| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
དྭེནིསྶཱརཎཱདིཀཐཱཝཎྞནཱ
Dvenissāraṇādikathāvaṇṇanā
༣༩༥. ཨཔྤཏྟོ ནིསྶཱརཎནྟི ཨེཏྠ ནིསྶཱརཎཀམྨཾ ནཱམ ཀུལདཱུསཀཱནཉྙེཝ ཨནུཉྙཱཏཾ, ཨཡཉྩ ‘‘བཱལོ ཧོཏི ཨབྱཏྟོ’’ཏིཨཱདིནཱ ནིདྡིཊྛོ ཀུལདཱུསཀོ ན ཧོཏི, ཏསྨཱ ‘‘ཨཔྤཏྟོ’’ཏི ཝུཏྟོ ། ཡདི ཨེཝཾ ཀཐཾ སུནིསྶཱརིཏོ ཧོཏཱིཏི? བཱལཨབྱཏྟཏཱདིཡུཏྟསྶཔི ཀམྨཀྑནྡྷཀེ ‘‘ཨཱཀངྑམཱནོ སངྒྷོ པབྦཱཛནཱིཡཀམྨཾ ཀརེཡྻཱ’’ཏི (ཙཱུལ༹ཝ॰ ༢༧) ཝུཏྟཏྟཱ། ཏེནེཝཱཧ ‘‘ཏཉྩེས…པེ॰… ཏསྨཱ སུནིསྶཱརིཏོ ཧོཏཱི’’ཏི། ཏཏྠ ཏནྟི པབྦཱཛནཱིཡཀམྨཾ། ཨེསོཏི ‘‘བཱལོ’’ཏིཨཱདིནཱ ནིདྡིཊྛོ། ཨཱཝེཎིཀེན ལཀྑཎེནཱཏི པབྦཱཛནཱིཡཀམྨསྶ ཨཱཝེཎིཀབྷཱུཏེན ཀུལདཱུསཀབྷཱཝལཀྑཎེན།
395.Appattonissāraṇanti ettha nissāraṇakammaṃ nāma kuladūsakānaññeva anuññātaṃ, ayañca ‘‘bālo hoti abyatto’’tiādinā niddiṭṭho kuladūsako na hoti, tasmā ‘‘appatto’’ti vutto . Yadi evaṃ kathaṃ sunissārito hotīti? Bālaabyattatādiyuttassapi kammakkhandhake ‘‘ākaṅkhamāno saṅgho pabbājanīyakammaṃ kareyyā’’ti (cūḷava. 27) vuttattā. Tenevāha ‘‘tañcesa…pe… tasmā sunissārito hotī’’ti. Tattha tanti pabbājanīyakammaṃ. Esoti ‘‘bālo’’tiādinā niddiṭṭho. Āveṇikena lakkhaṇenāti pabbājanīyakammassa āveṇikabhūtena kuladūsakabhāvalakkhaṇena.
ཏཉྩེ སངྒྷོ ནིསྶཱརེཏི, སུནིསྶཱརིཏོཏི ཨེཏྠ ཨདྷིཔྤེཏསྶ པབྦཱཛནཱིཡཀམྨསྶ ཝསེན ཨཏྠཾ དསྶེཏྭཱ ཨིདཱནི ཡདི ‘‘ཏཉྩེ སངྒྷོ ནིསྶཱརེཏཱི’’ཏི ཏཛྫནཱིཡཱདིཀམྨཝསེན ནིསྶཱརཎཱ ཨདྷིཔྤེཏཱ, ཏདཱ ནིསྶཱརཎཾ སམྤཏྟོཡེཝ ཏཛྫནཱིཡཱདིཝསེན སུནིསྶཱརིཏོཏི བྱཏིརེཀམུཁེན ཨཏྠཾ དསྶེཏུཾ པུན ‘‘ཏཉྩེ སངྒྷོ ནིསྶཱརེཏཱི’’ཏི ཨུལླིངྒེཏྭཱ ཨཏྠོ ཀཐིཏོ། ནཏྠི ཨེཏསྶ ཨཔདཱནཾ ཨཝཁཎྜནཾ ཨཱཔཏྟིཔརིཡནྟོཏི ཨནཔདཱནོ། ཨེཀེཀེནཔི ཨངྒེན ནིསྶཱརཎཱ ཨནུཉྙཱཏཱཏི ཀམྨཀྑནྡྷཀེ ཨནུཉྙཱཏཱ། སེསམེཏྠ པཱལི༹ཏོ ཨཊྛཀཐཱཏོ ཙ སུཝིཉྙེཡྻམེཝ།
Tañce saṅgho nissāreti, sunissāritoti ettha adhippetassa pabbājanīyakammassa vasena atthaṃ dassetvā idāni yadi ‘‘tañce saṅgho nissāretī’’ti tajjanīyādikammavasena nissāraṇā adhippetā, tadā nissāraṇaṃ sampattoyeva tajjanīyādivasena sunissāritoti byatirekamukhena atthaṃ dassetuṃ puna ‘‘tañce saṅgho nissāretī’’ti ulliṅgetvā attho kathito. Natthi etassa apadānaṃ avakhaṇḍanaṃ āpattipariyantoti anapadāno. Ekekenapi aṅgena nissāraṇā anuññātāti kammakkhandhake anuññātā. Sesamettha pāḷito aṭṭhakathāto ca suviññeyyameva.
དྭེནིསྶཱརཎཱདིཀཐཱཝཎྞནཱ ནིཊྛིཏཱ།
Dvenissāraṇādikathāvaṇṇanā niṭṭhitā.
ཙམྤེཡྻཀྑནྡྷཀཝཎྞནཱ ནིཊྛིཏཱ།
Campeyyakkhandhakavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༢༣༩. དྭེནིསྶཱརཎཱདིཀཐཱ • 239. Dvenissāraṇādikathā
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / དྭེནིསྶཱརཎཱདིཀཐཱ • Dvenissāraṇādikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / དྭེནིསྶཱརཎཱདིཀཐཱཝཎྞནཱ • Dvenissāraṇādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / དྭེནིསྶརཎཱདིཀཐཱཝཎྞནཱ • Dvenissaraṇādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢༣༩. དྭེནིསྶཱརཎཱདིཀཐཱ • 239. Dvenissāraṇādikathā
