| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
5. д̣̇виннам̣ логуббаннаанам̣ самагабхаавабан̃хо
5. Dvinnaṃ lokuppannānaṃ samakabhāvapañho
5. рааж̇аа ааха ‘‘бханд̇з нааг̇асзна, яо ид̇ха гаалан̇гад̇о б̣рахмалогз уббаж̇ж̇зяяа, яо жа ид̇ха гаалан̇гад̇о гасмийрз уббаж̇ж̇зяяа, го жирад̇арам̣ го сийгхад̇ара’’нд̇и? ‘‘самагам̣, махаарааж̇аа’’д̇и.
5. Rājā āha ‘‘bhante nāgasena, yo idha kālaṅkato brahmaloke uppajjeyya, yo ca idha kālaṅkato kasmīre uppajjeyya, ko cirataraṃ ko sīghatara’’nti? ‘‘Samakaṃ, mahārājā’’ti.
‘‘обаммам̣ гарохий’’д̇и. ‘‘гухим̣ бана, махаарааж̇а, д̇ава ж̇аад̇анаг̇ара’’нд̇и? ‘‘ад̇т̇и, бханд̇з, галасиг̇аамо наама, д̇ад̇т̇аахам̣ ж̇аад̇о’’д̇и. ‘‘гийва д̣̇ууро, махаарааж̇а, ид̇о галасиг̇аамо ход̇ий’’д̇и. ‘‘д̣̇вимад̇д̇аани, бханд̇з, яож̇анасад̇ааний’’д̇и. ‘‘гийва д̣̇уурам̣, махаарааж̇а, ид̇о гасмийрам̣ ход̇ий’’д̇и? ‘‘д̣̇ваад̣̇аса, бханд̇з, яож̇анааний’’д̇и. ‘‘ин̇гха, д̇вам̣ махаарааж̇а, галасиг̇аамам̣ жинд̇зхий’’д̇и. ‘‘жинд̇ид̇о, бханд̇з’’д̇и. ‘‘ин̇гха, д̇вам̣ махаарааж̇а, гасмийрам̣ жинд̇зхий’’д̇и. ‘‘жинд̇ид̇ам̣ бханд̇з’’д̇и. ‘‘гад̇амам̣ ну ко, махаарааж̇а, жирзна жинд̇ид̇ам̣, гад̇амам̣ сийгхад̇ара’’нд̇и? ‘‘самагам̣ бханд̇з’’д̇и. ‘‘звамзва ко, махаарааж̇а, яо ид̇ха гаалан̇гад̇о б̣рахмалогз уббаж̇ж̇зяяа, яо жа ид̇ха гаалан̇гад̇о гасмийрз уббаж̇ж̇зяяа, самагам̣ язва уббаж̇ж̇анд̇ий’’д̇и.
‘‘Opammaṃ karohī’’ti. ‘‘Kuhiṃ pana, mahārāja, tava jātanagara’’nti? ‘‘Atthi, bhante, kalasigāmo nāma, tatthāhaṃ jāto’’ti. ‘‘Kīva dūro, mahārāja, ito kalasigāmo hotī’’ti. ‘‘Dvimattāni, bhante, yojanasatānī’’ti. ‘‘Kīva dūraṃ, mahārāja, ito kasmīraṃ hotī’’ti? ‘‘Dvādasa, bhante, yojanānī’’ti. ‘‘Iṅgha, tvaṃ mahārāja, kalasigāmaṃ cintehī’’ti. ‘‘Cintito, bhante’’ti. ‘‘Iṅgha, tvaṃ mahārāja, kasmīraṃ cintehī’’ti. ‘‘Cintitaṃ bhante’’ti. ‘‘Katamaṃ nu kho, mahārāja, cirena cintitaṃ, katamaṃ sīghatara’’nti? ‘‘Samakaṃ bhante’’ti. ‘‘Evameva kho, mahārāja, yo idha kālaṅkato brahmaloke uppajjeyya, yo ca idha kālaṅkato kasmīre uppajjeyya, samakaṃ yeva uppajjantī’’ti.
‘‘бхияяо обаммам̣ гарохий’’д̇и. ‘‘д̇ам̣ гим̣ ман̃н̃аси, махаарааж̇а, д̣̇вз сагун̣аа аагаасзна г̇ажчзяяум̣ , д̇зсу зго ужжз ругкз нисийд̣̇зяяа, зго нийжз ругкз нисийд̣̇зяяа, д̇зсам̣ самагам̣ бад̇идтид̇аанам̣ гад̇амасса чааяаа батамад̇арам̣ бат̇авияам̣ бад̇идтахзяяа, гад̇амасса чааяаа жирзна бат̇авияам̣ бад̇идтахзяяаа’’д̇и? ‘‘самагам̣, бханд̇з’’д̇и. ‘‘звамзва ко, махаарааж̇а, яо ид̇ха гаалан̇гад̇о б̣рахмалогз уббаж̇ж̇зяяа, яо жа ид̇ха гаалан̇гад̇о гасмийрз уббаж̇ж̇зяяа, самагам̣ язва уббаж̇ж̇анд̇ий’’д̇и.
‘‘Bhiyyo opammaṃ karohī’’ti. ‘‘Taṃ kiṃ maññasi, mahārāja, dve sakuṇā ākāsena gaccheyyuṃ , tesu eko ucce rukkhe nisīdeyya, eko nīce rukkhe nisīdeyya, tesaṃ samakaṃ patiṭṭhitānaṃ katamassa chāyā paṭhamataraṃ pathaviyaṃ patiṭṭhaheyya, katamassa chāyā cirena pathaviyaṃ patiṭṭhaheyyā’’ti? ‘‘Samakaṃ, bhante’’ti. ‘‘Evameva kho, mahārāja, yo idha kālaṅkato brahmaloke uppajjeyya, yo ca idha kālaṅkato kasmīre uppajjeyya, samakaṃ yeva uppajjantī’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
д̣̇виннам̣ логуббаннаанам̣ самагабхаавабан̃хо бан̃жамо.
Dvinnaṃ lokuppannānaṃ samakabhāvapañho pañcamo.
