| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
9. д̣̇взд̇хаавид̇аггасуд̇д̇аван̣н̣анаа
9. Dvedhāvitakkasuttavaṇṇanā
206. д̣̇вз д̣̇вз бхааг̇зд̇и д̣̇вз д̣̇вз годтаасз гад̇ваа. гааман̃жзд̇т̇а ‘‘имам̣ згам̣ бхааг̇амагаасим̣, имам̣ д̣̇уд̇ияабхааг̇амагааси’’нд̇и важанад̇о саб̣б̣зби вид̇аггаа сам̣гилзсавод̣̇аанавибхааг̇зна д̣̇взва бхааг̇аа гад̇аа, абараабаруббад̇д̇ияаа банзд̇зсам̣ абхин̣хаажаарам̣ убаад̣̇ааяа баал̣ияам̣ ‘‘д̣̇вид̇хаа гад̇ваа’’д̇и аамзд̣ид̇аважананд̇и ‘‘д̣̇вз д̣̇вз бхааг̇з гад̇ваа’’д̇и аамзд̣ид̇аважанавасзнзва вуд̇д̇о. ат̇а ваа бхааг̇ад̣̇ваяасса саббадибхааг̇ад̇ааяа д̇ад̇т̇а яам̣ яам̣ д̣̇ваяамби ко уж̇увибажжанийгам̣, д̇ам̣ д̇ам̣ висум̣ висум̣ г̇ахзд̇угаамо бхаг̇аваа ааха ‘‘д̣̇вид̇хаа гад̇ваа вид̇аггз вихарзяяа’’нд̇и. звам̣ бана жинд̇зд̇ваа д̇ад̇т̇а мижчаавид̇аггаанам̣ саммаавид̇аггаанан̃жа анавасзсам̣ асан̇гарад̇о жа г̇ахид̇абхаавам̣ д̣̇ассзнд̇о ‘‘имам̣ згам̣ бхааг̇амагаасим̣, имам̣ д̣̇уд̇ияабхааг̇амагааси’’нд̇и авожа. гаамабадисам̣яуд̇д̇од̇и гаамарааг̇асан̇каад̇зна гаамзна самбаяуд̇д̇о, гаамзна бадиб̣ад̣̇д̇хо ваа. сзсзсуби зсзва наяо. аяам̣ бана висзсо – б̣яаабаж̇ж̇ад̇и жид̇д̇ам̣ зд̇знаад̇и б̣яаабаад̣̇о, д̣̇осо. вихим̣сад̇и зд̇ааяа сад̇д̇з, вихим̣санам̣ ваа д̇зсам̣ зд̇анд̇и вихим̣саа, барзсам̣ вихзтанаагаарзна бавад̇д̇асса гарун̣аабадибагкасса баабад̇хаммассзд̇ам̣ ад̇хиважанам̣. аж̇жхад̇д̇анд̇и аж̇жхад̇д̇ад̇хаммаарамман̣амааха. б̣ахид̣̇д̇хаад̇и б̣аахирад̇хаммаарамман̣ам̣. ол̣ааригод̇и б̣ахалагаамарааг̇аад̣̇ибадисам̣яуд̇д̇о. д̇аб̣б̣ибарияааязна сукумо. вид̇агго агусалабагкигоязваад̇и иминаа вид̇аггабхаавасааман̃н̃зна д̇ад̇т̇ааби агусалабхаавасааман̃н̃зна згабхааг̇агаран̣ам̣, на згажид̇д̇уббаад̣̇абарияаабаннад̇аад̣̇ивасзнаад̇и д̣̇ассзд̇и.
206.Dvedve bhāgeti dve dve koṭṭhāse katvā. Kāmañcettha ‘‘imaṃ ekaṃ bhāgamakāsiṃ, imaṃ dutiyabhāgamakāsi’’nti vacanato sabbepi vitakkā saṃkilesavodānavibhāgena dveva bhāgā katā, aparāparuppattiyā panetesaṃ abhiṇhācāraṃ upādāya pāḷiyaṃ ‘‘dvidhā katvā’’ti āmeḍitavacananti ‘‘dve dve bhāge katvā’’ti āmeḍitavacanavaseneva vutto. Atha vā bhāgadvayassa sappaṭibhāgatāya tattha yaṃ yaṃ dvayampi kho ujuvipaccanīkaṃ, taṃ taṃ visuṃ visuṃ gahetukāmo bhagavā āha ‘‘dvidhā katvā vitakke vihareyya’’nti. Evaṃ pana cintetvā tattha micchāvitakkānaṃ sammāvitakkānañca anavasesaṃ asaṅkarato ca gahitabhāvaṃ dassento ‘‘imaṃ ekaṃ bhāgamakāsiṃ, imaṃ dutiyabhāgamakāsi’’nti avoca. Kāmapaṭisaṃyuttoti kāmarāgasaṅkhātena kāmena sampayutto, kāmena paṭibaddho vā. Sesesupi eseva nayo. Ayaṃ pana viseso – byāpajjati cittaṃ etenāti byāpādo, doso. Vihiṃsati etāya satte, vihiṃsanaṃ vā tesaṃ etanti vihiṃsā, paresaṃ viheṭhanākārena pavattassa karuṇāpaṭipakkhassa pāpadhammassetaṃ adhivacanaṃ. Ajjhattanti ajjhattadhammārammaṇamāha. Bahiddhāti bāhiradhammārammaṇaṃ. Oḷārikoti bahalakāmarāgādipaṭisaṃyutto. Tabbipariyāyena sukhumo. Vitakkoakusalapakkhikoyevāti iminā vitakkabhāvasāmaññena tatthāpi akusalabhāvasāmaññena ekabhāgakaraṇaṃ, na ekacittuppādapariyāpannatādivasenāti dasseti.
нзгкаммам̣ вужжад̇и лобхаад̇игганд̇ад̇д̇аа батамаж̇жхаанам̣, саб̣б̣аагусалзхи нигканд̇ад̇д̇аа саб̣б̣ам̣ гусалам̣. ид̇ха бана гаамавид̇аггабадибагкасса ад̇хиббзд̇ад̇д̇аа ааха ‘‘гаамзхи ниссадо нзгкаммабадисам̣яуд̇д̇о вид̇агго’’д̇и. сод̇и нзгкаммавид̇агго. яаава батамаж̇жхаанаад̇и батамасаманнаахаарад̇о бадтааяа яаава батамаж̇жхаанам̣ зд̇т̇уббанно вид̇агго нзгкаммавид̇аггоязва. батамаж̇жхаананд̇и жа ид̣̇ам̣ д̇ад̇о барам̣ вид̇аггаабхаавад̇о вуд̇д̇ам̣. на б̣яаабаж̇ж̇ад̇и жид̇д̇ам̣ зд̇зна, б̣яаабаад̣̇асса ваа бадибагкод̇и аб̣яаабаад̣̇о, мзд̇д̇аабуб̣б̣абхааг̇о мзд̇д̇аабхааванаарамбхо. на вихим̣санд̇и зд̇ааяа, вихим̣сааяа ваа бадибагкод̇и авихим̣саа, гарун̣аабуб̣б̣абхааг̇о гарун̣аабхааванаарамбхо.
Nekkhammaṃ vuccati lobhātikkantattā paṭhamajjhānaṃ, sabbākusalehi nikkhantattā sabbaṃ kusalaṃ. Idha pana kāmavitakkapaṭipakkhassa adhippetattā āha ‘‘kāmehi nissaṭo nekkhammapaṭisaṃyutto vitakko’’ti. Soti nekkhammavitakko. Yāva paṭhamajjhānāti paṭhamasamannāhārato paṭṭhāya yāva paṭhamajjhānaṃ etthuppanno vitakko nekkhammavitakkoyeva. Paṭhamajjhānanti ca idaṃ tato paraṃ vitakkābhāvato vuttaṃ. Na byāpajjati cittaṃ etena, byāpādassa vā paṭipakkhoti abyāpādo, mettāpubbabhāgo mettābhāvanārambho. Na vihiṃsanti etāya, vihiṃsāya vā paṭipakkhoti avihiṃsā, karuṇāpubbabhāgo karuṇābhāvanārambho.
махааб̣од̇хисад̇д̇аанам̣ махаабхинигкаманам̣ нигканд̇агаалад̇о бадтааяа лад̣̇д̇хаавасараа саммаасан̇габбаа убаруубари сависзсам̣ бавад̇д̇анд̇ийд̇и ааха ‘‘чаб̣б̣ассаани…бз… бавад̇д̇им̣суу’’д̇и. н̃аан̣асса абарибаггад̇д̇аа буб̣б̣аваасанаавасзна сад̇исаммосад̇о гад̣̇аажи мижчаавид̇аггалзсоби ход̇иязваад̇и д̇ам̣ д̣̇ассзд̇ум̣ ‘‘сад̇исаммосзна…бз… д̇идтанд̇ий’’д̇и ааха. яат̇аа нижжабихид̇зби г̇зхз гад̣̇аажи ваад̇абаанз вивадамад̇д̇з лад̣̇д̇хаавасаро ваад̇о анд̇о бависзяяа, звам̣ г̇уд̇д̇инд̣̇риязби б̣од̇хисад̇д̇асанд̇аанз сад̇исаммосавасзна лад̣̇д̇хаавасаро агусалавид̇агго уббаж̇ж̇и, уббанно жа гусалаваарам̣ бажчинд̣̇ид̇ваа адтааси, ат̇а махаасад̇д̇о д̇ам̣мухуд̇д̇уббаннамзва бадивинод̣̇зд̇ваа д̇зсам̣ ааяад̇им̣ ануббаад̣̇ааяа ‘‘имз мижчаавид̇аггаа, имз саммаавид̇аггаа’’д̇и яаат̇аавад̇о д̇з барижчинд̣̇ид̇ваа мижчаавид̇аггаанам̣ авасарам̣ ад̣̇знд̇о саммаавид̇аггз баривад̣дхзси. д̇зна вуд̇д̇ам̣ ‘‘маяхам̣ имз’’д̇иаад̣̇и.
Mahābodhisattānaṃ mahābhinikkhamanaṃ nikkhantakālato paṭṭhāya laddhāvasarā sammāsaṅkappā uparūpari savisesaṃ pavattantīti āha ‘‘chabbassāni…pe… pavattiṃsū’’ti. Ñāṇassa aparipakkattā pubbavāsanāvasena satisammosato kadāci micchāvitakkalesopi hotiyevāti taṃ dassetuṃ ‘‘satisammosena…pe… tiṭṭhantī’’ti āha. Yathā niccapihitepi gehe kadāci vātapāne vivaṭamatte laddhāvasaro vāto anto paviseyya, evaṃ guttindriyepi bodhisattasantāne satisammosavasena laddhāvasaro akusalavitakko uppajji, uppanno ca kusalavāraṃ pacchinditvā aṭṭhāsi, atha mahāsatto taṃmuhuttuppannameva paṭivinodetvā tesaṃ āyatiṃ anuppādāya ‘‘ime micchāvitakkā, ime sammāvitakkā’’ti yāthāvato te paricchinditvā micchāvitakkānaṃ avasaraṃ adento sammāvitakke parivaḍḍhesi. Tena vuttaṃ ‘‘mayhaṃ ime’’tiādi.
207. бамаад̣̇о наама сад̇ивиббаваасод̇и ааха ‘‘аббамад̇д̇ассаад̇и сад̇ияаа авиббаваасз тид̇ассаа’’д̇и. аад̇аабавийрияаванд̇ассаад̇и гилзсаанам̣ ниг̇г̇ан̣ханавийрияавад̇о. бзсид̇ажид̇д̇ассаад̇и бхававимогкааяа виссадтажид̇д̇асса гааяз жа ж̇ийвид̇з жа нирабзгкасса. ‘‘звам̣ бадибаагад̇иго ж̇аад̇о’’д̇и ад̇д̇ано ад̇д̇абхаавам̣ ниссааяа бавад̇д̇ам̣ соманассаагаарам̣ г̇зхассид̇асоманассабагкигам̣ агааси, бан̃н̃аамаханд̇ад̇ааяа сукумад̣̇ассид̇аа.
207. Pamādo nāma sativippavāsoti āha ‘‘appamattassāti satiyā avippavāse ṭhitassā’’ti. Ātāpavīriyavantassāti kilesānaṃ niggaṇhanavīriyavato. Pesitacittassāti bhavavimokkhāya vissaṭṭhacittassa kāye ca jīvite ca nirapekkhassa. ‘‘Evaṃ paṭipākatiko jāto’’ti attano attabhāvaṃ nissāya pavattaṃ somanassākāraṃ gehassitasomanassapakkhikaṃ akāsi, paññāmahantatāya sukhumadassitā.
абарин̃н̃ааяам̣ тид̇ассаад̇и на барин̃н̃ааяам̣ тид̇асса, абариг̇г̇ахид̇абарин̃н̃ассаад̇и ад̇т̇о. вид̇агго…бз… зд̇аани д̇ийн̣и наамаани лабхад̇ийд̇и д̇аад̣̇исасса уббанно мижчаавид̇агго яат̇аарахам̣ ад̇д̇аб̣яааб̣аад̇хаго убхаяаб̣яааб̣аад̇хаго жа на ход̇ийд̇и на вад̇д̇аб̣б̣о д̇ам̣ сабхааваанад̇ивад̇д̇анад̇од̇и ад̇хиббааяо. ануббаннаануббаад̣̇ауббаннабарихаанинимид̇д̇ад̇ааяа бан̃н̃ам̣ нирод̇хзд̇ийд̇и бан̃н̃аанирод̇хиго. д̇знааха ‘‘ануббаннааяаа’’д̇иаад̣̇и. над̇т̇ибхаавам̣ г̇ажчад̇ийд̇и бадисан̇каанаб̣алзна вигкамбханаббахаанамааха. нируж̇жхад̇ийд̇иаад̣̇ийхиби д̇ад̣̇зва вад̣̇ад̇и. виг̇ад̇анд̇анд̇иаад̣̇ийхи бана самуулам̣ уд̣̇д̇хадам̣ вияа д̇ад̣̇аа аббавад̇д̇анагам̣ агаасинд̇и вад̣̇ад̇и.
Apariññāyaṃṭhitassāti na pariññāyaṃ ṭhitassa, apariggahitapariññassāti attho. Vitakko…pe… etāni tīṇi nāmāni labhatīti tādisassa uppanno micchāvitakko yathārahaṃ attabyābādhako ubhayabyābādhako ca na hotīti na vattabbo taṃ sabhāvānativattanatoti adhippāyo. Anuppannānuppādauppannaparihāninimittatāya paññaṃ nirodhetīti paññānirodhiko. Tenāha ‘‘anuppannāyā’’tiādi. Natthibhāvaṃ gacchatīti paṭisaṅkhānabalena vikkhambhanappahānamāha. Nirujjhatītiādīhipi tadeva vadati. Vigatantantiādīhi pana samūlaṃ uddhaṭaṃ viya tadā appavattanakaṃ akāsinti vadati.
208. жид̇д̇авибарин̣аамабхааво жид̇д̇асса ан̃н̃ат̇ад̇д̇ам̣ багад̇ижид̇д̇авиг̇амо. анзгаг̇г̇ад̇аагааро вигкзбо. д̇ад̇т̇а вид̇аггзна жид̇д̇ам̣ вихан̃н̃амаанам̣ вияа ход̇ийд̇и ааха ‘‘д̇ам̣ г̇ахзд̇ваа вихим̣саавид̇аггам̣ агаасий’’д̇и. гаарун̃н̃анд̇и барад̣̇угканимид̇д̇ам̣ жид̇д̇акзд̣̇ам̣ вад̣̇ад̇и. д̇знзвааха – ‘‘барад̣̇угкз сад̇и саад̇хуунам̣ манам̣ гамбзд̇ийд̇и гарун̣аа’’д̇и (ма. ни. дий. 1.1; сам̣. ни. дий. 1.1.1). нд̇и гарун̣ааяанавасзна бавад̇д̇ажид̇д̇абагамбанам̣ санд̇хааяа ‘‘уббаж̇ж̇ад̇и вихим̣саавид̇агго’’д̇и ааха, на сад̇д̇зсу вихим̣саа бавад̇д̇ад̇ийд̇и ад̇хиббааяо.
208.Cittavipariṇāmabhāvo cittassa aññathattaṃ pakaticittavigamo. Anekaggatākāro vikkhepo. Tattha vitakkena cittaṃ vihaññamānaṃ viya hotīti āha ‘‘taṃ gahetvā vihiṃsāvitakkaṃ akāsī’’ti. Kāruññanti paradukkhanimittaṃ cittakhedaṃ vadati. Tenevāha – ‘‘paradukkhe sati sādhūnaṃ manaṃ kampetīti karuṇā’’ti (ma. ni. ṭī. 1.1; saṃ. ni. ṭī. 1.1.1). Nti karuṇāyanavasena pavattacittapakampanaṃ sandhāya ‘‘uppajjati vihiṃsāvitakko’’ti āha, na sattesu vihiṃsā pavattatīti adhippāyo.
д̇зна д̇зна жассаагаарзнаад̇и язна язна аагаарзна бхигкунаа анувид̇аггид̇ам̣ анувижаарид̇ам̣, д̇зна д̇зна аагаарзнасса жзд̇асо над̇и ход̇и. д̇знзвааха ‘‘гаамавид̇аггаад̣̇ийсуу’’д̇иаад̣̇и. бахаасийд̇и гаалавибаллаасзна вуд̇д̇анд̇и ааха ‘‘баж̇ахад̇ий’’д̇и. бахаанам̣ банасса сид̣̇д̇хамзва бадибагкасса сид̣̇д̇хад̇д̇аад̇и д̣̇ассзд̇ум̣ ‘‘бахаасий’’д̇и вуд̇д̇ам̣ яат̇аа ‘‘асаамибхог̇з г̇аамигаааад̣̇ийяим̣суу’’д̇и. б̣ахуламагаасийд̇и зд̇т̇ааби зсзва наяо. звамзвам̣ намад̇ийд̇и гаамавид̇аггасамбаяог̇аагаарамзва ход̇и, гаамавид̇аггасамбаяуд̇д̇аагаарзна ваа барин̣амад̇и. гасанам̣ гидтам̣, гасийд̇и ад̇т̇о, д̇анниб̣б̣ад̇д̇ад̇д̇аа бана гааран̣уубажаарзна сассам̣ ‘‘гидта’’нд̇и вуд̇д̇анд̇и ааха ‘‘сассасамб̣аад̇хз’’д̇и. жад̇д̇аари бхаяаанийд̇и вад̇хаб̣анд̇хаж̇ааниг̇арахаани. убад̣̇д̣̇аванд̇и анад̇т̇уббаад̣̇абхаавам̣. лаамаганд̇и нихийнабхаавам̣. д̇ханд̇хзсууд̇и ад̇д̇ано канд̇хзсу. од̇ааранд̇и ануббавзсам̣ гилзсаанам̣. сам̣гилзсад̇о висуж̇жханам̣ висуд̣̇д̇хи, саа зва вод̣̇аананд̇и ааха ‘‘вод̣̇аанабагканд̇и ид̣̇ам̣ д̇ассзва взважана’’нд̇и.
Tena tena cassākārenāti yena yena ākārena bhikkhunā anuvitakkitaṃ anuvicāritaṃ, tena tena ākārenassa cetaso nati hoti. Tenevāha ‘‘kāmavitakkādīsū’’tiādi. Pahāsīti kālavipallāsena vuttanti āha ‘‘pajahatī’’ti. Pahānaṃ panassa siddhameva paṭipakkhassa siddhattāti dassetuṃ ‘‘pahāsī’’ti vuttaṃ yathā ‘‘asāmibhoge gāmikāādīyiṃsū’’ti. Bahulamakāsīti etthāpi eseva nayo. Evamevaṃ namatīti kāmavitakkasampayogākārameva hoti, kāmavitakkasampayuttākārena vā pariṇamati. Kasanaṃ kiṭṭhaṃ, kasīti attho, tannibbattattā pana kāraṇūpacārena sassaṃ ‘‘kiṭṭha’’nti vuttanti āha ‘‘sassasambādhe’’ti. Cattāri bhayānīti vadhabandhajānigarahāni. Upaddavanti anatthuppādabhāvaṃ. Lāmakanti nihīnabhāvaṃ. Dhandhesūti attano khandhesu. Otāranti anuppavesaṃ kilesānaṃ. Saṃkilesato visujjhanaṃ visuddhi, sā eva vodānanti āha ‘‘vodānapakkhanti idaṃ tasseva vevacana’’nti.
209. саб̣б̣агусалам̣ нзгкаммам̣ саб̣б̣аагусалабадибагкад̇ааяа д̇ад̇о ниссадад̇д̇аа. ниб̣б̣аанамзва нзгкаммам̣ саб̣б̣агилзсад̇о саб̣б̣асан̇кад̇ад̇о жа ниссадад̇д̇аа. гидтасамб̣аад̇хам̣ вияа руубаад̣̇иаарамман̣ам̣ бамаад̣̇з сад̇и анад̇т̇уббад̇д̇идтаанабхаавад̇о. гуудаг̇ааво вияа гуудажид̇д̇ам̣ д̣̇уд̣̇д̣̇амабхаавад̇о. бан̣д̣ид̇аг̇обаалаго вияа б̣од̇хисад̇д̇о убааяагосаллаяог̇ад̇о. жад̇уб̣б̣ид̇хабхаяам̣ вияа мижчаавид̇аггаа саббадибхаяабхаавад̇о. бан̃н̃ааяа вуд̣̇д̇хи зд̇асса ад̇т̇ийд̇и бан̃н̃аавуд̣̇д̇хиго. вихан̃н̃ад̇и жид̇д̇ам̣ зд̇знаад̇и вигхаад̇о, жзд̇од̣̇угкам̣, д̇аббагкиго вигхаад̇абагкиго, на вигхаад̇абагкигод̇и авигхаад̇абагкиго. ниб̣б̣аанасам̣вад̇д̇аниго ниб̣б̣аанавахо. уг̇гхаад̇ийязяяаад̇и уд̣̇д̇хад̇ам̣ сияаа вигкид̇д̇ан̃жа бхавзяяаад̇и ад̇т̇о. сан̣табзмийд̇и саммад̣̇зва бадтабзми. яат̇аа бана табид̇ам̣ сан̣табид̇ам̣ наама ход̇и, д̇ам̣ д̣̇ассзд̇ум̣ ‘‘саннисийд̣̇аабзмий’’д̇иаад̣̇и вуд̇д̇ам̣. саннисийд̣̇аабзмийд̇и самаад̇хибадибагкз гилзсз саннисийд̣̇аабзнд̇о жид̇д̇ам̣ г̇ожараж̇жхад̇д̇з саннисийд̣̇аабзми. аб̣яаг̇г̇абхааваабаад̣̇агзна згаг̇г̇ам̣ гароми, яат̇аа аарамман̣з судту аббид̇ам̣ ход̇и, звам̣ саммаа саммад̣̇зва аад̣̇ахаами самаахид̇ам̣ гароми, яасмаа д̇ат̇аасамаахид̇ам̣ жид̇д̇ам̣ судту аарамман̣з ааробид̇ам̣ наама ход̇и, на д̇ад̇о барибад̇ад̇и, д̇асмаа вуд̇д̇ам̣ ‘‘судту ааробзмийд̇и ад̇т̇о’’д̇и. маа уг̇гхаад̇ийяид̇д̇аад̇и маа хан̃н̃ид̇т̇а, маа уухад̇ам̣ ад̇т̇аад̇и ад̇т̇о.
209.Sabbakusalaṃnekkhammaṃ sabbākusalapaṭipakkhatāya tato nissaṭattā. Nibbānameva nekkhammaṃ sabbakilesato sabbasaṅkhatato ca nissaṭattā. Kiṭṭhasambādhaṃ viya rūpādiārammaṇaṃ pamāde sati anatthuppattiṭṭhānabhāvato. Kūṭagāvo viya kūṭacittaṃ duddamabhāvato. Paṇḍitagopālako viya bodhisatto upāyakosallayogato. Catubbidhabhayaṃ viya micchāvitakkā sappaṭibhayabhāvato. Paññāya vuddhi etassa atthīti paññāvuddhiko. Vihaññati cittaṃ etenāti vighāto, cetodukkhaṃ, tappakkhiko vighātapakkhiko, na vighātapakkhikoti avighātapakkhiko. Nibbānasaṃvattaniko nibbānavaho. Ugghātīyeyyāti uddhataṃ siyā vikkhittañca bhaveyyāti attho. Saṇṭhapemīti sammadeva paṭṭhapemi. Yathā pana ṭhapitaṃ saṇṭhapitaṃ nāma hoti, taṃ dassetuṃ ‘‘sannisīdāpemī’’tiādi vuttaṃ. Sannisīdāpemīti samādhipaṭipakkhe kilese sannisīdāpento cittaṃ gocarajjhatte sannisīdāpemi. Abyaggabhāvāpādakena ekaggaṃ karomi, yathā ārammaṇe suṭṭhu appitaṃ hoti, evaṃ sammā sammadeva ādahāmi samāhitaṃ karomi, yasmā tathāsamāhitaṃ cittaṃ suṭṭhu ārammaṇe āropitaṃ nāma hoti, na tato paripatati, tasmā vuttaṃ ‘‘suṭṭhu āropemīti attho’’ti. Mā ugghātīyittāti mā haññittha, mā ūhataṃ atthāti attho.
210. соязва…бз… вуд̇д̇од̇и иминаа гин̃жааби згам̣язва гусалавид̇аггам̣ маг̇г̇агкан̣з вияа д̇ивид̇хад̇д̇асамбхавад̇о д̇ивид̇ханаамигам̣ гад̇ваа д̣̇ассид̇ам̣ вияа ход̇и, на ко банзд̇ам̣ звам̣ д̣̇адтаб̣б̣ам̣. баб̣анд̇хабавад̇д̇ан̃хи убаад̣̇ааяа згад̇д̇анаязна ‘‘соязва б̣яаабаад̣̇абажжанийгадтзнаа’’д̇иаад̣̇и вуд̇д̇ам̣. згаж̇аад̇иязсу хи гусалажид̇д̇зсу уббанно вид̇агго самаанаагаарад̇ааяа со зваад̇и вад̇д̇аб̣б̣ад̇ам̣ лабхад̇и яат̇аа ‘‘саа зва д̇ид̇д̇ирий, д̇аани зва осад̇хааний’’д̇и (сам̣. ни. дий. 2.2.19). на хи д̇ад̣̇аа махаабурисасса асубхамзд̇д̇аагарун̣аасанниссаяаа д̇з вид̇аггаа звам̣ вуд̇д̇аад̇и.
210.Soyeva…pe… vuttoti iminā kiñcāpi ekaṃyeva kusalavitakkaṃ maggakkhaṇe viya tividhattasambhavato tividhanāmikaṃ katvā dassitaṃ viya hoti, na kho panetaṃ evaṃ daṭṭhabbaṃ. Pabandhapavattañhi upādāya ekattanayena ‘‘soyeva byāpādapaccanīkaṭṭhenā’’tiādi vuttaṃ. Ekajātiyesu hi kusalacittesu uppanno vitakko samānākāratāya so evāti vattabbataṃ labhati yathā ‘‘sā eva tittirī, tāni eva osadhānī’’ti (saṃ. ni. ṭī. 2.2.19). Na hi tadā mahāpurisassa asubhamettākaruṇāsannissayā te vitakkā evaṃ vuttāti.
самаабад̇д̇им̣ ниссааяаад̇и самаабад̇д̇им̣ самаабаж̇ж̇ид̇ваа, д̇ад̇о вудтахид̇ваад̇и ад̇т̇о. вибассанааби д̇арун̣аад̇и яож̇анаа. гааяо гиламад̇и самат̇авибассанаанам̣ д̇арун̣ад̇ааяа бхааванааяа буб̣б̣знаабарам̣ висзсасса алаб̣бхамаанад̇д̇аа. д̇знааха ‘‘жид̇д̇ам̣ хан̃н̃ад̇и вихан̃н̃ад̇ий’’д̇и. вибассанааяа б̣ахуубагаараа самаабад̇д̇и, д̇ат̇аа хи вуд̇д̇ам̣ – ‘‘самаад̇хим̣, бхигкавз, бхаавзт̇а, самаахид̇о яат̇аабхууд̇ам̣ ж̇аанаад̇и бассад̇ий’’д̇и (сам̣. ни. 3.5; 4.99; 5.1071).
Samāpattiṃnissāyāti samāpattiṃ samāpajjitvā, tato vuṭṭhahitvāti attho. Vipassanāpi taruṇāti yojanā. Kāyo kilamati samathavipassanānaṃ taruṇatāya bhāvanāya pubbenāparaṃ visesassa alabbhamānattā. Tenāha ‘‘cittaṃ haññati vihaññatī’’ti. Vipassanāyabahūpakārāsamāpatti, tathā hi vuttaṃ – ‘‘samādhiṃ, bhikkhave, bhāvetha, samāhito yathābhūtaṃ jānāti passatī’’ti (saṃ. ni. 3.5; 4.99; 5.1071).
яат̇аа виссамадтаанам̣ яод̇хаанам̣ бариссамам̣ винод̣̇зд̇и, д̇ат̇аа бариссамавинод̣̇анад̇т̇ам̣ палагзхи гаад̇аб̣б̣ам̣ виссамадтаанам̣ палагагодтаго, самаабад̇д̇ияаа бана вибассанаа б̣ахугаарад̇араа самаад̇хибарибант̇агаанам̣, саб̣б̣зсамби ваа гилзсаанам̣ вимат̇анзна д̣̇уб̣б̣алабхааваабаж̇ж̇анад̇о. д̇знааха ‘‘вибассанаа т̇аамаж̇аад̇аа самаабад̇д̇имби рагкад̇и, т̇аамаж̇аад̇ам̣ гарод̇ий’’д̇и. нану жзвам̣ ид̇арийд̇арасанниссаяад̣̇осо аабаж̇ж̇ад̇ийд̇и? наяид̣̇амзганд̇игам̣, ид̇арийд̇арасанниссаяааби гижжасид̣̇д̇хи логз лаб̣бхад̇ийд̇и д̣̇ассзд̇ум̣ ‘‘яат̇аа хий’’д̇иаад̣̇и вуд̇д̇ам̣.
Yathā vissamaṭṭhānaṃ yodhānaṃ parissamaṃ vinodeti, tathā parissamavinodanatthaṃ phalakehi kātabbaṃ vissamaṭṭhānaṃ phalakakoṭṭhako, samāpattiyā pana vipassanā bahukāratarā samādhiparipanthakānaṃ, sabbesampi vā kilesānaṃ vimathanena dubbalabhāvāpajjanato. Tenāha ‘‘vipassanā thāmajātā samāpattimpi rakkhati,thāmajātaṃ karotī’’ti. Nanu cevaṃ itarītarasannissayadoso āpajjatīti? Nayidamekantikaṃ, itarītarasannissayāpi kiccasiddhi loke labbhatīti dassetuṃ ‘‘yathā hī’’tiādi vuttaṃ.
г̇ааманд̇ам̣ аахадзсууд̇и г̇аамасамийбам̣ убанийд̇зсу. зд̇ааг̇аавод̇и сад̇и уббаад̣̇анамад̇д̇амзва гаад̇аб̣б̣ам̣ яат̇аа г̇ааво рагкид̇аб̣б̣аа, д̇ад̣̇абхаавад̇о. д̇ад̣̇аад̇и самат̇авибассанаанам̣ т̇аамаж̇аад̇агаалз. анубассанаанам̣ лахум̣ лахум̣ уббад̇д̇им̣ санд̇хааяа ‘‘згаббахаарзнзва аарул̣хова ход̇ий’’д̇и вуд̇д̇ам̣, гамзнзва бана анубассанаабадибаадим̣ аарохад̇и.
Gāmantaṃ āhaṭesūti gāmasamīpaṃ upanītesu. Etāgāvoti sati uppādanamattameva kātabbaṃ yathā gāvo rakkhitabbā, tadabhāvato. Tadāti samathavipassanānaṃ thāmajātakāle. Anupassanānaṃ lahuṃ lahuṃ uppattiṃ sandhāya ‘‘ekappahāreneva āruḷhova hotī’’ti vuttaṃ, kameneva pana anupassanāpaṭipāṭiṃ ārohati.
215. звам̣ бхаг̇аваа ад̇д̇ано аббамаад̣̇абадибад̣̇ам̣, д̇ааяа жа лад̣̇д̇хам̣ анан̃н̃асаад̇хааран̣ам̣ висзсам̣ д̣̇ассзнд̇о хзд̇усамбад̇д̇ияаа сад̣̇д̇хим̣ паласамбад̇д̇им̣ д̣̇ассзд̇ваа ид̣̇аани сад̇д̇уубагаарасамбад̇д̇им̣ д̣̇ассзд̇ум̣ ‘‘сзяяат̇аабий’’д̇иаад̣̇имаахаад̇и звам̣ зд̇т̇а анусанд̇хи взд̣̇ид̇аб̣б̣аа. аран̃н̃алагкан̣аяог̇г̇амад̇д̇зна аран̃н̃ам̣. махааванад̇ааяа баванам̣. бавад̣̇д̇хан̃хи ванам̣ баванам̣. жад̇уухи яог̇зхийд̇и ж̇игхажчаабибаасаабхаяабадибад̇д̇исан̇каад̇аяог̇зхи. кзмам̣ анубад̣̇д̣̇авад̇ам̣. сувад̇т̇им̣ анубад̣̇д̣̇авам̣ аавахад̇ийд̇и совад̇т̇иго. бийд̇им̣ гудтим̣ г̇амзд̇и убанзд̇ийд̇и бийд̇иг̇аманийяо. бийд̇ам̣ баанад̇ид̇т̇ам̣ г̇ажчад̇ийд̇и бийд̇аг̇аманийяо. саакаад̣̇ийхийд̇и ган̣дагасаакааган̣дагалад̇ааванзхи. анаасаяаг̇аамид̇ааяа уд̣̇агасаннируд̣̇д̇хоби амаг̇г̇о вуд̇д̇о, ид̇араани абийд̇иг̇аманийяад̇ааяаби. аад̣̇и-сад̣̇д̣̇зна г̇аханам̣ бариг̇г̇ан̣хаад̇и. огзмиг̇алуд̣̇д̣̇агасса г̇ожарз жарад̇ийд̇и огажаро, д̣̇ийбагамиг̇о. аран̃н̃з миг̇з д̣̇исваа д̇зхи сад̣̇д̇хим̣ балааязяяаад̇и д̣̇ийгхараж̇ж̇уб̣анд̇ханам̣.
215. Evaṃ bhagavā attano appamādapaṭipadaṃ, tāya ca laddhaṃ anaññasādhāraṇaṃ visesaṃ dassento hetusampattiyā saddhiṃ phalasampattiṃ dassetvā idāni sattūpakārasampattiṃ dassetuṃ ‘‘seyyathāpī’’tiādimāhāti evaṃ ettha anusandhi veditabbā. Araññalakkhaṇayoggamattena araññaṃ. Mahāvanatāya pavanaṃ. Pavaddhañhi vanaṃ pavanaṃ. Catūhi yogehīti jighacchāpipāsābhayapaṭipattisaṅkhātayogehi. Khemaṃ anupaddavataṃ. Suvatthiṃ anupaddavaṃ āvahatīti sovatthiko. Pītiṃ kuṭṭhiṃ gameti upanetīti pītigamanīyo. Pītaṃ pānatitthaṃ gacchatīti pītagamanīyo. Sākhādīhīti kaṇṭakasākhākaṇṭakalatāvanehi. Anāsayagāmitāya udakasanniruddhopi amaggo vutto, itarāni apītigamanīyatāyapi. Ādi-saddena gahanaṃ pariggaṇhāti. Okemigaluddakassa gocare caratīti okacaro, dīpakamigo. Araññe mige disvā tehi saddhiṃ palāyeyyāti dīgharajjubandhanaṃ.
ид̇ха васанд̇ийд̇и миг̇аанам̣ аасаяам̣ вад̣̇ад̇и, д̇ад̇о аасаяад̇о иминаа маг̇г̇зна нигкаманд̇и. зд̇т̇а жаранд̇ийд̇и зд̇асмим̣ таанз г̇ожарам̣ г̇ан̣ханд̇и. зд̇т̇а биванд̇ийд̇и зд̇асмим̣ нибаанад̇ид̇т̇з уд̣̇агам̣ биванд̇и. иминаа маг̇г̇зна бависанд̇ийд̇и иминаа маг̇г̇зна нибаанад̇ид̇т̇ам̣ бависанд̇и. маг̇г̇ам̣ бид̇хааяаад̇и багад̇имаг̇г̇ам̣ бид̣̇ахид̇ваа. на д̇аава гин̃жи гарод̇и анавасзсз ванамиг̇з гхаад̇зд̇угаамо.
Idha vasantīti migānaṃ āsayaṃ vadati, tato āsayato iminā maggena nikkhamanti. Etthacarantīti etasmiṃ ṭhāne gocaraṃ gaṇhanti. Etthapivantīti etasmiṃ nipānatitthe udakaṃ pivanti. Iminā maggena pavisantīti iminā maggena nipānatitthaṃ pavisanti. Maggaṃ pidhāyāti pakatimaggaṃ pidahitvā. Na tāva kiñci karoti anavasese vanamige ghātetukāmo.
авиж̇ж̇ааяа ан̃н̃аан̣аа худ̇ваад̇и авиж̇ж̇ааяа нивуд̇ад̇д̇аа н̃аан̣арахид̇аа худ̇ваа, нанд̣̇ийрааг̇зна убанийд̇аа руубаарамман̣аад̣̇ийни ааб̣анд̇хид̇ваа. балобханад̇о огажарам̣ нанд̣̇ийрааг̇од̇и. б̣яаамоханад̇о огажааригам̣ авиж̇ж̇аад̇и гад̇ваа д̣̇ассзд̇и. д̇зсанд̇и огажарогажааригаанам̣. саакаабхан̇г̇знаад̇и д̇аад̣̇исзна луукад̇араг̇анд̇хзна саакаабхан̇г̇зна. мануссаг̇анд̇хам̣ абанзд̇ваа д̇асса саакаабхан̇г̇асса г̇анд̇хзна. саммад̇д̇од̇и саммаж̇ж̇ид̇о б̣яаамун̃чо.
Avijjāya aññāṇā hutvāti avijjāya nivutattā ñāṇarahitā hutvā, nandīrāgena upanītā rūpārammaṇādīni ābandhitvā. Palobhanato okacaraṃ nandīrāgoti. Byāmohanato okacārikaṃ avijjāti katvā dasseti. Tesanti okacarokacārikānaṃ. Sākhābhaṅgenāti tādisena lūkhataragandhena sākhābhaṅgena. Manussagandhaṃ apanetvā tassa sākhābhaṅgassa gandhena. Sammattoti sammajjito byāmuñcho.
б̣уд̣̇д̇хаанам̣ кзмамаг̇г̇авижаран̣ам̣ гуммаг̇г̇абид̇хаанан̃жа саб̣б̣алогасаад̇хааран̣амби ад̇т̇ад̇о взнзяяабуг̇г̇алаабзгкамзваад̇и д̣̇ассзнд̇о ‘‘ан̃н̃аад̇агон̣д̣ан̃н̃аад̣̇ийнам̣ бхаб̣б̣абуг̇г̇алаана’’нд̇и ааха. уухад̇од̇и самуухад̇о нийхад̇од̇и ааха ‘‘д̣̇взд̇хаа чзд̇ваа баад̇ид̇о’’д̇и. наасид̇аад̇и ад̣̇ассанам̣ г̇амид̇аад̇и ааха ‘‘саб̣б̣зна саб̣б̣ам̣ самуг̇гхаадид̇аа’’д̇и. хид̇уубажааранд̇и сад̇д̇аанам̣ хид̇ажарияам̣.
Buddhānaṃ khemamaggavicaraṇaṃ kummaggapidhānañca sabbalokasādhāraṇampi atthato veneyyapuggalāpekkhamevāti dassento ‘‘aññātakoṇḍaññādīnaṃ bhabbapuggalāna’’nti āha. Ūhatoti samūhato nīhatoti āha ‘‘dvedhā chetvā pātito’’ti. Nāsitāti adassanaṃ gamitāti āha ‘‘sabbena sabbaṃ samugghāṭitā’’ti. Hitūpacāranti sattānaṃ hitacariyaṃ.
д̣̇взд̇хаавид̇аггасуд̇д̇аван̣н̣анааяа лийнад̇т̇аббагаасанаа самад̇д̇аа.
Dvedhāvitakkasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. д̣̇взд̇хаавид̇аггасуд̇д̇ам̣ • 9. Dvedhāvitakkasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. д̣̇взд̇хаавид̇аггасуд̇д̇аван̣н̣анаа • 9. Dvedhāvitakkasuttavaṇṇanā
