| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੩. ਦ੍વੇਭਾਗਸਿਕ੍ਖਾਪਦવਣ੍ਣਨਾ
3. Dvebhāgasikkhāpadavaṇṇanā
੫੫੨. ਦ੍વੇਭਾਗਸਿਕ੍ਖਾਪਦੇ ਪਨ ਦ੍વੇ ਭਾਗਾਤਿ ਉਕ੍ਕਟ੍ਠਪਰਿਚ੍ਛੇਦੋ ਕਾਲ਼ਕਾਨਂ ਅਧਿਕਗ੍ਗਹਣਸ੍ਸ ਪਟਿਕ੍ਖੇਪવਸੇਨ ਸਿਕ੍ਖਾਪਦਸ੍ਸ ਪਞ੍ਞਤ੍ਤਤ੍ਤਾ। ਤਤਿਯਂ ਓਦਾਤਾਨਂ ਚਤੁਤ੍ਥਂ ਗੋਚਰਿਯਾਨਨ੍ਤਿ ਅਯਂ ਹੇਟ੍ਠਿਮਪਰਿਚ੍ਛੇਦੋ ਤੇਸਂ ਅਧਿਕਗ੍ਗਹਣੇ ਪਟਿਕ੍ਖੇਪਾਭਾવਤੋ, ਤਸ੍ਮਾ ਕਾਲ਼ਕਾਨਂ ਭਾਗਦ੍વਯਤੋ ਅਧਿਕਂ ਨ વਟ੍ਟਤਿ, ਸੇਸਾਨਂ ਪਨ વੁਤ੍ਤਪ੍ਪਮਾਣਤੋ ਅਧਿਕਮ੍ਪਿ વਟ੍ਟਤਿ। ‘‘ਕਾਲ਼ਕਾਨਂਯੇવ ਚ ਅਧਿਕਗ੍ਗਹਣਸ੍ਸ ਪਟਿਕ੍ਖਿਤ੍ਤਤ੍ਤਾ ਕਾਲ਼ਕਾਨਂ ਉਪਡ੍ਢਂ ਓਦਾਤਾਨਂ વਾ ਗੋਚਰਿਯਾਨਂ વਾ ਉਪਡ੍ਢਂ ਗਹੇਤ੍વਾਪਿ ਕਾਤੁਂ વਟ੍ਟਤੀ’’ਤਿ વਦਨ੍ਤਿ, ‘‘ਅਨਾਪਤ੍ਤਿ ਬਹੁਤਰਂ ਓਦਾਤਾਨਂ ਬਹੁਤਰਂ ਗੋਚਰਿਯਾਨਂ ਆਦਿਯਿਤ੍વਾ ਕਰੋਤਿ, ਸੁਦ੍ਧਂ ਓਦਾਤਾਨਂ ਸੁਦ੍ਧਂ ਗੋਚਰਿਯਾਨਂ ਆਦਿਯਿਤ੍વਾ ਕਰੋਤੀ’’ਤਿ ਇਮਿਨਾ ਤਂ ਸਮੇਤਿ। ‘‘ਕਾਲ਼ਕੇ ਓਦਾਤੇ ਚ ਠਪੇਤ੍વਾ ਸੇਸਾ ਗੋਚਰਿਯੇਸੁਯੇવ ਸਙ੍ਗਹਂ ਗਚ੍ਛਨ੍ਤੀ’’ਤਿ વਦਨ੍ਤਿ। ਦ੍વੇ ਕੋਟ੍ਠਾਸਾ ਕਾਲ਼ਕਾਨਨ੍ਤਿ ਏਤ੍ਥ ਪਨ ‘‘ਏਕਸ੍ਸਪਿ ਕਾਲ਼ਕਲੋਮਸ੍ਸ ਅਤਿਰੇਕਭਾવੇ ਨਿਸ੍ਸਗ੍ਗਿਯਂ ਹੋਤੀ’’ਤਿ ਮਾਤਿਕਾਟ੍ਠਕਥਾਯਂ (ਕਙ੍ਖਾ॰ ਅਟ੍ਠ॰ ਦ੍વੇਭਾਗਸਿਕ੍ਖਾਪਦવਣ੍ਣਨਾ) ਤ੍ਤਂ, ਤਂ ‘‘ਧਾਰਯਿਤ੍વਾ ਦ੍વੇ ਤੁਲਾ ਆਦਾਤਬ੍ਬਾ’’ਤਿ વਚਨਤੋ ਤੁਲਾਧਾਰਣਾਯ ਨ ਸਮੇਤਿ । ਨ ਹਿ ਲੋਮੇ ਗਣੇਤ੍વਾ ਤੁਲਾਧਾਰਣਾ ਕਰੀਯਤਿ, ਅਥ ਗਣੇਤ੍વਾવ ਧਾਰਯਿਤਬ੍ਬਂ ਸਿਯਾ, ਕਿਂ ਤੁਲਾਧਾਰਣਾਯ, ਤਸ੍ਮਾ ਏવਮੇਤ੍ਥ ਅਧਿਪ੍ਪਾਯੋ ਯੁਤ੍ਤੋ ਸਿਯਾ – ਅਚਿਤ੍ਤਕਤ੍ਤਾ ਸਿਕ੍ਖਾਪਦਸ੍ਸ ਪੁਬ੍ਬੇ ਤੁਲਾਯ ਧਾਰਯਿਤ੍વਾ ਠਪਿਤੇਸੁ ਏਕਮ੍ਪਿ ਲੋਮਂ ਤਤ੍ਥ ਪਤੇਯ੍ਯ, ਨਿਸ੍ਸਗ੍ਗਿਯਨ੍ਤਿ। ਅਞ੍ਞਥਾ ਦੁਬ੍ਬਿਞ੍ਞੇਯ੍ਯਭਾવਤੋ ਦ੍વੇ ਤੁਲਾ ਨਾਦਾਤਬ੍ਬਾ, ਊਨਕਤਰਾવ ਆਦਾਤਬ੍ਬਾ ਸਿਯੁਂ।
552. Dvebhāgasikkhāpade pana dve bhāgāti ukkaṭṭhaparicchedo kāḷakānaṃ adhikaggahaṇassa paṭikkhepavasena sikkhāpadassa paññattattā. Tatiyaṃ odātānaṃ catutthaṃ gocariyānanti ayaṃ heṭṭhimaparicchedo tesaṃ adhikaggahaṇe paṭikkhepābhāvato, tasmā kāḷakānaṃ bhāgadvayato adhikaṃ na vaṭṭati, sesānaṃ pana vuttappamāṇato adhikampi vaṭṭati. ‘‘Kāḷakānaṃyeva ca adhikaggahaṇassa paṭikkhittattā kāḷakānaṃ upaḍḍhaṃ odātānaṃ vā gocariyānaṃ vā upaḍḍhaṃ gahetvāpi kātuṃ vaṭṭatī’’ti vadanti, ‘‘anāpatti bahutaraṃ odātānaṃ bahutaraṃ gocariyānaṃ ādiyitvā karoti, suddhaṃ odātānaṃ suddhaṃ gocariyānaṃ ādiyitvā karotī’’ti iminā taṃ sameti. ‘‘Kāḷake odāte ca ṭhapetvā sesā gocariyesuyeva saṅgahaṃ gacchantī’’ti vadanti. Dvekoṭṭhāsā kāḷakānanti ettha pana ‘‘ekassapi kāḷakalomassa atirekabhāve nissaggiyaṃ hotī’’ti mātikāṭṭhakathāyaṃ (kaṅkhā. aṭṭha. dvebhāgasikkhāpadavaṇṇanā) ttaṃ, taṃ ‘‘dhārayitvā dve tulā ādātabbā’’ti vacanato tulādhāraṇāya na sameti . Na hi lome gaṇetvā tulādhāraṇā karīyati, atha gaṇetvāva dhārayitabbaṃ siyā, kiṃ tulādhāraṇāya, tasmā evamettha adhippāyo yutto siyā – acittakattā sikkhāpadassa pubbe tulāya dhārayitvā ṭhapitesu ekampi lomaṃ tattha pateyya, nissaggiyanti. Aññathā dubbiññeyyabhāvato dve tulā nādātabbā, ūnakatarāva ādātabbā siyuṃ.
ਦ੍વੇਭਾਗਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Dvebhāgasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੩. ਦ੍વੇਭਾਗਸਿਕ੍ਖਾਪਦਂ • 3. Dvebhāgasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੩. ਦ੍વੇਭਾਗਸਿਕ੍ਖਾਪਦવਣ੍ਣਨਾ • 3. Dvebhāgasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੩. ਦ੍વੇਭਾਗਸਿਕ੍ਖਾਪਦવਣ੍ਣਨਾ • 3. Dvebhāgasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਕੋਸਿਯਸਿਕ੍ਖਾਪਦવਣ੍ਣਨਾ • 1. Kosiyasikkhāpadavaṇṇanā
