| Library / Tipiṭaka / တိပိဋက • Tipiṭaka / မဟာဝဂ္ဂပာဠိ • Mahāvaggapāḷi |
၆၁. ဒ္ဝေဥပသမ္ပဒာပေက္ခာဒိဝတ္ထု
61. Dveupasampadāpekkhādivatthu
၁၂၃. တေန ခော ပန သမယေန အာယသ္မတော မဟာကသ္သပသ္သ ဒ္ဝေ ဥပသမ္ပဒာပေက္ခာ ဟောန္တိ။ တေ ဝိဝဒန္တိ – အဟံ ပဌမံ ဥပသမ္ပဇ္ဇိသ္သာမိ, အဟံ ပဌမံ ဥပသမ္ပဇ္ဇိသ္သာမီတိ။ ဘဂဝတော ဧတမတ္ထံ အာရောစေသုံ။ အနုဇာနာမိ, ဘိက္ခဝေ, ဒ္ဝေ ဧကာနုသ္သာဝနေ ကာတုန္တိ။
123. Tena kho pana samayena āyasmato mahākassapassa dve upasampadāpekkhā honti. Te vivadanti – ahaṃ paṭhamaṃ upasampajjissāmi, ahaṃ paṭhamaṃ upasampajjissāmīti. Bhagavato etamatthaṃ ārocesuṃ. Anujānāmi, bhikkhave, dve ekānussāvane kātunti.
တေန ခော ပန သမယေန သမ္ဗဟုလာနံ ထေရာနံ ဥပသမ္ပဒာပေက္ခာ ဟောန္တိ။ တေ ဝိဝဒန္တိ – အဟံ ပဌမံ ဥပသမ္ပဇ္ဇိသ္သာမိ, အဟံ ပဌမံ ဥပသမ္ပဇ္ဇိသ္သာမီတိ။ ထေရာ ဧဝမာဟံသု – ‘‘ဟန္ဒ, မယံ, အာဝုသော, သဗ္ဗေဝ ဧကာနုသ္သာဝနေ ကရောမာ’’တိ။ ဘဂဝတော ဧတမတ္ထံ အာရောစေသုံ။ အနုဇာနာမိ, ဘိက္ခဝေ, ဒ္ဝေ တယော ဧကာနုသ္သာဝနေ ကာတုံ, တဉ္စ ခော ဧကေန ဥပဇ္ဈာယေန, န တ္ဝေဝ နာနုပဇ္ဈာယေနာတိ။
Tena kho pana samayena sambahulānaṃ therānaṃ upasampadāpekkhā honti. Te vivadanti – ahaṃ paṭhamaṃ upasampajjissāmi, ahaṃ paṭhamaṃ upasampajjissāmīti. Therā evamāhaṃsu – ‘‘handa, mayaṃ, āvuso, sabbeva ekānussāvane karomā’’ti. Bhagavato etamatthaṃ ārocesuṃ. Anujānāmi, bhikkhave, dve tayo ekānussāvane kātuṃ, tañca kho ekena upajjhāyena, na tveva nānupajjhāyenāti.
Related texts:
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ဂမိကာဒိနိသ္သယဝတ္ထုကထာ • Gamikādinissayavatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဒ္ဝေဥပသမ္ပဒာပေက္ခာဒိဝတ္ထုကထာဝဏ္ဏနာ • Dveupasampadāpekkhādivatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဂမိကာဒိနိသ္သယဝတ္ထုကထာဝဏ္ဏနာ • Gamikādinissayavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဒ္ဝေဥပသမ္ပဒာပေက္ခာဒိဝတ္ထုကထာဝဏ္ဏနာ • Dveupasampadāpekkhādivatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၅၉. ဂမိကာဒိနိသ္သယဝတ္ထုကထာ • 59. Gamikādinissayavatthukathā
