| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
4. එකබීජීසුත්‌තං
4. Ekabījīsuttaṃ
494. ‘‘පඤ්‌චිමානි, භික්‌ඛවෙ, ඉන්‌ද්‍රියානි. කතමානි පඤ්‌ච? සද්‌ධින්‌ද්‍රියං…පෙ.… පඤ්‌ඤින්‌ද්‍රියං – ඉමානි ඛො, භික්‌ඛවෙ, පඤ්‌චින්‌ද්‍රියානි. ඉමෙසං ඛො, භික්‌ඛවෙ, පඤ්‌චන්‌නං ඉන්‌ද්‍රියානං සමත්‌තා පරිපූරත්‌තා අරහං හොති, තතො මුදුතරෙහි අන්‌තරාපරිනිබ්‌බායී හොති, තතො මුදුතරෙහි උපහච්‌චපරිනිබ්‌බායී හොති, තතො මුදුතරෙහි අසඞ්‌ඛාරපරිනිබ්‌බායී හොති, තතො මුදුතරෙහි සසඞ්‌ඛාරපරිනිබ්‌බායී හොති, තතො මුදුතරෙහි උද්‌ධංසොතො හොති අකනිට්‌ඨගාමී, තතො මුදුතරෙහි සකදාගාමී හොති, තතො මුදුතරෙහි එකබීජී 1 හොති, තතො මුදුතරෙහි කොලංකොලො හොති, තතො මුදුතරෙහි සත්‌තක්‌ඛත්‌තුපරමො හොති, තතො මුදුතරෙහි ධම්‌මානුසාරී හොති, තතො මුදුතරෙහි සද්‌ධානුසාරී හොතී’’ති. චතුත්‌ථං.
494. ‘‘Pañcimāni, bhikkhave, indriyāni. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahaṃ hoti, tato mudutarehi antarāparinibbāyī hoti, tato mudutarehi upahaccaparinibbāyī hoti, tato mudutarehi asaṅkhāraparinibbāyī hoti, tato mudutarehi sasaṅkhāraparinibbāyī hoti, tato mudutarehi uddhaṃsoto hoti akaniṭṭhagāmī, tato mudutarehi sakadāgāmī hoti, tato mudutarehi ekabījī 2 hoti, tato mudutarehi kolaṃkolo hoti, tato mudutarehi sattakkhattuparamo hoti, tato mudutarehi dhammānusārī hoti, tato mudutarehi saddhānusārī hotī’’ti. Catutthaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 4. එකබීජීසුත්‌තවණ්‌ණනා • 4. Ekabījīsuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. එකබීජිසුත්‌තවණ්‌ණනා • 4. Ekabījisuttavaṇṇanā
