| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
6. д̣̇вийхи сийлзхийд̇игат̇ааван̣н̣анаа
6. Dvīhi sīlehītikathāvaṇṇanā
587-589. ид̣̇аани д̣̇вийхи сийлзхийд̇игат̇аа наама ход̇и. д̇ад̇т̇а ‘‘сийлз бад̇идтааяа наро сабан̃н̃о’’д̇иаад̣̇иважанад̇о (сам̣. ни. 1.23) яасмаа логиязна сийлзна сийлаваа логуд̇д̇арам̣ маг̇г̇ам̣ бхаавзд̇и, д̇асмаа ‘‘буримзна жа логиязна маг̇г̇агкан̣з логуд̇д̇арзна жаад̇и д̣̇вийхи сийлзхи саманнааг̇ад̇о наама ход̇ий’’д̇и язсам̣ лад̣̇д̇хи, сзяяат̇ааби махаасам̣гхигаанам̣язва, д̇з санд̇хааяа маг̇г̇асаман̇г̇ийд̇и бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘яад̣̇и со згагкан̣з логияалогуд̇д̇арзхи д̣̇вийхи сийлзхи саманнааг̇ад̇о, д̣̇вийхи пассаад̣̇ийхиби д̇зна саманнааг̇ад̇зна бхавид̇аб̣б̣а’’нд̇и жод̣̇зд̇ум̣ д̣̇вийхи пассзхийд̇иаад̣̇имааха. ид̇аро д̇ат̇ааруубам̣ наяам̣ абассанд̇о бадигкибад̇и. логиязна жа логуд̇д̇арзна жаад̇и бан̃хз буб̣б̣з самаад̣̇иннан̃жа маг̇г̇агкан̣з уббаннасаммааваажаад̣̇ийни жа санд̇хааяа бадиж̇аанаад̇и.
587-589. Idāni dvīhi sīlehītikathā nāma hoti. Tattha ‘‘sīle patiṭṭhāya naro sapañño’’tiādivacanato (saṃ. ni. 1.23) yasmā lokiyena sīlena sīlavā lokuttaraṃ maggaṃ bhāveti, tasmā ‘‘purimena ca lokiyena maggakkhaṇe lokuttarena cāti dvīhi sīlehi samannāgato nāma hotī’’ti yesaṃ laddhi, seyyathāpi mahāsaṃghikānaṃyeva, te sandhāya maggasamaṅgīti pucchā sakavādissa, paṭiññā itarassa. Atha naṃ ‘‘yadi so ekakkhaṇe lokiyalokuttarehi dvīhi sīlehi samannāgato, dvīhi phassādīhipi tena samannāgatena bhavitabba’’nti codetuṃ dvīhi phassehītiādimāha. Itaro tathārūpaṃ nayaṃ apassanto paṭikkhipati. Lokiyena ca lokuttarena cāti pañhe pubbe samādinnañca maggakkhaṇe uppannasammāvācādīni ca sandhāya paṭijānāti.
логияз сийлз нируд̣̇д̇хзд̇и бужчаа бараваад̣̇исса, кан̣абхан̇г̇анирод̇хам̣ санд̇хааяа бадин̃н̃аа сагаваад̣̇исса. ид̇аро бана д̇ам̣ вийд̇иггамам̣ вияа саллагкзнд̇о д̣̇уссийлод̇иаад̣̇имааха. лад̣̇д̇хибад̇идтаабанам̣ банасса буб̣б̣з абхиннасийлад̇ам̣язва д̣̇ийбзд̇и, на д̣̇вийхи саманнааг̇ад̇ад̇ам̣. д̇асмаа аббад̇идтид̇аава лад̣̇д̇хийд̇и.
Lokiye sīle niruddheti pucchā paravādissa, khaṇabhaṅganirodhaṃ sandhāya paṭiññā sakavādissa. Itaro pana taṃ vītikkamaṃ viya sallakkhento dussīlotiādimāha. Laddhipatiṭṭhāpanaṃ panassa pubbe abhinnasīlataṃyeva dīpeti, na dvīhi samannāgatataṃ. Tasmā appatiṭṭhitāva laddhīti.
д̣̇вийхи сийлзхийд̇игат̇ааван̣н̣анаа.
Dvīhi sīlehītikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (100) 6. д̣̇вийхисийлзхигат̇аа • (100) 6. Dvīhisīlehikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 6. д̣̇вийхисийлзхийд̇игат̇ааван̣н̣анаа • 6. Dvīhisīlehītikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 6. д̣̇вийхисийлзхийд̇игат̇ааван̣н̣анаа • 6. Dvīhisīlehītikathāvaṇṇanā
