| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
239. த்³வேனிஸ்ஸாரணாதி³கதா²
239. Dvenissāraṇādikathā
395. வத்து²தோதி வத்து²காரணா. தத்தா²தி ‘‘த்³வேமா பி⁴க்க²வே’’திஆதி³பாடே². ‘‘ஸந்தா⁴ய வுத்த’’ந்தி இமினா ‘‘அப்பத்தோ’’திஆதி³ஸுத்தஸ்ஸ நெய்யத்த²பா⁴வங் த³ஸ்ஸேதி. ஹீதி ஸச்சங், யஸ்மா வா. தந்தி பப்³பா³ஜனீயகம்மங். புன தந்தி பப்³பா³ஜனீயகம்மமேவ. ஏஸ பி⁴க்கு² அப்பத்தோதி ஸம்ப³ந்தோ⁴. கஸ்மா அப்பத்தோதி ஆஹ ‘‘யஸ்மா’’திஆதி³. ஆவேணிகலக்க²ணேனாதி அவினா ஹுத்வா பவத்தேன லக்க²ணேன. அத்தனா அவினா ஹுத்வா அத்தனோ ஸந்தகேன விஸுங் பூ⁴தேன லக்க²ணேனாதி வுத்தங் ஹோதி. யதி³ அப்பத்தோ, கஸ்மா ஸுனிஸ்ஸாரிதோதி ஆஹ ‘‘யஸ்மா பனஸ்ஸா’’திஆதி³. அஸ்ஸாதி பி⁴க்கு²ஸ்ஸ, கரெய்யாதி ஸம்ப³ந்தோ⁴. தங் சே ஸங்கோ⁴ தஜ்ஜனீயகம்மாதி³வஸேன நிஸ்ஸாரேதி, ஸுனிஸ்ஸாரிதோதி ஸம்ப³ந்தோ⁴ . ஸோதி பி⁴க்கு². யஸ்மா அனுஞ்ஞாதா, தஸ்மா ஸுனிஸ்ஸாரிதோதி யோஜனா. கித்தகேன அங்கே³ன அனுஞ்ஞாதாதி ஆஹ ‘‘ஏகேனபி அங்கே³னா’’தி.
395.Vatthutoti vatthukāraṇā. Tatthāti ‘‘dvemā bhikkhave’’tiādipāṭhe. ‘‘Sandhāya vutta’’nti iminā ‘‘appatto’’tiādisuttassa neyyatthabhāvaṃ dasseti. Hīti saccaṃ, yasmā vā. Tanti pabbājanīyakammaṃ. Puna tanti pabbājanīyakammameva. Esa bhikkhu appattoti sambandho. Kasmā appattoti āha ‘‘yasmā’’tiādi. Āveṇikalakkhaṇenāti avinā hutvā pavattena lakkhaṇena. Attanā avinā hutvā attano santakena visuṃ bhūtena lakkhaṇenāti vuttaṃ hoti. Yadi appatto, kasmā sunissāritoti āha ‘‘yasmā panassā’’tiādi. Assāti bhikkhussa, kareyyāti sambandho. Taṃ ce saṅgho tajjanīyakammādivasena nissāreti, sunissāritoti sambandho . Soti bhikkhu. Yasmā anuññātā, tasmā sunissāritoti yojanā. Kittakena aṅgena anuññātāti āha ‘‘ekenapi aṅgenā’’ti.
396. ஓஸாரணாதி எத்த² ஒத்யூபஸக்³க³வஸேன ஸரதா⁴து பவேஸனத்தோ²தி ஆஹ ‘‘பவேஸனா’’தி. தத்தா²தி ‘‘ஓஸாரணா’’திஆதி³பாடே². ஓஸாரேதீதி எத்த² அப்³பா⁴னாதி³வஸேன பவேஸனங் படிக்கி²பந்தோ ஆஹ ‘‘உபஸம்பத³கம்மவஸேனா’’தி. ஸஹஸ்ஸக்க²த்தும்பீதி பிஸத்³தோ³ க³ரஹத்தோ². ஏகவாராதி³கே பன கா நாம கதா²தி த³ஸ்ஸேதி. ஸாதிஸாராதி ஸதோ³ஸா. ததா²தி யதா² ஆசரியுபஜ்ஜா²யா ஸாதிஸாரா, ததா². ஸேஸோ காரகஸங்கோ⁴ ஸாதிஸாரோதி ஸம்ப³ந்தோ⁴. ‘‘ஹத்த²ச்சி²ன்னாத³யோ பன த்³வத்திங்ஸ ஸுஓஸாரிதா’’தி வுத்தத்தா அந்த⁴மூக³ப³தி⁴ரானங் அபப்³ப³ஜிதானம்பி உபஸம்பதா³ ருஹதீதி த³ட்ட²ப்³ப³ங். தேதி ஹத்த²ச்சி²ன்னாத³யோ த்³வத்திங்ஸ.
396.Osāraṇāti ettha otyūpasaggavasena saradhātu pavesanatthoti āha ‘‘pavesanā’’ti. Tatthāti ‘‘osāraṇā’’tiādipāṭhe. Osāretīti ettha abbhānādivasena pavesanaṃ paṭikkhipanto āha ‘‘upasampadakammavasenā’’ti. Sahassakkhattumpīti pisaddo garahattho. Ekavārādike pana kā nāma kathāti dasseti. Sātisārāti sadosā. Tathāti yathā ācariyupajjhāyā sātisārā, tathā. Seso kārakasaṅgho sātisāroti sambandho. ‘‘Hatthacchinnādayo pana dvattiṃsa suosāritā’’ti vuttattā andhamūgabadhirānaṃ apabbajitānampi upasampadā ruhatīti daṭṭhabbaṃ. Teti hatthacchinnādayo dvattiṃsa.
397. அபூ⁴தவத்து²வஸேனாதி அஸச்சவத்து²வஸேன, அஸங்விஜ்ஜமானவத்து²வஸேன வா. தத்தா²தி ‘‘இத⁴ பன பி⁴க்க²வே’’திஆதி³பாடே². படினிஸ்ஸஜ்ஜிதாதி எத்த² தபச்சயஸ்ஸ கம்மத்தே² பவத்தபா⁴வங் த³ஸ்ஸெந்தோ ஆஹ ‘‘படினிஸ்ஸஜ்ஜிதப்³பா³’’தி.
397.Abhūtavatthuvasenāti asaccavatthuvasena, asaṃvijjamānavatthuvasena vā. Tatthāti ‘‘idha pana bhikkhave’’tiādipāṭhe. Paṭinissajjitāti ettha tapaccayassa kammatthe pavattabhāvaṃ dassento āha ‘‘paṭinissajjitabbā’’ti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
239. த்³வேனிஸ்ஸாரணாதி³கதா² • 239. Dvenissāraṇādikathā
240. அத⁴ம்மகம்மாதி³கதா² • 240. Adhammakammādikathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / த்³வேனிஸ்ஸாரணாதி³கதா² • Dvenissāraṇādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / த்³வேனிஸ்ஸாரணாதி³கதா²வண்ணனா • Dvenissāraṇādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / த்³வேனிஸ்ஸாரணாதி³கதா²வண்ணனா • Dvenissāraṇādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / த்³வேனிஸ்ஸரணாதி³கதா²வண்ணனா • Dvenissaraṇādikathāvaṇṇanā
