| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
த்³வேனிஸ்ஸாரணாதி³கதா²வண்ணனா
Dvenissāraṇādikathāvaṇṇanā
395. அப்பத்தோ நிஸ்ஸாரணந்தி எத்த² நிஸ்ஸாரணகம்மங் நாம குலதூ³ஸகானஞ்ஞேவ அனுஞ்ஞாதங், அயஞ்ச ‘‘பா³லோ ஹோதி அப்³யத்தோ’’திஆதி³னா நித்³தி³ட்டோ² குலதூ³ஸகோ ந ஹோதி, தஸ்மா ‘‘அப்பத்தோ’’தி வுத்தோ . யதி³ ஏவங் கத²ங் ஸுனிஸ்ஸாரிதோ ஹோதீதி? பா³லஅப்³யத்ததாதி³யுத்தஸ்ஸபி கம்மக்க²ந்த⁴கே ‘‘ஆகங்க²மானோ ஸங்கோ⁴ பப்³பா³ஜனீயகம்மங் கரெய்யா’’தி (சூளவ॰ 27) வுத்தத்தா. தேனேவாஹ ‘‘தஞ்சேஸ…பே॰… தஸ்மா ஸுனிஸ்ஸாரிதோ ஹோதீ’’தி. தத்த² தந்தி பப்³பா³ஜனீயகம்மங். ஏஸோதி ‘‘பா³லோ’’திஆதி³னா நித்³தி³ட்டோ². ஆவேணிகேன லக்க²ணேனாதி பப்³பா³ஜனீயகம்மஸ்ஸ ஆவேணிகபூ⁴தேன குலதூ³ஸகபா⁴வலக்க²ணேன.
395.Appattonissāraṇanti ettha nissāraṇakammaṃ nāma kuladūsakānaññeva anuññātaṃ, ayañca ‘‘bālo hoti abyatto’’tiādinā niddiṭṭho kuladūsako na hoti, tasmā ‘‘appatto’’ti vutto . Yadi evaṃ kathaṃ sunissārito hotīti? Bālaabyattatādiyuttassapi kammakkhandhake ‘‘ākaṅkhamāno saṅgho pabbājanīyakammaṃ kareyyā’’ti (cūḷava. 27) vuttattā. Tenevāha ‘‘tañcesa…pe… tasmā sunissārito hotī’’ti. Tattha tanti pabbājanīyakammaṃ. Esoti ‘‘bālo’’tiādinā niddiṭṭho. Āveṇikena lakkhaṇenāti pabbājanīyakammassa āveṇikabhūtena kuladūsakabhāvalakkhaṇena.
தஞ்சே ஸங்கோ⁴ நிஸ்ஸாரேதி, ஸுனிஸ்ஸாரிதோதி எத்த² அதி⁴ப்பேதஸ்ஸ பப்³பா³ஜனீயகம்மஸ்ஸ வஸேன அத்த²ங் த³ஸ்ஸெத்வா இதா³னி யதி³ ‘‘தஞ்சே ஸங்கோ⁴ நிஸ்ஸாரேதீ’’தி தஜ்ஜனீயாதி³கம்மவஸேன நிஸ்ஸாரணா அதி⁴ப்பேதா, ததா³ நிஸ்ஸாரணங் ஸம்பத்தோயேவ தஜ்ஜனீயாதி³வஸேன ஸுனிஸ்ஸாரிதோதி ப்³யதிரேகமுகே²ன அத்த²ங் த³ஸ்ஸேதுங் புன ‘‘தஞ்சே ஸங்கோ⁴ நிஸ்ஸாரேதீ’’தி உல்லிங்கெ³த்வா அத்தோ² கதி²தோ. நத்தி² ஏதஸ்ஸ அபதா³னங் அவக²ண்ட³னங் ஆபத்திபரியந்தோதி அனபதா³னோ. ஏகேகேனபி அங்கே³ன நிஸ்ஸாரணா அனுஞ்ஞாதாதி கம்மக்க²ந்த⁴கே அனுஞ்ஞாதா. ஸேஸமெத்த² பாளிதோ அட்ட²கதா²தோ ச ஸுவிஞ்ஞெய்யமேவ.
Tañce saṅgho nissāreti, sunissāritoti ettha adhippetassa pabbājanīyakammassa vasena atthaṃ dassetvā idāni yadi ‘‘tañce saṅgho nissāretī’’ti tajjanīyādikammavasena nissāraṇā adhippetā, tadā nissāraṇaṃ sampattoyeva tajjanīyādivasena sunissāritoti byatirekamukhena atthaṃ dassetuṃ puna ‘‘tañce saṅgho nissāretī’’ti ulliṅgetvā attho kathito. Natthi etassa apadānaṃ avakhaṇḍanaṃ āpattipariyantoti anapadāno. Ekekenapi aṅgena nissāraṇā anuññātāti kammakkhandhake anuññātā. Sesamettha pāḷito aṭṭhakathāto ca suviññeyyameva.
த்³வேனிஸ்ஸாரணாதி³கதா²வண்ணனா நிட்டி²தா.
Dvenissāraṇādikathāvaṇṇanā niṭṭhitā.
சம்பெய்யக்க²ந்த⁴கவண்ணனா நிட்டி²தா.
Campeyyakkhandhakavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 239. த்³வேனிஸ்ஸாரணாதி³கதா² • 239. Dvenissāraṇādikathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / த்³வேனிஸ்ஸாரணாதி³கதா² • Dvenissāraṇādikathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / த்³வேனிஸ்ஸாரணாதி³கதா²வண்ணனா • Dvenissāraṇādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / த்³வேனிஸ்ஸரணாதி³கதா²வண்ணனா • Dvenissaraṇādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 239. த்³வேனிஸ்ஸாரணாதி³கதா² • 239. Dvenissāraṇādikathā
