| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༦. དྭཱིཧི སཱིལེཧཱིཏིཀཐཱཝཎྞནཱ
6. Dvīhi sīlehītikathāvaṇṇanā
༥༨༧-༥༨༩. ཨིདཱནི དྭཱིཧི སཱིལེཧཱིཏིཀཐཱ ནཱམ ཧོཏི། ཏཏྠ ‘‘སཱིལེ པཏིཊྛཱཡ ནརོ སཔཉྙོ’’ཏིཨཱདིཝཙནཏོ (སཾ॰ ནི॰ ༡.༢༣) ཡསྨཱ ལོཀིཡེན སཱིལེན སཱིལཝཱ ལོཀུཏྟརཾ མགྒཾ བྷཱཝེཏི, ཏསྨཱ ‘‘པུརིམེན ཙ ལོཀིཡེན མགྒཀྑཎེ ལོཀུཏྟརེན ཙཱཏི དྭཱིཧི སཱིལེཧི སམནྣཱགཏོ ནཱམ ཧོཏཱི’’ཏི ཡེསཾ ལདྡྷི, སེཡྻཐཱཔི མཧཱསཾགྷིཀཱནཾཡེཝ, ཏེ སནྡྷཱཡ མགྒསམངྒཱིཏི པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཐ ནཾ ‘‘ཡདི སོ ཨེཀཀྑཎེ ལོཀིཡལོཀུཏྟརེཧི དྭཱིཧི སཱིལེཧི སམནྣཱགཏོ, དྭཱིཧི ཕསྶཱདཱིཧིཔི ཏེན སམནྣཱགཏེན བྷཝིཏབྦ’’ནྟི ཙོདེཏུཾ དྭཱིཧི ཕསྶེཧཱིཏིཨཱདིམཱཧ། ཨིཏརོ ཏཐཱརཱུཔཾ ནཡཾ ཨཔསྶནྟོ པཊིཀྑིཔཏི། ལོཀིཡེན ཙ ལོཀུཏྟརེན ཙཱཏི པཉྷེ པུབྦེ སམཱདིནྣཉྩ མགྒཀྑཎེ ཨུཔྤནྣསམྨཱཝཱཙཱདཱིནི ཙ སནྡྷཱཡ པཊིཛཱནཱཏི།
587-589. Idāni dvīhi sīlehītikathā nāma hoti. Tattha ‘‘sīle patiṭṭhāya naro sapañño’’tiādivacanato (saṃ. ni. 1.23) yasmā lokiyena sīlena sīlavā lokuttaraṃ maggaṃ bhāveti, tasmā ‘‘purimena ca lokiyena maggakkhaṇe lokuttarena cāti dvīhi sīlehi samannāgato nāma hotī’’ti yesaṃ laddhi, seyyathāpi mahāsaṃghikānaṃyeva, te sandhāya maggasamaṅgīti pucchā sakavādissa, paṭiññā itarassa. Atha naṃ ‘‘yadi so ekakkhaṇe lokiyalokuttarehi dvīhi sīlehi samannāgato, dvīhi phassādīhipi tena samannāgatena bhavitabba’’nti codetuṃ dvīhi phassehītiādimāha. Itaro tathārūpaṃ nayaṃ apassanto paṭikkhipati. Lokiyena ca lokuttarena cāti pañhe pubbe samādinnañca maggakkhaṇe uppannasammāvācādīni ca sandhāya paṭijānāti.
ལོཀིཡེ སཱིལེ ནིརུདྡྷེཏི པུཙྪཱ པརཝཱདིསྶ, ཁཎབྷངྒནིརོདྷཾ སནྡྷཱཡ པཊིཉྙཱ སཀཝཱདིསྶ། ཨིཏརོ པན ཏཾ ཝཱིཏིཀྐམཾ ཝིཡ སལླཀྑེནྟོ དུསྶཱིལོཏིཨཱདིམཱཧ། ལདྡྷིཔཏིཊྛཱཔནཾ པནསྶ པུབྦེ ཨབྷིནྣསཱིལཏཾཡེཝ དཱིཔེཏི, ན དྭཱིཧི སམནྣཱགཏཏཾ། ཏསྨཱ ཨཔྤཏིཊྛིཏཱཝ ལདྡྷཱིཏི།
Lokiye sīle niruddheti pucchā paravādissa, khaṇabhaṅganirodhaṃ sandhāya paṭiññā sakavādissa. Itaro pana taṃ vītikkamaṃ viya sallakkhento dussīlotiādimāha. Laddhipatiṭṭhāpanaṃ panassa pubbe abhinnasīlataṃyeva dīpeti, na dvīhi samannāgatataṃ. Tasmā appatiṭṭhitāva laddhīti.
དྭཱིཧི སཱིལེཧཱིཏིཀཐཱཝཎྞནཱ།
Dvīhi sīlehītikathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༠༠) ༦. དྭཱིཧིསཱིལེཧིཀཐཱ • (100) 6. Dvīhisīlehikathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༦. དྭཱིཧིསཱིལེཧཱིཏིཀཐཱཝཎྞནཱ • 6. Dvīhisīlehītikathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༦. དྭཱིཧིསཱིལེཧཱིཏིཀཐཱཝཎྞནཱ • 6. Dvīhisīlehītikathāvaṇṇanā
