| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
д̣̇взниссааран̣аад̣̇игат̇аа
Dvenissāraṇādikathā
395. д̣̇взмаа бхигкавз ниссааран̣аад̇иаад̣̇и вад̇т̇уд̇о гаммаанам̣ губбаагуббабхаавад̣̇ассанад̇т̇ам̣ вуд̇д̇ам̣. д̇ад̇т̇а ‘‘аббад̇д̇о ниссааран̣ам̣, д̇ан̃жз сан̇гхо ниссаарзд̇и, суниссаарид̇о’’д̇и ид̣̇ам̣ баб̣б̣ааж̇анийяагаммам̣ санд̇хааяа вуд̇д̇ам̣. баб̣б̣ааж̇анийяагаммзна хи вихаарад̇о ниссаарзнд̇и, д̇асмаа д̇ам̣ ‘‘ниссааран̣аа’’д̇и вужжад̇и. д̇ан̃жзса яасмаа гулад̣̇уусаго на ход̇и, д̇асмаа аавзн̣игзна лагкан̣зна аббад̇д̇о. яасмаа банасса ааган̇камаано сан̇гхо баб̣б̣ааж̇анийяагаммам̣ гарзяяаад̇и вуд̇д̇ам̣, д̇асмаа суниссаарид̇о ход̇и. д̇ан̃жз сан̇гхо ниссаарзд̇ийд̇и сажз сан̇гхо д̇аж̇ж̇анийяагаммаад̣̇ивасзна ниссаарзд̇и, со яасмаа д̇ад̇т̇а ‘‘д̇ин̣н̣ам̣ бхигкавз бхигкуунам̣ ааган̇камаано сан̇гхо д̇аж̇ж̇анийяагаммам̣ гарзяяа – зго бхан̣д̣анагаараго ход̇и галахагаараго виваад̣̇агаараго бхассагаараго сан̇гхз ад̇хигаран̣агаараго, зго б̣аало ход̇и аб̣яад̇д̇о аабад̇д̇иб̣ахуло анабад̣̇аано, зго г̇ихисам̣садто вихарад̇и анануломигзхи г̇ихисам̣саг̇г̇зхий’’д̇и (жуул̣ава. 395) звам̣ згзгзнаби ан̇г̇зна ниссааран̣аа анун̃н̃аад̇аа, д̇асмаа суниссаарид̇о.
395.Dvemā bhikkhave nissāraṇātiādi vatthuto kammānaṃ kuppākuppabhāvadassanatthaṃ vuttaṃ. Tattha ‘‘appatto nissāraṇaṃ, tañce saṅgho nissāreti, sunissārito’’ti idaṃ pabbājanīyakammaṃ sandhāya vuttaṃ. Pabbājanīyakammena hi vihārato nissārenti, tasmā taṃ ‘‘nissāraṇā’’ti vuccati. Tañcesa yasmā kuladūsako na hoti, tasmā āveṇikena lakkhaṇena appatto. Yasmā panassa ākaṅkhamāno saṅgho pabbājanīyakammaṃ kareyyāti vuttaṃ, tasmā sunissārito hoti. Tañce saṅgho nissāretīti sace saṅgho tajjanīyakammādivasena nissāreti, so yasmā tattha ‘‘tiṇṇaṃ bhikkhave bhikkhūnaṃ ākaṅkhamāno saṅgho tajjanīyakammaṃ kareyya – eko bhaṇḍanakārako hoti kalahakārako vivādakārako bhassakārako saṅghe adhikaraṇakārako, eko bālo hoti abyatto āpattibahulo anapadāno, eko gihisaṃsaṭṭho viharati ananulomikehi gihisaṃsaggehī’’ti (cūḷava. 395) evaṃ ekekenapi aṅgena nissāraṇā anuññātā, tasmā sunissārito.
396. осааран̣аад̇и бавзсанаа. д̇ад̇т̇а д̇ан̃жз сан̇гхо осаарзд̇ийд̇и убасамбад̣̇агаммавасзна бавзсзд̇и. д̣̇осаарид̇од̇и д̣̇уосаарид̇о. сахассагкад̇д̇умби убасамбаад̣̇ид̇о анубасамбаннова ход̇и аажарияубаж̇жхааяаа жа саад̇исаараа, д̇ат̇аа сзсо гаарагасан̇гхо, на гожи аабад̇д̇ид̇о мужжад̇и. ид̇и имз згаад̣̇аса абхаб̣б̣абуг̇г̇алаа д̣̇осаарид̇аа. хад̇т̇ажчиннаад̣̇аяо бана д̣̇вад̇д̇им̣са суосаарид̇аа, убасамбаад̣̇ид̇аа убасамбаннаава хонд̇и, на д̇з лаб̣бхаа гин̃жи вад̇д̇ум̣. аажарияубаж̇жхааяаа бана гаарагасан̇гхо жа саад̇исаараа, на гожи аабад̇д̇ид̇о мужжад̇и.
396.Osāraṇāti pavesanā. Tattha tañce saṅgho osāretīti upasampadakammavasena paveseti. Dosāritoti duosārito. Sahassakkhattumpi upasampādito anupasampannova hoti ācariyupajjhāyā ca sātisārā, tathā seso kārakasaṅgho, na koci āpattito muccati. Iti ime ekādasa abhabbapuggalā dosāritā. Hatthacchinnādayo pana dvattiṃsa suosāritā, upasampāditā upasampannāva honti, na te labbhā kiñci vattuṃ. Ācariyupajjhāyā pana kārakasaṅgho ca sātisārā, na koci āpattito muccati.
397. ид̇ха бана бхигкавз бхигкусса на ход̇и аабад̇д̇и д̣̇адтаб̣б̣аад̇иаад̣̇и абхууд̇авад̇т̇увасзна ад̇хаммагаммам̣, бхууд̇авад̇т̇увасзна д̇хаммагамман̃жа д̣̇ассзд̇ум̣ вуд̇д̇ам̣. д̇ад̇т̇а бадиниссаж̇ж̇ид̇аад̇и бадиниссаж̇ж̇ид̇аб̣б̣аа.
397.Idha pana bhikkhave bhikkhussa na hoti āpatti daṭṭhabbātiādi abhūtavatthuvasena adhammakammaṃ, bhūtavatthuvasena dhammakammañca dassetuṃ vuttaṃ. Tattha paṭinissajjitāti paṭinissajjitabbā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
239. д̣̇взниссааран̣аад̣̇игат̇аа • 239. Dvenissāraṇādikathā
240. ад̇хаммагаммаад̣̇игат̇аа • 240. Adhammakammādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇взниссааран̣аад̣̇игат̇ааван̣н̣анаа • Dvenissāraṇādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇взниссааран̣аад̣̇игат̇ааван̣н̣анаа • Dvenissāraṇādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̣̇взниссаран̣аад̣̇игат̇ааван̣н̣анаа • Dvenissaraṇādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 239. д̣̇взниссааран̣аад̣̇игат̇аа • 239. Dvenissāraṇādikathā
