| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਦ੍વੇਨਿਸ੍ਸਾਰਣਾਦਿਕਥਾ
Dvenissāraṇādikathā
੩੯੫. ਦ੍વੇਮਾ ਭਿਕ੍ਖવੇ ਨਿਸ੍ਸਾਰਣਾਤਿਆਦਿ વਤ੍ਥੁਤੋ ਕਮ੍ਮਾਨਂ ਕੁਪ੍ਪਾਕੁਪ੍ਪਭਾવਦਸ੍ਸਨਤ੍ਥਂ વੁਤ੍ਤਂ। ਤਤ੍ਥ ‘‘ਅਪ੍ਪਤ੍ਤੋ ਨਿਸ੍ਸਾਰਣਂ, ਤਞ੍ਚੇ ਸਙ੍ਘੋ ਨਿਸ੍ਸਾਰੇਤਿ, ਸੁਨਿਸ੍ਸਾਰਿਤੋ’’ਤਿ ਇਦਂ ਪਬ੍ਬਾਜਨੀਯਕਮ੍ਮਂ ਸਨ੍ਧਾਯ વੁਤ੍ਤਂ। ਪਬ੍ਬਾਜਨੀਯਕਮ੍ਮੇਨ ਹਿ વਿਹਾਰਤੋ ਨਿਸ੍ਸਾਰੇਨ੍ਤਿ, ਤਸ੍ਮਾ ਤਂ ‘‘ਨਿਸ੍ਸਾਰਣਾ’’ਤਿ વੁਚ੍ਚਤਿ। ਤਞ੍ਚੇਸ ਯਸ੍ਮਾ ਕੁਲਦੂਸਕੋ ਨ ਹੋਤਿ, ਤਸ੍ਮਾ ਆવੇਣਿਕੇਨ ਲਕ੍ਖਣੇਨ ਅਪ੍ਪਤ੍ਤੋ। ਯਸ੍ਮਾ ਪਨਸ੍ਸ ਆਕਙ੍ਖਮਾਨੋ ਸਙ੍ਘੋ ਪਬ੍ਬਾਜਨੀਯਕਮ੍ਮਂ ਕਰੇਯ੍ਯਾਤਿ વੁਤ੍ਤਂ, ਤਸ੍ਮਾ ਸੁਨਿਸ੍ਸਾਰਿਤੋ ਹੋਤਿ। ਤਞ੍ਚੇ ਸਙ੍ਘੋ ਨਿਸ੍ਸਾਰੇਤੀਤਿ ਸਚੇ ਸਙ੍ਘੋ ਤਜ੍ਜਨੀਯਕਮ੍ਮਾਦਿવਸੇਨ ਨਿਸ੍ਸਾਰੇਤਿ, ਸੋ ਯਸ੍ਮਾ ਤਤ੍ਥ ‘‘ਤਿਣ੍ਣਂ ਭਿਕ੍ਖવੇ ਭਿਕ੍ਖੂਨਂ ਆਕਙ੍ਖਮਾਨੋ ਸਙ੍ਘੋ ਤਜ੍ਜਨੀਯਕਮ੍ਮਂ ਕਰੇਯ੍ਯ – ਏਕੋ ਭਣ੍ਡਨਕਾਰਕੋ ਹੋਤਿ ਕਲਹਕਾਰਕੋ વਿવਾਦਕਾਰਕੋ ਭਸ੍ਸਕਾਰਕੋ ਸਙ੍ਘੇ ਅਧਿਕਰਣਕਾਰਕੋ, ਏਕੋ ਬਾਲੋ ਹੋਤਿ ਅਬ੍ਯਤ੍ਤੋ ਆਪਤ੍ਤਿਬਹੁਲੋ ਅਨਪਦਾਨੋ, ਏਕੋ ਗਿਹਿਸਂਸਟ੍ਠੋ વਿਹਰਤਿ ਅਨਨੁਲੋਮਿਕੇਹਿ ਗਿਹਿਸਂਸਗ੍ਗੇਹੀ’’ਤਿ (ਚੂਲ਼વ॰ ੩੯੫) ਏવਂ ਏਕੇਕੇਨਪਿ ਅਙ੍ਗੇਨ ਨਿਸ੍ਸਾਰਣਾ ਅਨੁਞ੍ਞਾਤਾ, ਤਸ੍ਮਾ ਸੁਨਿਸ੍ਸਾਰਿਤੋ।
395.Dvemā bhikkhave nissāraṇātiādi vatthuto kammānaṃ kuppākuppabhāvadassanatthaṃ vuttaṃ. Tattha ‘‘appatto nissāraṇaṃ, tañce saṅgho nissāreti, sunissārito’’ti idaṃ pabbājanīyakammaṃ sandhāya vuttaṃ. Pabbājanīyakammena hi vihārato nissārenti, tasmā taṃ ‘‘nissāraṇā’’ti vuccati. Tañcesa yasmā kuladūsako na hoti, tasmā āveṇikena lakkhaṇena appatto. Yasmā panassa ākaṅkhamāno saṅgho pabbājanīyakammaṃ kareyyāti vuttaṃ, tasmā sunissārito hoti. Tañce saṅgho nissāretīti sace saṅgho tajjanīyakammādivasena nissāreti, so yasmā tattha ‘‘tiṇṇaṃ bhikkhave bhikkhūnaṃ ākaṅkhamāno saṅgho tajjanīyakammaṃ kareyya – eko bhaṇḍanakārako hoti kalahakārako vivādakārako bhassakārako saṅghe adhikaraṇakārako, eko bālo hoti abyatto āpattibahulo anapadāno, eko gihisaṃsaṭṭho viharati ananulomikehi gihisaṃsaggehī’’ti (cūḷava. 395) evaṃ ekekenapi aṅgena nissāraṇā anuññātā, tasmā sunissārito.
੩੯੬. ਓਸਾਰਣਾਤਿ ਪવੇਸਨਾ। ਤਤ੍ਥ ਤਞ੍ਚੇ ਸਙ੍ਘੋ ਓਸਾਰੇਤੀਤਿ ਉਪਸਮ੍ਪਦਕਮ੍ਮવਸੇਨ ਪવੇਸੇਤਿ। ਦੋਸਾਰਿਤੋਤਿ ਦੁਓਸਾਰਿਤੋ। ਸਹਸ੍ਸਕ੍ਖਤ੍ਤੁਮ੍ਪਿ ਉਪਸਮ੍ਪਾਦਿਤੋ ਅਨੁਪਸਮ੍ਪਨ੍ਨੋવ ਹੋਤਿ ਆਚਰਿਯੁਪਜ੍ਝਾਯਾ ਚ ਸਾਤਿਸਾਰਾ, ਤਥਾ ਸੇਸੋ ਕਾਰਕਸਙ੍ਘੋ, ਨ ਕੋਚਿ ਆਪਤ੍ਤਿਤੋ ਮੁਚ੍ਚਤਿ। ਇਤਿ ਇਮੇ ਏਕਾਦਸ ਅਭਬ੍ਬਪੁਗ੍ਗਲਾ ਦੋਸਾਰਿਤਾ। ਹਤ੍ਥਚ੍ਛਿਨ੍ਨਾਦਯੋ ਪਨ ਦ੍વਤ੍ਤਿਂਸ ਸੁਓਸਾਰਿਤਾ, ਉਪਸਮ੍ਪਾਦਿਤਾ ਉਪਸਮ੍ਪਨ੍ਨਾવ ਹੋਨ੍ਤਿ, ਨ ਤੇ ਲਬ੍ਭਾ ਕਿਞ੍ਚਿ વਤ੍ਤੁਂ। ਆਚਰਿਯੁਪਜ੍ਝਾਯਾ ਪਨ ਕਾਰਕਸਙ੍ਘੋ ਚ ਸਾਤਿਸਾਰਾ, ਨ ਕੋਚਿ ਆਪਤ੍ਤਿਤੋ ਮੁਚ੍ਚਤਿ।
396.Osāraṇāti pavesanā. Tattha tañce saṅgho osāretīti upasampadakammavasena paveseti. Dosāritoti duosārito. Sahassakkhattumpi upasampādito anupasampannova hoti ācariyupajjhāyā ca sātisārā, tathā seso kārakasaṅgho, na koci āpattito muccati. Iti ime ekādasa abhabbapuggalā dosāritā. Hatthacchinnādayo pana dvattiṃsa suosāritā, upasampāditā upasampannāva honti, na te labbhā kiñci vattuṃ. Ācariyupajjhāyā pana kārakasaṅgho ca sātisārā, na koci āpattito muccati.
੩੯੭. ਇਧ ਪਨ ਭਿਕ੍ਖવੇ ਭਿਕ੍ਖੁਸ੍ਸ ਨ ਹੋਤਿ ਆਪਤ੍ਤਿ ਦਟ੍ਠਬ੍ਬਾਤਿਆਦਿ ਅਭੂਤવਤ੍ਥੁવਸੇਨ ਅਧਮ੍ਮਕਮ੍ਮਂ, ਭੂਤવਤ੍ਥੁવਸੇਨ ਧਮ੍ਮਕਮ੍ਮਞ੍ਚ ਦਸ੍ਸੇਤੁਂ વੁਤ੍ਤਂ। ਤਤ੍ਥ ਪਟਿਨਿਸ੍ਸਜ੍ਜਿਤਾਤਿ ਪਟਿਨਿਸ੍ਸਜ੍ਜਿਤਬ੍ਬਾ।
397.Idha pana bhikkhave bhikkhussa na hoti āpatti daṭṭhabbātiādi abhūtavatthuvasena adhammakammaṃ, bhūtavatthuvasena dhammakammañca dassetuṃ vuttaṃ. Tattha paṭinissajjitāti paṭinissajjitabbā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੨੩੯. ਦ੍વੇਨਿਸ੍ਸਾਰਣਾਦਿਕਥਾ • 239. Dvenissāraṇādikathā
੨੪੦. ਅਧਮ੍ਮਕਮ੍ਮਾਦਿਕਥਾ • 240. Adhammakammādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਦ੍વੇਨਿਸ੍ਸਾਰਣਾਦਿਕਥਾવਣ੍ਣਨਾ • Dvenissāraṇādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਦ੍વੇਨਿਸ੍ਸਾਰਣਾਦਿਕਥਾવਣ੍ਣਨਾ • Dvenissāraṇādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਦ੍વੇਨਿਸ੍ਸਰਣਾਦਿਕਥਾવਣ੍ਣਨਾ • Dvenissaraṇādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੩੯. ਦ੍વੇਨਿਸ੍ਸਾਰਣਾਦਿਕਥਾ • 239. Dvenissāraṇādikathā
