| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၄. ဧကဗီဇီသုတ္တံ
4. Ekabījīsuttaṃ
၄၉၄. ‘‘ပဉ္စိမာနိ, ဘိက္ခဝေ, ဣန္ဒ္ရိယာနိ။ ကတမာနိ ပဉ္စ? သဒ္ဓိန္ဒ္ရိယံ။ပေ.။ ပညိန္ဒ္ရိယံ – ဣမာနိ ခော, ဘိက္ခဝေ, ပဉ္စိန္ဒ္ရိယာနိ။ ဣမေသံ ခော, ဘိက္ခဝေ, ပဉ္စန္နံ ဣန္ဒ္ရိယာနံ သမတ္တာ ပရိပူရတ္တာ အရဟံ ဟောတိ, တတော မုဒုတရေဟိ အန္တရာပရိနိဗ္ဗာယီ ဟောတိ, တတော မုဒုတရေဟိ ဥပဟစ္စပရိနိဗ္ဗာယီ ဟောတိ, တတော မုဒုတရေဟိ အသင္ခာရပရိနိဗ္ဗာယီ ဟောတိ, တတော မုဒုတရေဟိ သသင္ခာရပရိနိဗ္ဗာယီ ဟောတိ, တတော မုဒုတရေဟိ ဥဒ္ဓံသောတော ဟောတိ အကနိဋ္ဌဂာမီ, တတော မုဒုတရေဟိ သကဒာဂာမီ ဟောတိ, တတော မုဒုတရေဟိ ဧကဗီဇီ 1 ဟောတိ, တတော မုဒုတရေဟိ ကောလံကောလော ဟောတိ, တတော မုဒုတရေဟိ သတ္တက္ခတ္တုပရမော ဟောတိ, တတော မုဒုတရေဟိ ဓမ္မာနုသာရီ ဟောတိ, တတော မုဒုတရေဟိ သဒ္ဓာနုသာရီ ဟောတီ’’တိ။ စတုတ္ထံ။
494. ‘‘Pañcimāni, bhikkhave, indriyāni. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahaṃ hoti, tato mudutarehi antarāparinibbāyī hoti, tato mudutarehi upahaccaparinibbāyī hoti, tato mudutarehi asaṅkhāraparinibbāyī hoti, tato mudutarehi sasaṅkhāraparinibbāyī hoti, tato mudutarehi uddhaṃsoto hoti akaniṭṭhagāmī, tato mudutarehi sakadāgāmī hoti, tato mudutarehi ekabījī 2 hoti, tato mudutarehi kolaṃkolo hoti, tato mudutarehi sattakkhattuparamo hoti, tato mudutarehi dhammānusārī hoti, tato mudutarehi saddhānusārī hotī’’ti. Catutthaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. ဧကဗီဇီသုတ္တဝဏ္ဏနာ • 4. Ekabījīsuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄. ဧကဗီဇိသုတ္တဝဏ္ဏနာ • 4. Ekabījisuttavaṇṇanā
