| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
140. д̣̇взваажигаад̣̇ибавааран̣аа
140. Dvevācikādipavāraṇā
234. д̇зна ко бана самаязна госалзсу ж̇анабад̣̇з ан̃н̃ад̇арасмим̣ ааваасз д̇ад̣̇аху бавааран̣ааяа саварабхаяам̣ ахоси. бхигкуу наасагким̣су д̇зваажигам̣ баваарзд̇ум̣. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̣̇взваажигам̣ баваарзд̇унд̇и.
234. Tena kho pana samayena kosalesu janapade aññatarasmiṃ āvāse tadahu pavāraṇāya savarabhayaṃ ahosi. Bhikkhū nāsakkhiṃsu tevācikaṃ pavāretuṃ. Bhagavato etamatthaṃ ārocesuṃ. Anujānāmi, bhikkhave, dvevācikaṃ pavāretunti.
б̣аал̣хад̇арам̣ саварабхаяам̣ ахоси. бхигкуу наасагким̣су д̣̇взваажигам̣ баваарзд̇ум̣. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, згаваажигам̣ баваарзд̇унд̇и.
Bāḷhataraṃ savarabhayaṃ ahosi. Bhikkhū nāsakkhiṃsu dvevācikaṃ pavāretuṃ. Bhagavato etamatthaṃ ārocesuṃ. Anujānāmi, bhikkhave, ekavācikaṃ pavāretunti.
б̣аал̣хад̇арам̣ саварабхаяам̣ ахоси. бхигкуу наасагким̣су згаваажигам̣ баваарзд̇ум̣. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, самаанавассигам̣ баваарзд̇унд̇и.
Bāḷhataraṃ savarabhayaṃ ahosi. Bhikkhū nāsakkhiṃsu ekavācikaṃ pavāretuṃ. Bhagavato etamatthaṃ ārocesuṃ. Anujānāmi, bhikkhave, samānavassikaṃ pavāretunti.
д̇зна ко бана самаязна ан̃н̃ад̇арасмим̣ ааваасз д̇ад̣̇аху бавааран̣ааяа мануссзхи д̣̇аанам̣ д̣̇знд̇зхи язбхуяязна рад̇д̇и кзбид̇аа ход̇и. ат̇а ко д̇зсам̣ бхигкуунам̣ зд̇ад̣̇ахоси – ‘‘мануссзхи д̣̇аанам̣ д̣̇знд̇зхи язбхуяязна рад̇д̇и кзбид̇аа. сажз сан̇гхо д̇зваажигам̣ баваарзссад̇и, аббаваарид̇ова сан̇гхо бхависсад̇и, ат̇ааяам̣ рад̇д̇и вибхааяиссад̇и. гат̇ам̣ ну ко амхзхи бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣. ид̇ха бана, бхигкавз, ан̃н̃ад̇арасмим̣ ааваасз д̇ад̣̇аху бавааран̣ааяа мануссзхи д̣̇аанам̣ д̣̇знд̇зхи язбхуяязна рад̇д̇и кзбид̇аа ход̇и. д̇ад̇ра жз, бхигкавз, бхигкуунам̣ звам̣ ход̇и – ‘‘мануссзхи д̣̇аанам̣ д̣̇знд̇зхи язбхуяязна рад̇д̇и кзбид̇аа. сажз сан̇гхо д̇зваажигам̣ баваарзссад̇и, аббаваарид̇ова сан̇гхо бхависсад̇и, ат̇ааяам̣ рад̇д̇и вибхааяиссад̇ий’’д̇и, б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Tena kho pana samayena aññatarasmiṃ āvāse tadahu pavāraṇāya manussehi dānaṃ dentehi yebhuyyena ratti khepitā hoti. Atha kho tesaṃ bhikkhūnaṃ etadahosi – ‘‘manussehi dānaṃ dentehi yebhuyyena ratti khepitā. Sace saṅgho tevācikaṃ pavāressati, appavāritova saṅgho bhavissati, athāyaṃ ratti vibhāyissati. Kathaṃ nu kho amhehi paṭipajjitabba’’nti? Bhagavato etamatthaṃ ārocesuṃ. Idha pana, bhikkhave, aññatarasmiṃ āvāse tadahu pavāraṇāya manussehi dānaṃ dentehi yebhuyyena ratti khepitā hoti. Tatra ce, bhikkhave, bhikkhūnaṃ evaṃ hoti – ‘‘manussehi dānaṃ dentehi yebhuyyena ratti khepitā. Sace saṅgho tevācikaṃ pavāressati, appavāritova saṅgho bhavissati, athāyaṃ ratti vibhāyissatī’’ti, byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. мануссзхи д̣̇аанам̣ д̣̇знд̇зхи язбхуяязна рад̇д̇и кзбид̇аа. сажз сан̇гхо д̇зваажигам̣ баваарзссад̇и, аббаваарид̇ова сан̇гхо бхависсад̇и, ат̇ааяам̣ рад̇д̇и вибхааяиссад̇и. яад̣̇и сан̇гхасса бад̇д̇агаллам̣, сан̇гхо д̣̇взваажигам̣, згаваажигам̣, самаанавассигам̣ баваарзяяаа’’д̇и.
‘‘Suṇātu me, bhante, saṅgho. Manussehi dānaṃ dentehi yebhuyyena ratti khepitā. Sace saṅgho tevācikaṃ pavāressati, appavāritova saṅgho bhavissati, athāyaṃ ratti vibhāyissati. Yadi saṅghassa pattakallaṃ, saṅgho dvevācikaṃ, ekavācikaṃ, samānavassikaṃ pavāreyyā’’ti.
ид̇ха бана, бхигкавз, ан̃н̃ад̇арасмим̣ ааваасз д̇ад̣̇аху бавааран̣ааяа бхигкуухи д̇хаммам̣ бхан̣анд̇зхи…бз… суд̇д̇анд̇игзхи суд̇д̇анд̇ам̣ сан̇г̇ааяанд̇зхи… винаяад̇харзхи винаяам̣ винижчинанд̇зхи… д̇хаммагат̇игзхи д̇хаммам̣ саагажчанд̇зхи… бхигкуухи галахам̣ гаронд̇зхи язбхуяязна рад̇д̇и кзбид̇аа ход̇и. д̇ад̇ра жз бхигкуунам̣ звам̣ ход̇и – ‘‘бхигкуухи галахам̣ гаронд̇зхи язбхуяязна рад̇д̇и кзбид̇аа. сажз сан̇гхо д̇зваажигам̣ баваарзссад̇и, аббаваарид̇ова сан̇гхо бхависсад̇и, ат̇ааяам̣ рад̇д̇и вибхааяиссад̇ий’’д̇и, б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Idha pana, bhikkhave, aññatarasmiṃ āvāse tadahu pavāraṇāya bhikkhūhi dhammaṃ bhaṇantehi…pe… suttantikehi suttantaṃ saṅgāyantehi… vinayadharehi vinayaṃ vinicchinantehi… dhammakathikehi dhammaṃ sākacchantehi… bhikkhūhi kalahaṃ karontehi yebhuyyena ratti khepitā hoti. Tatra ce bhikkhūnaṃ evaṃ hoti – ‘‘bhikkhūhi kalahaṃ karontehi yebhuyyena ratti khepitā. Sace saṅgho tevācikaṃ pavāressati, appavāritova saṅgho bhavissati, athāyaṃ ratti vibhāyissatī’’ti, byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. бхигкуухи галахам̣ гаронд̇зхи язбхуяязна рад̇д̇и кзбид̇аа. сажз сан̇гхо д̇зваажигам̣ баваарзссад̇и, аббаваарид̇ова сан̇гхо бхависсад̇и, ат̇ааяам̣ рад̇д̇и вибхааяиссад̇и. яад̣̇и сан̇гхасса бад̇д̇агаллам̣, сан̇гхо д̣̇взваажигам̣, згаваажигам̣, самаанавассигам̣ баваарзяяаа’’д̇и.
‘‘Suṇātu me, bhante, saṅgho. Bhikkhūhi kalahaṃ karontehi yebhuyyena ratti khepitā. Sace saṅgho tevācikaṃ pavāressati, appavāritova saṅgho bhavissati, athāyaṃ ratti vibhāyissati. Yadi saṅghassa pattakallaṃ, saṅgho dvevācikaṃ, ekavācikaṃ, samānavassikaṃ pavāreyyā’’ti.
д̇зна ко бана самаязна госалзсу ж̇анабад̣̇з ан̃н̃ад̇арасмим̣ ааваасз д̇ад̣̇аху бавааран̣ааяа махаабхигкусан̇гхо саннибад̇ид̇о ход̇и , барид̇д̇ан̃жа ановассигам̣ 1 ход̇и, махаа жа мзгхо уг̇г̇ад̇о ход̇и. ат̇а ко д̇зсам̣ бхигкуунам̣ зд̇ад̣̇ахоси – ‘‘аяам̣ ко махаабхигкусан̇гхо саннибад̇ид̇о, барид̇д̇ан̃жа ановассигам̣, махаа жа мзгхо уг̇г̇ад̇о. сажз сан̇гхо д̇зваажигам̣ баваарзссад̇и, аббаваарид̇ова сан̇гхо бхависсад̇и, ат̇ааяам̣ мзгхо бавассиссад̇и. гат̇ам̣ ну ко амхзхи бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣. ид̇ха бана, бхигкавз, ан̃н̃ад̇арасмим̣ ааваасз д̇ад̣̇аху бавааран̣ааяа махаабхигкусан̇гхо саннибад̇ид̇о ход̇и, барид̇д̇ан̃жа ановассигам̣ ход̇и, махаа жа мзгхо уг̇г̇ад̇о ход̇и. д̇ад̇ра жз бхигкуунам̣ звам̣ ход̇и – ‘‘аяам̣ ко махаабхигкусан̇гхо саннибад̇ид̇о, барид̇д̇ан̃жа ановассигам̣, махаа жа мзгхо уг̇г̇ад̇о. сажз сан̇гхо д̇зваажигам̣ баваарзссад̇и, аббаваарид̇ова сан̇гхо бхависсад̇и, ат̇ааяам̣ мзгхо бавассиссад̇ий’’д̇и. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Tena kho pana samayena kosalesu janapade aññatarasmiṃ āvāse tadahu pavāraṇāya mahābhikkhusaṅgho sannipatito hoti , parittañca anovassikaṃ 2 hoti, mahā ca megho uggato hoti. Atha kho tesaṃ bhikkhūnaṃ etadahosi – ‘‘ayaṃ kho mahābhikkhusaṅgho sannipatito, parittañca anovassikaṃ, mahā ca megho uggato. Sace saṅgho tevācikaṃ pavāressati, appavāritova saṅgho bhavissati, athāyaṃ megho pavassissati. Kathaṃ nu kho amhehi paṭipajjitabba’’nti? Bhagavato etamatthaṃ ārocesuṃ. Idha pana, bhikkhave, aññatarasmiṃ āvāse tadahu pavāraṇāya mahābhikkhusaṅgho sannipatito hoti, parittañca anovassikaṃ hoti, mahā ca megho uggato hoti. Tatra ce bhikkhūnaṃ evaṃ hoti – ‘‘ayaṃ kho mahābhikkhusaṅgho sannipatito, parittañca anovassikaṃ, mahā ca megho uggato. Sace saṅgho tevācikaṃ pavāressati, appavāritova saṅgho bhavissati, athāyaṃ megho pavassissatī’’ti. Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. аяам̣ махаабхигкусан̇гхо саннибад̇ид̇о, барид̇д̇ан̃жа ановассигам̣, махаа жа мзгхо уг̇г̇ад̇о. сажз сан̇гхо д̇зваажигам̣ баваарзссад̇и, аббаваарид̇ова сан̇гхо бхависсад̇и, ат̇ааяам̣ мзгхо бавассиссад̇и. яад̣̇и сан̇гхасса бад̇д̇агаллам̣, сан̇гхо д̣̇взваажигам̣, згаваажигам̣, самаанавассигам̣ баваарзяяаа’’д̇и.
‘‘Suṇātu me, bhante, saṅgho. Ayaṃ mahābhikkhusaṅgho sannipatito, parittañca anovassikaṃ, mahā ca megho uggato. Sace saṅgho tevācikaṃ pavāressati, appavāritova saṅgho bhavissati, athāyaṃ megho pavassissati. Yadi saṅghassa pattakallaṃ, saṅgho dvevācikaṃ, ekavācikaṃ, samānavassikaṃ pavāreyyā’’ti.
ид̇ха бана, бхигкавз, ан̃н̃ад̇арасмим̣ ааваасз д̇ад̣̇аху бавааран̣ааяа рааж̇анд̇арааяо ход̇и…бз… жоранд̇арааяо ход̇и… аг̇яанд̇арааяо ход̇и… уд̣̇аганд̇арааяо ход̇и… мануссанд̇арааяо ход̇и… амануссанд̇арааяо ход̇и… ваал̣анд̇арааяо ход̇и… сарийсабанд̇арааяо ход̇и… ж̇ийвид̇анд̇арааяо ход̇и… б̣рахмажарияанд̇арааяо ход̇и. д̇ад̇ра жз бхигкуунам̣ звам̣ ход̇и – ‘‘аяам̣ ко, б̣рахмажарияанд̇арааяо . сажз сан̇гхо д̇зваажигам̣ баваарзссад̇и, аббаваарид̇ова сан̇гхо бхависсад̇и, ат̇ааяам̣ б̣рахмажарияанд̇арааяо бхависсад̇ий’’д̇и, б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Idha pana, bhikkhave, aññatarasmiṃ āvāse tadahu pavāraṇāya rājantarāyo hoti…pe… corantarāyo hoti… agyantarāyo hoti… udakantarāyo hoti… manussantarāyo hoti… amanussantarāyo hoti… vāḷantarāyo hoti… sarīsapantarāyo hoti… jīvitantarāyo hoti… brahmacariyantarāyo hoti. Tatra ce bhikkhūnaṃ evaṃ hoti – ‘‘ayaṃ kho, brahmacariyantarāyo . Sace saṅgho tevācikaṃ pavāressati, appavāritova saṅgho bhavissati, athāyaṃ brahmacariyantarāyo bhavissatī’’ti, byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. аяам̣ б̣рахмажарияанд̇арааяо. сажз сан̇гхо д̇зваажигам̣ баваарзссад̇и, аббаваарид̇ова сан̇гхо бхависсад̇и, ат̇ааяам̣ б̣рахмажарияанд̇арааяо бхависсад̇и. яад̣̇и сан̇гхасса бад̇д̇агаллам̣, сан̇гхо д̣̇взваажигам̣, згаваажигам̣, самаанавассигам̣ баваарзяяаа’’д̇и.
‘‘Suṇātu me, bhante, saṅgho. Ayaṃ brahmacariyantarāyo. Sace saṅgho tevācikaṃ pavāressati, appavāritova saṅgho bhavissati, athāyaṃ brahmacariyantarāyo bhavissati. Yadi saṅghassa pattakallaṃ, saṅgho dvevācikaṃ, ekavācikaṃ, samānavassikaṃ pavāreyyā’’ti.
д̣̇взваажигаад̣̇ибавааран̣аа нидтид̇аа.
Dvevācikādipavāraṇā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / д̣̇взваажигаад̣̇ибавааран̣аагат̇аа • Dvevācikādipavāraṇākathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / апаасувихаарагат̇аад̣̇иван̣н̣анаа • Aphāsuvihārakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 140. д̣̇взваажигаад̣̇ибавааран̣аагат̇аа • 140. Dvevācikādipavāraṇākathā
