| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
6. த்³வீஹி ஸீலேஹீதிகதா²வண்ணனா
6. Dvīhi sīlehītikathāvaṇṇanā
587-589. இதா³னி த்³வீஹி ஸீலேஹீதிகதா² நாம ஹோதி. தத்த² ‘‘ஸீலே பதிட்டா²ய நரோ ஸபஞ்ஞோ’’திஆதி³வசனதோ (ஸங்॰ நி॰ 1.23) யஸ்மா லோகியேன ஸீலேன ஸீலவா லோகுத்தரங் மக்³க³ங் பா⁴வேதி, தஸ்மா ‘‘புரிமேன ச லோகியேன மக்³க³க்க²ணே லோகுத்தரேன சாதி த்³வீஹி ஸீலேஹி ஸமன்னாக³தோ நாம ஹோதீ’’தி யேஸங் லத்³தி⁴, ஸெய்யதா²பி மஹாஸங்கி⁴கானங்யேவ, தே ஸந்தா⁴ய மக்³க³ஸமங்கீ³தி புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ‘‘யதி³ ஸோ ஏகக்க²ணே லோகியலோகுத்தரேஹி த்³வீஹி ஸீலேஹி ஸமன்னாக³தோ, த்³வீஹி ப²ஸ்ஸாதீ³ஹிபி தேன ஸமன்னாக³தேன ப⁴விதப்³ப³’’ந்தி சோதே³துங் த்³வீஹி ப²ஸ்ஸேஹீதிஆதி³மாஹ. இதரோ ததா²ரூபங் நயங் அபஸ்ஸந்தோ படிக்கி²பதி. லோகியேன ச லோகுத்தரேன சாதி பஞ்ஹே புப்³பே³ ஸமாதி³ன்னஞ்ச மக்³க³க்க²ணே உப்பன்னஸம்மாவாசாதீ³னி ச ஸந்தா⁴ய படிஜானாதி.
587-589. Idāni dvīhi sīlehītikathā nāma hoti. Tattha ‘‘sīle patiṭṭhāya naro sapañño’’tiādivacanato (saṃ. ni. 1.23) yasmā lokiyena sīlena sīlavā lokuttaraṃ maggaṃ bhāveti, tasmā ‘‘purimena ca lokiyena maggakkhaṇe lokuttarena cāti dvīhi sīlehi samannāgato nāma hotī’’ti yesaṃ laddhi, seyyathāpi mahāsaṃghikānaṃyeva, te sandhāya maggasamaṅgīti pucchā sakavādissa, paṭiññā itarassa. Atha naṃ ‘‘yadi so ekakkhaṇe lokiyalokuttarehi dvīhi sīlehi samannāgato, dvīhi phassādīhipi tena samannāgatena bhavitabba’’nti codetuṃ dvīhi phassehītiādimāha. Itaro tathārūpaṃ nayaṃ apassanto paṭikkhipati. Lokiyena ca lokuttarena cāti pañhe pubbe samādinnañca maggakkhaṇe uppannasammāvācādīni ca sandhāya paṭijānāti.
லோகியே ஸீலே நிருத்³தே⁴தி புச்சா² பரவாதி³ஸ்ஸ, க²ணப⁴ங்க³னிரோத⁴ங் ஸந்தா⁴ய படிஞ்ஞா ஸகவாதி³ஸ்ஸ. இதரோ பன தங் வீதிக்கமங் விய ஸல்லக்கெ²ந்தோ து³ஸ்ஸீலோதிஆதி³மாஹ. லத்³தி⁴பதிட்டா²பனங் பனஸ்ஸ புப்³பே³ அபி⁴ன்னஸீலதங்யேவ தீ³பேதி, ந த்³வீஹி ஸமன்னாக³ததங். தஸ்மா அப்பதிட்டி²தாவ லத்³தீ⁴தி.
Lokiye sīle niruddheti pucchā paravādissa, khaṇabhaṅganirodhaṃ sandhāya paṭiññā sakavādissa. Itaro pana taṃ vītikkamaṃ viya sallakkhento dussīlotiādimāha. Laddhipatiṭṭhāpanaṃ panassa pubbe abhinnasīlataṃyeva dīpeti, na dvīhi samannāgatataṃ. Tasmā appatiṭṭhitāva laddhīti.
த்³வீஹி ஸீலேஹீதிகதா²வண்ணனா.
Dvīhi sīlehītikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (100) 6. த்³வீஹிஸீலேஹிகதா² • (100) 6. Dvīhisīlehikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 6. த்³வீஹிஸீலேஹீதிகதா²வண்ணனா • 6. Dvīhisīlehītikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 6. த்³வீஹிஸீலேஹீதிகதா²வண்ணனா • 6. Dvīhisīlehītikathāvaṇṇanā
