| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
239. д̣̇взниссааран̣аад̣̇игат̇аа
239. Dvenissāraṇādikathā
395. д̣̇взмаа, бхигкавз, ниссааран̣аа. ад̇т̇и, бхигкавз, буг̇г̇ало аббад̇д̇о ниссааран̣ам̣. д̇ан̃жз сан̇гхо ниссаарзд̇и, згажжо суниссаарид̇о, згажжо д̣̇унниссаарид̇о. гад̇амо жа, бхигкавз, буг̇г̇ало аббад̇д̇о ниссааран̣ам̣, д̇ан̃жз сан̇гхо ниссаарзд̇и – д̣̇унниссаарид̇о? ид̇ха бана, бхигкавз, бхигку суд̣̇д̇хо ход̇и анаабад̇д̇иго. д̇ан̃жз сан̇гхо ниссаарзд̇и – д̣̇унниссаарид̇о. аяам̣ вужжад̇и, бхигкавз, буг̇г̇ало аббад̇д̇о ниссааран̣ам̣, д̇ан̃жз сан̇гхо ниссаарзд̇и – д̣̇унниссаарид̇о.
395. Dvemā, bhikkhave, nissāraṇā. Atthi, bhikkhave, puggalo appatto nissāraṇaṃ. Tañce saṅgho nissāreti, ekacco sunissārito, ekacco dunnissārito. Katamo ca, bhikkhave, puggalo appatto nissāraṇaṃ, tañce saṅgho nissāreti – dunnissārito? Idha pana, bhikkhave, bhikkhu suddho hoti anāpattiko. Tañce saṅgho nissāreti – dunnissārito. Ayaṃ vuccati, bhikkhave, puggalo appatto nissāraṇaṃ, tañce saṅgho nissāreti – dunnissārito.
гад̇амо жа, бхигкавз, буг̇г̇ало аббад̇д̇о ниссааран̣ам̣, д̇ан̃жз сан̇гхо ниссаарзд̇и – суниссаарид̇о? ид̇ха бана, бхигкавз, бхигку б̣аало ход̇и аб̣яад̇д̇о аабад̇д̇иб̣ахуло анабад̣̇аано, г̇ихисам̣садто вихарад̇и анануломигзхи г̇ихисам̣саг̇г̇зхи, д̇ан̃жз сан̇гхо ниссаарзд̇и – суниссаарид̇о. аяам̣ вужжад̇и, бхигкавз, буг̇г̇ало аббад̇д̇о ниссааран̣ам̣, д̇ан̃жз сан̇гхо ниссаарзд̇и – суниссаарид̇о.
Katamo ca, bhikkhave, puggalo appatto nissāraṇaṃ, tañce saṅgho nissāreti – sunissārito? Idha pana, bhikkhave, bhikkhu bālo hoti abyatto āpattibahulo anapadāno, gihisaṃsaṭṭho viharati ananulomikehi gihisaṃsaggehi, tañce saṅgho nissāreti – sunissārito. Ayaṃ vuccati, bhikkhave, puggalo appatto nissāraṇaṃ, tañce saṅgho nissāreti – sunissārito.
396. д̣̇взмаа , бхигкавз, осааран̣аа. ад̇т̇и, бхигкавз, буг̇г̇ало аббад̇д̇о осааран̣ам̣ д̇ан̃жз сан̇гхо осаарзд̇и, згажжо сосаарид̇о, згажжо д̣̇осаарид̇о. гад̇амо жа, бхигкавз, буг̇г̇ало аббад̇д̇о осааран̣ам̣, д̇ан̃жз сан̇гхо осаарзд̇и – д̣̇осаарид̇о? бан̣д̣аго, бхигкавз, аббад̇д̇о осааран̣ам̣, д̇ан̃жз сан̇гхо осаарзд̇и – д̣̇осаарид̇о. т̇зяяасам̣ваасаго, бхигкавз, аббад̇д̇о осааран̣ам̣, д̇ан̃жз сан̇гхо осаарзд̇и – д̣̇осаарид̇о. д̇ид̇т̇ияабагганд̇аго, бхигкавз…бз… д̇иражчаанаг̇ад̇о, бхигкавз… маад̇угхаад̇аго, бхигкавз… бид̇угхаад̇аго, бхигкавз… араханд̇агхаад̇аго, бхигкавз… бхигкунид̣̇уусаго, бхигкавз… сан̇гхабхзд̣̇аго, бхигкавз… лохид̇уббаад̣̇аго, бхигкавз… убхад̇об̣яан̃ж̇анаго, бхигкавз, аббад̇д̇о, осааран̣ам̣, д̇ан̃жз сан̇гхо осаарзд̇и – д̣̇осаарид̇о. аяам̣ вужжад̇и, бхигкавз, буг̇г̇ало аббад̇д̇о осааран̣ам̣, д̇ан̃жз сан̇гхо осаарзд̇и – д̣̇осаарид̇о. имз вужжанд̇и, бхигкавз, буг̇г̇алаа аббад̇д̇аа осааран̣ам̣, д̇з жз сан̇гхо осаарзд̇и – д̣̇осаарид̇аа.
396. Dvemā , bhikkhave, osāraṇā. Atthi, bhikkhave, puggalo appatto osāraṇaṃ tañce saṅgho osāreti, ekacco sosārito, ekacco dosārito. Katamo ca, bhikkhave, puggalo appatto osāraṇaṃ, tañce saṅgho osāreti – dosārito? Paṇḍako, bhikkhave, appatto osāraṇaṃ, tañce saṅgho osāreti – dosārito. Theyyasaṃvāsako, bhikkhave, appatto osāraṇaṃ, tañce saṅgho osāreti – dosārito. Titthiyapakkantako, bhikkhave…pe… tiracchānagato, bhikkhave… mātughātako, bhikkhave… pitughātako, bhikkhave… arahantaghātako, bhikkhave… bhikkhunidūsako, bhikkhave… saṅghabhedako, bhikkhave… lohituppādako, bhikkhave… ubhatobyañjanako, bhikkhave, appatto, osāraṇaṃ, tañce saṅgho osāreti – dosārito. Ayaṃ vuccati, bhikkhave, puggalo appatto osāraṇaṃ, tañce saṅgho osāreti – dosārito. Ime vuccanti, bhikkhave, puggalā appattā osāraṇaṃ, te ce saṅgho osāreti – dosāritā.
гад̇амо жа, бхигкавз, буг̇г̇ало аббад̇д̇о осааран̣ам̣, д̇ан̃жз сан̇гхо осаарзд̇и – сосаарид̇о? хад̇т̇ажчинно, бхигкавз, аббад̇д̇о осааран̣ам̣, д̇ан̃жз сан̇гхо осаарзд̇и, сосаарид̇о. баад̣̇ажчинно, бхигкавз…бз… хад̇т̇абаад̣̇ажчинно, бхигкавз… ган̣н̣ажчинно , бхигкавз… наасажчинно, бхигкавз… ган̣н̣анаасажчинно, бхигкавз… ан̇г̇улижчинно, бхигкавз… ал̣ажчинно, бхигкавз… ган̣д̣аражчинно, бхигкавз… пан̣ахад̇т̇аго, бхигкавз… куж̇ж̇о, бхигкавз… ваамано, бхигкавз… г̇алаг̇ан̣д̣ий, бхигкавз… лагкан̣аахад̇о, бхигкавз… гасаахад̇о, бхигкавз… ликид̇аго, бхигкавз… сийбад̣̇иго, бхигкавз… баабарог̇ий, бхигкавз… барисад̣̇уусаго, бхигкавз… гаан̣о, бхигкавз… гун̣ий, бхигкавз… кан̃ж̇о, бхигкавз… багкахад̇о, бхигкавз… чиннирияаабат̇о, бхигкавз… ж̇араад̣̇уб̣б̣ало, бхигкавз… анд̇хо, бхигкавз… мууг̇о, бхигкавз… б̣ад̇хиро, бхигкавз… анд̇хамууг̇о, бхигкавз… анд̇хаб̣ад̇хиро, бхигкавз… мууг̇аб̣ад̇хиро, бхигкавз… анд̇хамууг̇аб̣ад̇хиро, бхигкавз, аббад̇д̇о осааран̣ам̣, д̇ан̃жз сан̇гхо осаарзд̇и – сосаарид̇о. аяам̣ вужжад̇и, бхигкавз, буг̇г̇ало аббад̇д̇о осааран̣ам̣, д̇ан̃жз сан̇гхо осаарзд̇и – сосаарид̇о. имз вужжанд̇и, бхигкавз, буг̇г̇алаа аббад̇д̇аа осааран̣ам̣, д̇з жз сан̇гхо осаарзд̇и – сосаарид̇аа.
Katamo ca, bhikkhave, puggalo appatto osāraṇaṃ, tañce saṅgho osāreti – sosārito? Hatthacchinno, bhikkhave, appatto osāraṇaṃ, tañce saṅgho osāreti, sosārito. Pādacchinno, bhikkhave…pe… hatthapādacchinno, bhikkhave… kaṇṇacchinno , bhikkhave… nāsacchinno, bhikkhave… kaṇṇanāsacchinno, bhikkhave… aṅgulicchinno, bhikkhave… aḷacchinno, bhikkhave… kaṇḍaracchinno, bhikkhave… phaṇahatthako, bhikkhave… khujjo, bhikkhave… vāmano, bhikkhave… galagaṇḍī, bhikkhave… lakkhaṇāhato, bhikkhave… kasāhato, bhikkhave… likhitako, bhikkhave… sīpadiko, bhikkhave… pāparogī, bhikkhave… parisadūsako, bhikkhave… kāṇo, bhikkhave… kuṇī, bhikkhave… khañjo, bhikkhave… pakkhahato, bhikkhave… chinniriyāpatho, bhikkhave… jarādubbalo, bhikkhave… andho, bhikkhave… mūgo, bhikkhave… badhiro, bhikkhave… andhamūgo, bhikkhave… andhabadhiro, bhikkhave… mūgabadhiro, bhikkhave… andhamūgabadhiro, bhikkhave, appatto osāraṇaṃ, tañce saṅgho osāreti – sosārito. Ayaṃ vuccati, bhikkhave, puggalo appatto osāraṇaṃ, tañce saṅgho osāreti – sosārito. Ime vuccanti, bhikkhave, puggalā appattā osāraṇaṃ, te ce saṅgho osāreti – sosāritā.
д̣̇взниссааран̣аад̣̇игат̇аа нидтид̇аа.
Dvenissāraṇādikathā niṭṭhitā.
ваасабхаг̇аамабхаан̣авааро нидтид̇о батамо.
Vāsabhagāmabhāṇavāro niṭṭhito paṭhamo.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / д̣̇взниссааран̣аад̣̇игат̇аа • Dvenissāraṇādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇взниссааран̣аад̣̇игат̇ааван̣н̣анаа • Dvenissāraṇādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇взниссааран̣аад̣̇игат̇ааван̣н̣анаа • Dvenissāraṇādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̣̇взниссаран̣аад̣̇игат̇ааван̣н̣анаа • Dvenissaraṇādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 239. д̣̇взниссааран̣аад̣̇игат̇аа • 239. Dvenissāraṇādikathā
