| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
д̣̇взниссаран̣аад̣̇игат̇ааван̣н̣анаа
Dvenissaraṇādikathāvaṇṇanā
395. зсаад̇и ‘‘б̣аало’’д̇иаад̣̇инаа нид̣̇д̣̇идтабуг̇г̇ало, аббад̇д̇од̇и самб̣анд̇хо. д̇ад̇т̇а гааран̣амааха ‘‘яасмаа’’д̇иаад̣̇и. д̇ад̇т̇а аавзн̣игзна лагкан̣знаад̇и баб̣б̣ааж̇анийяагаммасса нимид̇д̇абхаавзна баал̣ияам̣ вуд̇д̇ад̇д̇аа асаад̇хааран̣абхууд̇зна гулад̣̇уусагабхаавзна. яад̣̇и хзса д̇ам̣ гаммам̣ аббад̇д̇о, гат̇ам̣ бана суниссаарид̇од̇и ааха ‘‘яасмаа банасса ааган̇камаано сан̇гхо баб̣б̣ааж̇анийяагаммам̣ гарзяяаад̇и вуд̇д̇ам̣, д̇асмаа суниссаарид̇о’’д̇и. д̇ад̇т̇а вуд̇д̇анд̇и гаммагканд̇хагз (жуул̣ава. 27) вуд̇д̇ам̣.
395.Esāti ‘‘bālo’’tiādinā niddiṭṭhapuggalo, appattoti sambandho. Tattha kāraṇamāha ‘‘yasmā’’tiādi. Tattha āveṇikena lakkhaṇenāti pabbājanīyakammassa nimittabhāvena pāḷiyaṃ vuttattā asādhāraṇabhūtena kuladūsakabhāvena. Yadi hesa taṃ kammaṃ appatto, kathaṃ pana sunissāritoti āha ‘‘yasmā panassa ākaṅkhamāno saṅgho pabbājanīyakammaṃ kareyyāti vuttaṃ, tasmā sunissārito’’ti. Tattha vuttanti kammakkhandhake (cūḷava. 27) vuttaṃ.
зд̇т̇а бана гулад̣̇уусагагаммам̣ гад̇ваа баб̣б̣ааж̇анийяагаммагад̇асса д̇зрасагаган̣д̣агадтагат̇ааяам̣ ‘‘яасмим̣ вихаарз васанд̇зна яасмим̣ г̇аамз гулад̣̇уусагагаммам̣ гад̇ам̣ ход̇и, д̇асмим̣ вихаарз ваа д̇асмим̣ г̇аамз ваа на васид̇аб̣б̣а’’нд̇иаад̣̇инаа (баараа. адта. 2.433) яаа саммаавад̇д̇анаа вуд̇д̇аа, саа ид̇арзнааби буурзд̇аб̣б̣аа. яам̣ бана бадиббассад̣̇д̇хагаммасса гулад̣̇уусагасса д̇ад̇т̇зва адтагат̇ааяам̣ ‘‘язсу гулзсу гулад̣̇уусагагаммам̣ гад̇ам̣, д̇ад̇о бажжаяаа на г̇ахзд̇аб̣б̣аа’’д̇иаад̣̇и вуд̇д̇ам̣, д̇ам̣ на буурзд̇аб̣б̣ам̣ гуласан̇г̇ахасса агад̇ад̇д̇аа. звам̣ сзсагаммзсуби. яад̣̇и звам̣ ‘‘д̇аж̇ж̇анийяагаммаарахасса нияасагаммам̣ гарод̇и…бз… звам̣ ко, убаали, ад̇хаммагаммам̣ ход̇ий’’д̇иаад̣̇иважанам̣ (махаава. 402) вируж̇жхад̇ийд̇и? на вируж̇жхад̇и сан̇гхасаннидтаанавасзна д̇аж̇ж̇анийяаад̣̇игаммаарахад̇д̇асса сиж̇жханад̇о. яасса хи сан̇гхо ‘‘д̇аж̇ж̇анийяагаммам̣ гаромаа’’д̇и саннидтаанам̣ гад̇ваа гаммаваажам̣ саавзнд̇о баб̣б̣ааж̇анийяагаммаваажам̣ саавзд̇и, д̇асса гаммам̣ ад̇хаммагаммам̣ ход̇и. сажз бана ‘‘д̇ассзва баб̣б̣ааж̇анийяагаммамзва гаромаа’’д̇и саннидтаанам̣ гад̇ваа д̇ад̣̇зва гарод̇и, д̇асса д̇ам̣ гаммам̣ д̇хаммагамманд̇и взд̣̇ид̇аб̣б̣ам̣.
Ettha pana kuladūsakakammaṃ katvā pabbājanīyakammakatassa terasakakaṇḍakaṭṭhakathāyaṃ ‘‘yasmiṃ vihāre vasantena yasmiṃ gāme kuladūsakakammaṃ kataṃ hoti, tasmiṃ vihāre vā tasmiṃ gāme vā na vasitabba’’ntiādinā (pārā. aṭṭha. 2.433) yā sammāvattanā vuttā, sā itarenāpi pūretabbā. Yaṃ pana paṭippassaddhakammassa kuladūsakassa tattheva aṭṭhakathāyaṃ ‘‘yesu kulesu kuladūsakakammaṃ kataṃ, tato paccayā na gahetabbā’’tiādi vuttaṃ, taṃ na pūretabbaṃ kulasaṅgahassa akatattā. Evaṃ sesakammesupi. Yadi evaṃ ‘‘tajjanīyakammārahassa niyasakammaṃ karoti…pe… evaṃ kho, upāli, adhammakammaṃ hotī’’tiādivacanaṃ (mahāva. 402) virujjhatīti? Na virujjhati saṅghasanniṭṭhānavasena tajjanīyādikammārahattassa sijjhanato. Yassa hi saṅgho ‘‘tajjanīyakammaṃ karomā’’ti sanniṭṭhānaṃ katvā kammavācaṃ sāvento pabbājanīyakammavācaṃ sāveti, tassa kammaṃ adhammakammaṃ hoti. Sace pana ‘‘tasseva pabbājanīyakammameva karomā’’ti sanniṭṭhānaṃ katvā tadeva karoti, tassa taṃ kammaṃ dhammakammanti veditabbaṃ.
звамид̇ха ‘‘ниссааран̣а’’нд̇и ад̇хиббзд̇асса баб̣б̣ааж̇анийяагаммасса васзна ад̇т̇ам̣ д̣̇ассзд̇ваа ид̣̇аани д̇ад̣̇ан̃н̃зсам̣ д̇аж̇ж̇анийяаад̣̇ийнам̣ васзна ниссааран̣з ад̇хиббзд̇з ‘‘аббад̇д̇о ниссааран̣а’’нд̇и имасса бадибагкавасзна самбад̇д̇о ниссааран̣ам̣, ‘‘д̇ан̃жз сан̇гхо ниссаарзд̇и. суниссаарид̇о’’д̇и ад̇т̇асамбхавам̣ д̣̇ассзд̇ум̣ буна ‘‘д̇ан̃жз сан̇гхо ниссаарзд̇ийд̇и сажз сан̇гхо’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇аж̇ж̇анийяаад̣̇игаммависаяз, згзнааби ан̇г̇зна ниссааран̣аа анун̃н̃аад̇аад̇и яож̇анаа. баал̣ияам̣ аббад̇д̇о ниссааран̣анд̇и зд̇т̇а аабанно аавзн̣игавасзна д̇аж̇ж̇анийяаад̣̇исан̇каад̇ам̣ ниссааран̣ам̣ бад̇д̇од̇и ад̇т̇о г̇ахзд̇аб̣б̣о.
Evamidha ‘‘nissāraṇa’’nti adhippetassa pabbājanīyakammassa vasena atthaṃ dassetvā idāni tadaññesaṃ tajjanīyādīnaṃ vasena nissāraṇe adhippete ‘‘appatto nissāraṇa’’nti imassa paṭipakkhavasena sampatto nissāraṇaṃ, ‘‘tañce saṅgho nissāreti. Sunissārito’’ti atthasambhavaṃ dassetuṃ puna ‘‘tañce saṅgho nissāretīti sace saṅgho’’tiādi vuttaṃ. Tattha tatthāti tajjanīyādikammavisaye, ekenāpi aṅgena nissāraṇā anuññātāti yojanā. Pāḷiyaṃ appatto nissāraṇanti ettha āpanno āveṇikavasena tajjanīyādisaṅkhātaṃ nissāraṇaṃ pattoti attho gahetabbo.
д̣̇взниссаран̣аад̣̇игат̇ааван̣н̣анаа нидтид̇аа.
Dvenissaraṇādikathāvaṇṇanā niṭṭhitā.
жамбзяяагканд̇хагаван̣н̣анаанаяо нидтид̇о.
Campeyyakkhandhakavaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 239. д̣̇взниссааран̣аад̣̇игат̇аа • 239. Dvenissāraṇādikathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / д̣̇взниссааран̣аад̣̇игат̇аа • Dvenissāraṇādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇взниссааран̣аад̣̇игат̇ааван̣н̣анаа • Dvenissāraṇādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇взниссааран̣аад̣̇игат̇ааван̣н̣анаа • Dvenissāraṇādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 239. д̣̇взниссааран̣аад̣̇игат̇аа • 239. Dvenissāraṇādikathā
