| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
ဒ္ဝေနိသ္သာရဏာဒိကထာဝဏ္ဏနာ
Dvenissāraṇādikathāvaṇṇanā
၃၉၅. အပ္ပတ္တော နိသ္သာရဏန္တိ ဧတ္ထ နိသ္သာရဏကမ္မံ နာမ ကုလဒူသကာနညေဝ အနုညာတံ, အယဉ္စ ‘‘ဗာလော ဟောတိ အဗ္ယတ္တော’’တိအာဒိနာ နိဒ္ဒိဋ္ဌော ကုလဒူသကော န ဟောတိ, တသ္မာ ‘‘အပ္ပတ္တော’’တိ ဝုတ္တော ။ ယဒိ ဧဝံ ကထံ သုနိသ္သာရိတော ဟောတီတိ? ဗာလအဗ္ယတ္တတာဒိယုတ္တသ္သပိ ကမ္မက္ခန္ဓကေ ‘‘အာကင္ခမာနော သင္ဃော ပဗ္ဗာဇနီယကမ္မံ ကရေယ္ယာ’’တိ (စူဠဝ. ၂၇) ဝုတ္တတ္တာ။ တေနေဝာဟ ‘‘တဉ္စေသ။ပေ.။ တသ္မာ သုနိသ္သာရိတော ဟောတီ’’တိ။ တတ္ထ တန္တိ ပဗ္ဗာဇနီယကမ္မံ။ ဧသောတိ ‘‘ဗာလော’’တိအာဒိနာ နိဒ္ဒိဋ္ဌော။ အာဝေဏိကေန လက္ခဏေနာတိ ပဗ္ဗာဇနီယကမ္မသ္သ အာဝေဏိကဘူတေန ကုလဒူသကဘာဝလက္ခဏေန။
395.Appattonissāraṇanti ettha nissāraṇakammaṃ nāma kuladūsakānaññeva anuññātaṃ, ayañca ‘‘bālo hoti abyatto’’tiādinā niddiṭṭho kuladūsako na hoti, tasmā ‘‘appatto’’ti vutto . Yadi evaṃ kathaṃ sunissārito hotīti? Bālaabyattatādiyuttassapi kammakkhandhake ‘‘ākaṅkhamāno saṅgho pabbājanīyakammaṃ kareyyā’’ti (cūḷava. 27) vuttattā. Tenevāha ‘‘tañcesa…pe… tasmā sunissārito hotī’’ti. Tattha tanti pabbājanīyakammaṃ. Esoti ‘‘bālo’’tiādinā niddiṭṭho. Āveṇikena lakkhaṇenāti pabbājanīyakammassa āveṇikabhūtena kuladūsakabhāvalakkhaṇena.
တဉ္စေ သင္ဃော နိသ္သာရေတိ, သုနိသ္သာရိတောတိ ဧတ္ထ အဓိပ္ပေတသ္သ ပဗ္ဗာဇနီယကမ္မသ္သ ဝသေန အတ္ထံ ဒသ္သေတ္ဝာ ဣဒာနိ ယဒိ ‘‘တဉ္စေ သင္ဃော နိသ္သာရေတီ’’တိ တဇ္ဇနီယာဒိကမ္မဝသေန နိသ္သာရဏာ အဓိပ္ပေတာ, တဒာ နိသ္သာရဏံ သမ္ပတ္တောယေဝ တဇ္ဇနီယာဒိဝသေန သုနိသ္သာရိတောတိ ဗ္ယတိရေကမုခေန အတ္ထံ ဒသ္သေတုံ ပုန ‘‘တဉ္စေ သင္ဃော နိသ္သာရေတီ’’တိ ဥလ္လိင္ဂေတ္ဝာ အတ္ထော ကထိတော။ နတ္ထိ ဧတသ္သ အပဒာနံ အဝခဏ္ဍနံ အာပတ္တိပရိယန္တောတိ အနပဒာနော။ ဧကေကေနပိ အင္ဂေန နိသ္သာရဏာ အနုညာတာတိ ကမ္မက္ခန္ဓကေ အနုညာတာ။ သေသမေတ္ထ ပာဠိတော အဋ္ဌကထာတော စ သုဝိညေယ္ယမေဝ။
Tañce saṅgho nissāreti, sunissāritoti ettha adhippetassa pabbājanīyakammassa vasena atthaṃ dassetvā idāni yadi ‘‘tañce saṅgho nissāretī’’ti tajjanīyādikammavasena nissāraṇā adhippetā, tadā nissāraṇaṃ sampattoyeva tajjanīyādivasena sunissāritoti byatirekamukhena atthaṃ dassetuṃ puna ‘‘tañce saṅgho nissāretī’’ti ulliṅgetvā attho kathito. Natthi etassa apadānaṃ avakhaṇḍanaṃ āpattipariyantoti anapadāno. Ekekenapi aṅgena nissāraṇā anuññātāti kammakkhandhake anuññātā. Sesamettha pāḷito aṭṭhakathāto ca suviññeyyameva.
ဒ္ဝေနိသ္သာရဏာဒိကထာဝဏ္ဏနာ နိဋ္ဌိတာ။
Dvenissāraṇādikathāvaṇṇanā niṭṭhitā.
စမ္ပေယ္ယက္ခန္ဓကဝဏ္ဏနာ နိဋ္ဌိတာ။
Campeyyakkhandhakavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၂၃၉. ဒ္ဝေနိသ္သာရဏာဒိကထာ • 239. Dvenissāraṇādikathā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ဒ္ဝေနိသ္သာရဏာဒိကထာ • Dvenissāraṇādikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဒ္ဝေနိသ္သာရဏာဒိကထာဝဏ္ဏနာ • Dvenissāraṇādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဒ္ဝေနိသ္သရဏာဒိကထာဝဏ္ဏနာ • Dvenissaraṇādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂၃၉. ဒ္ဝေနိသ္သာရဏာဒိကထာ • 239. Dvenissāraṇādikathā
