| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੩੯. ਦ੍વੇਨਿਸ੍ਸਾਰਣਾਦਿਕਥਾ
239. Dvenissāraṇādikathā
੩੯੫. ਦ੍વੇਮਾ, ਭਿਕ੍ਖવੇ, ਨਿਸ੍ਸਾਰਣਾ। ਅਤ੍ਥਿ, ਭਿਕ੍ਖવੇ, ਪੁਗ੍ਗਲੋ ਅਪ੍ਪਤ੍ਤੋ ਨਿਸ੍ਸਾਰਣਂ। ਤਞ੍ਚੇ ਸਙ੍ਘੋ ਨਿਸ੍ਸਾਰੇਤਿ, ਏਕਚ੍ਚੋ ਸੁਨਿਸ੍ਸਾਰਿਤੋ, ਏਕਚ੍ਚੋ ਦੁਨ੍ਨਿਸ੍ਸਾਰਿਤੋ। ਕਤਮੋ ਚ, ਭਿਕ੍ਖવੇ, ਪੁਗ੍ਗਲੋ ਅਪ੍ਪਤ੍ਤੋ ਨਿਸ੍ਸਾਰਣਂ, ਤਞ੍ਚੇ ਸਙ੍ਘੋ ਨਿਸ੍ਸਾਰੇਤਿ – ਦੁਨ੍ਨਿਸ੍ਸਾਰਿਤੋ? ਇਧ ਪਨ, ਭਿਕ੍ਖવੇ, ਭਿਕ੍ਖੁ ਸੁਦ੍ਧੋ ਹੋਤਿ ਅਨਾਪਤ੍ਤਿਕੋ। ਤਞ੍ਚੇ ਸਙ੍ਘੋ ਨਿਸ੍ਸਾਰੇਤਿ – ਦੁਨ੍ਨਿਸ੍ਸਾਰਿਤੋ। ਅਯਂ વੁਚ੍ਚਤਿ, ਭਿਕ੍ਖવੇ, ਪੁਗ੍ਗਲੋ ਅਪ੍ਪਤ੍ਤੋ ਨਿਸ੍ਸਾਰਣਂ, ਤਞ੍ਚੇ ਸਙ੍ਘੋ ਨਿਸ੍ਸਾਰੇਤਿ – ਦੁਨ੍ਨਿਸ੍ਸਾਰਿਤੋ।
395. Dvemā, bhikkhave, nissāraṇā. Atthi, bhikkhave, puggalo appatto nissāraṇaṃ. Tañce saṅgho nissāreti, ekacco sunissārito, ekacco dunnissārito. Katamo ca, bhikkhave, puggalo appatto nissāraṇaṃ, tañce saṅgho nissāreti – dunnissārito? Idha pana, bhikkhave, bhikkhu suddho hoti anāpattiko. Tañce saṅgho nissāreti – dunnissārito. Ayaṃ vuccati, bhikkhave, puggalo appatto nissāraṇaṃ, tañce saṅgho nissāreti – dunnissārito.
ਕਤਮੋ ਚ, ਭਿਕ੍ਖવੇ, ਪੁਗ੍ਗਲੋ ਅਪ੍ਪਤ੍ਤੋ ਨਿਸ੍ਸਾਰਣਂ, ਤਞ੍ਚੇ ਸਙ੍ਘੋ ਨਿਸ੍ਸਾਰੇਤਿ – ਸੁਨਿਸ੍ਸਾਰਿਤੋ? ਇਧ ਪਨ, ਭਿਕ੍ਖવੇ, ਭਿਕ੍ਖੁ ਬਾਲੋ ਹੋਤਿ ਅਬ੍ਯਤ੍ਤੋ ਆਪਤ੍ਤਿਬਹੁਲੋ ਅਨਪਦਾਨੋ, ਗਿਹਿਸਂਸਟ੍ਠੋ વਿਹਰਤਿ ਅਨਨੁਲੋਮਿਕੇਹਿ ਗਿਹਿਸਂਸਗ੍ਗੇਹਿ, ਤਞ੍ਚੇ ਸਙ੍ਘੋ ਨਿਸ੍ਸਾਰੇਤਿ – ਸੁਨਿਸ੍ਸਾਰਿਤੋ। ਅਯਂ વੁਚ੍ਚਤਿ, ਭਿਕ੍ਖવੇ, ਪੁਗ੍ਗਲੋ ਅਪ੍ਪਤ੍ਤੋ ਨਿਸ੍ਸਾਰਣਂ, ਤਞ੍ਚੇ ਸਙ੍ਘੋ ਨਿਸ੍ਸਾਰੇਤਿ – ਸੁਨਿਸ੍ਸਾਰਿਤੋ।
Katamo ca, bhikkhave, puggalo appatto nissāraṇaṃ, tañce saṅgho nissāreti – sunissārito? Idha pana, bhikkhave, bhikkhu bālo hoti abyatto āpattibahulo anapadāno, gihisaṃsaṭṭho viharati ananulomikehi gihisaṃsaggehi, tañce saṅgho nissāreti – sunissārito. Ayaṃ vuccati, bhikkhave, puggalo appatto nissāraṇaṃ, tañce saṅgho nissāreti – sunissārito.
੩੯੬. ਦ੍વੇਮਾ , ਭਿਕ੍ਖવੇ, ਓਸਾਰਣਾ। ਅਤ੍ਥਿ, ਭਿਕ੍ਖવੇ, ਪੁਗ੍ਗਲੋ ਅਪ੍ਪਤ੍ਤੋ ਓਸਾਰਣਂ ਤਞ੍ਚੇ ਸਙ੍ਘੋ ਓਸਾਰੇਤਿ, ਏਕਚ੍ਚੋ ਸੋਸਾਰਿਤੋ, ਏਕਚ੍ਚੋ ਦੋਸਾਰਿਤੋ। ਕਤਮੋ ਚ, ਭਿਕ੍ਖવੇ, ਪੁਗ੍ਗਲੋ ਅਪ੍ਪਤ੍ਤੋ ਓਸਾਰਣਂ, ਤਞ੍ਚੇ ਸਙ੍ਘੋ ਓਸਾਰੇਤਿ – ਦੋਸਾਰਿਤੋ? ਪਣ੍ਡਕੋ, ਭਿਕ੍ਖવੇ, ਅਪ੍ਪਤ੍ਤੋ ਓਸਾਰਣਂ, ਤਞ੍ਚੇ ਸਙ੍ਘੋ ਓਸਾਰੇਤਿ – ਦੋਸਾਰਿਤੋ। ਥੇਯ੍ਯਸਂવਾਸਕੋ, ਭਿਕ੍ਖવੇ, ਅਪ੍ਪਤ੍ਤੋ ਓਸਾਰਣਂ, ਤਞ੍ਚੇ ਸਙ੍ਘੋ ਓਸਾਰੇਤਿ – ਦੋਸਾਰਿਤੋ। ਤਿਤ੍ਥਿਯਪਕ੍ਕਨ੍ਤਕੋ, ਭਿਕ੍ਖવੇ…ਪੇ॰… ਤਿਰਚ੍ਛਾਨਗਤੋ, ਭਿਕ੍ਖવੇ… ਮਾਤੁਘਾਤਕੋ, ਭਿਕ੍ਖવੇ… ਪਿਤੁਘਾਤਕੋ, ਭਿਕ੍ਖવੇ… ਅਰਹਨ੍ਤਘਾਤਕੋ, ਭਿਕ੍ਖવੇ… ਭਿਕ੍ਖੁਨਿਦੂਸਕੋ, ਭਿਕ੍ਖવੇ… ਸਙ੍ਘਭੇਦਕੋ, ਭਿਕ੍ਖવੇ… ਲੋਹਿਤੁਪ੍ਪਾਦਕੋ, ਭਿਕ੍ਖવੇ… ਉਭਤੋਬ੍ਯਞ੍ਜਨਕੋ, ਭਿਕ੍ਖવੇ, ਅਪ੍ਪਤ੍ਤੋ, ਓਸਾਰਣਂ, ਤਞ੍ਚੇ ਸਙ੍ਘੋ ਓਸਾਰੇਤਿ – ਦੋਸਾਰਿਤੋ। ਅਯਂ વੁਚ੍ਚਤਿ, ਭਿਕ੍ਖવੇ, ਪੁਗ੍ਗਲੋ ਅਪ੍ਪਤ੍ਤੋ ਓਸਾਰਣਂ, ਤਞ੍ਚੇ ਸਙ੍ਘੋ ਓਸਾਰੇਤਿ – ਦੋਸਾਰਿਤੋ। ਇਮੇ વੁਚ੍ਚਨ੍ਤਿ, ਭਿਕ੍ਖવੇ, ਪੁਗ੍ਗਲਾ ਅਪ੍ਪਤ੍ਤਾ ਓਸਾਰਣਂ, ਤੇ ਚੇ ਸਙ੍ਘੋ ਓਸਾਰੇਤਿ – ਦੋਸਾਰਿਤਾ।
396. Dvemā , bhikkhave, osāraṇā. Atthi, bhikkhave, puggalo appatto osāraṇaṃ tañce saṅgho osāreti, ekacco sosārito, ekacco dosārito. Katamo ca, bhikkhave, puggalo appatto osāraṇaṃ, tañce saṅgho osāreti – dosārito? Paṇḍako, bhikkhave, appatto osāraṇaṃ, tañce saṅgho osāreti – dosārito. Theyyasaṃvāsako, bhikkhave, appatto osāraṇaṃ, tañce saṅgho osāreti – dosārito. Titthiyapakkantako, bhikkhave…pe… tiracchānagato, bhikkhave… mātughātako, bhikkhave… pitughātako, bhikkhave… arahantaghātako, bhikkhave… bhikkhunidūsako, bhikkhave… saṅghabhedako, bhikkhave… lohituppādako, bhikkhave… ubhatobyañjanako, bhikkhave, appatto, osāraṇaṃ, tañce saṅgho osāreti – dosārito. Ayaṃ vuccati, bhikkhave, puggalo appatto osāraṇaṃ, tañce saṅgho osāreti – dosārito. Ime vuccanti, bhikkhave, puggalā appattā osāraṇaṃ, te ce saṅgho osāreti – dosāritā.
ਕਤਮੋ ਚ, ਭਿਕ੍ਖવੇ, ਪੁਗ੍ਗਲੋ ਅਪ੍ਪਤ੍ਤੋ ਓਸਾਰਣਂ, ਤਞ੍ਚੇ ਸਙ੍ਘੋ ਓਸਾਰੇਤਿ – ਸੋਸਾਰਿਤੋ? ਹਤ੍ਥਚ੍ਛਿਨ੍ਨੋ, ਭਿਕ੍ਖવੇ, ਅਪ੍ਪਤ੍ਤੋ ਓਸਾਰਣਂ, ਤਞ੍ਚੇ ਸਙ੍ਘੋ ਓਸਾਰੇਤਿ, ਸੋਸਾਰਿਤੋ। ਪਾਦਚ੍ਛਿਨ੍ਨੋ, ਭਿਕ੍ਖવੇ…ਪੇ॰… ਹਤ੍ਥਪਾਦਚ੍ਛਿਨ੍ਨੋ, ਭਿਕ੍ਖવੇ… ਕਣ੍ਣਚ੍ਛਿਨ੍ਨੋ , ਭਿਕ੍ਖવੇ… ਨਾਸਚ੍ਛਿਨ੍ਨੋ, ਭਿਕ੍ਖવੇ… ਕਣ੍ਣਨਾਸਚ੍ਛਿਨ੍ਨੋ, ਭਿਕ੍ਖવੇ… ਅਙ੍ਗੁਲਿਚ੍ਛਿਨ੍ਨੋ, ਭਿਕ੍ਖવੇ… ਅਲ਼ਚ੍ਛਿਨ੍ਨੋ, ਭਿਕ੍ਖવੇ… ਕਣ੍ਡਰਚ੍ਛਿਨ੍ਨੋ, ਭਿਕ੍ਖવੇ… ਫਣਹਤ੍ਥਕੋ, ਭਿਕ੍ਖવੇ… ਖੁਜ੍ਜੋ, ਭਿਕ੍ਖવੇ… વਾਮਨੋ, ਭਿਕ੍ਖવੇ… ਗਲਗਣ੍ਡੀ, ਭਿਕ੍ਖવੇ… ਲਕ੍ਖਣਾਹਤੋ, ਭਿਕ੍ਖવੇ… ਕਸਾਹਤੋ, ਭਿਕ੍ਖવੇ… ਲਿਖਿਤਕੋ, ਭਿਕ੍ਖવੇ… ਸੀਪਦਿਕੋ, ਭਿਕ੍ਖવੇ… ਪਾਪਰੋਗੀ, ਭਿਕ੍ਖવੇ… ਪਰਿਸਦੂਸਕੋ, ਭਿਕ੍ਖવੇ… ਕਾਣੋ, ਭਿਕ੍ਖવੇ… ਕੁਣੀ, ਭਿਕ੍ਖવੇ… ਖਞ੍ਜੋ, ਭਿਕ੍ਖવੇ… ਪਕ੍ਖਹਤੋ, ਭਿਕ੍ਖવੇ… ਛਿਨ੍ਨਿਰਿਯਾਪਥੋ, ਭਿਕ੍ਖવੇ… ਜਰਾਦੁਬ੍ਬਲੋ, ਭਿਕ੍ਖવੇ… ਅਨ੍ਧੋ, ਭਿਕ੍ਖવੇ… ਮੂਗੋ, ਭਿਕ੍ਖવੇ… ਬਧਿਰੋ, ਭਿਕ੍ਖવੇ… ਅਨ੍ਧਮੂਗੋ, ਭਿਕ੍ਖવੇ… ਅਨ੍ਧਬਧਿਰੋ, ਭਿਕ੍ਖવੇ… ਮੂਗਬਧਿਰੋ, ਭਿਕ੍ਖવੇ… ਅਨ੍ਧਮੂਗਬਧਿਰੋ, ਭਿਕ੍ਖવੇ, ਅਪ੍ਪਤ੍ਤੋ ਓਸਾਰਣਂ, ਤਞ੍ਚੇ ਸਙ੍ਘੋ ਓਸਾਰੇਤਿ – ਸੋਸਾਰਿਤੋ। ਅਯਂ વੁਚ੍ਚਤਿ, ਭਿਕ੍ਖવੇ, ਪੁਗ੍ਗਲੋ ਅਪ੍ਪਤ੍ਤੋ ਓਸਾਰਣਂ, ਤਞ੍ਚੇ ਸਙ੍ਘੋ ਓਸਾਰੇਤਿ – ਸੋਸਾਰਿਤੋ। ਇਮੇ વੁਚ੍ਚਨ੍ਤਿ, ਭਿਕ੍ਖવੇ, ਪੁਗ੍ਗਲਾ ਅਪ੍ਪਤ੍ਤਾ ਓਸਾਰਣਂ, ਤੇ ਚੇ ਸਙ੍ਘੋ ਓਸਾਰੇਤਿ – ਸੋਸਾਰਿਤਾ।
Katamo ca, bhikkhave, puggalo appatto osāraṇaṃ, tañce saṅgho osāreti – sosārito? Hatthacchinno, bhikkhave, appatto osāraṇaṃ, tañce saṅgho osāreti, sosārito. Pādacchinno, bhikkhave…pe… hatthapādacchinno, bhikkhave… kaṇṇacchinno , bhikkhave… nāsacchinno, bhikkhave… kaṇṇanāsacchinno, bhikkhave… aṅgulicchinno, bhikkhave… aḷacchinno, bhikkhave… kaṇḍaracchinno, bhikkhave… phaṇahatthako, bhikkhave… khujjo, bhikkhave… vāmano, bhikkhave… galagaṇḍī, bhikkhave… lakkhaṇāhato, bhikkhave… kasāhato, bhikkhave… likhitako, bhikkhave… sīpadiko, bhikkhave… pāparogī, bhikkhave… parisadūsako, bhikkhave… kāṇo, bhikkhave… kuṇī, bhikkhave… khañjo, bhikkhave… pakkhahato, bhikkhave… chinniriyāpatho, bhikkhave… jarādubbalo, bhikkhave… andho, bhikkhave… mūgo, bhikkhave… badhiro, bhikkhave… andhamūgo, bhikkhave… andhabadhiro, bhikkhave… mūgabadhiro, bhikkhave… andhamūgabadhiro, bhikkhave, appatto osāraṇaṃ, tañce saṅgho osāreti – sosārito. Ayaṃ vuccati, bhikkhave, puggalo appatto osāraṇaṃ, tañce saṅgho osāreti – sosārito. Ime vuccanti, bhikkhave, puggalā appattā osāraṇaṃ, te ce saṅgho osāreti – sosāritā.
ਦ੍વੇਨਿਸ੍ਸਾਰਣਾਦਿਕਥਾ ਨਿਟ੍ਠਿਤਾ।
Dvenissāraṇādikathā niṭṭhitā.
વਾਸਭਗਾਮਭਾਣવਾਰੋ ਨਿਟ੍ਠਿਤੋ ਪਠਮੋ।
Vāsabhagāmabhāṇavāro niṭṭhito paṭhamo.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਦ੍વੇਨਿਸ੍ਸਾਰਣਾਦਿਕਥਾ • Dvenissāraṇādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਦ੍વੇਨਿਸ੍ਸਾਰਣਾਦਿਕਥਾવਣ੍ਣਨਾ • Dvenissāraṇādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਦ੍વੇਨਿਸ੍ਸਾਰਣਾਦਿਕਥਾવਣ੍ਣਨਾ • Dvenissāraṇādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਦ੍વੇਨਿਸ੍ਸਰਣਾਦਿਕਥਾવਣ੍ਣਨਾ • Dvenissaraṇādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੩੯. ਦ੍વੇਨਿਸ੍ਸਾਰਣਾਦਿਕਥਾ • 239. Dvenissāraṇādikathā
