ဗာ, ဦနကတရာ အာဒာတဗ္ဗာ သိယုံ။ န ဟိ လောမံ ဂဏေတ္ဝာ တုလာဓာရဏာ ကရီယတိ။ အထ ဂဏေတ္ဝာဝ ကာတဗ္ဗံ။ ကိံ တုလာဓာရဏာယ ပယောဇနန္တိ ကေစိ။ ‘‘ဂောစရိယဩဒာတေသု ဧကမေဝ ဒိဂုဏံ ကတ္ဝာ ဂဟေတုံ ဝဋ္ဋတီ’’တိ ဝဒန္တိ, အဋ္ဌကထာယံ အဝိစာရိတတ္တာ ဝီမံသိတဗ္ဗံ။
552. ‘‘Dhārayitvā dve tulā ādātabbā’’ti vacanato yathā tulādhāraṇāya kāḷakā adhikā na honti, tathā kāḷakānaṃ dve bhāvā gahetabbā ukkaṭṭhaparicchedena. Kathaṃ paññāyatīti? Suddhakāḷakapaṭisedhananidānena. Tatiyaṃ odātānaṃ catutthaṃ gocariyānanti heṭṭhimaparicchedo. Mātikāṭṭhakathāyaṃ pana ‘‘ekassapi kāḷakalomassa atirekabhāve nissaggiya’’nti (kaṅkhā. aṭṭha. dvebhāgasikkhāpadavaṇṇanā) vuttaṃ, taṃ tulādhāraṇāya kiñcāpi na sameti, acittakattā pana sikkhāpadassa pubbe tulāya dhārayitvā ṭhapitesu ekampi lomaṃ tattha pateyya nissaggiyanti adhippāyoti no takko. Aññathā dve tulā nādātabbā, ūnakatarā ādātabbā siyuṃ. Na hi lomaṃ gaṇetvā tulādhāraṇā karīyati. Atha gaṇetvāva kātabbaṃ. Kiṃ tulādhāraṇāya payojananti keci. ‘‘Gocariyaodātesu ekameva diguṇaṃ katvā gahetuṃ vaṭṭatī’’ti vadanti, aṭṭhakathāyaṃ avicāritattā vīmaṃsitabbaṃ.
ဒ္ဝေဘာဂသိက္ခာပဒဝဏ္ဏနာ နိဋ္ဌိတာ။
Dvebhāgasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၃. ဒ္ဝေဘာဂသိက္ခာပဒံ • 3. Dvebhāgasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၃. ဒ္ဝေဘာဂသိက္ခာပဒဝဏ္ဏနာ • 3. Dvebhāgasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၃. ဒ္ဝေဘာဂသိက္ခာပဒဝဏ္ဏနာ • 3. Dvebhāgasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁. ကောသိယသိက္ခာပဒဝဏ္ဏနာ • 1. Kosiyasikkhāpadavaṇṇanā
