| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
7. д̣̇вид̇хаабат̇асуд̇д̇ам̣
7. Dvidhāpathasuttaṃ
77. звам̣ мз суд̇ам̣ – згам̣ самаяам̣ бхаг̇аваа госалзсу ад̣̇д̇хаанамаг̇г̇абадибанно ход̇и ааяасмад̇аа нааг̇асамаалзна бажчаасаман̣зна. ад̣̇д̣̇асаа ко ааяасмаа нааг̇асамаало анд̇араамаг̇г̇з д̣̇вид̇хаабат̇ам̣ 1. д̣̇исваана бхаг̇аванд̇ам̣ зд̇ад̣̇авожа – ‘‘аяам̣, бханд̇з, бхаг̇аваа бант̇о; иминаа г̇ажчаамаа’’д̇и. звам̣ вуд̇д̇з, бхаг̇аваа ааяасманд̇ам̣ нааг̇асамаалам̣ зд̇ад̣̇авожа – ‘‘аяам̣, нааг̇асамаала, бант̇о; иминаа г̇ажчаамаа’’д̇и.
77. Evaṃ me sutaṃ – ekaṃ samayaṃ bhagavā kosalesu addhānamaggapaṭipanno hoti āyasmatā nāgasamālena pacchāsamaṇena. Addasā kho āyasmā nāgasamālo antarāmagge dvidhāpathaṃ 2. Disvāna bhagavantaṃ etadavoca – ‘‘ayaṃ, bhante, bhagavā pantho; iminā gacchāmā’’ti. Evaṃ vutte, bhagavā āyasmantaṃ nāgasamālaṃ etadavoca – ‘‘ayaṃ, nāgasamāla, pantho; iminā gacchāmā’’ti.
д̣̇уд̇ияамби…бз… д̇ад̇ияамби ко ааяасмаа нааг̇асамаало бхаг̇аванд̇ам̣ зд̇ад̣̇авожа – ‘‘аяам̣, бханд̇з, бхаг̇аваа бант̇о; иминаа г̇ажчаамаа’’д̇и . д̇ад̇ияамби ко бхаг̇аваа ааяасманд̇ам̣ нааг̇асамаалам̣ зд̇ад̣̇авожа – ‘‘аяам̣, нааг̇асамаала, бант̇о; иминаа г̇ажчаамаа’’д̇и. ат̇а ко ааяасмаа нааг̇асамаало бхаг̇авад̇о бад̇д̇ажийварам̣ д̇ад̇т̇зва чамааяам̣ нигкибид̇ваа баггаами – ‘‘ид̣̇ам̣, бханд̇з, бхаг̇авад̇о бад̇д̇ажийвара’’нд̇и.
Dutiyampi…pe… tatiyampi kho āyasmā nāgasamālo bhagavantaṃ etadavoca – ‘‘ayaṃ, bhante, bhagavā pantho; iminā gacchāmā’’ti . Tatiyampi kho bhagavā āyasmantaṃ nāgasamālaṃ etadavoca – ‘‘ayaṃ, nāgasamāla, pantho; iminā gacchāmā’’ti. Atha kho āyasmā nāgasamālo bhagavato pattacīvaraṃ tattheva chamāyaṃ nikkhipitvā pakkāmi – ‘‘idaṃ, bhante, bhagavato pattacīvara’’nti.
ат̇а ко ааяасмад̇о нааг̇асамааласса д̇зна бант̇зна г̇ажчанд̇асса анд̇араамаг̇г̇з жораа нигкамид̇ваа хад̇т̇зхи жа баад̣̇зхи жа аагодзсум̣ бад̇д̇ан̃жа бхинд̣̇им̣су сан̇гхаадин̃жа вибпаалзсум̣. ат̇а ко ааяасмаа нааг̇асамаало бхиннзна бад̇д̇зна вибпаалид̇ааяа сан̇гхаадияаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа нааг̇асамаало бхаг̇аванд̇ам̣ зд̇ад̣̇авожа – ‘‘ид̇ха маяхам̣, бханд̇з, д̇зна бант̇зна г̇ажчанд̇асса анд̇араамаг̇г̇з жораа нигкамид̇ваа хад̇т̇зхи жа баад̣̇зхи жа аагодзсум̣, бад̇д̇ан̃жа бхинд̣̇им̣су, сан̇гхаадин̃жа вибпаалзсу’’нд̇и.
Atha kho āyasmato nāgasamālassa tena panthena gacchantassa antarāmagge corā nikkhamitvā hatthehi ca pādehi ca ākoṭesuṃ pattañca bhindiṃsu saṅghāṭiñca vipphālesuṃ. Atha kho āyasmā nāgasamālo bhinnena pattena vipphālitāya saṅghāṭiyā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā nāgasamālo bhagavantaṃ etadavoca – ‘‘idha mayhaṃ, bhante, tena panthena gacchantassa antarāmagge corā nikkhamitvā hatthehi ca pādehi ca ākoṭesuṃ, pattañca bhindiṃsu, saṅghāṭiñca vipphālesu’’nti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘сад̣̇д̇хим̣ жарамзгад̇о васам̣,
‘‘Saddhiṃ caramekato vasaṃ,
миссо ан̃н̃аж̇анзна взд̣̇аг̇уу;
Misso aññajanena vedagū;
вид̣̇ваа баж̇ахаад̇и баабагам̣,
Vidvā pajahāti pāpakaṃ,
гон̃жо кийрабагова ниннаг̇а’’нд̇и. сад̇д̇амам̣;
Koñco khīrapakova ninnaga’’nti. sattamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 7. д̣̇вид̇хаабат̇асуд̇д̇аван̣н̣анаа • 7. Dvidhāpathasuttavaṇṇanā
