| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
д̣̇взубасамбад̣̇аабзгкаад̣̇ивад̇т̇угат̇ааван̣н̣анаа
Dveupasampadāpekkhādivatthukathāvaṇṇanā
123. згад̇о сахзва згасмим̣ кан̣з ануссааванам̣ зд̇зсанд̇и згаануссааванаа, убасамбад̣̇аабзгкаа, зд̇з згаануссааванз гаад̇ум̣. д̇знааха ‘‘згаануссааванз гаад̇у’’нд̇и, ид̣̇ан̃жа згам̣ бад̣̇ам̣ вибхад̇д̇иалобзна д̣̇адтаб̣б̣ам̣. згзна ваад̇и д̣̇виннамби згасмим̣ кан̣з згааяа зва гаммаваажааяа ануссааванз згзнаажариязнаад̇и ад̇т̇о. ‘‘аяам̣ б̣уд̣̇д̇харагкид̇о жа аяам̣ д̇хаммарагкид̇о жа ааяасмад̇о сан̇гхарагкид̇асса убасамбад̣̇аабзгко’’д̇иаад̣̇инаа наязна згзна аажариязна д̣̇виннам̣ згасмим̣ кан̣з ануссаавананаяо д̣̇адтаб̣б̣о. иминаава наязна д̇ин̣н̣амби згзна аажариязна згагкан̣з ануссааванам̣ д̣̇адтаб̣б̣ам̣.
123. Ekato saheva ekasmiṃ khaṇe anussāvanaṃ etesanti ekānussāvanā, upasampadāpekkhā, ete ekānussāvane kātuṃ. Tenāha ‘‘ekānussāvane kātu’’nti, idañca ekaṃ padaṃ vibhattialopena daṭṭhabbaṃ. Ekena vāti dvinnampi ekasmiṃ khaṇe ekāya eva kammavācāya anussāvane ekenācariyenāti attho. ‘‘Ayaṃ buddharakkhito ca ayaṃ dhammarakkhito ca āyasmato saṅgharakkhitassa upasampadāpekkho’’tiādinā nayena ekena ācariyena dvinnaṃ ekasmiṃ khaṇe anussāvananayo daṭṭhabbo. Imināva nayena tiṇṇampi ekena ācariyena ekakkhaṇe anussāvanaṃ daṭṭhabbaṃ.
буриманаязнзва згад̇о ануссааванз гаад̇унд̇и ‘‘згзна згасса, ан̃н̃зна ид̇арассаа’’д̇иаад̣̇инаа буб̣б̣з вуд̇д̇анаязна д̣̇виннам̣ д̣̇вийхи ваа, д̇ин̣н̣ам̣ д̇ийхи ваа аажариязхи, згагзна ваа аажариязна д̇аяоби згад̇о ануссааванз гаад̇унд̇и ад̇т̇о, д̇ан̃жа ко згзна убаж̇жхааязна. ‘‘на д̇взва наанубаж̇жхааязнаа’’д̇и ид̣̇ам̣ згзна аажариязна д̣̇вийхи ваа д̇ийхи ваа убаж̇жхааязхи д̣̇вз ваа д̇аяо ваа убасамбад̣̇аабзгкз згагкан̣з згааяа ануссааванааяа згаануссааванз гаад̇ум̣ на ваддад̇ийд̇и бадигкзбабад̣̇ам̣. на бана наанаажариязхи наанубаж̇жхааязхи д̇аяо згаануссааванз гаад̇ум̣ на ваддад̇ийд̇и ааха ‘‘сажз бана наанаажарияаа наанубаж̇жхааяаа…бз… ваддад̇ий’’д̇и. яан̃жзд̇т̇а ‘‘д̇иссад̇т̇зро суманад̇т̇зрасса сад̣̇д̇хивихааригам̣, суманад̇т̇зро д̇иссад̇т̇зрасса сад̣̇д̇хивихаарига’’нд̇и звам̣ убаж̇жхааязхи ан̃н̃аман̃н̃ам̣ сад̣̇д̇хивихааригаанам̣ ануссааванагаран̣ам̣ вуд̇д̇ам̣, д̇ам̣ убалагкан̣амад̇д̇ам̣. д̇асмаа сажз д̇иссад̇т̇зро суманад̇т̇зрасса сад̣̇д̇хивихааригам̣, суманад̇т̇зро нанд̣̇ад̇т̇зрасса сад̣̇д̇хивихааригам̣ ануссаавзд̇и, ан̃н̃аман̃н̃ан̃жа г̇ан̣абуурагаа хонд̇и, ваддад̇и зва. сажз бана убаж̇жхааяо саяамзва ад̇д̇ано сад̣̇д̇хивихааригам̣ ануссаавзд̇ийд̇и зд̇т̇а вад̇д̇аб̣б̣амзва над̇т̇и, гаммам̣ сугад̇амзва ход̇и. анубаж̇жхааяагассаби язна гзнажи ануссаавид̇з убасамбад̣̇аа ход̇и, гиман̇г̇ам̣ бана саубаж̇жхааяагасса убаж̇жхааязнзва ануссааванзд̇и д̣̇адтаб̣б̣ам̣. д̇знзва навадданабагкам̣ д̣̇ассзд̇ум̣ ‘‘сажз банаа’’д̇иаад̣̇имааха.
Purimanayeneva ekato anussāvane kātunti ‘‘ekena ekassa, aññena itarassā’’tiādinā pubbe vuttanayena dvinnaṃ dvīhi vā, tiṇṇaṃ tīhi vā ācariyehi, ekakena vā ācariyena tayopi ekato anussāvane kātunti attho, tañca kho ekena upajjhāyena. ‘‘Na tveva nānupajjhāyenā’’ti idaṃ ekena ācariyena dvīhi vā tīhi vā upajjhāyehi dve vā tayo vā upasampadāpekkhe ekakkhaṇe ekāya anussāvanāya ekānussāvane kātuṃ na vaṭṭatīti paṭikkhepapadaṃ. Na pana nānācariyehi nānupajjhāyehi tayo ekānussāvane kātuṃ na vaṭṭatīti āha ‘‘sace pana nānācariyā nānupajjhāyā…pe… vaṭṭatī’’ti. Yañcettha ‘‘tissatthero sumanattherassa saddhivihārikaṃ, sumanatthero tissattherassa saddhivihārika’’nti evaṃ upajjhāyehi aññamaññaṃ saddhivihārikānaṃ anussāvanakaraṇaṃ vuttaṃ, taṃ upalakkhaṇamattaṃ. Tasmā sace tissatthero sumanattherassa saddhivihārikaṃ, sumanatthero nandattherassa saddhivihārikaṃ anussāveti, aññamaññañca gaṇapūrakā honti, vaṭṭati eva. Sace pana upajjhāyo sayameva attano saddhivihārikaṃ anussāvetīti ettha vattabbameva natthi, kammaṃ sukatameva hoti. Anupajjhāyakassapi yena kenaci anussāvite upasampadā hoti, kimaṅgaṃ pana saupajjhāyakassa upajjhāyeneva anussāvaneti daṭṭhabbaṃ. Teneva navaṭṭanapakkhaṃ dassetuṃ ‘‘sace panā’’tiādimāha.
д̣̇взубасамбад̣̇аабзгкаад̣̇ивад̇т̇угат̇ааван̣н̣анаа нидтид̇аа.
Dveupasampadāpekkhādivatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 61. д̣̇взубасамбад̣̇аабзгкаад̣̇ивад̇т̇у • 61. Dveupasampadāpekkhādivatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / г̇амигаад̣̇иниссаяавад̇т̇угат̇аа • Gamikādinissayavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇взубасамбад̣̇аабзгкаад̣̇ивад̇т̇угат̇ааван̣н̣анаа • Dveupasampadāpekkhādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / г̇амигаад̣̇иниссаяавад̇т̇угат̇ааван̣н̣анаа • Gamikādinissayavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 59. г̇амигаад̣̇иниссаяавад̇т̇угат̇аа • 59. Gamikādinissayavatthukathā
