| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
7. д̣̇вид̇хаабат̇асуд̇д̇аван̣н̣анаа
7. Dvidhāpathasuttavaṇṇanā
77. сад̇д̇амз ад̣̇д̇хаанамаг̇г̇абадибаннод̇и ад̣̇д̇хаанасан̇каад̇ам̣ д̣̇ийгхамаг̇г̇ам̣ бадибанно г̇ажчанд̇о ход̇и. нааг̇асамаалзнаад̇и звам̣наамагзна т̇зрзна. бажчаасаман̣знаад̇и аяам̣ д̇ад̣̇аа бхаг̇авад̇о убадтааго ахоси. д̇зна нам̣ бажчаасаман̣ам̣ гад̇ваа маг̇г̇ам̣ бадибаж̇ж̇и. бхаг̇авад̇о хи батамаб̣од̇хияам̣ вийсад̇ивассаани аниб̣ад̣̇д̇хаа убадтаагаа ахзсум̣, д̇ад̇о барам̣ яаава бариниб̣б̣аанаа бан̃жавийсад̇ивассаани ааяасмаа аананд̣̇о чааяаава убадтааси. аяам̣ бана аниб̣ад̣̇д̇хубадтаагагаало. д̇зна вуд̇д̇ам̣ – ‘‘ааяасмад̇аа нааг̇асамаалзна бажчаасаман̣знаа’’д̇и. д̣̇вид̇хаабат̇анд̇и д̣̇вид̇хаабхууд̇ам̣ маг̇г̇ам̣. ‘‘д̣̇взд̇хаабат̇а’’нд̇иби батанд̇и ааяасмаа нааг̇асамаало ад̇д̇анаа буб̣б̣з д̇ад̇т̇а гад̇абарижаяад̇д̇аа уж̇убхааван̃жасса санд̇хааяа вад̣̇ад̇и ‘‘аяам̣, бханд̇з бхаг̇аваа, бант̇о’’д̇и.
77. Sattame addhānamaggapaṭipannoti addhānasaṅkhātaṃ dīghamaggaṃ paṭipanno gacchanto hoti. Nāgasamālenāti evaṃnāmakena therena. Pacchāsamaṇenāti ayaṃ tadā bhagavato upaṭṭhāko ahosi. Tena naṃ pacchāsamaṇaṃ katvā maggaṃ paṭipajji. Bhagavato hi paṭhamabodhiyaṃ vīsativassāni anibaddhā upaṭṭhākā ahesuṃ, tato paraṃ yāva parinibbānā pañcavīsativassāni āyasmā ānando chāyāva upaṭṭhāsi. Ayaṃ pana anibaddhupaṭṭhākakālo. Tena vuttaṃ – ‘‘āyasmatā nāgasamālena pacchāsamaṇenā’’ti. Dvidhāpathanti dvidhābhūtaṃ maggaṃ. ‘‘Dvedhāpatha’’ntipi paṭhanti āyasmā nāgasamālo attanā pubbe tattha kataparicayattā ujubhāvañcassa sandhāya vadati ‘‘ayaṃ, bhante bhagavā, pantho’’ti.
бхаг̇аваа бана д̇ад̣̇аа д̇асса сабариссаяабхаавам̣ н̃ад̇ваа д̇ад̇о ан̃н̃ам̣ маг̇г̇ам̣ г̇анд̇угаамо ‘‘аяам̣, нааг̇асамаала, бант̇о’’д̇и ааха. ‘‘сабариссаяо’’д̇и жа вуд̇д̇з асад̣̇д̣̇ахид̇ваа ‘‘бхаг̇аваа на д̇ад̇т̇а бариссаяо’’д̇и вад̣̇зяяа, д̇ад̣̇асса д̣̇ийгхарад̇д̇ам̣ ахид̇ааяа д̣̇угкааяаад̇и ‘‘сабариссаяо’’д̇и на гат̇зси. д̇игкад̇д̇ум̣ ‘‘аяам̣ бант̇о, иминаа г̇ажчаамаа’’д̇и вад̇ваа жад̇уд̇т̇аваарз ‘‘на бхаг̇аваа иминаа маг̇г̇зна г̇анд̇ум̣ ижчад̇и, аяамзва жа уж̇умаг̇г̇о, ханд̣̇аахам̣ бхаг̇авад̇о бад̇д̇ажийварам̣ д̣̇ад̇ваа иминаа маг̇г̇зна г̇амиссаамий’’д̇и жинд̇зд̇ваа сад̇т̇у бад̇д̇ажийварам̣ д̣̇аад̇ум̣ асаггонд̇о бхуумияам̣ табзд̇ваа бажжубадтид̇зна д̣̇угкасам̣вад̇д̇анигзна гаммунаа жод̣̇ияамаано бхаг̇авад̇о важанам̣ анаад̣̇ияид̇ваава баггаами. д̇зна вуд̇д̇ам̣ – ‘‘ат̇а ко ааяасмаа нааг̇асамаало бхаг̇авад̇о бад̇д̇ажийварам̣ д̇ад̇т̇зва чамааяам̣ нигкибид̇ваа баггаамий’’д̇и. д̇ад̇т̇а бхаг̇авад̇о бад̇д̇ажийваранд̇и ад̇д̇ано хад̇т̇аг̇ад̇ам̣ бхаг̇авад̇о бад̇д̇ажийварам̣. д̇ад̇т̇зваад̇и д̇асмим̣язва маг̇г̇з чамааяам̣ бат̇авияам̣ нигкибид̇ваа баггаами. ид̣̇ам̣ во бхаг̇аваа бад̇д̇ажийварам̣, сажз ижчат̇а, г̇ан̣хат̇а, яад̣̇и ад̇д̇анаа ижчид̇амаг̇г̇ам̣язва г̇анд̇угаамад̇т̇аад̇и ад̇хиббааяо. бхаг̇авааби ад̇д̇ано бад̇д̇ажийварам̣ саяамзва г̇ахзд̇ваа яат̇аад̇хиббзд̇ам̣ маг̇г̇ам̣ бадибаж̇ж̇и.
Bhagavā pana tadā tassa saparissayabhāvaṃ ñatvā tato aññaṃ maggaṃ gantukāmo ‘‘ayaṃ, nāgasamāla, pantho’’ti āha. ‘‘Saparissayo’’ti ca vutte asaddahitvā ‘‘bhagavā na tattha parissayo’’ti vadeyya, tadassa dīgharattaṃ ahitāya dukkhāyāti ‘‘saparissayo’’ti na kathesi. Tikkhattuṃ ‘‘ayaṃ pantho, iminā gacchāmā’’ti vatvā catutthavāre ‘‘na bhagavā iminā maggena gantuṃ icchati, ayameva ca ujumaggo, handāhaṃ bhagavato pattacīvaraṃ datvā iminā maggena gamissāmī’’ti cintetvā satthu pattacīvaraṃ dātuṃ asakkonto bhūmiyaṃ ṭhapetvā paccupaṭṭhitena dukkhasaṃvattanikena kammunā codiyamāno bhagavato vacanaṃ anādiyitvāva pakkāmi. Tena vuttaṃ – ‘‘atha kho āyasmā nāgasamālo bhagavato pattacīvaraṃ tattheva chamāyaṃ nikkhipitvā pakkāmī’’ti. Tattha bhagavato pattacīvaranti attano hatthagataṃ bhagavato pattacīvaraṃ. Tatthevāti tasmiṃyeva magge chamāyaṃ pathaviyaṃ nikkhipitvā pakkāmi. Idaṃ vo bhagavā pattacīvaraṃ, sace icchatha, gaṇhatha, yadi attanā icchitamaggaṃyeva gantukāmatthāti adhippāyo. Bhagavāpi attano pattacīvaraṃ sayameva gahetvā yathādhippetaṃ maggaṃ paṭipajji.
анд̇араамаг̇г̇з жораа нигкамид̇ваад̇и д̇ад̣̇аа гира бан̃жасад̇аа бурисаа луд̣̇д̣̇аа лохид̇абаан̣ино рааж̇аабараад̇хино худ̇ваа аран̃н̃ам̣ бависид̇ваа жоригааяа ж̇ийвигам̣ габбзнд̇аа ‘‘баарибант̇игабхаавзна ран̃н̃о ааяабат̇ам̣ бажчинд̣̇иссаамаа’’д̇и маг̇г̇асамийбз аран̃н̃з д̇идтанд̇и. д̇з т̇зрам̣ д̇зна маг̇г̇зна г̇ажчанд̇ам̣ д̣̇исваа ‘‘аяам̣ саман̣о иминаа маг̇г̇зна ааг̇ажчад̇и, авал̣ан̃ж̇ид̇аб̣б̣ам̣ маг̇г̇ам̣ вал̣ан̃ж̇зд̇и, амхаагам̣ ад̇т̇ибхаавам̣ на ж̇аанаад̇и, ханд̣̇а нам̣ ж̇аанаабзссаамаа’’д̇и гуж̇жхид̇ваа г̇аханадтаанад̇о взг̇зна нигкамид̇ваа сахасаа т̇зрам̣ бхуумияам̣ баад̇зд̇ваа хад̇т̇абаад̣̇зхи годдзд̇ваа мад̇д̇игаабад̇д̇ан̃жасса бхинд̣̇ид̇ваа жийварам̣ кан̣д̣аакан̣д̣игам̣ чинд̣̇ид̇ваа баб̣б̣аж̇ид̇ад̇д̇аа ‘‘д̇ам̣ на ханаама, ид̇о бадтааяа имасса маг̇г̇асса бариссаяабхаавам̣ ж̇аанаахий’’д̇и виссаж̇ж̇зсум̣. д̇зна вуд̇д̇ам̣ – ‘‘ат̇а ко ааяасмад̇о…бз… вибпаалзсу’’нд̇и.
Antarāmagge corā nikkhamitvāti tadā kira pañcasatā purisā luddā lohitapāṇino rājāparādhino hutvā araññaṃ pavisitvā corikāya jīvikaṃ kappentā ‘‘pāripanthikabhāvena rañño āyapathaṃ pacchindissāmā’’ti maggasamīpe araññe tiṭṭhanti. Te theraṃ tena maggena gacchantaṃ disvā ‘‘ayaṃ samaṇo iminā maggena āgacchati, avaḷañjitabbaṃ maggaṃ vaḷañjeti, amhākaṃ atthibhāvaṃ na jānāti, handa naṃ jānāpessāmā’’ti kujjhitvā gahanaṭṭhānato vegena nikkhamitvā sahasā theraṃ bhūmiyaṃ pātetvā hatthapādehi koṭṭetvā mattikāpattañcassa bhinditvā cīvaraṃ khaṇḍākhaṇḍikaṃ chinditvā pabbajitattā ‘‘taṃ na hanāma, ito paṭṭhāya imassa maggassa parissayabhāvaṃ jānāhī’’ti vissajjesuṃ. Tena vuttaṃ – ‘‘atha kho āyasmato…pe… vipphālesu’’nti.
бхаг̇авааби ‘‘аяам̣ д̇зна маг̇г̇зна г̇ад̇о жорзхи б̣аад̇хид̇о мам̣ бариязсид̇ваа ид̣̇аанзва ааг̇амиссад̇ий’’д̇и н̃ад̇ваа т̇огам̣ г̇анд̇ваа маг̇г̇аа оггамма ан̃н̃ад̇арасмим̣ ругкамуулз нисийд̣̇и. ааяасмааби ко нааг̇асамаало бажжааг̇анд̇ваа сад̇т̇аараа г̇ад̇амаг̇г̇амзва г̇ахзд̇ваа г̇ажчанд̇о д̇асмим̣ ругкамуулз бхаг̇аванд̇ам̣ бассид̇ваа убасан̇гамид̇ваа ванд̣̇ид̇ваа д̇ам̣ бавад̇д̇им̣ саб̣б̣ам̣ аарожзси. д̇зна вуд̇д̇ам̣ – ‘‘ат̇а ко ааяасмаа нааг̇асамаало…бз… сан̇гхаадин̃жа вибпаалзсу’’нд̇и.
Bhagavāpi ‘‘ayaṃ tena maggena gato corehi bādhito maṃ pariyesitvā idāneva āgamissatī’’ti ñatvā thokaṃ gantvā maggā okkamma aññatarasmiṃ rukkhamūle nisīdi. Āyasmāpi kho nāgasamālo paccāgantvā satthārā gatamaggameva gahetvā gacchanto tasmiṃ rukkhamūle bhagavantaṃ passitvā upasaṅkamitvā vanditvā taṃ pavattiṃ sabbaṃ ārocesi. Tena vuttaṃ – ‘‘atha kho āyasmā nāgasamālo…pe… saṅghāṭiñca vipphālesu’’nti.
зд̇амад̇т̇ам̣ вид̣̇ид̇ваад̇и зд̇ам̣ ааяасмад̇о нааг̇асамааласса ад̇д̇ано важанам̣ анаад̣̇ияид̇ваа акзманд̇амаг̇г̇аг̇аманам̣, ад̇д̇ано жа кзманд̇амаг̇г̇аг̇аманам̣ вид̣̇ид̇ваа д̇ад̣̇ад̇т̇ад̣̇ийбанам̣ имам̣ уд̣̇аанам̣ уд̣̇аанзси.
Etamatthaṃ viditvāti etaṃ āyasmato nāgasamālassa attano vacanaṃ anādiyitvā akhemantamaggagamanaṃ, attano ca khemantamaggagamanaṃ viditvā tadatthadīpanaṃ imaṃ udānaṃ udānesi.
д̇ад̇т̇а сад̣̇д̇хим̣ жаранд̇и саха жаранд̇о. згад̇о васанд̇и ид̣̇ам̣ д̇ассзва взважанам̣, саха васанд̇од̇и ад̇т̇о . миссо ан̃н̃аж̇анзна взд̣̇аг̇ууд̇и взд̣̇ид̇аб̣б̣адтзна взд̣̇асан̇каад̇зна жад̇усажжаарияамаг̇г̇ан̃аан̣зна г̇ад̇ад̇д̇аа ад̇хиг̇ад̇ад̇д̇аа, взд̣̇асса ваа сагаласса н̃зяяасса баарам̣ г̇ад̇ад̇д̇аа взд̣̇аг̇уу. ад̇д̇ано хид̇аахид̇ам̣ на ж̇аанаад̇ийд̇и ан̃н̃о, авид̣̇ваа б̣аалод̇и ад̇т̇о. д̇зна ан̃н̃зна ж̇анзна миссо сахажаран̣амад̇д̇зна миссо. вид̣̇ваа баж̇ахаад̇и баабаганд̇и д̇зна взд̣̇аг̇уубхаавзна вид̣̇ваа ж̇аананд̇о баабагам̣ абхад̣̇д̣̇агам̣ ад̇д̇ано д̣̇угкаавахам̣ баж̇ахаад̇и, баабагам̣ ваа агаляаан̣абуг̇г̇алам̣ баж̇ахаад̇и. яат̇аа гим̣? гон̃жо кийрабагова ниннаг̇анд̇и яат̇аа гон̃жасагун̣о уд̣̇агамиссид̇з кийрз убанийд̇з винаа д̇ояам̣ кийрамад̇д̇ассзва биванад̇о кийрабаго ниннадтаанаг̇аманзна ниннаг̇асан̇каад̇ам̣ уд̣̇агам̣ баж̇ахаад̇и важ̇ж̇зд̇и, звам̣ бан̣д̣ид̇о гира д̣̇уббан̃н̃абуг̇г̇алзхи таананисаж̇ж̇аад̣̇ийсу сахабхууд̇оби аажаарзна д̇з баж̇ахаад̇и, на гад̣̇аажиби саммиссо ход̇и.
Tattha saddhiṃ caranti saha caranto. Ekato vasanti idaṃ tasseva vevacanaṃ, saha vasantoti attho . Misso aññajanena vedagūti veditabbaṭṭhena vedasaṅkhātena catusaccaariyamaggañāṇena gatattā adhigatattā, vedassa vā sakalassa ñeyyassa pāraṃ gatattā vedagū. Attano hitāhitaṃ na jānātīti añño, avidvā bāloti attho. Tena aññena janena misso sahacaraṇamattena misso. Vidvā pajahāti pāpakanti tena vedagūbhāvena vidvā jānanto pāpakaṃ abhaddakaṃ attano dukkhāvahaṃ pajahāti, pāpakaṃ vā akalyāṇapuggalaṃ pajahāti. Yathā kiṃ? Koñco khīrapakova ninnaganti yathā koñcasakuṇo udakamissite khīre upanīte vinā toyaṃ khīramattasseva pivanato khīrapako ninnaṭṭhānagamanena ninnagasaṅkhātaṃ udakaṃ pajahāti vajjeti, evaṃ paṇḍito kira duppaññapuggalehi ṭhānanisajjādīsu sahabhūtopi ācārena te pajahāti, na kadācipi sammisso hoti.
сад̇д̇амасуд̇д̇аван̣н̣анаа нидтид̇аа.
Sattamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 7. д̣̇вид̇хаабат̇асуд̇д̇ам̣ • 7. Dvidhāpathasuttaṃ
