| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
9. д̣̇взд̇хаавид̇аггасуд̇д̇ам̣
9. Dvedhāvitakkasuttaṃ
206. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
206. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘буб̣б̣зва мз, бхигкавз, самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о зд̇ад̣̇ахоси – ‘яам̣нуунаахам̣ д̣̇вид̇хаа гад̇ваа д̣̇вид̇хаа гад̇ваа вид̇аггз вихарзяяа’нд̇и. со ко ахам̣, бхигкавз, яо жааяам̣ гаамавид̇агго яо жа б̣яаабаад̣̇авид̇агго яо жа вихим̣саавид̇агго – имам̣ згам̣ бхааг̇амагаасим̣ ; яо жааяам̣ нзгкаммавид̇агго яо жа аб̣яаабаад̣̇авид̇агго яо жа авихим̣саавид̇агго – имам̣ д̣̇уд̇ияам̣ бхааг̇амагаасим̣.
‘‘Pubbeva me, bhikkhave, sambodhā anabhisambuddhassa bodhisattasseva sato etadahosi – ‘yaṃnūnāhaṃ dvidhā katvā dvidhā katvā vitakke vihareyya’nti. So kho ahaṃ, bhikkhave, yo cāyaṃ kāmavitakko yo ca byāpādavitakko yo ca vihiṃsāvitakko – imaṃ ekaṃ bhāgamakāsiṃ ; yo cāyaṃ nekkhammavitakko yo ca abyāpādavitakko yo ca avihiṃsāvitakko – imaṃ dutiyaṃ bhāgamakāsiṃ.
207. ‘‘д̇асса маяхам̣, бхигкавз, звам̣ аббамад̇д̇асса аад̇аабино бахид̇ад̇д̇асса вихарад̇о уббаж̇ж̇ад̇и гаамавид̇агго. со звам̣ баж̇аанаами – ‘уббанно ко мз аяам̣ гаамавид̇агго. со жа ко ад̇д̇аб̣яааб̣аад̇хааяаби сам̣вад̇д̇ад̇и, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и, бан̃н̃аанирод̇хиго вигхаад̇абагкиго аниб̣б̣аанасам̣вад̇д̇аниго’ 1. ‘ад̇д̇аб̣яааб̣аад̇хааяа сам̣вад̇д̇ад̇ий’д̇иби мз, бхигкавз, бадисан̃жигкад̇о аб̣бхад̇т̇ам̣ г̇ажчад̇и; ‘бараб̣яааб̣аад̇хааяа сам̣вад̇д̇ад̇ий’д̇иби мз, бхигкавз, бадисан̃жигкад̇о аб̣бхад̇т̇ам̣ г̇ажчад̇и; ‘убхаяаб̣яааб̣аад̇хааяа сам̣вад̇д̇ад̇ий’д̇иби мз, бхигкавз, бадисан̃жигкад̇о аб̣бхад̇т̇ам̣ г̇ажчад̇и; ‘бан̃н̃аанирод̇хиго вигхаад̇абагкиго аниб̣б̣аанасам̣вад̇д̇аниго’д̇иби мз, бхигкавз, бадисан̃жигкад̇о аб̣бхад̇т̇ам̣ г̇ажчад̇и. со ко ахам̣, бхигкавз, уббаннуббаннам̣ гаамавид̇аггам̣ баж̇ахамзва 2 винод̣̇амзва 3 б̣яанд̇амзва 4 нам̣ агаасим̣.
207. ‘‘Tassa mayhaṃ, bhikkhave, evaṃ appamattassa ātāpino pahitattassa viharato uppajjati kāmavitakko. So evaṃ pajānāmi – ‘uppanno kho me ayaṃ kāmavitakko. So ca kho attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati, paññānirodhiko vighātapakkhiko anibbānasaṃvattaniko’ 5. ‘Attabyābādhāya saṃvattatī’tipi me, bhikkhave, paṭisañcikkhato abbhatthaṃ gacchati; ‘parabyābādhāya saṃvattatī’tipi me, bhikkhave, paṭisañcikkhato abbhatthaṃ gacchati; ‘ubhayabyābādhāya saṃvattatī’tipi me, bhikkhave, paṭisañcikkhato abbhatthaṃ gacchati; ‘paññānirodhiko vighātapakkhiko anibbānasaṃvattaniko’tipi me, bhikkhave, paṭisañcikkhato abbhatthaṃ gacchati. So kho ahaṃ, bhikkhave, uppannuppannaṃ kāmavitakkaṃ pajahameva 6 vinodameva 7 byantameva 8 naṃ akāsiṃ.
208. ‘‘д̇асса маяхам̣, бхигкавз, звам̣ аббамад̇д̇асса аад̇аабино бахид̇ад̇д̇асса вихарад̇о уббаж̇ж̇ад̇и б̣яаабаад̣̇авид̇агго…бз… уббаж̇ж̇ад̇и вихим̣саавид̇агго. со звам̣ баж̇аанаами – ‘уббанно ко мз аяам̣ вихим̣саавид̇агго. со жа ко ад̇д̇аб̣яааб̣аад̇хааяаби сам̣вад̇д̇ад̇и, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и, бан̃н̃аанирод̇хиго вигхаад̇абагкиго аниб̣б̣аанасам̣вад̇д̇аниго’. ‘ад̇д̇аб̣яааб̣аад̇хааяа сам̣вад̇д̇ад̇ий’д̇иби мз, бхигкавз, бадисан̃жигкад̇о аб̣бхад̇т̇ам̣ г̇ажчад̇и; ‘бараб̣яааб̣аад̇хааяа сам̣вад̇д̇ад̇ий’д̇иби мз, бхигкавз, бадисан̃жигкад̇о аб̣бхад̇т̇ам̣ г̇ажчад̇и; ‘убхаяаб̣яааб̣аад̇хааяа сам̣вад̇д̇ад̇ий’д̇иби мз, бхигкавз, бадисан̃жигкад̇о аб̣бхад̇т̇ам̣ г̇ажчад̇и; ‘бан̃н̃аанирод̇хиго вигхаад̇абагкиго аниб̣б̣аанасам̣вад̇д̇аниго’д̇иби мз, бхигкавз, бадисан̃жигкад̇о аб̣бхад̇т̇ам̣ г̇ажчад̇и. со ко ахам̣, бхигкавз, уббаннуббаннам̣ вихим̣саавид̇аггам̣ баж̇ахамзва винод̣̇амзва б̣яанд̇амзва нам̣ агаасим̣.
208. ‘‘Tassa mayhaṃ, bhikkhave, evaṃ appamattassa ātāpino pahitattassa viharato uppajjati byāpādavitakko…pe… uppajjati vihiṃsāvitakko. So evaṃ pajānāmi – ‘uppanno kho me ayaṃ vihiṃsāvitakko. So ca kho attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati, paññānirodhiko vighātapakkhiko anibbānasaṃvattaniko’. ‘Attabyābādhāya saṃvattatī’tipi me, bhikkhave, paṭisañcikkhato abbhatthaṃ gacchati; ‘parabyābādhāya saṃvattatī’tipi me, bhikkhave, paṭisañcikkhato abbhatthaṃ gacchati; ‘ubhayabyābādhāya saṃvattatī’tipi me, bhikkhave, paṭisañcikkhato abbhatthaṃ gacchati; ‘paññānirodhiko vighātapakkhiko anibbānasaṃvattaniko’tipi me, bhikkhave, paṭisañcikkhato abbhatthaṃ gacchati. So kho ahaṃ, bhikkhave, uppannuppannaṃ vihiṃsāvitakkaṃ pajahameva vinodameva byantameva naṃ akāsiṃ.
‘‘яан̃н̃ад̣̇зва, бхигкавз, бхигку б̣ахуламанувид̇аггзд̇и анувижаарзд̇и, д̇ат̇аа д̇ат̇аа над̇и ход̇и жзд̇асо. гаамавид̇аггам̣ жз, бхигкавз, бхигку б̣ахуламанувид̇аггзд̇и анувижаарзд̇и, бахааси нзгкаммавид̇аггам̣, гаамавид̇аггам̣ б̣ахуламагааси, д̇асса д̇ам̣ гаамавид̇аггааяа жид̇д̇ам̣ намад̇и. б̣яаабаад̣̇авид̇аггам̣ жз, бхигкавз…бз… вихим̣саавид̇аггам̣ жз, бхигкавз, бхигку б̣ахуламанувид̇аггзд̇и анувижаарзд̇и, бахааси авихим̣саавид̇аггам̣, вихим̣саавид̇аггам̣ б̣ахуламагааси, д̇асса д̇ам̣ вихим̣саавид̇аггааяа жид̇д̇ам̣ намад̇и. сзяяат̇ааби, бхигкавз, вассаанам̣ бажчимз маасз сарад̣̇асамаяз гидтасамб̣аад̇хз г̇обаалаго г̇ааво рагкзяяа. со д̇аа г̇ааво д̇ад̇о д̇ад̇о д̣̇ан̣д̣зна аагодзяяа бадигодзяяа саннирунд̇хзяяа санниваарзяяа. д̇ам̣ гисса хзд̇у? бассад̇и хи со, бхигкавз, г̇обаалаго д̇ад̇онид̣̇аанам̣ вад̇хам̣ ваа б̣анд̇ханам̣ ваа ж̇ааним̣ ваа г̇арахам̣ ваа. звамзва ко ахам̣, бхигкавз, ад̣̇д̣̇асам̣ агусалаанам̣ д̇хаммаанам̣ аад̣̇ийнавам̣ огаарам̣ сам̣гилзсам̣, гусалаанам̣ д̇хаммаанам̣ нзгкаммз аанисам̣сам̣ вод̣̇аанабагкам̣.
‘‘Yaññadeva, bhikkhave, bhikkhu bahulamanuvitakketi anuvicāreti, tathā tathā nati hoti cetaso. Kāmavitakkaṃ ce, bhikkhave, bhikkhu bahulamanuvitakketi anuvicāreti, pahāsi nekkhammavitakkaṃ, kāmavitakkaṃ bahulamakāsi, tassa taṃ kāmavitakkāya cittaṃ namati. Byāpādavitakkaṃ ce, bhikkhave…pe… vihiṃsāvitakkaṃ ce, bhikkhave, bhikkhu bahulamanuvitakketi anuvicāreti, pahāsi avihiṃsāvitakkaṃ, vihiṃsāvitakkaṃ bahulamakāsi, tassa taṃ vihiṃsāvitakkāya cittaṃ namati. Seyyathāpi, bhikkhave, vassānaṃ pacchime māse saradasamaye kiṭṭhasambādhe gopālako gāvo rakkheyya. So tā gāvo tato tato daṇḍena ākoṭeyya paṭikoṭeyya sannirundheyya sannivāreyya. Taṃ kissa hetu? Passati hi so, bhikkhave, gopālako tatonidānaṃ vadhaṃ vā bandhanaṃ vā jāniṃ vā garahaṃ vā. Evameva kho ahaṃ, bhikkhave, addasaṃ akusalānaṃ dhammānaṃ ādīnavaṃ okāraṃ saṃkilesaṃ, kusalānaṃ dhammānaṃ nekkhamme ānisaṃsaṃ vodānapakkhaṃ.
209. ‘‘д̇асса маяхам̣, бхигкавз, звам̣ аббамад̇д̇асса аад̇аабино бахид̇ад̇д̇асса вихарад̇о уббаж̇ж̇ад̇и нзгкаммавид̇агго. со звам̣ баж̇аанаами – ‘уббанно ко мз аяам̣ нзгкаммавид̇агго. со жа ко нзвад̇д̇аб̣яааб̣аад̇хааяа сам̣вад̇д̇ад̇и, на бараб̣яааб̣аад̇хааяа сам̣вад̇д̇ад̇и, на убхаяаб̣яааб̣аад̇хааяа сам̣вад̇д̇ад̇и, бан̃н̃аавуд̣̇д̇хиго авигхаад̇абагкиго ниб̣б̣аанасам̣вад̇д̇аниго’. рад̇д̇им̣ жзби нам̣, бхигкавз, анувид̇аггзяяам̣ анувижаарзяяам̣, нзва д̇ад̇онид̣̇аанам̣ бхаяам̣ саманубассаами. д̣̇ивасам̣ жзби нам̣, бхигкавз, анувид̇аггзяяам̣ анувижаарзяяам̣, нзва д̇ад̇онид̣̇аанам̣ бхаяам̣ саманубассаами. рад̇д̇инд̣̇ивам̣ жзби нам̣, бхигкавз, анувид̇аггзяяам̣ анувижаарзяяам̣, нзва д̇ад̇онид̣̇аанам̣ бхаяам̣ саманубассаами. аби жа ко мз ад̇ижирам̣ анувид̇аггаяад̇о анувижаараяад̇о гааяо гиламзяяа . гааяз гиланд̇з 9 жид̇д̇ам̣ уухан̃н̃зяяа. уухад̇з жид̇д̇з аараа жид̇д̇ам̣ самаад̇химхаад̇и. со ко ахам̣, бхигкавз, аж̇жхад̇д̇амзва жид̇д̇ам̣ сан̣табзми саннисаад̣̇зми згод̣̇им̣ гароми 10 самаад̣̇ахаами. д̇ам̣ гисса хзд̇у? ‘маа мз жид̇д̇ам̣ уухан̃н̃ий’д̇и 11.
209. ‘‘Tassa mayhaṃ, bhikkhave, evaṃ appamattassa ātāpino pahitattassa viharato uppajjati nekkhammavitakko. So evaṃ pajānāmi – ‘uppanno kho me ayaṃ nekkhammavitakko. So ca kho nevattabyābādhāya saṃvattati, na parabyābādhāya saṃvattati, na ubhayabyābādhāya saṃvattati, paññāvuddhiko avighātapakkhiko nibbānasaṃvattaniko’. Rattiṃ cepi naṃ, bhikkhave, anuvitakkeyyaṃ anuvicāreyyaṃ, neva tatonidānaṃ bhayaṃ samanupassāmi. Divasaṃ cepi naṃ, bhikkhave, anuvitakkeyyaṃ anuvicāreyyaṃ, neva tatonidānaṃ bhayaṃ samanupassāmi. Rattindivaṃ cepi naṃ, bhikkhave, anuvitakkeyyaṃ anuvicāreyyaṃ, neva tatonidānaṃ bhayaṃ samanupassāmi. Api ca kho me aticiraṃ anuvitakkayato anuvicārayato kāyo kilameyya . Kāye kilante 12 cittaṃ ūhaññeyya. Ūhate citte ārā cittaṃ samādhimhāti. So kho ahaṃ, bhikkhave, ajjhattameva cittaṃ saṇṭhapemi sannisādemi ekodiṃ karomi 13 samādahāmi. Taṃ kissa hetu? ‘Mā me cittaṃ ūhaññī’ti 14.
210. ‘‘д̇асса маяхам̣, бхигкавз, звам̣ аббамад̇д̇асса аад̇аабино бахид̇ад̇д̇асса вихарад̇о уббаж̇ж̇ад̇и аб̣яаабаад̣̇авид̇агго…бз… уббаж̇ж̇ад̇и авихим̣саавид̇агго. со звам̣ баж̇аанаами – ‘уббанно ко мз аяам̣ авихим̣саавид̇агго. со жа ко нзвад̇д̇аб̣яааб̣аад̇хааяа сам̣вад̇д̇ад̇и, на бараб̣яааб̣аад̇хааяа сам̣вад̇д̇ад̇и, на убхаяаб̣яааб̣аад̇хааяа сам̣вад̇д̇ад̇и, бан̃н̃аавуд̣̇д̇хиго авигхаад̇абагкиго ниб̣б̣аанасам̣вад̇д̇аниго’. рад̇д̇им̣ жзби нам̣, бхигкавз, анувид̇аггзяяам̣ анувижаарзяяам̣, нзва д̇ад̇онид̣̇аанам̣ бхаяам̣ саманубассаами. д̣̇ивасам̣ жзби нам̣, бхигкавз, анувид̇аггзяяам̣ анувижаарзяяам̣, нзва д̇ад̇онид̣̇аанам̣ бхаяам̣ саманубассаами. рад̇д̇инд̣̇ивам̣ жзби нам̣, бхигкавз, анувид̇аггзяяам̣ анувижаарзяяам̣, нзва д̇ад̇онид̣̇аанам̣ бхаяам̣ саманубассаами. аби жа ко мз ад̇ижирам̣ анувид̇аггаяад̇о анувижаараяад̇о гааяо гиламзяяа. гааяз гиланд̇з жид̇д̇ам̣ уухан̃н̃зяяа. уухад̇з жид̇д̇з аараа жид̇д̇ам̣ самаад̇химхаад̇и. со ко ахам̣, бхигкавз, аж̇жхад̇д̇амзва жид̇д̇ам̣ сан̣табзми, саннисаад̣̇зми, згод̣̇им̣ гароми самаад̣̇ахаами. д̇ам̣ гисса хзд̇у? ‘маа мз жид̇д̇ам̣ уухан̃н̃ий’д̇и.
210. ‘‘Tassa mayhaṃ, bhikkhave, evaṃ appamattassa ātāpino pahitattassa viharato uppajjati abyāpādavitakko…pe… uppajjati avihiṃsāvitakko. So evaṃ pajānāmi – ‘uppanno kho me ayaṃ avihiṃsāvitakko. So ca kho nevattabyābādhāya saṃvattati, na parabyābādhāya saṃvattati, na ubhayabyābādhāya saṃvattati, paññāvuddhiko avighātapakkhiko nibbānasaṃvattaniko’. Rattiṃ cepi naṃ, bhikkhave, anuvitakkeyyaṃ anuvicāreyyaṃ, neva tatonidānaṃ bhayaṃ samanupassāmi. Divasaṃ cepi naṃ, bhikkhave, anuvitakkeyyaṃ anuvicāreyyaṃ, neva tatonidānaṃ bhayaṃ samanupassāmi. Rattindivaṃ cepi naṃ, bhikkhave, anuvitakkeyyaṃ anuvicāreyyaṃ, neva tatonidānaṃ bhayaṃ samanupassāmi. Api ca kho me aticiraṃ anuvitakkayato anuvicārayato kāyo kilameyya. Kāye kilante cittaṃ ūhaññeyya. Ūhate citte ārā cittaṃ samādhimhāti. So kho ahaṃ, bhikkhave, ajjhattameva cittaṃ saṇṭhapemi, sannisādemi, ekodiṃ karomi samādahāmi. Taṃ kissa hetu? ‘Mā me cittaṃ ūhaññī’ti.
‘‘яан̃н̃ад̣̇зва, бхигкавз, бхигку б̣ахуламанувид̇аггзд̇и анувижаарзд̇и, д̇ат̇аа д̇ат̇аа над̇и ход̇и жзд̇асо. нзгкаммавид̇агган̃жз, бхигкавз, бхигку б̣ахуламанувид̇аггзд̇и анувижаарзд̇и, бахааси гаамавид̇аггам̣, нзгкаммавид̇аггам̣ б̣ахуламагааси, д̇ассам̣ д̇ам̣ нзгкаммавид̇аггааяа жид̇д̇ам̣ намад̇и. аб̣яаабаад̣̇авид̇агган̃жз, бхигкавз…бз… авихим̣саавид̇агган̃жз, бхигкавз, бхигку б̣ахуламанувид̇аггзд̇и анувижаарзд̇и, бахааси вихим̣саавид̇аггам̣, авихим̣саавид̇аггам̣ б̣ахуламагааси, д̇асса д̇ам̣ авихим̣саавид̇аггааяа жид̇д̇ам̣ намад̇и. сзяяат̇ааби, бхигкавз, г̇имхаанам̣ бажчимз маасз саб̣б̣асассзсу г̇ааманд̇асамбхад̇зсу г̇обаалаго г̇ааво рагкзяяа , д̇асса ругкамуулаг̇ад̇асса ваа аб̣бхогаасаг̇ад̇асса ваа сад̇игаран̣ийяамзва ход̇и – ‘зд̇аа 15 г̇ааво’д̇и. звамзвам̣ ко, бхигкавз, сад̇игаран̣ийяамзва ахоси – ‘зд̇з д̇хаммаа’д̇и.
‘‘Yaññadeva, bhikkhave, bhikkhu bahulamanuvitakketi anuvicāreti, tathā tathā nati hoti cetaso. Nekkhammavitakkañce, bhikkhave, bhikkhu bahulamanuvitakketi anuvicāreti, pahāsi kāmavitakkaṃ, nekkhammavitakkaṃ bahulamakāsi, tassaṃ taṃ nekkhammavitakkāya cittaṃ namati. Abyāpādavitakkañce, bhikkhave…pe… avihiṃsāvitakkañce, bhikkhave, bhikkhu bahulamanuvitakketi anuvicāreti, pahāsi vihiṃsāvitakkaṃ, avihiṃsāvitakkaṃ bahulamakāsi, tassa taṃ avihiṃsāvitakkāya cittaṃ namati. Seyyathāpi, bhikkhave, gimhānaṃ pacchime māse sabbasassesu gāmantasambhatesu gopālako gāvo rakkheyya , tassa rukkhamūlagatassa vā abbhokāsagatassa vā satikaraṇīyameva hoti – ‘etā 16 gāvo’ti. Evamevaṃ kho, bhikkhave, satikaraṇīyameva ahosi – ‘ete dhammā’ti.
211. ‘‘аарад̣̇д̇хам̣ ко бана мз, бхигкавз, вийрияам̣ ахоси асаллийнам̣, убадтид̇аа сад̇и асаммудтаа , бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇ам̣. со ко ахам̣, бхигкавз, вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихаасим̣. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихаасим̣. бийд̇ияаа жа вирааг̇аа убзгкаго жа вихаасим̣ сад̇о жа самбаж̇аано, сукан̃жа гааязна бадисам̣взд̣̇зсим̣, яам̣ д̇ам̣ арияаа аажигканд̇и ‘убзгкаго сад̇имаа сукавихаарий’д̇и, д̇ад̇ияам̣ жхаанам̣ убасамбаж̇ж̇а вихаасим̣. сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихаасим̣.
211. ‘‘Āraddhaṃ kho pana me, bhikkhave, vīriyaṃ ahosi asallīnaṃ, upaṭṭhitā sati asammuṭṭhā , passaddho kāyo asāraddho, samāhitaṃ cittaṃ ekaggaṃ. So kho ahaṃ, bhikkhave, vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja vihāsiṃ. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja vihāsiṃ. Pītiyā ca virāgā upekkhako ca vihāsiṃ sato ca sampajāno, sukhañca kāyena paṭisaṃvedesiṃ, yaṃ taṃ ariyā ācikkhanti ‘upekkhako satimā sukhavihārī’ti, tatiyaṃ jhānaṃ upasampajja vihāsiṃ. Sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja vihāsiṃ.
212. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхининнаамзсим̣. со анзгавихид̇ам̣ буб̣б̣зниваасам̣ ануссараами. сзяяат̇ид̣̇ам̣, згамби ж̇аад̇им̣…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссараами. аяам̣ ко мз, бхигкавз, рад̇д̇ияаа батамз яаамз батамаа виж̇ж̇аа ад̇хиг̇ад̇аа; авиж̇ж̇аа вихад̇аа виж̇ж̇аа уббаннаа; д̇амо вихад̇о аалого уббанно; яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о.
212. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṃ abhininnāmesiṃ. So anekavihitaṃ pubbenivāsaṃ anussarāmi. Seyyathidaṃ, ekampi jātiṃ…pe… iti sākāraṃ sauddesaṃ anekavihitaṃ pubbenivāsaṃ anussarāmi. Ayaṃ kho me, bhikkhave, rattiyā paṭhame yāme paṭhamā vijjā adhigatā; avijjā vihatā vijjā uppannā; tamo vihato āloko uppanno; yathā taṃ appamattassa ātāpino pahitattassa viharato.
213. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхининнаамзсим̣. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассаами жавамаанз убабаж̇ж̇амаанз…бз… имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа…бз… ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассаами жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з, яат̇аагаммуубаг̇з сад̇д̇з баж̇аанаами. аяам̣ ко мз, бхигкавз, рад̇д̇ияаа маж̇жхимз яаамз д̣̇уд̇ияаа виж̇ж̇аа ад̇хиг̇ад̇аа; авиж̇ж̇аа вихад̇аа виж̇ж̇аа уббаннаа; д̇амо вихад̇о аалого уббанно; яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о.
213. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṃ cutūpapātañāṇāya cittaṃ abhininnāmesiṃ. So dibbena cakkhunā visuddhena atikkantamānusakena satte passāmi cavamāne upapajjamāne…pe… ime vata bhonto sattā kāyaduccaritena samannāgatā…pe… iti dibbena cakkhunā visuddhena atikkantamānusakena satte passāmi cavamāne upapajjamāne hīne paṇīte suvaṇṇe dubbaṇṇe sugate duggate, yathākammūpage satte pajānāmi. Ayaṃ kho me, bhikkhave, rattiyā majjhime yāme dutiyā vijjā adhigatā; avijjā vihatā vijjā uppannā; tamo vihato āloko uppanno; yathā taṃ appamattassa ātāpino pahitattassa viharato.
214. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхининнаамзсим̣. со ‘ид̣̇ам̣ д̣̇угка’нд̇и яат̇аабхууд̇ам̣ аб̣бхан̃н̃аасим̣, ‘аяам̣ д̣̇угкасамуд̣̇аяо’д̇и яат̇аабхууд̇ам̣ аб̣бхан̃н̃аасим̣, ‘аяам̣ д̣̇угканирод̇хо’д̇и яат̇аабхууд̇ам̣ аб̣бхан̃н̃аасим̣, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ аб̣бхан̃н̃аасим̣ . ‘имз аасаваа’д̇и яат̇аабхууд̇ам̣ аб̣бхан̃н̃аасим̣, ‘аяам̣ аасавасамуд̣̇аяо’д̇и яат̇аабхууд̇ам̣ аб̣бхан̃н̃аасим̣, ‘аяам̣ аасаванирод̇хо’д̇и яат̇аабхууд̇ам̣ аб̣бхан̃н̃аасим̣, ‘аяам̣ аасаванирод̇хаг̇ааминий бадибад̣̇аа’д̇и яат̇аабхууд̇ам̣ аб̣бхан̃н̃аасим̣. д̇асса мз звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжид̇т̇а, бхаваасавааби жид̇д̇ам̣ вимужжид̇т̇а, авиж̇ж̇аасавааби жид̇д̇ам̣ вимужжид̇т̇а, вимуд̇д̇асмим̣ вимуд̇д̇амид̇и н̃аан̣ам̣ ахоси – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и аб̣бхан̃н̃аасим̣. аяам̣ ко мз, бхигкавз, рад̇д̇ияаа бажчимз яаамз д̇ад̇ияаа виж̇ж̇аа ад̇хиг̇ад̇аа; авиж̇ж̇аа вихад̇аа виж̇ж̇аа уббаннаа; д̇амо вихад̇о аалого уббанно; яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о.
214. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmesiṃ. So ‘idaṃ dukkha’nti yathābhūtaṃ abbhaññāsiṃ, ‘ayaṃ dukkhasamudayo’ti yathābhūtaṃ abbhaññāsiṃ, ‘ayaṃ dukkhanirodho’ti yathābhūtaṃ abbhaññāsiṃ, ‘ayaṃ dukkhanirodhagāminī paṭipadā’ti yathābhūtaṃ abbhaññāsiṃ . ‘Ime āsavā’ti yathābhūtaṃ abbhaññāsiṃ, ‘ayaṃ āsavasamudayo’ti yathābhūtaṃ abbhaññāsiṃ, ‘ayaṃ āsavanirodho’ti yathābhūtaṃ abbhaññāsiṃ, ‘ayaṃ āsavanirodhagāminī paṭipadā’ti yathābhūtaṃ abbhaññāsiṃ. Tassa me evaṃ jānato evaṃ passato kāmāsavāpi cittaṃ vimuccittha, bhavāsavāpi cittaṃ vimuccittha, avijjāsavāpi cittaṃ vimuccittha, vimuttasmiṃ vimuttamiti ñāṇaṃ ahosi – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti abbhaññāsiṃ. Ayaṃ kho me, bhikkhave, rattiyā pacchime yāme tatiyā vijjā adhigatā; avijjā vihatā vijjā uppannā; tamo vihato āloko uppanno; yathā taṃ appamattassa ātāpino pahitattassa viharato.
215. ‘‘сзяяат̇ааби, бхигкавз, аран̃н̃з баванз маханд̇ам̣ ниннам̣ баллалам̣. д̇амзнам̣ махаамиг̇асан̇гхо убаниссааяа вихарзяяа. д̇асса гожид̣̇зва бурисо уббаж̇ж̇зяяа анад̇т̇агаамо ахид̇агаамо аяог̇агкзмагаамо. со яваасса маг̇г̇о кзмо совад̇т̇иго бийд̇иг̇аманийяо д̇ам̣ маг̇г̇ам̣ бид̣̇ахзяяа, виварзяяа гуммаг̇г̇ам̣, од̣̇ахзяяа огажарам̣, табзяяа огажааригам̣. зван̃хи со, бхигкавз, махаамиг̇асан̇гхо абарзна самаязна анаяаб̣яасанам̣ 17 аабаж̇ж̇зяяа. д̇ассзва ко бана, бхигкавз, махад̇о миг̇асан̇гхасса гожид̣̇зва бурисо уббаж̇ж̇зяяа ад̇т̇агаамо хид̇агаамо яог̇агкзмагаамо. со яваасса маг̇г̇о кзмо совад̇т̇иго бийд̇иг̇аманийяо д̇ам̣ маг̇г̇ам̣ виварзяяа, бид̣̇ахзяяа гуммаг̇г̇ам̣, ууханзяяа огажарам̣, наасзяяа огажааригам̣. зван̃хи со, бхигкавз, махаамиг̇асан̇гхо абарзна самаязна вуд̣̇д̇хим̣ вируул̣хим̣ взбуллам̣ аабаж̇ж̇зяяа.
215. ‘‘Seyyathāpi, bhikkhave, araññe pavane mahantaṃ ninnaṃ pallalaṃ. Tamenaṃ mahāmigasaṅgho upanissāya vihareyya. Tassa kocideva puriso uppajjeyya anatthakāmo ahitakāmo ayogakkhemakāmo. So yvāssa maggo khemo sovatthiko pītigamanīyo taṃ maggaṃ pidaheyya, vivareyya kummaggaṃ, odaheyya okacaraṃ, ṭhapeyya okacārikaṃ. Evañhi so, bhikkhave, mahāmigasaṅgho aparena samayena anayabyasanaṃ 18 āpajjeyya. Tasseva kho pana, bhikkhave, mahato migasaṅghassa kocideva puriso uppajjeyya atthakāmo hitakāmo yogakkhemakāmo. So yvāssa maggo khemo sovatthiko pītigamanīyo taṃ maggaṃ vivareyya, pidaheyya kummaggaṃ, ūhaneyya okacaraṃ, nāseyya okacārikaṃ. Evañhi so, bhikkhave, mahāmigasaṅgho aparena samayena vuddhiṃ virūḷhiṃ vepullaṃ āpajjeyya.
‘‘убамаа ко мз аяам̣, бхигкавз, гад̇аа ад̇т̇асса вин̃н̃аабанааяа . аяам̣ жзвзд̇т̇а ад̇т̇о – маханд̇ам̣ ниннам̣ баллаланд̇и ко, бхигкавз, гаамаанамзд̇ам̣ ад̇хиважанам̣. махаамиг̇асан̇гход̇и ко, бхигкавз, сад̇д̇аанамзд̇ам̣ ад̇хиважанам̣. бурисо анад̇т̇агаамо ахид̇агаамо аяог̇агкзмагаамод̇и ко, бхигкавз, маарассзд̇ам̣ баабимад̇о ад̇хиважанам̣. гуммаг̇г̇од̇и ко, бхигкавз, адтан̇г̇игассзд̇ам̣ мижчаамаг̇г̇асса ад̇хиважанам̣, сзяяат̇ид̣̇ам̣ – мижчаад̣̇идтияаа мижчаасан̇габбасса мижчааваажааяа мижчаагамманд̇асса мижчааааж̇ийвасса мижчаавааяаамасса мижчаасад̇ияаа мижчаасамаад̇хисса. огажарод̇и ко, бхигкавз, нанд̣̇ийрааг̇ассзд̇ам̣ ад̇хиважанам̣. огажааригаад̇и ко, бхигкавз, авиж̇ж̇ааязд̇ам̣ ад̇хиважанам̣. бурисо ад̇т̇агаамо хид̇агаамо яог̇агкзмагаамод̇и ко, бхигкавз, д̇ат̇ааг̇ад̇ассзд̇ам̣ ад̇хиважанам̣ арахад̇о саммаасамб̣уд̣̇д̇хасса. кзмо маг̇г̇о совад̇т̇иго бийд̇иг̇аманийяод̇и ко , бхигкавз, арияассзд̇ам̣ адтан̇г̇игасса маг̇г̇асса ад̇хиважанам̣, сзяяат̇ид̣̇ам̣ – саммаад̣̇идтияаа саммаасан̇габбасса саммааваажааяа саммаагамманд̇асса саммааааж̇ийвасса саммаавааяаамасса саммаасад̇ияаа саммаасамаад̇хисса.
‘‘Upamā kho me ayaṃ, bhikkhave, katā atthassa viññāpanāya . Ayaṃ cevettha attho – mahantaṃ ninnaṃ pallalanti kho, bhikkhave, kāmānametaṃ adhivacanaṃ. Mahāmigasaṅghoti kho, bhikkhave, sattānametaṃ adhivacanaṃ. Puriso anatthakāmo ahitakāmo ayogakkhemakāmoti kho, bhikkhave, mārassetaṃ pāpimato adhivacanaṃ. Kummaggoti kho, bhikkhave, aṭṭhaṅgikassetaṃ micchāmaggassa adhivacanaṃ, seyyathidaṃ – micchādiṭṭhiyā micchāsaṅkappassa micchāvācāya micchākammantassa micchāājīvassa micchāvāyāmassa micchāsatiyā micchāsamādhissa. Okacaroti kho, bhikkhave, nandīrāgassetaṃ adhivacanaṃ. Okacārikāti kho, bhikkhave, avijjāyetaṃ adhivacanaṃ. Puriso atthakāmo hitakāmo yogakkhemakāmoti kho, bhikkhave, tathāgatassetaṃ adhivacanaṃ arahato sammāsambuddhassa. Khemo maggo sovatthiko pītigamanīyoti kho , bhikkhave, ariyassetaṃ aṭṭhaṅgikassa maggassa adhivacanaṃ, seyyathidaṃ – sammādiṭṭhiyā sammāsaṅkappassa sammāvācāya sammākammantassa sammāājīvassa sammāvāyāmassa sammāsatiyā sammāsamādhissa.
‘‘ид̇и ко, бхигкавз, вивадо маяаа кзмо маг̇г̇о совад̇т̇иго бийд̇иг̇аманийяо, бихид̇о гуммаг̇г̇о, уухад̇о огажаро, наасид̇аа огажааригаа. яам̣, бхигкавз, сад̇т̇аараа гаран̣ийяам̣ саавагаанам̣ хид̇зсинаа анугамбагзна анугамбам̣ убаад̣̇ааяа, гад̇ам̣ во д̇ам̣ маяаа. зд̇аани, бхигкавз , ругкамуулаани, зд̇аани сун̃н̃ааг̇аараани; жхааяат̇а, бхигкавз, маа бамаад̣̇ад̇т̇а; маа бажчаа виббадисаарино ахувад̇т̇а. аяам̣ во амхаагам̣ анусаасаний’’д̇и.
‘‘Iti kho, bhikkhave, vivaṭo mayā khemo maggo sovatthiko pītigamanīyo, pihito kummaggo, ūhato okacaro, nāsitā okacārikā. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya, kataṃ vo taṃ mayā. Etāni, bhikkhave , rukkhamūlāni, etāni suññāgārāni; jhāyatha, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
д̣̇взд̇хаавид̇аггасуд̇д̇ам̣ нидтид̇ам̣ навамам̣.
Dvedhāvitakkasuttaṃ niṭṭhitaṃ navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. д̣̇взд̇хаавид̇аггасуд̇д̇аван̣н̣анаа • 9. Dvedhāvitakkasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. д̣̇взд̇хаавид̇аггасуд̇д̇аван̣н̣анаа • 9. Dvedhāvitakkasuttavaṇṇanā
