| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
২৩৯. দ্ৰেনিস্সারণাদিকথা
239. Dvenissāraṇādikathā
৩৯৫. ৰত্থুতোতি ৰত্থুকারণা। তত্থাতি ‘‘দ্ৰেমা ভিক্খৰে’’তিআদিপাঠে। ‘‘সন্ধায ৰুত্ত’’ন্তি ইমিনা ‘‘অপ্পত্তো’’তিআদিসুত্তস্স নেয্যত্থভাৰং দস্সেতি। হীতি সচ্চং, যস্মা ৰা। তন্তি পব্বাজনীযকম্মং। পুন তন্তি পব্বাজনীযকম্মমেৰ। এস ভিক্খু অপ্পত্তোতি সম্বন্ধো। কস্মা অপ্পত্তোতি আহ ‘‘যস্মা’’তিআদি। আৰেণিকলক্খণেনাতি অৰিনা হুত্ৰা পৰত্তেন লক্খণেন। অত্তনা অৰিনা হুত্ৰা অত্তনো সন্তকেন ৰিসুং ভূতেন লক্খণেনাতি ৰুত্তং হোতি। যদি অপ্পত্তো, কস্মা সুনিস্সারিতোতি আহ ‘‘যস্মা পনস্সা’’তিআদি। অস্সাতি ভিক্খুস্স, করেয্যাতি সম্বন্ধো। তং চে সঙ্ঘো তজ্জনীযকম্মাদিৰসেন নিস্সারেতি, সুনিস্সারিতোতি সম্বন্ধো । সোতি ভিক্খু। যস্মা অনুঞ্ঞাতা, তস্মা সুনিস্সারিতোতি যোজনা। কিত্তকেন অঙ্গেন অনুঞ্ঞাতাতি আহ ‘‘একেনপি অঙ্গেনা’’তি।
395.Vatthutoti vatthukāraṇā. Tatthāti ‘‘dvemā bhikkhave’’tiādipāṭhe. ‘‘Sandhāya vutta’’nti iminā ‘‘appatto’’tiādisuttassa neyyatthabhāvaṃ dasseti. Hīti saccaṃ, yasmā vā. Tanti pabbājanīyakammaṃ. Puna tanti pabbājanīyakammameva. Esa bhikkhu appattoti sambandho. Kasmā appattoti āha ‘‘yasmā’’tiādi. Āveṇikalakkhaṇenāti avinā hutvā pavattena lakkhaṇena. Attanā avinā hutvā attano santakena visuṃ bhūtena lakkhaṇenāti vuttaṃ hoti. Yadi appatto, kasmā sunissāritoti āha ‘‘yasmā panassā’’tiādi. Assāti bhikkhussa, kareyyāti sambandho. Taṃ ce saṅgho tajjanīyakammādivasena nissāreti, sunissāritoti sambandho . Soti bhikkhu. Yasmā anuññātā, tasmā sunissāritoti yojanā. Kittakena aṅgena anuññātāti āha ‘‘ekenapi aṅgenā’’ti.
৩৯৬. ওসারণাতি এত্থ ওত্যূপসগ্গৰসেন সরধাতু পৰেসনত্থোতি আহ ‘‘পৰেসনা’’তি। তত্থাতি ‘‘ওসারণা’’তিআদিপাঠে। ওসারেতীতি এত্থ অব্ভানাদিৰসেন পৰেসনং পটিক্খিপন্তো আহ ‘‘উপসম্পদকম্মৰসেনা’’তি। সহস্সক্খত্তুম্পীতি পিসদ্দো গরহত্থো। একৰারাদিকে পন কা নাম কথাতি দস্সেতি। সাতিসারাতি সদোসা। তথাতি যথা আচরিযুপজ্ঝাযা সাতিসারা, তথা। সেসো কারকসঙ্ঘো সাতিসারোতি সম্বন্ধো। ‘‘হত্থচ্ছিন্নাদযো পন দ্ৰত্তিংস সুওসারিতা’’তি ৰুত্তত্তা অন্ধমূগবধিরানং অপব্বজিতানম্পি উপসম্পদা রুহতীতি দট্ঠব্বং। তেতি হত্থচ্ছিন্নাদযো দ্ৰত্তিংস।
396.Osāraṇāti ettha otyūpasaggavasena saradhātu pavesanatthoti āha ‘‘pavesanā’’ti. Tatthāti ‘‘osāraṇā’’tiādipāṭhe. Osāretīti ettha abbhānādivasena pavesanaṃ paṭikkhipanto āha ‘‘upasampadakammavasenā’’ti. Sahassakkhattumpīti pisaddo garahattho. Ekavārādike pana kā nāma kathāti dasseti. Sātisārāti sadosā. Tathāti yathā ācariyupajjhāyā sātisārā, tathā. Seso kārakasaṅgho sātisāroti sambandho. ‘‘Hatthacchinnādayo pana dvattiṃsa suosāritā’’ti vuttattā andhamūgabadhirānaṃ apabbajitānampi upasampadā ruhatīti daṭṭhabbaṃ. Teti hatthacchinnādayo dvattiṃsa.
৩৯৭. অভূতৰত্থুৰসেনাতি অসচ্চৰত্থুৰসেন, অসংৰিজ্জমানৰত্থুৰসেন ৰা। তত্থাতি ‘‘ইধ পন ভিক্খৰে’’তিআদিপাঠে। পটিনিস্সজ্জিতাতি এত্থ তপচ্চযস্স কম্মত্থে পৰত্তভাৰং দস্সেন্তো আহ ‘‘পটিনিস্সজ্জিতব্বা’’তি।
397.Abhūtavatthuvasenāti asaccavatthuvasena, asaṃvijjamānavatthuvasena vā. Tatthāti ‘‘idha pana bhikkhave’’tiādipāṭhe. Paṭinissajjitāti ettha tapaccayassa kammatthe pavattabhāvaṃ dassento āha ‘‘paṭinissajjitabbā’’ti.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
২৩৯. দ্ৰেনিস্সারণাদিকথা • 239. Dvenissāraṇādikathā
২৪০. অধম্মকম্মাদিকথা • 240. Adhammakammādikathā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / দ্ৰেনিস্সারণাদিকথা • Dvenissāraṇādikathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / দ্ৰেনিস্সারণাদিকথাৰণ্ণনা • Dvenissāraṇādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / দ্ৰেনিস্সারণাদিকথাৰণ্ণনা • Dvenissāraṇādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / দ্ৰেনিস্সরণাদিকথাৰণ্ণনা • Dvenissaraṇādikathāvaṇṇanā
