| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
៦. ទ្វីហិ សីលេហីតិកថាវណ្ណនា
6. Dvīhi sīlehītikathāvaṇṇanā
៥៨៧-៥៨៩. ឥទានិ ទ្វីហិ សីលេហីតិកថា នាម ហោតិ។ តត្ថ ‘‘សីលេ បតិដ្ឋាយ នរោ សបញ្ញោ’’តិអាទិវចនតោ (សំ. និ. ១.២៣) យស្មា លោកិយេន សីលេន សីលវា លោកុត្តរំ មគ្គំ ភាវេតិ, តស្មា ‘‘បុរិមេន ច លោកិយេន មគ្គក្ខណេ លោកុត្តរេន ចាតិ ទ្វីហិ សីលេហិ សមន្នាគតោ នាម ហោតី’’តិ យេសំ លទ្ធិ, សេយ្យថាបិ មហាសំឃិកានំយេវ, តេ សន្ធាយ មគ្គសមង្គីតិ បុច្ឆា សកវាទិស្ស, បដិញ្ញា ឥតរស្ស។ អថ នំ ‘‘យទិ សោ ឯកក្ខណេ លោកិយលោកុត្តរេហិ ទ្វីហិ សីលេហិ សមន្នាគតោ, ទ្វីហិ ផស្សាទីហិបិ តេន សមន្នាគតេន ភវិតព្ព’’ន្តិ ចោទេតុំ ទ្វីហិ ផស្សេហីតិអាទិមាហ។ ឥតរោ តថារូបំ នយំ អបស្សន្តោ បដិក្ខិបតិ។ លោកិយេន ច លោកុត្តរេន ចាតិ បញ្ហេ បុព្ពេ សមាទិន្នញ្ច មគ្គក្ខណេ ឧប្បន្នសម្មាវាចាទីនិ ច សន្ធាយ បដិជានាតិ។
587-589. Idāni dvīhi sīlehītikathā nāma hoti. Tattha ‘‘sīle patiṭṭhāya naro sapañño’’tiādivacanato (saṃ. ni. 1.23) yasmā lokiyena sīlena sīlavā lokuttaraṃ maggaṃ bhāveti, tasmā ‘‘purimena ca lokiyena maggakkhaṇe lokuttarena cāti dvīhi sīlehi samannāgato nāma hotī’’ti yesaṃ laddhi, seyyathāpi mahāsaṃghikānaṃyeva, te sandhāya maggasamaṅgīti pucchā sakavādissa, paṭiññā itarassa. Atha naṃ ‘‘yadi so ekakkhaṇe lokiyalokuttarehi dvīhi sīlehi samannāgato, dvīhi phassādīhipi tena samannāgatena bhavitabba’’nti codetuṃ dvīhi phassehītiādimāha. Itaro tathārūpaṃ nayaṃ apassanto paṭikkhipati. Lokiyena ca lokuttarena cāti pañhe pubbe samādinnañca maggakkhaṇe uppannasammāvācādīni ca sandhāya paṭijānāti.
លោកិយេ សីលេ និរុទ្ធេតិ បុច្ឆា បរវាទិស្ស, ខណភង្គនិរោធំ សន្ធាយ បដិញ្ញា សកវាទិស្ស។ ឥតរោ បន តំ វីតិក្កមំ វិយ សល្លក្ខេន្តោ ទុស្សីលោតិអាទិមាហ។ លទ្ធិបតិដ្ឋាបនំ បនស្ស បុព្ពេ អភិន្នសីលតំយេវ ទីបេតិ, ន ទ្វីហិ សមន្នាគតតំ។ តស្មា អប្បតិដ្ឋិតាវ លទ្ធីតិ។
Lokiye sīle niruddheti pucchā paravādissa, khaṇabhaṅganirodhaṃ sandhāya paṭiññā sakavādissa. Itaro pana taṃ vītikkamaṃ viya sallakkhento dussīlotiādimāha. Laddhipatiṭṭhāpanaṃ panassa pubbe abhinnasīlataṃyeva dīpeti, na dvīhi samannāgatataṃ. Tasmā appatiṭṭhitāva laddhīti.
ទ្វីហិ សីលេហីតិកថាវណ្ណនា។
Dvīhi sīlehītikathāvaṇṇanā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១០០) ៦. ទ្វីហិសីលេហិកថា • (100) 6. Dvīhisīlehikathā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ៦. ទ្វីហិសីលេហីតិកថាវណ្ណនា • 6. Dvīhisīlehītikathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ៦. ទ្វីហិសីលេហីតិកថាវណ្ណនា • 6. Dvīhisīlehītikathāvaṇṇanā
