| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਦ੍વੇਨਿਸ੍ਸਾਰਣਾਦਿਕਥਾવਣ੍ਣਨਾ
Dvenissāraṇādikathāvaṇṇanā
੩੯੫. ਅਪ੍ਪਤ੍ਤੋ ਨਿਸ੍ਸਾਰਣਨ੍ਤਿ ਏਤ੍ਥ ਨਿਸ੍ਸਾਰਣਕਮ੍ਮਂ ਨਾਮ ਕੁਲਦੂਸਕਾਨਞ੍ਞੇવ ਅਨੁਞ੍ਞਾਤਂ, ਅਯਞ੍ਚ ‘‘ਬਾਲੋ ਹੋਤਿ ਅਬ੍ਯਤ੍ਤੋ’’ਤਿਆਦਿਨਾ ਨਿਦ੍ਦਿਟ੍ਠੋ ਕੁਲਦੂਸਕੋ ਨ ਹੋਤਿ, ਤਸ੍ਮਾ ‘‘ਅਪ੍ਪਤ੍ਤੋ’’ਤਿ વੁਤ੍ਤੋ । ਯਦਿ ਏવਂ ਕਥਂ ਸੁਨਿਸ੍ਸਾਰਿਤੋ ਹੋਤੀਤਿ? ਬਾਲਅਬ੍ਯਤ੍ਤਤਾਦਿਯੁਤ੍ਤਸ੍ਸਪਿ ਕਮ੍ਮਕ੍ਖਨ੍ਧਕੇ ‘‘ਆਕਙ੍ਖਮਾਨੋ ਸਙ੍ਘੋ ਪਬ੍ਬਾਜਨੀਯਕਮ੍ਮਂ ਕਰੇਯ੍ਯਾ’’ਤਿ (ਚੂਲ਼વ॰ ੨੭) વੁਤ੍ਤਤ੍ਤਾ। ਤੇਨੇવਾਹ ‘‘ਤਞ੍ਚੇਸ…ਪੇ॰… ਤਸ੍ਮਾ ਸੁਨਿਸ੍ਸਾਰਿਤੋ ਹੋਤੀ’’ਤਿ। ਤਤ੍ਥ ਤਨ੍ਤਿ ਪਬ੍ਬਾਜਨੀਯਕਮ੍ਮਂ। ਏਸੋਤਿ ‘‘ਬਾਲੋ’’ਤਿਆਦਿਨਾ ਨਿਦ੍ਦਿਟ੍ਠੋ। ਆવੇਣਿਕੇਨ ਲਕ੍ਖਣੇਨਾਤਿ ਪਬ੍ਬਾਜਨੀਯਕਮ੍ਮਸ੍ਸ ਆવੇਣਿਕਭੂਤੇਨ ਕੁਲਦੂਸਕਭਾવਲਕ੍ਖਣੇਨ।
395.Appattonissāraṇanti ettha nissāraṇakammaṃ nāma kuladūsakānaññeva anuññātaṃ, ayañca ‘‘bālo hoti abyatto’’tiādinā niddiṭṭho kuladūsako na hoti, tasmā ‘‘appatto’’ti vutto . Yadi evaṃ kathaṃ sunissārito hotīti? Bālaabyattatādiyuttassapi kammakkhandhake ‘‘ākaṅkhamāno saṅgho pabbājanīyakammaṃ kareyyā’’ti (cūḷava. 27) vuttattā. Tenevāha ‘‘tañcesa…pe… tasmā sunissārito hotī’’ti. Tattha tanti pabbājanīyakammaṃ. Esoti ‘‘bālo’’tiādinā niddiṭṭho. Āveṇikena lakkhaṇenāti pabbājanīyakammassa āveṇikabhūtena kuladūsakabhāvalakkhaṇena.
ਤਞ੍ਚੇ ਸਙ੍ਘੋ ਨਿਸ੍ਸਾਰੇਤਿ, ਸੁਨਿਸ੍ਸਾਰਿਤੋਤਿ ਏਤ੍ਥ ਅਧਿਪ੍ਪੇਤਸ੍ਸ ਪਬ੍ਬਾਜਨੀਯਕਮ੍ਮਸ੍ਸ વਸੇਨ ਅਤ੍ਥਂ ਦਸ੍ਸੇਤ੍વਾ ਇਦਾਨਿ ਯਦਿ ‘‘ਤਞ੍ਚੇ ਸਙ੍ਘੋ ਨਿਸ੍ਸਾਰੇਤੀ’’ਤਿ ਤਜ੍ਜਨੀਯਾਦਿਕਮ੍ਮવਸੇਨ ਨਿਸ੍ਸਾਰਣਾ ਅਧਿਪ੍ਪੇਤਾ, ਤਦਾ ਨਿਸ੍ਸਾਰਣਂ ਸਮ੍ਪਤ੍ਤੋਯੇવ ਤਜ੍ਜਨੀਯਾਦਿવਸੇਨ ਸੁਨਿਸ੍ਸਾਰਿਤੋਤਿ ਬ੍ਯਤਿਰੇਕਮੁਖੇਨ ਅਤ੍ਥਂ ਦਸ੍ਸੇਤੁਂ ਪੁਨ ‘‘ਤਞ੍ਚੇ ਸਙ੍ਘੋ ਨਿਸ੍ਸਾਰੇਤੀ’’ਤਿ ਉਲ੍ਲਿਙ੍ਗੇਤ੍વਾ ਅਤ੍ਥੋ ਕਥਿਤੋ। ਨਤ੍ਥਿ ਏਤਸ੍ਸ ਅਪਦਾਨਂ ਅવਖਣ੍ਡਨਂ ਆਪਤ੍ਤਿਪਰਿਯਨ੍ਤੋਤਿ ਅਨਪਦਾਨੋ। ਏਕੇਕੇਨਪਿ ਅਙ੍ਗੇਨ ਨਿਸ੍ਸਾਰਣਾ ਅਨੁਞ੍ਞਾਤਾਤਿ ਕਮ੍ਮਕ੍ਖਨ੍ਧਕੇ ਅਨੁਞ੍ਞਾਤਾ। ਸੇਸਮੇਤ੍ਥ ਪਾਲ਼ਿਤੋ ਅਟ੍ਠਕਥਾਤੋ ਚ ਸੁવਿਞ੍ਞੇਯ੍ਯਮੇવ।
Tañce saṅgho nissāreti, sunissāritoti ettha adhippetassa pabbājanīyakammassa vasena atthaṃ dassetvā idāni yadi ‘‘tañce saṅgho nissāretī’’ti tajjanīyādikammavasena nissāraṇā adhippetā, tadā nissāraṇaṃ sampattoyeva tajjanīyādivasena sunissāritoti byatirekamukhena atthaṃ dassetuṃ puna ‘‘tañce saṅgho nissāretī’’ti ulliṅgetvā attho kathito. Natthi etassa apadānaṃ avakhaṇḍanaṃ āpattipariyantoti anapadāno. Ekekenapi aṅgena nissāraṇā anuññātāti kammakkhandhake anuññātā. Sesamettha pāḷito aṭṭhakathāto ca suviññeyyameva.
ਦ੍વੇਨਿਸ੍ਸਾਰਣਾਦਿਕਥਾવਣ੍ਣਨਾ ਨਿਟ੍ਠਿਤਾ।
Dvenissāraṇādikathāvaṇṇanā niṭṭhitā.
ਚਮ੍ਪੇਯ੍ਯਕ੍ਖਨ੍ਧਕવਣ੍ਣਨਾ ਨਿਟ੍ਠਿਤਾ।
Campeyyakkhandhakavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੩੯. ਦ੍વੇਨਿਸ੍ਸਾਰਣਾਦਿਕਥਾ • 239. Dvenissāraṇādikathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਦ੍વੇਨਿਸ੍ਸਾਰਣਾਦਿਕਥਾ • Dvenissāraṇādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਦ੍વੇਨਿਸ੍ਸਾਰਣਾਦਿਕਥਾવਣ੍ਣਨਾ • Dvenissāraṇādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਦ੍વੇਨਿਸ੍ਸਰਣਾਦਿਕਥਾવਣ੍ਣਨਾ • Dvenissaraṇādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੩੯. ਦ੍વੇਨਿਸ੍ਸਾਰਣਾਦਿਕਥਾ • 239. Dvenissāraṇādikathā
